Fréttablaðið - 22.10.2004, Síða 4

4 22. október 2004 FÖSTUDAGUR
STJÓRNMÁL Framtíðarhópur Sam-
fylkingarinnar bjóst við því að
tekist yrði á um tillögur vinnu-
hóps um varnarmál þegar
áfangaskýrsla var kynnt á
flokksstjórnarfundi um síðustu
helgi. „Það má kannski segja að
við séum búin að losa okkur við
fortíðardrauga og getum nú
horfst í augu við framtíðina“
sagði Þorbjörn Guðmundsson,
formaður Samiðnaðar. Framtíð-
arhópur Samfylkingarinnar
kynnti umræðuplögg um fram-
tíðarstefnu flokksins á blaða-
mannafundi í gær. Þau verða
rædd og kynnt allt fram á næsta
landsfund haustið 2005.
Ingibjörg Sólrún Gísladóttir,
varaformaður og oddviti hóps-
ins segir að það sé nýlunda hjá
stjórnmálaflokki hvernig staðið
sé að stefnumótun til dæmis
með því að kalla til sérfræðinga
og kynna starfið á fundum og á
netinu á löngum tíma. „Sums
staðar er það bara yfirstjórn
sem mótar stefnuna og allir eiga
að ganga í takt við hana án þess
að eiga eitthvað í henni.“
- ás
Áfengisneysla:
Eykst mest
á Íslandi
ALÞINGI Áfengisneysla Íslendinga
hefur aukist verulega umfram
það sem gerst hefur annars stað-
ar á Norðurlöndum, að því er
fram kom í svari Jóns Kristjáns-
sonar heilbrigðisráðherra við
fyrirspurn Marðar Árnasonar,
þingmanns Samfylkingarinnar.
Að sögn Jóns hefur áfengis-
neysla talin í alkóhóllítrum auk-
ist um 37 prósent á Íslandi á liðn-
um árum en um ellefu prósent í
Svíþjóð og 23 prósent í Noregi á
sama tímabili. Tilefni fyrirspurn-
arinnar var afstaða ráðherra til
áfengisauglýsinga.
- sda
ELDISKVÍ
Búist er við að framleiðsla á eldisþorski
sexfaldist á næstu tveimur árum.
Skýrsla um fiskeldi:
Þorskeldi
margfaldast
FISKELDI Framleidd voru sex þús-
und tonn af eldisfiski í fyrra. Sam-
kvæmt nýrri skýrslu um stöðu og
framtíðaráform í íslensku fiskeldi
er gert ráð fyrir að framleiðslan
verði fimmtán þúsund tonn árið
2006.
Í skýrslunni kemur meðal ann-
ars fram að búist er við því að
þorskeldi aukist verulega á næstu
árum. Í fyrra voru framleidd 400
tonn af þorski en gert er ráð fyrir
því að framleiðslan verði komin í
2.500 tonn eftir tvö ár. Í skýrsl-
unni er ferli leyfisveitinga til fisk-
eldis gagnrýnt. Nokkrar fiskeldis-
stöðvar eru ekki með starfsleyfi
og meirihluti þeirra eru ekki með
tilskilin rekstrarleyfi.
-th
Ætti að fækka ráðuneytum?
Spurning dagsins í dag:
Ætti að binda enda á verkfall kennara
með lagasetningu?
Niðurstöður gærdagsins
á visir.is
19%
81%
Nei
Já
KJÖRKASSINN
Farðu inn á fréttahluta visir.is
og segðu þína skoðun
AFBROTUM EKKI FJÖLGAÐ Ekki
hefur orðið vart við aukinn stuld
í verslunum þrátt fyrir mikla að-
sókn grunnskólabarna í verslun-
armiðstöðvar í verkfalli kenn-
ara. Lögreglan í Reykjavík segir
málum af völdum grunnskóla-
nema ekki hafa fjölgað í verk-
fallstíðinni.
Framtíðarhópur Samfylkingar:
Bjuggust við deilum um varnarmál
INGIBJÖRG SÓLRÚN
Nýlunda hvernig staðið er að
stefnumótun Samfylkingarinnar
STJÓRNMÁL 4.600 lagagerðir Evr-
ópusambandsins höfðu tekið
gildi á Íslandi um síðustu áramót
frá því að samningurinn um evr-
ópska efnahagssvæðið, EES, tók
gildi. Tíu ára afmælis samnings-
ins er minnst um þessar mundir.
