Fréttablaðið - 22.11.2004, Blaðsíða 42

26 22. nóvember 2004 MÁNUDAGUR
Guðmundur Jónsson arkitekt
vakti fyrst athygli hérlendis þeg-
ar hann sigraði í samkeppni um
tónlistarhús í Reykjavík árið 1986,
en hann hafði þá útskrifast frá
arkitektaskólanum í Osló árið
1981. Hann starfar í Noregi þar
sem hann nýtur mikillar vel-
gengni og hafa þar risið fjölmarg-
ar byggingar sem hann hefur
teiknað og eru fleiri í bígerð. Guð-
mundur hefur hlotið yfir 40 verð-
laun og viðurkenningar í sam-
keppni um byggingarlist og hafa
myndir af verkum hans birst um
allan heim og eru verkin hans
kennd víða. Guðmundur hefur
sérhæft sig í byggingum fyrir
menningartengda ferðaþjónustu
og má þar nefna Fjarðarmiðstöð-
ina í Geirangursfirði, en Geirang-
ursfjörður er talinn vera fegursti
fjörður Noregs og það er sam-
dóma álit að einstaklega vel hafi
tekist til við hönnun Fjarðamið-
stöðvarinnar.
Einnig hannaði hann sjávar-
menningarmiðstöðina Norveg
sem gerbreytti ásýnd smábæjar-
ins Rörvík í Norður-Þrændalög-
um, og er eins og hús í skiplíki.
Samspil bygginga og umhverfis
skiptir Guðmund gríðarlega miklu
máli og þá ekki bara náttúrulegt
umhverfi heldur líka saga stað-
anna og þær tilfinningar sem þeir
vekja. Við hlið þess stendur önnur
bygging sem Guðmundur teiknaði
og er hús norska símafyrirtækis-
ins Telenor og kallast Systurskip-
ið og dregur nafn sitt af skyldleik-
anum við Norveg enda standa
byggingarnar hlið við hlið og báð-
ar minna þær á sögu þessa sjávar-
pláss sem lifði sín gullaldarár í
kringum aldamótin 1900. Guð-
mundur fékk Byggeskikkprisen
2003 í Vikna kommune fyrir syst-
urskipið nú á dögunum auk þess
sem Norveg hefur verið tilnefnt
til Mies van der Rohe verðlaun-
anna sem hefur verið líkt við ósk-
arsverðlaun byggingarlistarinnar.
kristineva@frettabladid.is
Endurspeglar tilfinningar
og sögu staðanna
Guðmundur Jónsson arkitekt hefur notið gífurlegrar velgengni
og hlotið fjöldann allan af verðlaunum auk þess sem verk hans
eru þekkt víða um heim.
Sjávarmenningarmiðstöð Norvegs sem vígð var af forsætisráðherra Noregs árið 2001.
Byggingin er tilnefnd til Mies van der Rohe verðlaunanna.
Áhugasamtök um byggingalist fengu Guðmund til að teikna
hús sem átti að vera útfærsla af sögualdarbænum þar sem
fortíð og framtíð myndu mætast. Húsið var nefnt Aldamóta-
húsið. Reykjavíkurborg lagði til lóð undir húsið árið 1998 en
fjármögnun tókst ekki sem skyldi þar sem ekki var fyrirsjáan-
legur uppgangur í húsakaupum og héldu fjárfestar að það
myndi ekki seljast.
Systurskipið, bygging Telenor sem stendur við hlið Norveg. Byggingin hlaut
Byggeskikkprisen 2003.
Viðbygging Amtsbókasafnsins á Akureyri
er fyrsta opinbera byggingin eftir
Guðmund sem rís hér á landi.Fjarðarmiðstöðin í Geirangursfirði er eins og spjótsoddur.
Víkingaskáli eftir Guðmund sem fyrirhugað er að byggja í
Reykjanesbæ og á að efla og styrkja menningartengda
ferðaþjónustu.