Fréttablaðið - 13.09.2004, Blaðsíða 48
Börkur Gunnarsson, leikstjóri
og handritshöfundur, frum-
sýndi kvikmynd sína, Sterkt
kaffi, í Tékklandi í lok apríl.
Myndin hefur gengið vonum
framar þar í landi, er enn í sýn-
ingum og áhorfendafjöldinn er
kominn yfir 25.000 manns.
Myndin hefur verið seld til sýn-
inga í Ungverjalandi, Slóvakíu
og Póllandi og Börkur ætlar svo
að mæta með Kaffið til Íslands í
október og leyfa löndum sínum
að kynnast verkinu sem hefur
gengið vel í Tékkana.
„Ég lagði mikla áherslu á
persónusköpun og ég eyddi
miklum tíma í æfingar með
leikurunum áður en tökur
hófust. Það má segja að þetta sé
hugmynd frá Mike Leigh sem
vinnur í heilt ár með leikurnum
að persónunum áður en hann
byrjar tökur. Við reyndum að
fara eins langt með þetta og við
gátum miðað við takmörkuð
fjárráð en alla jafna rúmast
persónulýsing fyrir kvik-
myndahandrit á fimm blaðsíð-
um en við útlistuðum persón-
urnar okkar á 20-30 síðum.“
Svart kaffi fjallar um ólík
sambönd tveggja para sem fara
saman í ferð út á land. Ferðin
reynir mjög á samböndin og
vinskapinn og persónurnar
leysa misjafnlega úr þeim vand-
ræðum sem verða á vegi þeirra
og þeim vonbrigðum sem fylgja
þeirri uppgötvun að minning-
arnar um æskuslóðirnar eru
miklu fallegri en raunveruleik-
inn.“
Börkur segir að ýmislegt
hafi gengið á meðan á tökum
stóð og þannig settu til dæmis
flóðin miklu í Prag stórt strik í
reikninginn og urðu til þess að
það þurfti að fresta tökum svo
lengi að hann var orðinn uppi-
skroppa með fjármagn áður en
vinnu var lokið. Þá sýndi það sig
hversu samheldinn hópurinn
var orðinn þar sem leikararnir
unnu kauplaust og borguðu
fyrir mat ofan í sig og leikstjór-
ann úr eigin vasa. „Velgengni
myndarinnar hefur svo auð-
vitað orðið til þess að ég er
búinn að gera upp við alla.“
Börkur segist vera sestur að í
Tékklandi og er þegar byrjaður
að huga að næstu verkefnum.
„Ég var búinn að ákveða að
annað hvort kæmi ég strax heim
með skottið milli lappanna ef illa
gengi eða ég reyndi svolítið
áfram. Það væri hreinlega
heimskulegt að koma heim núna
enda er þetta orðið öllu þægi-
legra eftir að leikarar byrjuðu að
hringja í mig en ekki öfugt.“ ■
20 13. september 2004 MÁNUDAGUR
ROALD DAHL
Þessi bráðsnjalli rithöfundur, sem skrifaði meðal
annars um galdrastelpuna Mathildu og Kalla og
súkkulaðiverksmiðjuna, fæddist á þessum degi árið
1916.
ANDLÁT
Arnór Guðjón Ólafsson, múrarameist-
ari, lést 28. ágúst. Útförin hefur farið
fram.
JARÐARFARIR
13.30 Jónas Hermannsson, Tjarnarstíg
1, Seltjarnarnesi, verður jarðsung-
inn frá Grafarvogskirkju.
13.30 Hekla Ásgrímsdóttir, Furulundi
15c, Akureyri, verður jarðsungin
frá Akureyrarkirkju.
14.00 Halldór Sigurður Haraldsson
verður jarðsunginn frá Norðfjarð-
arkirkju.
