Fréttablaðið - 13.09.2004, Blaðsíða 4
4 13. september 2004 MÁNUDAGUR
Banaslysið við Kárahnjúka í mars:
Lögregluskýrslan tilbúin
KÁRAHNJÚKAR „Skýrslan er tilbúin
á borði mínu og nú er ég að vega
og meta næstu skref í málinu,“
segir Helgi Jensson, sýslufulltrúi
á Egilsstöðum, en lögreglan hefur
lokið rannsókn sinni á tildrögum
banaslyssins sem varð í Hafra-
hvammargljúfrum í mars.
Bæði lögreglan og Vinnueftir-
litið rannsökuðu slysið og gerði
Vinnueftirlitið strax athugasemd-
ir við upphaf rannsóknar sinnar.
Niðurstöður Vinnueftirlitsins
munu ekki liggja fyrir strax en
Helgi vill ekki upplýsa hvort lög-
reglurannsóknin gefi tilefni til
ákæru. „Skýrslan er nokkur hund-
ruð blaðsíður að lengd en á þessu
stigi er ómögulegt að upplýsa um
næstu skref. Það verður tekin
ákvörðun næstu daga og þá í sam-
ráði við saksóknara og aðra.“
Starfsmaðurinn sem lést starf-
aði fyrir Arnarfell, sem er undir-
verktaki Impregilo við fram-
kvæmdirnar að Kárahnjúkum, en
öryggismál á svæðinu heyra að
flestu leyti undir Ítalina. ■
NÝBÚAR Alþjóðahúsið gagnrýnir
nýútkomna skýrslu um þjónustu
Hafnarfjarðarbæjar við nýbúa. Í
skýrslunni segir meðal annars að
skoða þurfi vandlega samstarf við
Alþjóðahúsið vegna þess hversu
miklir fjármunir eru settir í
þennan eina þátt.
Hafnarfjarðarbær ásamt
fleiri sveitarfélögum á höfuð-
borgarsvæðinu gerðu samning
um samstarf við Alþjóðahúsið.
Árskostnaður bæjarins er tæp-
lega fimm og hálf milljón og
fær bæjarfélagið þá 25 pró-
senta afslátt af allri þjónustu
Alþjóðahússins. Það sem af er
árinu hefur bærinn keypt þjón-
ustu fyrir um fjögur hundruð
þúsund krónur. Þá segir að nýt-
ing nýbúa á þjónustunni sé afar
takmörkuð.
hrs@frettabladid.is
George Bush:
Vottaði virð-
ingu sína
BANDARÍKIN George Bush, forseti
Bandaríkjanna, heimsótti rúss-
neska sendiráðið í Washington
öllum að óvörum í gær og vottaði
samúð sína með fórnarlömbunum í
bænum Beslan með því að skrifa í
minningarbók þeim til handa.
Heimsóknin kom þó ekki meira á
óvart en svo að ljósmyndarar
helstu fréttamiðla voru á staðnum.
Þrjú ár eru síðan sorgin knúði dyra
í Bandaríkjunum þann 11. septem-
ber og hafa rússnesk stjórnvöld
gagnrýnt að erlendir fréttamenn
hafi gert minna úr hryðjuverkun-
um í Beslan en annars staðar í
heiminum. ■
■ SKÓLAMÁL
Er hægt að vinna stríð gegn
hryðjuverkum?
Spurning dagsins í dag:
Óttastu kennaraverkfall?
Niðurstöður gærdagsins
á visir.is
67,31%
32,69%
Nei
Já
KJÖRKASSINN
Farðu inn á visir.is og segðu þína skoðun
visir.is
Umferð í Egyptalandi:
Kostar
marga lífið
EGYPTALAND, AP Sex létust og 21
slasaðist þegar rákust saman rúta
og leigubíll í suðurhluta Egypta-
lands í gær, um 314 kílómetra
suður af höfuðborginni Kaíró.
Ahmed Hamam svæðisstjóri í
Assuit, héraðinu þar sem slysið
átti sér stað, skoðaði í gær að-
stæður á slysstað. Umferðarslys
eru tíð í Egyptalandi og er það
sagt vegna slæms ástands vega og
því að umferðarlögum sé ekki
framfylgt sem skyldi. Lögregla í
Egyptalandi áætlar að árlega
farist um sex þúsund manns þar í
landi í umferðarslysum. ■
HAFRAHVAMMAGLJÚFUR
Þar lést ungur maður í vinnuslysi í mars
síðastliðnum. Sex mánuðum síðar er
skýrsla lögreglu loks tilbúin en Vinnueftir-
litið dregur lappirnar.
