Fréttablaðið - 04.11.2004, Qupperneq 6

6 4. nóvember 2004 FIMMTUDAGUR
Særðist lífshættulega:
Stakk mann á hol
þannig að iðrin sáust
RANNSÓKN Maður sem grunaður er
um að stinga mann á fertugsaldri
á hol í fyrrinótt þannig að hann
særðist lífshættulega var í Hér-
aðsdómi Reykjavíkur í gær úr-
skurðaður í gæsluvarðhald til 17.
nóvember næstkomandi. Þá var
honum gert að sæta geðrannsókn.
Til átaka virðist hafa komið á
milli mannanna tveggja á heimili
annars þeirra á Hverfisgötu, sem
endaði með því að annar þeirra
stakk hinn með hnífi í kviðinn. Sá
sem var skorinn kom sér út úr
húsinu og fundu vegfarendur
hann nær meðvitundarlausan í
blóði sínu. Skurðurinn var svo
djúpur að það sást í innyfli
mannsins. Maðurinn var fluttur á
slysadeild Landspítalans þar sem
hann gekkst strax undir aðgerð
sem tókst vel. Undir morgun var
ljóst að maðurinn væri úr lífs-
hættu.
Lögregla náði að rekja blóð-
slóðina frá Laugavegi að húsi
skammt frá þar sem meintur
árásarmaður var staddur. Hvor-
ugur mannanna virtist vera undir
áhrifum vímuefna þegar lögreglu
bar að garði. Játning liggur ekki
fyrir í málinu og ekki er að fullu
vitað um ástæðu árásarinnar en
að sögn Gunnleifs Kjartanssonar,
lögreglufulltrúa í Reykjavík, var
hvorki um handrukkun né fíkni-
efni að ræða. Mennirnir hafa báð-
ir komið áður við sögu lögreglu.
Farið var fram á gæsluvarðhaldið
vegna rannsóknarhagsmuna. - hrs
■ MIÐ-AUSTURLÖND
VEISTU SVARIÐ?
1Hver fékk tónlistarverðlaun Norður-landaráðs í vikunni?
2Hvar var Ólafur Ragnar Grímssonforseti heiðursgestur í gær?
3Hvenær ætlar Skipulagsstofnun aðvera búin að úrskurða um Sunda-
braut?
Svörin eru á bls. 42
Ævintýri og spenna
í Goðheimum
Leyndardómsfullur og
forn skartgripur leiðir
Hildi á vit nýrra ævintýra
í Goðheimum.
Drekagaldur er fjörug og
spennandi saga sem veitir
skemmtilega innsýn
í norræna goðafræði.
Norðurlandaráð ræðir
áfengisstefnu:
Miklar áhyggjur
– en fá úrræði
STJÓRNMÁL Jón Kristjánsson heil-
brigðisráðherra var frummælandi í
umræðum um áfengisstefnu á
Norðurlandaráðsþingi á þriðjudag.
Jón varði nýlega
samþykkt heil-
brigðis- og félags-
m á l a r á ð h e r r a
Norðurlandanna
þar sem lagt var til
samstarf þeirra um
að hækka áfengis-
skatta og að löndin
tali einni röddu um
þessi mál innan
Evrópusambands-
ins. „Áfengi er ekki
eins og hver önnur
verslunarvara og
þess vegna verður
að taka tillit til
heilsufarssjónar-
miða og hugsanlegra afleiðinga
skaðlegrar neyslu,“ sagði ráðherra.
Fram kom í umræðunni að lágt
áfengisverð í nágrannalöndum á
borð við Þýskalandi, Póllandi og
Eistlandi gerði yfirvöldum mjög
erfitt um vik að halda áfengisskött-
um háum. Ulla Maj Wideroos, fjár-
málaráðherra Finnlands, benti á að
sterkvínsflaska kostaði 13 evrur í
Helsinki en aðeins 3 í Tallinn en að-
eins tekur einn og hálfan tíma að
fara þar á milli í bátsferð. Hún
sagði að áfengisgjald hefði verið
lækkað 1. mars í ár og ekki kæmi til
greina að lækka gjaldið niður á
sama stig að nýju. - ás
Samráð olíufélaganna hafa
stórskaðað samfélagið allt
Þingmenn allra flokka eru sammála um að olíusamráðin hafi verið grafalvarlegt samfélags-
vandamál. Flest eru þau sammála um að forstjórarnir þurfi að axla sína ábyrgð og segja erfitt að
meta hvaða áhrif skaðabótamál munu hafa.