Á þessum degi árið 1990 var al-
ræmdasti fjöldamorðingi í sögu
Sovétríkjanna, Andrei Chikatilo,
ákærður fyrir 53 morð. Chikatilo
hafði í 12 ár myrt börn og ungar
konur í nágrenni Rostov í Rúss-
landi en yfirvöld höfðu ekki
viljað horfast í augu við að
raðmorðingi gengi laus á svæð-
inu þar sem þau litu á slíka
hegðun sem afsprengi vest-
rænnar menningar sem gæti
ekki þrifist í kommúnisma.
Chikatilo fann fórnarlömb sín
á strætisvagnastoppistöðvum og
lestarstöðvum í Rostov og fór
með þau út í skóg þar sem hann
limlesti, myrti þau og át. Hann
var stórtækur í drápunum og á
einum mánuði árið 1984 myrti
hann sex manns. Hann fékk við-
urnefnið Slátrarinn í Rostov og
talið er útilokað að koma tölu á
alla sem hann drap en margir
vilja meina að fórnarlömb hans
hafi verið vel yfir hundrað.
Á næstu árum komst upp um
fleiri raðmorðingja í Rússlandi
og árið 1998 var Anatoly Onopri-
yenko dæmdur til dauða fyrir 52
morð en á meðal fórnarlamba
hans voru 10 börn. Rússneski
sálfræðingurinn Alexander Buk-
hanovsky telur sig hafa komist á
slóð 30 annarra raðmorðingja
eftir að Chikatilo var tekinn af
lífi árið 1994. Sálfræðingurinn
gengur einnig svo langt að tala
um Rostov sem höfðuðborg
raðmorðingjanna á heimsvísu.■
ÞETTA GERÐIST
RAÐMORÐINGINN CHIKATILO VAR ÁKÆRÐUR FYRIR 53 MORÐ.
13. september 1990
Rússnesk mannæta ákærð
MERKISATBURÐIR 13. sept.
1789 Ríkisstjórn Bandaríkjanna tók sitt
fyrsta lán.
1993 Spjallþátturinn Late Night with
Conan O’Brien hóf göngu sína á
NBC.
1993 Ísraelar og Palestínumenn gera sitt
fyrsta meirháttar samkomulag
sem felur í sér að Palestínumönn-
um er veitt takmörkuð sjálfstjórn
á Gaza svæðinu og í Jeríkó.
1998 The New York Times lokaði vef-
síðu sinni eftir að tölvuþrjótar
laumuðu dónalegu efni inn á
hana.
1999 Í það minnsta 119 manns fórust
þegar sprengja sprakk í Moskvu.
Færir okkur
Svart kaffi
BÖRKUR GUNNARSSON: SÝNIR NÝJA BÍÓMYND SÍNA Á ÍSLANDI Í OKTÓBER.
Þrjár íslenskar kvikmyndir
verða sýndar á kvikmyndahátíð-
inni í Torornto í Kanada í vik-
unni. Hátíðin, sem hófst á
fimmtudaginn, er ein sú stærsta
í heimi og vegur þungt þegar
kemur að sölu á kvikmyndum til
Bandaríkjanna.
Nýjasta mynd Friðriks Þór
Friðrikssonar, Niceland, verður
sýnd í dag, á morgun og á
fimmtudaginn en hún er í
flokknum „Contemporary World
Cinema“ sem er ein aðaldagskrá
hátíðarinnar en þar eru sýndar
myndir frá öllum heimshornum
sem þykja endurspegla það
besta sem gerist í kvikmynda-
gerð í dag.
Heimildarmyndin Mjóddin,
eða Small Mall, eftir Róbert Dou-
glas var sýnd á „Reel to Reel“
dagskránni í gær og verður aftur
sýnd í dag og á miðvikudaginn.
Þetta er í fyrsta skipti sem ís-
lensk heimildarmynd kemst á
þessa dagskrá en myndir úr
þessum flokki í Toronto hafa
oftar en ekki verið tilnefndar til
Óskarsverðlauna í framhaldinu.
