Fréttablaðið - 05.11.2004, Qupperneq 2

2 5. nóvember 2004 FÖSTUDAGUR
ELDSVOÐI Eldur kom upp í eldhúsi
tvíbýlishúss í Sandgerði um há-
degi í gær. Fjölskyldufaðir var
heima með tveimur sonum sínum.
Reynir Sveinsson slökkviliðsstjóri
í Sandgerði segir eldinn hafa verið
mikinn þegar slökkvilið bar að. Ef
ekki hefðu verið steinsteyptir
veggir og loftplata í eldhúsinu
hefði farið mun verr.
Jón V. Ingvarsson húseigandi
segir að athygli hans hafi verið
vakin þegar hann heyrði gler
springa í eldhúsinu: „Það skíðlog-
aði í viftu inni í eldhúsi þegar ég
leit þangað inn. Það er það fyrsta
sem ég sá.“ segir Jón: „Þá var ég
inni í svefnherbergi og synir mín-
ir tveir þar inni af í öðru her-
bergi.“
Jón segir að logað hafi í potti á
eldavélinni og ekki ólíklegt að
annar sonanna hafi skotist fram
og kveikt undir. Eldsupptök séu þó
ókunn sem standi. Hann hafi ætlað
að slökkva eldinn en hafi fljótlega
áttað sig á að það gengi ekki. Hann
hafi því hlaupið til drengjanna og
borið þá lítt klædda út og því næst
hringt í Neyðarlínuna. Hann hafi
ætlað aftur inn í húsið til að sækja
fatnað á synina en eldurinn hafi
magnast upp:
„Það gaus upp mikill svartur
reykur eftir að ég var búinn að
opna út. Reykurinn varnaði því að
ég kæmist aftur inn.“ Fólk hafi
borið að og tekið drengina upp í bíl
sinn.
Kona Jóns, Aileen, var í vinnu
en kom í snarhasti heim. „Henni
var rosalega illa brugðið. Hún
vissi ekkert um strákana og sá þá
ekki þegar hún kom fyrst heim,“
segir Jón.
Við slökkvistarfið fóru reykka-
farar inn í íbúðina og gekk fljótt
og vel að slökkva eldinn, að sögn
Reynis: „Eldhúsið er stórskemmt
og miklar reykskemmdir eru ann-
ars staðar í íbúðinni. Hún er óbúð-
arhæf.“
Jón tók atburðum dagsins af
stóískri ró: „Ég hef oft verið
hræddur um að þetta gæti gerst
því hann hefur oft verið að fikta í
tökkunum á eldavélinni og við höf-
um reynt að passa þetta vel. Svo
virðist sem það hafi ekki gengið ef
ég giska á rétt eldsupptök.“ Mokað
verður út úr húsinu í dag:
„Húsið verður tæmt og allt dót
sent suður og metið. Það verður
þrifið og gert upp. Maður er
ánægður ef maður kemst inn fyrir
jól.“
gag@frettabladid.is
hrs@frettabladid.is
Miðlunartillaga:
Mikil
þátttaka
KJARAMÁL Allt lítur út fyrir mikla
þátttöku kennara í kosningu um
miðlunartillögu ríkissáttasemj-
ara.
Elísabet S. Ólafsdóttir, skrif-
stofustjóri ríkissáttasemjara, seg-
ir um fimm þúsund kjörseðla hafa
verið senda út. Fjölmargir at-
kvæðaseðlar hafi þegar skilað sér
í hús.
Kennarar hafi margir haft
samband og leitað aðstoðar um
hvernig ætti að fylla út kjörseðl-
ana. Borið hafi á hræðslu við að
fylla þá út á rangan hátt. - gag
■ EVRÓPA
■ LÖGREGLUFRÉTTIR
„Ég reyni að gera eitthvað af viti.“
Magnús Tumi Guðmundsson er prófessor í jarð-
eðlisfræði á raunvísindastofnun Háskóla Íslands.
Hann hefur fylgst náið með eldgosinu í
Grímsvötnum.
SPURNING DAGSINS
Magnús Tumi, hvað gerirðu milli
gosa?
Gæsluvarðhald:
Ætlar ekki
að áfrýja
LÖGREGLA Magnús Einarsson, sem
banaði Sæunni Pálsdóttur, eigin-
konu sinni og móður tveggja
barna, hefur ákveðið að una
gæsluvarðhaldsúrskurði sem
kveðinn var upp í Héraðsdómi
Reykjaness á mánudag.
Magnús játaði strax að hafa
orðið Sæunni að bana en staðfest
hefur verið að hún lést þar sem
þrengt var að öndunarvegi henn-
ar. Vettvangsrannsókn í Hamra-
borginni lauk í gær. Samkvæmt
heimildum blaðsins var Magnús
ekki til heimilis í Hamraborg þeg-
ar hann banaði Sæunni. ■
HAMRABORG
Heimildir herma að Magnús hafi ekki verið
búsettur í Hamraborginni.
FR
ÉT
TA
B
LA
Ð
IÐ
/P
JE
TU
R
ATKVÆÐI UM MIÐLUNARTILLÖGU
Tekið verður við atkvæðaseðlum þar til
klukkan eitt á mánudaginn.
SÖFNUN Lionshreyfingin í Hafn-
arfirði selur nú barmmerki til að
safna fyrir farsímum fyrir syk-
ursjúk börn. Elín Elísabet Jó-
hannsdóttir er móðir sykursjúkr-
ar stúlku og segir hún að farsím-
inn hafi bjargað henni í sumar.