Breytingar á kerfinu
Pétur Blöndal,
Sjálfstæðisflokki
„Það var
ákveðin brota-
löm í sam-
keppni á Ís-
landi, en við
höfum verið
að fara inn á
nýjar brautir á
síðastliðnum
tíu árum,“ seg-
ir Pétur Blön-
dal. „Það hefur orðið gífur-
leg breyting frá því kerfi
sem við höfðum fyrir 1990,
þegar svona samráð þóttu
allt að því eðlileg þegar at-
vinnulíf var bundið í póli-
tísk höft. Samráð olíufélag-
anna hafa þó verið öllu ill-
vígari eins og komið hefur
í ljós.“ Hann segir eftir
að reyna á hvort skaða-
bótaskylda hafi myndast,
vegna neytenda, birgja og
hluthafa. „Þá þarf að fara í
gegnum hvernig á að gera
einstaklinga ábyrga, sér-
staklega þá sem stjórna og
taka ákvarðanir um slíkar
aðgerðir, það er erfiðara að
segja til um undirmenn.“
Um það hvort sektará-
kvæðin virki, segir hann
það erfitt þegar öll félög á
markaði eru sektuð. „Það
er spurning um að skerpa á
ábyrgð einstaklinga og rétt
að menn ræði það.“ ■
Kallar ekki á breytingar
Siv Friðleifsdóttir,
Framsóknarflokki
„Mér finnst
þetta mjög
sorglegt mál
svo ekki sé
dýpra í árinni
tekið,“ segir
Siv Friðleifs-
dóttir. Hún
segir að Sam-
keppnisstofn-
un sé búin að
komast að niðurstöðu hvað
varðar fjársekt fyrirtækj-
anna og það þurfi ekki að
ræða frekar. Hvað varðar
ábyrgð einstaklinga vill
hún ekki ræða hana á með-
an málið er í lögreglurann-
sókn. „Viðskiptalífið hefur
ekki breyst í meginatrið-
um,“ segir hún og bætir við
að ef það er einbeittur vilji
fyrir hendi sé hægt að
brjóta samkeppnislög.
„Það er verið að efla mjög
Samkeppnisstofnun og
Fjármálaeftirlitið, eins og
stefna Framsóknarflokks-
ins er.“
Hún segir ekki þurfa
nýjar breytingar á sam-
keppnislögum, umfram
þær sem þegar hafa verið
boðaðar. „Á fundi við-
skipta- og efnahagsnefnd-
ar spurði ég sérstaklega
eftir hjá embættismönnum
hvort þetta mál kalli á
breytingar. Þeir sögðu að
svo væri ekki.“ ■
Hugvitsútflutningur
Lúðvík Bergvinsson,
Samfylkingunni
„Eldsneyti er
ein af undir-
s t ö ð u v ö r u m
samfélagsins.
Það að beita
þeim vinnu-
brögðum sem
fram koma í
skýrslu sam-
keppnisráðs
er aðför að
undirstöðuatvinnuvegum
landsins, lífskjörum og
samgöngum og hefur verið
gífurlega skaðlegt fyrir ís-
lenskt atvinnulíf,“ segir
Lúðvik Bergvinsson. „Við
erum að tala um félög með
100 prósenta markaðshlut-
deild, sem þeir hafa mis-
notað svívirðilega. Ég
hefði ekki trúað þessu fyr-
irfram. Sérstaklega með að
það sé verið að flytja verð-
samráðshugvitið til ann-
arra landa. En það er afar
athyglisvert nú, þegar
maður skoðar hvernig
samtök atvinnulífsins og
verslunarráðið hrópuðu
„úlfur, úlfur!“ þegar þetta
fór af stað, og töldu að það
væri gengið hart gegn rétti
félaganna. „
Lúðvík segir það erfitt að
meta hvaða afleiðingar mál-
ið hefur í för með sér. „Það
er ekki fyrir séð hvernig
þetta mál mun enda ef félög-
in verða sótt til skaðabóta af
mörgum.“ ■
Yfirvegað svindl
Ögmundur Jónasson,
Vinstri grænum
„Ég hef ekki
kynnt mér það
frá fyrstu
hendi, það sem
við höfum
heyrt er
allsvakalegt,“
segir Ögmund-
ur Jónasson.
„ Y f i r v e g a ð
svindl, úthugs-
að af nákvæmni og ekki
bara gagnvart einstakling-
um, heldur líka gagnvart
ríki og sveitarfélögum.
Þarna er mjög alvarlegt
mál á ferðinni.“ Hann seg-
ist ekki vilja dæma ein-
staklinga á þessari stundu,
en bæði fyrirtækin og ein-
staklingar sem bera sök á
svindlinu þurfi að axla sína
ábyrgð. „Við þurfum að at-
huga að dæma ekki alla
menn út frá þessu, en með
þessu sjáum við hvað getur
gerst á fákeppnismarkaði.
Þetta á sér án efa stað víð-
ar í viðskiptalífinu.“ Ög-
mundur telur að lagabreyt-
inga sé ekki þörf í fram-
haldi af þessu máli. „Það er
ríkisstjórn Íslands sem á
fyrst og fremst að læra af
þessu, sem liggur mikið á
að losa eignir þjóðar í
hendur fákeppnismarkað-
ar. Nú sér hún hvað gerist
og hlýtur að þurfa að end-
urskoða til dæmis sölu
Símans.“ ■
Líkt og mafíustarfsemi
Guðjón A. Kristjánsson,
Frjálslyndum
„Mér finnst
þetta bara
ótrúlegt,“ seg-
ir Guðjón A.