Hin mjög svo sérstaka stutt-
mynd Skagafjörður eftir Peter
Hutton var sýnd í gærkvöldi á
Wavelengths dagskránni en
myndirnar sem veljast þangað
eru framúrstefnulegar og kanna
mörk kvikmyndagerðarinnar á
nýjan og spennandi hátt. Í þess-
ari mynd ferðast Hutton með 16
millimetra tökuvélina sína á þrí-
fæti í gegnum Skagafjörð í hljóð-
látri 28 mínútna ferð þar sem
landslagið og það sem fyrir augu
ber er í algeru aðalhlutverki.
Skagafjörður verður opnunar-
mynd Nordisk Panorama hátíð-
arinnar í Reykjavík þann 24.
september en þá munu Sigur Rós
og kvæðamaðurinn Steindór
Andersen láta til sín taka inn-
blásnir af rólegheitum Skaga-
fjarðar. ■
Niceland og Skagafjörður í Kanada
„Smá della af og til gleður jafnvel þá allra
gáfuðustu.“
- Roald Dahl vissi sínu viti ekki síst þegar kom að skáldskap og skemmtigildi hans.
AFMÆLI
Jón Þórarinsson, tónskáld, er 87 ára.
Andrea Gylfadóttir, söngkona,
er 42 ára.
Bókin Páfugl í Mörgæsalandi, eftirB.J. Gallagher og Warren H.
Smith, er
komin út
hjá PP For-
lagi. Páfugl
í Mörgæsa-
landi er
dæmisaga
sem getur
gerst á öll-
um vinnu-
stöðum en
í henni eru
ábendingar
fyrir pá-
fugla, uglur,
svani og
aðrar fugla-
t e g u n d i r
sem berjast við að finna vinnugleði
og ná árangri í vinnunni. Þá er þar
kafli fyrir mörgæsir sem vilja læra að
fljúga, það er að breyta vinnustöð-
um sínum og taka fagnandi nýjum
hugmyndum. Bókin veitir þannig
innsýn í sköpunargáfu og nýjar hug-
myndir á vinnustöðum á einstak-
lega viðfelldinn hátt. Í dæmisögustíl
sýnir bókin okkur hvað getur gerst
þegar við reynum að tjá okkur til
fulls og á hugaðan hátt í umhverfi
sem skapað er og mótað af fram-
kvæmdastjórum og öðrum stjórn-
endum sem sjá veröldina í öðru
ljósi en við. Bókin er skrifuð með því
hugarfari að sögur séu góð leið til
að miðla mikilvægum skilaboðum –
þær hrífa og kenna um leið. Fólk á
til að gleyma staðreyndum, tölum
og kenningum en það man sögur.
Bók þessi er tileinkuð öllum sem
þrá að fljúga frjálst eins og fuglinn
og sýna rétt eðli sitt – og öllum sem
bera skynbragð á að læra af þeim
sem eru öðruvísi en þau sjálf.
■ NÝJAR BÆKUR
BÖRKUR GUNNARSSON Skoðar alvarleg
sambönd í gamansömu ljósi í myndinni
Svart kaffi. „Merking titilsins er í það
minnsta tvöföld á tékknesku; sú bókstaf-
lega, svarta kaffið, og svo tala Tékkar um
að eitthvað sé „svart kaffi“ þegar þeim of-
býður hegðan fólks og hvernig það talar
stundum hvort við annað.“
FR
ÉT
TA
B
LA
Ð
IÐ
/V
IL
H
EL
M
agafj
SKAGAFJÖRÐUR er í aðalhlutverki í sam-
nefndri stuttmynd eftir Petre Hutton.
Myndin var sýnd á kvikmyndahátíðinni í
Toronto í gær og er væntanleg til Íslands á
Nordisk Panorama.
ANDLIT HINS ILLA Fjöldamorðinginn
Chikatilo var stórtækur í drápunum og
talið er að hann hafi jafnvel orðið yfir 100
manns að bana.
SMÁAUGLÝSINGAR ALLA DAGA
Smáauglýsingasíminn er 550 5000
auglysingar@frettabladid.is
- mest lesna blað landsins
SJÓNVARPSDAGSKRÁ
VIKUNNAR »
48-49 (20-21) Tímamót 12.9.2004 18:23 Page 2