Eiríkur Bergmann Einarsson,
sérfræðingur í Evrópumálum,
segir að enginn Íslendingur hafi
komið að þessari lagasetningu:
„Það er ekkert lýðræðislegt að-
hald að þessari lagasetningu
hvorki frá íslenskum stjórnmála-
mönnum né kjósendum. Ég tel að
EES-samningurinn sé einn ólýð-
ræðislegasti alþjóðasamningur
sem um getur. Ég þekki engin
önnur ríki í heiminum sem fá lög
í pósti frá Brussel.“
Hugmyndin um EES-samn-
inginn fæddist fyrir hrun Sovét-
ríkjanna 1991og gerði ráð fyrir
að ESB og EFTA væru tvær
jafngildar stoðir. Síðan breyttist
heimsmyndin og fjöldi EFTA-
ríkja sagði skilið við félagsskap-
inn og gekk í ESB. „EFTA-ríkin
hafa í raun ekki haft neitt um
lagasetningu ESB að segja,“ seg-
ir Eiríkur Bergmann.
Hann telur að ekki hafi verið
hægt að sjá þessa þróun fyrir í
upphafi en í raun hafi hún graf-
ið undan gildi samningsins. „Í
raun er meira valdaafsal falið í
EES en í aðild að Evrópusam-
bandinu.“
Upphaflega tóku Íslendingar
1.500 lagagerðir upp í sín lög
þegar Ísland varð hluti af
svokölluðum „innri markaði“
ESB með stofnun EES. Alls
höfðu 4.600 lagagerðir, og er þá
átt við tilskipanir og reglugerðir
Evrópusambandsins, ratað inn í
íslensk lög í árslok 2003. Sumar
lagagerðanna eru tímabundnar
og hafa fallið úr gildi en reiknað
er með að nærri 4.000 séu enn í
gildi. Þessar tölur er að finna í
fyrirlestri sem Eiríkur Berg-
mann heldur í dag á ráðstefnu
um rannsóknir í félagsvísindum
í Háskóla Íslands. Þar fjallar
hann um reynslu Íslands af EES.
Lögum ættuðum frá Brussel
fjölgar svo dag frá degi í ís-
lenskri löggjöf og síðast í gær
voru á dagskrá Alþingis tvö
„EES“-frumvörp sem viðskipta-
ráðherra mælti fyrir.
a.snaevarr@frettabladid.is
Um fimm þúsund
fyrirmæli frá Brussel
Frá því að EES-samningurinn tók gildi hafa hátt á fimmta þúsund laga-
gerðir Evrópusambandsins öðlast gildi á Íslandi. „Ólýðræðislegasti al-
þjóðasamningur sem um getur,“ segir sérfræðingur í Evrópumálum.
EIRÍKUR BERGMANN
Telur meira valdaafsal falið í EES en „fullvalda þjóð getur sætt sig við“.
■ 32. DAGUR VERKFALLS
EINING KENNARA MIKIL
„Á jákvæðan hátt sendur fólk
saman,“ segir Ólafur Loftsson
formaður Kennarafélags Reykja-
víkur. Kennarar hafi hreina sam-
visku því kröfur þeirra séu á
engan hátt óréttmætar. Hann seg-
ir að komi Kennarasambandið
ekki með ásættanlegar kröfur úr
viðræðunum verði þær mjög svo
líklega felldar af kennurum.
KENNARAR UNDRANDI
Á baráttufundi þeirra á miðviku-
dag voru kennarar sem rætt var
við samstíga í undrun sinni á
sinnuleysi sveitarstjórnarmanna.
Þóra Guðmundsdóttir kennari í
Hlíðarskóla segir líðanina undar-
lega í verkfallinu. „Ég er aðallega
hissa á að allur þessi tími til
samningaviðræðna hafi ekki bor-
ið árangur. Það lýsir skilnings-
leysi á því hvað störf kennara
hafa breyst mikið. Mér finnst lít-
ilsvirðing við börn að ekki skuli
vera búið að semja.“
FATLAÐIR Í KÓPAVOGI
Mál annarra fatlaðra barna en
einhverfra í Kópavogi hefur ekki
verið tekin fyrir af bæjarstjórn
Kópavogs. Sigurður Geirdal bæj-
arstjóri segir að aðstæður í
Digranesskóla hafi verið sérstak-
ar. Samið hafi verið um að kenn-
ararnir skiluðu fullri vinnu í skól-
unum þrátt fyrir að kenna börn-
unum ekki allan daginn: „Skóla-
stjórinn sagðist hafa nóg fyrir
kennarana að gera og þeir gengju
að því.“ Bærinn fékk undanþágur
fyrir alla kennara skólans sem
komu að kennslu átta einhverfra
barna hans: „Þarna gekk þetta
upp því börnin eru mörg á sama
stað og kennararnir ekki tiltölu-
lega margir.“
- gag
■ LÖGREGLUFRÉTTIR