Fréttablaðið - 05.11.2004, Side 52

5. nóvember 2004 FÖSTUDAGUR
Dauði Elliott Smith í október í
fyrra sló mig eins og blaut tuska í
andlitið. Hann var kannski ekki
allra, en þá sem hann snerti, sner-
ti hann djúpt. Það voru ekki bara
fréttirnar um að þessi þjakaði
maður skyldi hafa stungið sjálfan
sig til dauða sem voru sjokker-
andi, heldur það að þessi tónlistar-
maður hafi aldrei fengið þá viður-
kenningu sem honum sæmdi.
Hann náði líklegast aldrei blóma,
því hann var einn af þeim sem gaf
aldrei út slappa plötu.
Það að fá síðasta verk hans,
svona heilsteypt, ári eftir dauða
hans er dýrmæt gjöf. Hann var
víst að vinna að þessu þegar hann
batt enda á líf sitt, og miðað við
örlög hans hefði maður trúað því
að þessi plata myndi vera dekkri
en blek. Svo er ekki. Hún er með
eindæmum falleg, og jafnvel hans
besta verk frá upphafi.
Textarnir eru framúrskarandi,
eins og alltaf reyndar. Takast á við
þá sjálfskvöl að vera óframfær-
inn og feiminn. Miðað við þá
mynd sem Elliott Smith gaf af sér
í textum sínum, þá var hann vissu-
lega læstur langt inn í sjálfum sér.
Kannski var tónlistin hans eina
leið til þess að tjá tilfinningar sín-
ar? Aðeins í einu lagi opinberar
hann sjálfsmorðshugleiðingar sín-
ar. Það er í laginu The Last Hour,
sem er magnað. Fallegasta lagið
er þó Twilight. Fegurð þess er
slík, að það er ómögulegt að ímyn-
da sér að maður sem gat framleitt
eitthvað jafn magnað hafi ekki
séð ástæðu til þess að lifa lengur.
Birgir Örn Steinarsson
Svanasöngur á leiði
ELLIOTT SMITH:
FROM A BASEMENT ON THE HILL
NIÐURSTAÐA: Hinsta kveðja Elliott Smith er
magnað meistarastykki. Ótrúlega heilsteypt
miðað við „ókláraða plötu“, sterk og ólýsanlega
falleg. Hans verður sárt saknað.
[ TÓNLIST ]
UMFJÖLLUN
Hinn kynlífsþyrsti Larry
mættur til leiks á ný
Tölvuleikur með hinni kynlífs-
þyrstu persónu Larry er nýkom-
inn út í fyrsta sinn í mörg ár. Kall-
ast hann Leisure Suit Larry
Magna Cum Laude og er bannað-
ur börnum innan 18 ára.
Í lýsingu á leiknum segir að
kynlíf, áfengi og konur spili þar
stærsta hlutverkið. Takmark þátt-
takenda er að komast yfir sem
flestar konur, þar sem persónan
Larry Lovage, frændi hins upp-
haflega Larry Laffer, er í aðal-
hlutverki. Á milli þess sem hann
reynir við konurnar drekkur hann
brennivín og reynir að skemmta
sér vel. Gerist leikurinn á heima-
vist í bandarískum háskóla.
Leikirnir um Larry voru afar
vinsælir fyrir um það bil tuttugu
árum þegar leikjatölvur fóru
smám saman að verða sjálfsagð-
ur hlutur á hverju heimili. Upp-
rennandi tölvunirðir í gervi Larry
flökkuðu á milli staða og reyndu
að heilla dömurnar upp úr skón-
um með því að spjalla við þær.
Oftar en ekki mistókst Larry hins
vegar illilega og fékk að launum
vænan kinnhest frá dömunum.
Mörgum þótti leikurinn
ósæmilegur. Var hann sagður
gera lítið úr konum og sýna þær
sem einhvers konar kynlífsleik-
föng fyrir karla. Ekki var hann
talinn góður uppalandi fyrir unga
tölvuleikjaspilara sem flestir
voru farnir að hugsa í auknum
mæli um hitt kynið. Hvað sem því
líður þá geta þessir sömu spilarar
nú endurnýjað kynni sín af Larry
og séð hvort þeim gengur eitt-
hvað betur í samskiptum sínum
við hitt kynið. ■
■ TÖLVULEIKIR
LARRY Larry á gangi á nærbuxunum ein-
um saman á höttunum eftir kvenfólki. Ekki
fjarri honum er einmitt ung þokkadís.
LARRY Larry á gangi á nærbuxunum ein-
um saman á höttunum eftir kvenfólki. Ekki
fjarri honum er einmitt ung þokkadís.