Ólympíuleikarnir í
Grikklandi:
Kostnaður
yfir áætlun
GRIKKLAND Líkur eru á að grísk
stjórnvöld þurfi að glíma við gíf-
urlega fjárlagahalla næstu árin en
forsætisráðherra landsins hefur
viðurkennt að Ólympíuleikarnir
hafi kostað mun meira en nokkurn
óraði fyrir. Hallinn er þegar kom-
inn nálægt tvöföldu leyfilegu
hámarki skulda hjá ríkjum innan
Evrópusambandsins. Ástæður eru
sagðar margar; flýta þurfti fram-
kvæmdum við mannvirki sem
ekki voru tilbúin áður en leikarnir
hófust, illa var haldið utan um
kostnaðarbókhald og enn eru að
berast reikningar. ■
Tekist á um
nýbúaskýrslu
Sigurður Þór Salvarsson, hjá Alþjóðahúsinu, segir skýrslu um þjónustu
Hafnarfjarðar við nýbúa ómarktæka. Lúðvík Geirsson, bæjarstjóri segir
engar ákvarðanir hafa verið teknar um að breyta samningnum.
Margir nýta sér þjónustuna
„Við höfum sagt könnunina
engan veginn vera marktæka því
hún er ekki vísindalega unnin,“
segir Sigurður Þór Salvarsson,
upplýsingafulltrúi Alþjóðahúss-
ins, um nýútkomna skýrslu um
þjónustu Hafnarfjarðarbæjar við
nýbúa.
Sigurður segir úrtakið í
skýrslunni handahófskennt.
Talað hafi verið við þrjá Pól-
verja og fimmtán Filippseyinga
þannig að af öllum nýbúum í
Hafnarfirði sé það ekki einu
sinni marktækt úrtak. Hann
segir því út í hött að draga ein-
hverjar ályktanir á samtölum
við svo fáa. Þá gagnrýnir hann einnig að við gerð
skýrslunnar hafi ekki verið aflað upplýsinga hjá Al-
þjóðahúsinu um hversu margir Hafnfirðingar hafi
nýtt sér þjónustu þeirra beint. Tugir hafi nýtt sér
lögfræðiþjónustu Alþjóðahússins og yfir hundrað
manns nýttu sér túlka og þýðingarþjónustu. Að auki
hafi verið fræðsla í vinnuskóla Hafnarfjarðar þar
sem fjögur hundruð unglingar fengu fjölmenning-
arlega fræðslu. „Það stendur að einhverju leiti upp
á bæjaryfirvöld að kynna bæjarbúum þá þjónustu
sem þeir kaupa af Alþjóðahúsinu,“ segir Sigurður. ■
Engar breytingar ákveðnar
„Við höfum ásamt nokkrum
öðrum sveitarfélögum á höfuð-
borgarsvæðinu verið í sam-
starfi við Alþjóðahúsið og það
hefur gengið ágætlega,“ segir
Lúðvík Geirsson, bæjarstjóri í
Hafnarfirði, um gagnrýni
Alþjóðahússins á skýrsluna.
Lúðvík segir skýrsluna hafa
verið gerða til að fá ákveðna
yfirsýn yfir stöðu mála og
finnst honum þeir hjá Alþjóða-
húsinu vera óþarflega við-
kvæmir fyrir því sem þar
kemur fram. Engar ákvarðanir
hafi verið teknar um að gera
breytingar á því fyrirkomulagi
sem er í dag eða um þann samning sem bærinn
hefur gert við Alþjóðahúsið. Hann segir aðeins
hafa verið vilja hjá bænum að skoða mál nýbúa
sem eru orðnir um eitt þúsund í bænum af 50 til
60 þjóðernum. Nýbúar eru því orðnir um fimm
prósent af íbúatölu bæjarins. Um að skýrslan sé
óvísindalega unnin segir Lúðvík að ekki hafi ver-
ið beðið um að gera vísindalega skýrslu um mál-
in heldur var einungis verið að gera ákveðna
könnun. ■
SIGURÐUR ÞÓR
SALVARSSON
Hann segir að höfund-
ur skýrslunnar hefði átt
að afla sér upplýsinga
hjá Alþjóðahúsinu.
LÚÐVÍK GEIRSSON
Hann segir þá hjá
Alþjóðahúsinu óþarf-
lega viðkvæma fyrir því
sem fram kemur í
skýrslunni.
