Fréttablaðið - 13.09.2004, Blaðsíða 12

ÖRYRKJAR „Í öll þau skipti sem ríkis-
stjórn Davíðs Oddssonar og
Halldórs Ásgrímssonar hefur verið
dæmd, að minnisblaðsmálinu með-
töldu, hafa þeir bakað ríkinu
ómældan kostnað með ósvífnu
málastappi. Setji þeir þetta í sama
farveg verður þetta orðinn fastur
útgjaldaliður í ríkisbókhaldinu.“
Þetta sagði Garðar Sverrisson
formaður Öryrkjabandalagsins um
þau ummæli forsætisráðherra að
ekki væri gert ráð fyrir 500 miljón-
um króna til handa öryrkjum í fjár-
lögum komandi árs.
Garðar kvaðst ekki trúa því að
Halldór Ásgrímsson og framsókn-
armenn „hafi fallist á að láta fráfar-
andi forsætisráðherra draga sig
niður á þetta plan.“ Það væri að
verða eins og ósjálfráður kækur hjá
þeim að láta heldur dæma sig og
ríkið í stað þess að hafa rétt við í
samskiptum við öryrkja, virða gild-
andi lög og gerða samninga.
„Löglærður forsætisráðherrann
veit auðvitað að næg vitni eru að því
að þessi samningur var gerður og
ekki síður hvað í honum fólst. Eins
veit endurskoðandinn Halldór að
k o s t n a ð a r m a t
hefðu þeir aldrei
getað lagt á
þennan samning
nema fyrir hefði
legið um hvað
var samið.
Kjarkurinn og
karlmennskan
eru þó ekki meiri
en svo að nú
reynir forsætis-
ráðherrann að hræða okkur með því
að málskostnaður geti hugsanlega
lent á öryrkjum. ■
13. september 2004 MÁNUDAGUR
GRAFARVOGUR „Ég teiknaði hjörtu og
síðan gaf ég upp símanúmerið mitt
þannig að ef einhverjum vantar vin
þá getur hann hringt í mig,“ segir
Hanna Lea Magnúsdóttir, tólf ára, en
hún var ein margra sem lögðu hönd á
eitt stærsta vináttulistaverk Íslands-
sögunnar þegar Grafarvogsdagurinn
var haldinn í gær með ýmsum uppá-
komum.
Ingibjörg Sveinsdóttir, myndlist-
arkennari í Húsaskóla, segir ekki víst
hvað verði gert við vináttulistaverkið
en það verði varðveitt í heilu lagi.
Grafarvogsbúar og gestir og gang-
andi tóku sér skriffæri í hönd og
tjáðu sig skriflega eða í myndum og
segir Ingibjörg allt vingjarnlegt hafa
verið leyfilegt á borðann. Hún sagð-
ist ekki hafa haft tíma til að til að taka
út listræna hæfileika á borðanum en
greinilegt að margir vingjarnlegir
hefðu látið sitt eftir liggja. ■
SKÓLAMÁL Einungis tveir af tíu
æðstu stjórnendum skóla á háskóla-
stigi í landinu eru konur. Á meðal
hóps kvenna í Háskóla Íslands er
vilji til að úr þessu verði bætt og er
hafin leit að frambærilegri konu til
að bjóða sig fram til rektors
Háskóla Íslands.
Einungis þeir prófessorar eða
dósentar sem ráðnir eru ótímabund-
ið við háskólann geta boðið sig fram
til rektors. Samkvæmt tölum frá
háskólanum eru einungis 28 prósent
prófessora eða dósenta konur. Það
er því ljóst að heldur hallar á konur
í baráttunni um rektorsstólinn.
María Þorsteinsdóttir, dósent við
læknadeild sem situr í stjórn Félags
háskólakennara, segist telja brýnt
að frambærileg kona bjóði sig fram.
„Ég vil ekki nefna nein nöfn,“ seg-
ir María. „Ég held það þurfi að
hvetja konur aðeins meira en karla
til þess að gefa kost á sér. Það þarf ef-
laust að ganga á eftir sumum þeirra
kvenna sem eru frambærilegar og
brýna þær til þess að fara fram.“
Þegar hlutfall kynja í skólum
landsins er skoðað í heild sinni kem-
ur í ljós að í lægst launuðu skóla-
stjórastöðunum eru konur í miklum
meirihluta. Æðstu stjórnendur í
leikskólum eru nánast undantekn-
ingarlaust konur. Um 99 prósent af
266 leikskólastjórum eru konur.