Þannig hafi hugmyndin að þess-
ari söfnun kviknað. „Við fluttum
í nýtt hverfi og dóttir mín, sem
er á þrettánda ári, hafði farið út
að leika sér með stúlkum úr
hverfinu.
Með þeim fór hún í afmæli og
rataði ekki heim. Þá fékk hún
sykurfall og það sem bjargaði
henni var að geta hringt heim,“
segir Elín.
Hún segir að yngri börn geti
ekki farið út að leika sér, nema á
ákveðnum umsömdum stöðum,
því þau kunna ekki að passa upp
á sykurfallið. „Þau sem eiga far-
síma geta farið út að leika sér og
foreldrarnir geta alltaf hringt í
þau til að minna þau á að sprauta
sig. Að hafa farsíma gefur börn-
unum tækifæri til að vera frjáls
og fara um allt eins og hin börn-
in.“ - ss
Farsímasöfnun fyrir sykursjúk börn:
Farsíminn bjargaði lífi dótturinnar
SANDRA DÖGG ÓMARSDÓTTIR OG ELÍN ELÍSABET JÓHANNSDÓTTIR
Farsíminn bjargaði Söndru í sumar þegar hún fékk sykurfall, villt í nýju hverfi.
FR
ÉT
TA
B
LA
Ð
IÐ
/S
TE
FÁ
N
M
YN
D
/V
ÍK
U
R
FR
ÉT
TI
R
PALESTÍNA Jasser Arafat, forseti
Palestínu, liggur meðvitundarlaus
á Percy-sjúkrahúsinu nærri París
í Frakklandi. Í gær bárust fréttir
um að Arafat væri látinn en lækn-
ar á sjúkrahúsinu og aðstoðar-
menn Arafats drógu þær fréttir
til baka. Sögðu þeir hins vegar að
ástandið væri mjög alvarlegt.
Vegna ástandsins héldu palest-
ínskir embættismenn neyðarfund
þar sem farið var yfir valdahlut-
föllin innan palestínsku stjórnar-
innar. Völd Arafats hafa að stór-
um hluta verið framseld til Ah-
med Qureia forsætisráðherra.
Meðal annars hefur honum verið
falin efnahagsstjórn Palestínu.
Fjöldi fólks kom saman á Vestur-
bakkanum og Gaza til að sýna
Arafat stuðning. Qureia fundar í
dag með forsvarsmönnum örygg-
ismála á svæðunum til að reyna að
tryggja að óeirðir brjótist ekki út.
Shaul Mofaz, varnarmálaráð-
herra Ísraels, fundaði í gær með
herforingum ísraelska hersins.
Herinn hefur verið settur í við-
bragsstöðu vegna óvissuástands-
ins sem nú ríkir.
Nú eru menn einnig farnir að
velta því fyrir sér hvar Arafat
verði jarðaður þegar hann deyr.
Ariel Sharon, forsætisráðherra
Ísraels, sagði alveg ljóst að hvorki
yrði leyft að jarða hann í Jerúsal-
em, né heldur Abu Dis, úthverfi
borgarinnar sem tilheyrir Vestur-
bakkanum.
- th
Völd Arafats hafa verið framseld til Ahmed Qureia:
Jasser Arafat er meðvitundarlaus
STUÐNINGUR Í GAZA-BORG
Fjöldi fólks kom saman í Gaza-borg vegna fregna um að Arafat lægi milli heims og helju.
Ísraelar óttast uppþot deyi Arafat.
JÓN V. INGVARSSON OG FJÖLSKYLDA
„Ef ég hefði ekki heyrt í glerinu springa hefði getað farið verr því ég fann enga lykt í sjálfu
sér,“ segir Jón Ingvarsson, sem bar syni sína út úr brennandi íbúð þeirra í Sandgerði.
Bar synina út úr
brennandi íbúð
Faðir bar unga syni sína úr brennandi húsi fjölskyldunnar í Sandgerði.
Eldsupptökin eru ókunn. Faðirinn telur hugsanlegt að annar
sonanna hafi kveikt undir hellu eldavélar.
Sveitarstjórnir:
Of dýr tillaga
KJARAMÁL Gríðarleg óánægja og
mikill kurr er meðal sveitar-
stjórnarmanna með mikinn kostn-
að miðlunartillögu ríkissáttasemj-
ara, að sögn Stefáns Jóns Haf-
steins borgarfulltrúa. Það hafi
komið fram á fjármálaráðstefnu
sveitarfélaganna.
Stefán Jón segir menn velta
fyrir sér stöðunni sem komin sé
upp í kjaraviðræðunum: „Sú
kynning sem sýnd var á ráðstefn-
unni gaf mönnum til kynna að
þarna væru samningar sem væru
geysilega dýrir og hefðu engan
ávinning í för með sér fyrir sveit-
arfélögin.“ - gag/ghg
BARROSO MEÐ NÝJA TILLÖGU Jose
Manuel Barroso, verðandi forseti
framkvæmdastjórnar Evrópusam-
bandsins, sagðist í gær vera alveg
við það að klára nýja uppstillingu
framkvæmdastjórnar sinnar.
Hann dró fyrri uppstillingu sína til
baka þegar ljóst var að þingmenn
ESB myndi hafna henni.
ELDUR Í POTTI Eldur kviknaði í
potti á eldavél í íbúð í Völvufelli í
Reykjavík klukkan rúmlega tólf á
hádegi í gær. Húsráðendur náðu
sjálfir að ráða niðurlögum eldsins.
Nokkur reykur var í íbúðinni, sem
slökkvilið höfuðborgarsvæðisins
reykræsti.