Fréttablaðið - 02.11.2004, Blaðsíða 30

22 2. nóvember 2004 ÞRIÐJUDAGUR
Stendur undir nafni
Það má með sanni segja að Bandaríkjamaðurinn Pierre Green, sem hefur spilað með
Snæfelli í Intersportdeildinni í vetur, standi fyllilega undir nafni. Hann er nefnilega
búinn að vera í gríninu, hörmulega slakur og það kæmi ekki á óvart þótt hann
endaði með frímerki á rassinum á leið vestur um haf á næstunni.
Við skiljum ekki...
... að forráðamenn Golfsambands Íslands skuli ekki gera meiri kröfur til
landsliðsþjálfarans í golfi. Staffan Johansson, já það er ótrúlegt að
við skulum vita nafnið á þessum huldumanni, eyðir ekki miklum
tíma hér á landi, jafnvel minni en Eggert Magnússon, formaður
KSÍ, sem er ansi mikið á ferðinni, svo ekki sé meira sagt.sport@frettabladid.is
[ LEIKIR GÆRDAGSINS ]
HVAÐ? HVENÆR? HVAR?
30 31 1 2 3 4 5
Þriðjudagur
NÓVEMBER
FÓTBOLTI Fjórða umferð riðlakeppn-
innar í meistaradeild Evrópu
hefst í kvöld með átta leikjum.
Þrjú lið, Chelsea, AC Milan og Int-
er Milan geta tryggt sér sæti í
sextán liða úrslitum en þau hafa
öll unnið fyrstu þrjá leiki sína í
keppninni.
Í E-riðli tekur efsta lið riðils-
ins, PSV Eindhoven, á móti norsku
meisturum Rosenborg. PSV vann
leik liðanna í Þrándheimi, 2-1, en
Rosenborg, sem hefur aðeins eitt
stig, þarf nauðsynlega á sigri á
halda til að eiga möguleika á
þriðja sætinu í riðlinum, sæti sem
gefur þátttökurétt í Evrópu-
keppni félagsliða.
Arsenal fær gríska liðið Pan-
athinaikos í heimsókn og verður
hreinlega að vinna til að eiga
möguleika á því að komast áfram
upp úr riðlinum. Arsene Wenger,
knattspyrnustjóri Arsenal, gerir
sér grein fyrir mikilvægi leiksins
en telur að sínir menn muni stand-
ast álagið. „Það eru miklar kröfur
gerðar til okkar og við verðum að
standa undir þeim,“ sagði Wenger
en Arsenal hefur gert jafntefli í
tveimur síðustu leikjum sínum í
riðlinum.
AC Milan getur tryggt sér sæti
í sextán liða úrslitum en liðið sæk-
ir Barcelona heim. AC Milan vann
fyrri leik liðanna, 1-0, í Mílanó en
Barcelona var mun betri aðilinn í
leiknum og verskuldaði eitt stig.
Barcelona hefur verið að leika
allra liða best í Evrópu það sem af
er þessu tímabili, drifnir áfram af
Brasilíumanninum Ronaldinho og
þeirra vegna er voanndi að Frank
Rijkaard, þjálfari liðsins, standi
við stóru orðin en hann lofaði
hefndum fyrir tapið í síðasta leik.
Barceloan getu komist í toppsæti
riðilsins með sigri.
Úkraínska liðið Shakhtar Do-
netsk getur nánast tryggt sér
þriðja sætið í F-riðli ef liðið nær
að vinna Celtic í Glasgow. Celtic
má muna sinn fífil fegri, sakna
sænska markahróksins Henriks
Larssons mikið og eftir 3-0 tap í
fyrri leik liðanna eiga þeir erfitt
verk fyrir höndum.
Werder Bremen ætti eiga auð-
velt verkefni fyrir höndum gegn
meiðslum hrjáðu liði Anderlecht í
G-riðli og ekki ætti spennan að
vera meiri hjá Inter Milan og Val-
encia ef mið er tekið af fyrri leik
liðanna á Spáni þar sem Inter
burstaði Valencia, 5-1. Inter getur
tryggt sér sæti í sextán liða úrslit-
um með sigri.
Jose Mourinho, knattspyrnu-
stjóri Chelsea, hefur ekki beðið
lægri hlut í fjórtán leikjum í
meistaradeildinni og ætlar varla
að fara að taka upp á þeirri vit-
leysu í Moskvu. Hann mætir með
Eið Smára Guðjohnsen í fanta-
formi en sigur færir liðinu sæti í
sextán liða úrslitum. Eiður Smári
skoraði í fyrri leik liðanna á Stam-
ford Bridge fyrir tveimur vikum
þar sem Chelsea vann, 2-0.
Porto hefur ekki verið svipur
að sjón síðan Mourinho yfirgaf
skútuna og liðið þaf nauðsynlega á
sigri að halda gegn Paris St.
Germain til að eiga möguleika á
því að komast áfram. Parísarliðið
vann fyrri leikinn 2-0 en Evrópu-
meistararnir hafa væntanlega
ekki sagt sitt síðasta orð. ■
Allt undir hjá Arsenal
Eftir tvö jafntefli í fyrstu þremur leikjunum verður liðið að vinna
Panathinaikos í meistaradeildinni á Highbury í kvöld.■ ■ LEIKIR