Eftir því sem menntunarstigið
eykst og laun hækka fækkar konum
jafnt og þétt í æðstu stjórnunar-
stöðum skólanna. Í grunnskólum er
hlutfallið nokkurn veginn í jafn-
vægi, þar eru um 44 prósent af
skólastjórum konur. Í framhalds-
skólum fækkar konum í æðstu
stjórn hins vegar verulega og af 36
skólameisturum eru einungis 22
prósent konur. Í háskólum er hlut-
fallið síðan enn minna eins og kom-
ið hefur fram.
Þórný Hlynsdóttir, þjónustu-
stjóri á Landsbókasafninu sem situr
í stjórn Félags háskólakennara,
segir þetta óneitanlega athyglis-
verða þróun.
„Ég veit í raun ekki hvort konur
hafa sóst eftir þessum stöðum. Ég
vona samt að það sé að verða breyt-
ing á og konur sæki í auknum mæli
eftir ábyrgðarmiklum stöðum því
það er til fjöldinn allur af frambæri-
legum konum sem getur vel sinnt
þessum störfum.“
Aðspurð segist hún ekki telja að
það eigi að ráða konu í stöðu rektors
bara af því að það sé kominn tími til
að kona gegni starfinu.
„Það er til fullt af frambæri-
legum konum innan háskólans. Mér
finnst samt að skoðanir og stefna
viðkomandi eigi að ráða úrslitum.
Við þurfum manneskju sem berst
fyrir því að háskólinn haldi virðingu
sinni sem rannsóknarháskóli. Hvors
kyns sú manneskja er finnst mér
ekki skipta máli. Mín persónulega
skoðun er að mér hefur alltaf þótt
óþægilegt þegar konur eru valdar
sökum kynferðis eða hafnað sökum
kynferðis. Kynferðið á ekki að ráða
för, það er ekki faglegt. Það eru
breyttir tímar framundan hjá
Háskóla Íslands og við þurfum ein-
faldlega manneskju sem getur stað-
ið í samkeppni um fjármagn frá rík-
inu við einkarekna háskóla. Vegna
þessa held ég að staðan verði póli-
tískari á næstu árum en hún hefur
verið hingað til.“
trausti@frettabladid.is
Grafarvogsdagur:
Margir unnu að
vináttulistaverki
TEIKNAÐ OG SKRIFAÐ Á
VINÁTTULISTAVERK
Hanna Lea Magnúsdóttir skrifaði meðal
annars símanúmerið sitt á listaverkið svo að
þeir sem ættu enga vini gætu hringt í hana.
FR
ÉT
TA
B
LA
Ð
IÐ
/E
IN
AR
Ó
LA
Fáar konur í
áhrifastöðum
Eftir því sem menntunarstig og laun hækka fækkar konum jafnt og þétt
í æðstu stjórnunarstöðum skólanna. Kona í stjórn Félags háskólakenn-
ara telur brýnt að kona bjóði sig fram til rektors Háskólans.
PÁLL SKÚLASON KVEÐUR Í VOR
Páll Skúlason, rektor Háskóla Íslands, tilkynnti á fimmtudaginn að hann hygðist ekki gefa
kost á sér í endurkjör til rektors í mars.
ÆÐSTU STJÓRNENDUR Í
SKÓLUM
Fjöldi Karlar Konur
Leikskólar 266 2 264(99%)
Grunnskólar 184 103 81(44%)
Framhaldsskólar 36 28 8 (22%)
Háskólar 10 8 2 (20%)
Samtals 496 141 355
Heimild: Menntamálaráðuneytið
KENNARAR VIÐ HÁSKÓLA
ÍSLANDS
Karl Konur Fjöldi
Prófessorar 147 22 169
Dósentar 104 43 147
Lektorar 35 47 82
Aðjúnktar 13 9 22
Samtals 299 121 420
Heimild: Háskóli Íslands
GARÐAR SVERRISSON
Formaður Öryrkjabandalags Íslands:
Málshöfðun fastur liður
12-13 12.9.2004 20:54 Page 2