Vandaður fullorðinsleikur
Ólafur Jóelsson, vörustjóri tölvuleikja hjá Skífunni, segist
ekki vita til þess að kvartað hafi verið undan Leisure
Suit Larry Magna Cum Laude leiknum í verslunum Skíf-
unnar. Ólafur segir að leikurinn hafi vissulega vakið upp
viðbrögð víða um heim og að hann hafi meðal annars
verið bannaður í Ástralíu. Hann bendir þó á að Skífan
sé aðili að Pegi-samtökunum og innan þeirra sé leikur-
inn bannaður innan átján. „Þeir sem eru yngri en átján
eiga ekki að spila þennan leik því þetta er fullorðins-
leikur,“ segir hann.
Ólafi finnst ekki óeðlilegt að slíkur leikur, þar sem
keppst er um að komast yfir sem flestar konur og neyta
áfengis og eiturlyfja, sé seldur. „Þessi leikur er hannað-
ur fyrir fullorðna og fyrir þann markhóp er þetta mjög
vandaður og skemmtilegur leikur.“
Ólafur vill ekki meina að verið sé að
gera lítið úr konum í leiknum.“Ég vil
ekki meina að verið sé að gera lítið
úr konum heldur frekar verið að
gera grín að aðalpersónunni
sem er ólukkuleg í útliti og
vexti. Í leiknum má meðal
annars finna framagjarnar
konur en vissulega eru þarna
konur með brjóst í yfirstærð.
En finnum við þær ekki hvar
sem er í þjóðfélaginu? Ég
held að leikurinn sé ekkert
grófari spegill á þjóðfélagið en
margt annað,“ segir Ólafur.
Þótt bíómyndir og tölvuleikir séu
bönnuð innan átján hafa verið brögð
að því að börn undir aldri spili slíka
leiki. Ólafur segir það vissu-
lega vera staðreynd. „En þar
kemur inn fræðsla og að
foreldrar séu meðvitað-
ir um hvað börnin
eru að spila. Fólk
hefur viljað banna
allt en mér hefur
fundist vanta
aukna fræðsla í
umræðuna.
Foreldrar halda
að tölvuleikir
séu bara fyrir
börn en markað-
urinn hefur þró-
ast í aðra átt,“ seg-
ir Ólafur.
Röng skilaboð
Kristín Tómasdóttir, ráðskona í öryggisráði Femínistafé-
lagsins, segist ekki hafa séð leikinn Leisure Suit Larry
Magna Cum Laude en hún hefur heyrt af honum. Hún
segir að eitt af markmiðum femínista sé að uppræta
staðalímyndir eins og þær sem birtast í leiknum.
„Svona leikir gera ekkert annað en að ýta undir staðalí-
myndir. Slíkar ímyndir senda röng skilaboð út í samfé-
lagið, hvort sem þú ert átján ára eða yngri,“ segir Krist-
ín.
„Ég sé heldur ekki hvað á að vera gott eða skemmtilegt
við það að gera lítið úr konum. En þetta er einn af
þeim þáttum sem eru orðnir sjúkir í samfélaginu þar
sem allt gengur út á að selja og kaupa.“
Kristín segist ekki þekkja mikið til tölvuleikja en hefur
heyrt af leikjum þar sem hóruhús og vændi koma við
sögu. „Það er því miður ótrúlega mikið um óeðlilegt
kynlíf í svona leikjum. Það birtist því mikil kvenfyrir-
litning í þessum leikjum og mér finnst hræðilegt að
það viðgangist í samfélaginu,“ segir hún.
„Það er slæmt að slíkum skilaboðum sé
komið út í samfélagið og það er alveg jafn
ósanngjarnt fyrir bæði kynin.“
Félagar í Femínistafélaginu tóku sig til fyrir
skömmu og límdu yfir tímaritið BogB í bóka-
búðum þar sem það gefur sig út fyrir að vera
karlrembutímarit. Kristín útilokar því ekki að fé-
lagið grípi til álíka aðgerða gagnvart tölvuleikjum á
borð við Leisure Suit Larry Magna Cum Laude. „Það
er aldrei að vita hvernig við bregðumst við,“ segir
Kristín. „Það er alveg sama með þennan
tölvuleik og karlrembutímarit að ef
við ætlum að ná einhverju
fram í þessu samfélagi
verðum við að bregð-
ast við.“
HANN SEGIR – HÚN SEGIR
» BETRI SJÓNVARPSDAGSKRÁ
Á FÖSTUDÖGUM