20.00 Selfoss og Valur mætast á
Selfossi í suðurriðli 1. deildar
karla í handbolta.
■ ■ SJÓNVARP

15.05 Trans World Sport á Stöð 2.
Íþróttir um allan heim.

16.05 Olíssport á Sýn.

17.20 Meistaradeildin í fótbolta á
Sýn. Bein útsending frá leik CSKA
Moskvu og Chelsea í meista-
radeildinni í fótbolta.

19.30 Meistaradeildin í fótbolta á
Sýn. Bein útsending frá leik
Barcelona og AC Milan í meista-
radeildinni í fótbolta.

21.40 Meistaramörk á Sýn.

22.15 Meistaradeildin í fótbolta á
Sýn. Útsending frá leik Arsenal og
Panathinaikos í meistaradeildinni
í fótbolta.

00.50 Meistaramörk á Sýn.
Þungamiðjan í slakrivarnarlínu Real Ma-
drid, Argentínumaðurinn
Walter Samuel, mun ekki
leika með liði sínu á úti-
velli gegn Dinamo Kiev á
morgun vegna meiðsla.
Munar um minna þar
sem vörn þeirra hingað
til hefur ekki verið upp á
marga fiska. Góðu fréttirnar eru hins
vegar þær að Luis Figo er klár af sín-
um meiðslum og tekur þátt.
Kylfingurinn IanPoulter sigraði á
Volvo Masters-mót-
inu sem fram fór í
Andalusíu um helg-
ina eftir bráðabana
við heimamanninn
Sergio Garcia. Vann
Poulter þar með sinn
stærsta sigur á ferlinum en fyrir mót-
ið hafði honum gengið herfilega í ár
að eigin mati. Fagnaði hann ákaft
þegar sigurinn var í höfn.
NBA-deildin í körfuknattleik hefstá ný í kvöld með þremur leikjum.
Detroit tekur á móti Houston, Dallas
fær Sacramento í heimsókn og gjör-
breytt lið LA Lakers mætir Denver. Að
öllu jöfnu ætti NHL-íshokkídeildin
einnig að hefjast um þessar mundir
en þar situr enn allt fast vegna verk-
falls leikmanna og óvíst að nokkuð
verði leikið úr þessu.
Antti Niemi, mark-vörður enska úr-
valsdeildarfélags Sout-
hampton, hefur verið
valinn íþróttamaður
ársins í heimalandi
sínu Finnlandi. Niemi
hefur sannað sig sem
einn af bestu mark-
vörðum deildarinnar á
þeim tveimur árum sem liðin eru
síðan hann gekk til liðs við Sout-
hampton en þar ýtti hann landsliðs-
markverði Wales, Paul Jones, út úr
liðinu á þremur vikum.
Argentínumaðurinn Pablo Aimarmun ekki leika næstu vikurnar
með liði Valenciu eftir að hafa
fengið þungt höfuðhögg um helgina
í leik gegn Atletico Madrid. Var hann
borinn af velli meðvitundarlaus og
man ekkert eftir leiknum. Hann er
ekki lengur undir læknishöndum en
mun gangast undir frekari próf áður
en hann tekur fram takkaskóna aftur.
Samkvæmt tölfræð-inni er Juventus
besta knattspyrnulið
