Fréttablaðið - 02.12.2004, Qupperneq 53

...nú er jólabókaflóðið í fullum gangi
og því kannski ekki úr vegi að kynna
sér nýjustu bækurnar. Halldór
Guðmundsson, Jóhanna
Kristjónsdóttir, Kristín Marja
Baldursdóttir, Kristín Eiríksdóttir
og Þórarinn Eldjárn lesa upp úr
nýjum bókum sínum í forsal
Borgarleikhússins klukkan 20.00 en
fyrir upplestur og í hléi verður leikinn
léttur jóladjass.
Í Bókasafni
Hafnarfjarðar lesa
Birna Anna
Björnsdóttir, Bragi
Ólafsson, Pétur
Gunnarsson og
Sigmundur Ernir Rúnarsson úr
nýjum bókum sínum auk þess sem
Tatu Kantomaa leikur finnskan
tangó á harmónikku. Upplesturinn þar
hefst klukkan 20.30.
Föstudagur...
...fyrir þá sem hafa tök á getur verið
skemmtilegt að sigla einn rúnt suður í
Hafnarfjörð og kíkja á sýninguna
Jólagjafir til þjóðþekktra Íslendinga
sem opnuð verður í Hafnarborg,
menningar- og listastofnun
Hafnarfjarðar. Þar munu nemendur
á lokaári hönnunardeildar
Iðnskólans í Hafnarfirði sýna jólagjafir
sem þeir hafa hannað og búið til.
...eftir hönnunarsýninguna er ágætt að
skipta um gír og fara á tónleika í
Hallgrímskirkju. Þar kemur
Mótettukór Hallgrímskirkju fram
ásamt Ísak Ríkharðssyni drengja-
sópran, Sigurði Flosasyni saxófón-
leikara og Birni Steinari
Sólbergssyni organista. Saman munu
þeir flytja hugljúf lög í anda jóla og
aðventu í Hallgrímskirkju. Stjórnandi
er Hörður Áskelsson. Tónleikarnir
hefjast klukkan 20.00.
Laugardagur...
...Ragnar Sólberg og félagar í
hljómsveitinni Sign munu rokka feitt
á Grand Rokk við Smiðjustíg ásamt
hljómsveitunum Noise og Dimmu.
Sign hefur tekið miklum breytingum
frá því að hljómsveitin lenti í öðru sæti
á Músíktilraunum fyrir nokkrum árum
og hafa meðal annars orðið manna-
skipti í sveitinni. Ragnar Sólberg er þó
sem fyrr aðalspíra sveitarinnar og
verður spennandi að sjá hvaða stefnu
sveitin er að taka. Tónleikarnir hefjast
klukkan 23.00.
...fyrir þá sem eru minna fyrir hart
rokk gæti verið sniðugt að skella sér á
tónleika með Pálma Gunnarssyni og
Magnúsi Eiríkssyni í
Mannakornum. Tónleikarnir verða
haldnir á Kringlukránni en plata
Mannakorna, Betra en best, sem á eru
fjórtán ný lög, kom út í sumar. Gera
má ráð fyrir að Mannakorn taki einnig
eitthvað af gömlum slögurum á borð
við María, Eina nótt og Engin eins og
þú.
FIMMTUDAGUR 2. desember 2004
BÍÓ
... Það muna sjálf-
sagt enn margir
eftir morðóðu
dúkkunni Chucky
sem skaut fyrst
upp rauðhærðum
kollinum árið
1988 í hryllings-
myndinni Child’s
Play. Þar tókst brjáluðum morðingja að
flytja sál sína yfir í blásaklausa leikfanga-
dúkku áður en hann geispaði golunni.
Dúkkan hélt svo merkjum morðingjans á
lofti með því að kála öllum sem hún
kom nálægt. Það var eitthvað skemmti-
lega fríkað við þessa mynd og þó hún
geti seint talist merkileg framleiðsla gat
hún af sér þrjár framhaldsmyndir, Child's
Play 2, Child's Play 3 og Bride of Chucky
en þar lék Jennifer Tilly kærustu morð-
ingjans sem endurholdgaðist einnig sem
dúkka og það þarf ekki að taka það
fram að dúkkuparið fór hamförum með
búrhnífana. Fimmta myndin um Chucky,
The Seed of Chucky, verður frumsýnd í
dag en þar vekur Glen, munaðarlaust af-
kvæmi parsins, morðóða forledra sína
upp frá dauðum með skelfilegum afleið-
ingum.
Leikstjóri Don Mancini sem hefur hing-
að til einungis leikstýrt þætti í Tales from
the Crypt seríunni. Hann skrifaði hins
vegar handritin að öllum fyrri Chucky-
myndunum og brjálaða dúkkan er hug-
arfóstur hans þannig að enginn þekkir
kauða betur.
Leikarar Brad Douriff talar sem fyrr
fyrir Chucky en hann hefur verið með í
öllum Chucky-myndunum og Jennifer
Tilly endurtekur einnig rullu sína sem
kærastan klikkaða.
Orðspor Myndin hefur fengið þokkalega
dóma í útlöndum en myndir af þessu tagi
þykja vitaskuld ekki merkilegur pappír.
Þeir sem þekkja Chucky vita þó alveg við
hverju má búast og hann bregst ekki að-
dáendum sínum frekar en fyrri daginn.