Á SLYSSTAÐ
Ahmed Hamam svæðisstjóri í Assuit,
Egyptalandi skoðar aðstæður þar sem um-
ferðarslys sem kostaði sex manns lífið átti
sér stað í gær.
SENDIHERRAFRÚ Í SKÓLA Í
byrjun mánaðarins hóf Elaine
Mehmet, eiginkona breska
sendiherrans á Íslandi, að heim-
sækja Valhúsaskóla á Seltjarn-
arnesi. Sendiherrafrúin heim-
sækir skólann vikulega og
kynnir Bretland fyrir nemend-
um í öllum árgöngum, að því er
fram kemur á heimasíðu skól-
ans. „Hún gerir þetta af áhuga á
að kynna Bretland og breska
menningu fyrir nemendum,“
segir þar.
FÉLAGSMÁL „Það er vilji til þess, að
halda áfram að vinna í samræmi
við þær hugmyndir sem starfs-
stjórn um málefni Grein-
ingar- og ráðgjafarstöðvar
ríkisins skilaði af sér á síð-
asta ári,“ sagði Þór Þórar-
insson skrifstofustjóri
Félagsmálaráðuneytisins
um fyrirhugaða fjölgun
sérfræðinga við stöðina.
Hann bætti við að
raunaukning hefði orðið á
fjármagni til stöðvarinnar
undanfarin ár, þannig að
menn væru tiltölulega
bjartsýnir á framhaldið.
Umrædd starfsstjórn,
sem í áttu sæti fulltrúar
félagsmálaráðuneytis ,
Greiningar- og ráðgjafar-
stöðvarinnar og hagsmuna-
samtaka, komst meðal ann-
ars að þeirri niðurstöðu, að
fjölga þyrfti sérfræðingum
stöðvarinnar um átta stöðugildi á
fjórum árum. Stöðugildum hefur
nú verið fjölgað um eitt og hálft.
Nýverið var tekið í notkun 200
fermetra viðbótarhúsnæði Grein-
ingar- og ráðgjafarstöðvarinnar.
Þar verður fagsvið
þroskahamlana starf-
rækt, svokölluð snemm-
tæk íhlutun, sem felst í
vinnu með ung, fötluð
börn og foreldra þeirra.
Það rými sem losnaði
verður nýtt til bættrar
aðstöðu fyrir einhverf
börn. Þá rýmkast einnig
um iðjuþjálfun, sem búið
hefur við mjög þröngan
kost. ■
Greiningar- og ráðgjafarstöð ríkisins:
Til stendur að fjölga sérfræðingum
AUKNIR MÖGULEIKAR
Stækkun húsnæðis Greiningar- og
ráðgjafarstöðvar ríkisins hefur í för
með sér aukna og betri þjónustu.
Menn eru heldur bjartsýnir á að
hægt verði að fjölga sérfræðingum
við stöðina. Á myndinni eru Árni
Magnússon félagsmálaráðherra og
Stefán J. Hreiðarsson forstöðu-
maður stöðvarinnar.
ELDUR Í HAFNARFIRÐI Eldur
kviknaði í blokkaríbúð við Álfa-
skeið aðfaranótt sunnudags þegar
logi frá kerti læsti sig í gardínu.
Kona í íbúðinni var flutt á sjúkra-
hús vegna gruns um reykeitrun.
Samkvæmt upplýsingum slökkvi-
liðsins urðu nokkrar skemmdir í
íbúðinni vegna elds og slökkvi-
efna, en greiðlega gekk að
slökkva eldinn.
INNBROT Í FOSSVOGI Brotist var
inn í íbúðarhús í Fossvogshverfi
aðfaranótt sunnudags og hafði
þjófurinn fartölvu á brott með
sér. Þjófurinn hefur ekki fundist
og málið er í rannsókn.
EKIÐ Á KYRRSTÆÐAN BÍL Harður
árekstur varð á Hellisheiði um
fimmleytið á laugardaginn þegar
jeppa var ekið aftan á kyrrstæðan
fólksbíl þar sem hann beið eftir
að geta tekið vinstri beygju inn á
afleggjara Skíðaskálans í Hvera-
dölum. Ökumaður fólksbifreiðar-
innar var fluttur á sjúkrahús, en
fékk að fara heim að skoðun lok-
inni. Fólksbíllinn er ónýtur og
jeppinn mikið skemmdur.
■ LÖGREGLUFRÉTTIR
04-05 12.9.2004 22:02 Page 2