Kristjánsson.
„Miðað við
l ý s i n g a r n a r
sem ég hef
heyrt er hægt
að líkja þessu
við mafíu-
starfsemi. Fyrirtækin eru
dregin til ábyrgðar en for-
ystumennirnir eru ábyrgir
líka. Sérstaklega forstjór-
arnir sem leggja línurnar
fyrir þessi afbrot. Ríkis-
saksóknari hlýtur að hefja
mál, því forstjórarnir geta
ekki hafa framkvæmt
þetta án þess að brjóta
hegningalög.“
Guðjón segir sjómenn
hafa talað um þetta í gegn-
um árin og því komi þetta
ekki mikið á óvart. „Miðað
við hvað þetta hefur staðið
lengi, tel ég að þetta geti
átt sér stað annars staðar í
samfélaginu.“ Hann segir
jafnframt að það liggi al-
veg á borðinu að það þurfi
að flýta þessari málsmeð-
ferð hjá Samkeppnisstofn-
un með einhverjum hætti.
Það gengur ekki að það
taki ár, eða nálgist áratug
eins og með tryggingafé-
lögin, að klára svona rann-
sókn.“
svanborg@frettabladid.is
PÉTUR
„Þarf að
kanna ábyrgð
stjórnenda.“
SIV
„Mér finnst
þetta mjög
sorglegt.“
LÚÐVÍK
“Svívirðileg
,misnotkun
félaganna.“
ÖGMUNDUR
„Yfirvegað og
úthugsað
svindl.“
GUÐJÓN
„Forystu-
mennirnir eru
ábyrgir líka.“
EININGIN KLOFIN Forystumenn
ísraelska Þjóðareiningarflokksins
tilkynntu í gær að þeir hefðu
ákveðið að kljúfa flokkinn í tvennt.
Með því vonast þeir til að fá meira
fylgi í næstu kosningum. Stofnaður
verður trúarlegur hægriflokkur og
flokkur sem byggir ekki á trúar-
setningum. Báðir berjast gegn
samningum við Palestínumenn.
Úrskurðað um umferðarslys sem henti í apríl í Mið-Englandi:
Eldri hjón létust í árekstri
DÓMSTÓLAR Niðurstaða dánardóm-
stjóra í Stafford-héraði í Bret-
landi er sú að lát eldri hjóna sem
lentu í árekstri við Guðjón Þórð-
arson knattspyrnuþjálfara 10.
apríl hafi verið af slysförum. Guð-
jón var ekki á nokkurn hátt sagð-
ur valdur að slysinu í úrskurðin-
um sem kom nú í byrjun mánaðar-
ins.
Hjónin sem létust hétu Ronald
og Muriel Bell, frá Natwich í
Englandi, hann 73 ára og hún 63.
Slysið átti sér stað með þeim
hætti að hjónin óku Ford Mondeo-
bíl sínum í veg fyrir Audi-bifreið
Guðjóns á þjóðvegi A34 nærri
Stafford, í Mið-Englandi. Konan
lést á sjúkrahúsi þremur dögum
eftir slysið og maðurinn rúmri
viku síðar. Greint var frá því í
breskum fjölmiðlum að með Guð-
jóni í bílnum hafi verið synir hans
tveir og frændi.
„Þetta var hörmulegt atvik og
erfið lífsreynsla og ég hef svo sem
ekkert frekar um málið að segja,“
sagði Guðjón Þórðarson. Hann
sagði að með úrskurði dánardóm-
stjóra nú væri málinu lokið, en það
sé eðlilega mjög viðkvæmt, bæði
fyrir hann og syni hans sem með
honum voru í bílnum þegar slysið
átti sér stað. - óká
GUÐJÓN ÞÓRÐARSON KNATTSPYRNUÞJÁLFARI
Guðjón lenti í apríl síðastliðnum í árekstri í Bretlandi sem leiddi til dauða eldri hjóna.
Dánardómstjóri í Bretlandi úrskurðaði í gær að hjónin hefðu látist af slysförum.
M
YN
D
/S
H
EF
FI
EL
D
N
EW
SP
AP
ER
S
LT
D
JÓN KRIST-
JÁNSSON
Heilbrigðisráð-
herra var frum-
mælandi í um-
ræðum á Norður-
landaráðsþingi á
þriðjudag.
FARIÐ FRAM Á GÆSLUVARÐHALD
Bæði árásarmaðurinn og fórnarlambið hafa komið áður við sögu lögreglu.
FR
ÉT
TA
B
LA
Ð
IÐ
/S
TE
FÁ
N