Fréttablaðið - 22.10.2004, Page 53

FÖSTUDAGUR 22. október 2004 41
[ SMS ]
UM MYNDIRNAR Í BÍÓ
WIMBLEDON
Gagnrýnandi Fréttablaðsins er sáttur við
Wimbledon en varar þó þá sem þola ekki
tennis við henni.
Wimbledon
„ Af þessu öllu verður ágæt mynd, rómantísk,
nokkuð fyndin, talsvert barnaleg á köflum – eins
og breskra rómantískra gamanmynda er jafnan
háttur – en yfir meðallagi í leik og söguþræði. Pör
voru þónokkur í bíó. Myndin er ekki við hæfi
þeirra sem þola ekki tennis.“
GS
Dodgeball
„Hefst þá hin skemmtilegasta atburðarás sem
heldur manni brosandi allan tímann, það vantar
ekki. Og spenntum. En maður liggur aldrei afvelta
af hlátri, eins og maður bjóst við að maður myndi
gera. Ben Stiller er auðvitað fyndinn sem vaxtar-
ræktartröllið og orð-óheppni hans í mannlegum
samskiptum er einkar spaugileg, en það vantar
samt hina ótrúlegu fyndnu og beittu brandara sem
maður bjóst við að efniviðurinn og leikarahópur-
inn myndi færa manni. Ágætis mynd og skemmti-
leg, en undir væntingum.“
GS
Næsland
„Það er margt vel gert í Næslandi enda enginn skort-
ur á fagmönnum sem koma að framleiðslunni. Kvik-
myndatakan er flott, sviðsetningin á köflum snilld,
leikararnir standa sig upp til hópa prýðilega og tón-
listin er fín en samt er eitthvað að klikka þannig að
eftir stendur áferðarfalleg mynd sem er ekkert sér-
staklega skemmtileg og ristir ekki djúpt.“
ÞÞ
Collateral
„Í raun er hér um klassíska baráttu góðs og ills að
ræða. Að þessu sinni fer hún fram í leigubíl, á milli ní-
hilista sem fer um stórborgina drepandi fólk eins og
engill dauðans og er skítsama, og leigubílstjóra sem
trúir enn á drauma og hið góða í lífinu. Og spennan
er klassísk: hvort aflið verður hinu yfirsterkara? Colla-
teral er mjög vel leikin, innihaldsrík í söguþræði, upp-
full af bitastæðum smáatriðum, vel skrifuð og vel út-
færð. Hvað getur maður sagt meira?“
GS
Man on Fire
„Þrátt fyrir tómahljóðið í söguþræðinum má vel
hafa gaman af Man on Fire, sérstaklega ef maður
er veikur fyrir hefndardrama og nýtur þess að sjá
óþokka þjást en í bestu atriðum myndarinnar níð-
ist Creasy heldur ruddalega á óvinum sínum.“
ÞÞ
Girl Next Door
„En myndin kemur bara nokkuð skemmtilega á
óvart á vitsmunalega sviðinu, og það er hennar
styrkur. Og hún er líka nokkuð fyndin og tónlistin
er góð. Svo eru líka ágætis pælingar í henni, til
dæmis um siðferði og pólitík.“
GS
Anchorman
Ef bíó á að leysa einhverjar lífsgátur þá er þessi
mynd auðvitað tímaeyðsla. Það er ekkert merkilegt
í henni. En ef fólk vill akkúrat sjá eitthvað þannig –
svona sæmilegan fíflaskap með kæruleysislegu
yfirbragði – er hægt að mæla með þessari.
GS
PETER JACKSON Er byrjaður að vinna að endurgerð myndarinnar King Kong frá árinu
1933. Hér er hann ásamt aðalleikurum myndarinnar, þeim Naomi Watts sem fer með
hlutverkið sem Fay Wray lék í upprunalegu útgáfunni, Adrien Brody og grínleikaranum
Jack Black, sem útilokar ekki að nýja King Kong-myndin verði besta mynd allra tíma.
FRUMSÝNDAR UM HELGINA
(DÓMAR Í ERLENDUM MIÐLUM)
The Manchurian Candidate
Internet Movie Database 6.8 /10
Rottentomatoes.com 79% = Fersk
Metacritic.com 73 /100
Shall We Dance?
Internet Movie Database 5.5 /10
Rottentomatoes.com 48% = Rotin
The Gathering
Internet Movie Database 5.8 /10