Evrópu um þessar
mundir. Liðið hefur
ekki tapað leik í ítölsku
deildinni ólíkt
Barcelona, Arsenal og
Chelsea. Ennfremur státar liðið af
flestum mörkum skoruðum og hefur
fengið fæst á sig hlutfallslega miðað
við önnur evrópsk knattspyrnufélög.
Capello getur verið stoltur meðan
hans fyrra lið Roma náði loks eftir
langa mæðu hagstæðum úrslitum
nú um helgina.
ÚR ÍÞRÓTTAHEIMINUM
FÓLKSBÍLADEKK • JEPPADEKK • FÓLKSBÍLADEKK • JEPPADEKK • FÓLKSBÍLADEKK • JEPPADEKK
GÆÐAVARA Á BETRA VERÐI!
Sólbakka 8
310 Borgarnesi
Miðási 23
700 Egilsstöðum
Víkurbraut 4
780 Höfn
Gagnheiði 13
800 Selfossi
Hlíðarvegi 2-4
860 Hvolsvelli
Njarðarnesi 1
603 Akureyri
Skeifunni 3c
108 Reykjavík
Viðarhöfða 6
110 Reykjavík
Melabraut 24
220 Hafnarfirði
Iðavöllum 8
230 Keflavík
Flugumýri 16
270 Mosfellsbæ
Smiðjuvegur 6
200 Kópavogi
LEIÐANDI Í LÆGRA DEKKJAVERÐI
...einfaldlega betri!
HÓPBÍLABIKAR KVENNA
Breiðablik–Keflavík 54–143
Njarðvík–Grindavík 53–57
Stig Njarðvíkur: Jaime Woudstra 22 (7
fráköst, 6 stoðsendingar), Ingibjörg Elva
Vilbergsdóttir 13 (6 fráköst, 3 stoðsendin-
gar), Helga Jónasdóttir 7 (23 fráköst, 5
varin).
Stig Grindavíkur: María Anna Guðmunds-
dóttir 19 (5 stoðsendingar), Sólveig
Gunnlaugsdóttir 16, Svandís Sigurðar-
dóttir 12 (12 fráköst).
ENSKA ÚRVALSDEIDIN Í
KNATTSPYRNU
Man. City–Norwich 1–1
1–0 Flood (11.), 1–1 Francis (46.).
STAÐAN:
Arsenal 11 8 2 1 31–12 26
Chelsea 11 8 2 1 16–3 26
Everton 11 7 2 2 14–10 23
Bolton 11 6 3 2 18–13 21
Middlesbr. 11 5 3 3 19–14 18
Liverpool 10 5 2 3 18–10 17
Man. Utd 11 4 5 2 11–9 17
Newcastle 11 4 4 3 22–19 16
Portsmouth 10 4 3 3 15–12 15
Aston Villa 11 3 6 2 14–13 15
Tottenham 11 3 4 4 6–8 13
Man. City 11 3 3 5 13–12 12
Charlton 11 3 3 5 10–19 12
C. Palace 11 3 2 6 12–15 11
Fulham 11 3 2 6 12–19 11
Birmingh. 11 1 6 4 7–10 9
WBA 11 1 5 5 9–20 8
Southamp. 11 1 4 6 8–14 7
Norwich 11 0 7 4 10–18 7
Blackburn 11 1 4 6 9–24 7
[ LEIKIR KVÖLDSINS ]
E-RIÐILL
Arsenal-Panathinaikos
PSV-Rosenborg
F-RIÐILL
Barcelona-AC Milan
Celtic-Shakhtar Donetsk
G-RIÐILL
Werder Bremen-Anderlecht
Inter Milan-Valencia
H-RIÐILL
CSKA Moskva-Chelsea
Porto-Paris St. Germain
ARSENE WENGER Knattspyrnustjóri Arsenal hefur vel efni á því að vera áhyggjufullur
því liðið hefur ekki sýnt sitt rétta andlit í meistaradeildinni. Það verður hins vegar að
gerast í kvöld þegar Arsenal tekur á móti Panathinaikos.