Fréttablaðið - 13.09.2004, Blaðsíða 13
Ný tækifæri til verslunarreksturs
í Flugstöð Leifs Eiríkssonar
Ef þú ert með góða hugmynd um verslunarrekstur í Flugstöð Leifs Eiríkssonar
þá gæti tækifærið verið á næsta leiti. Efnt verður til forvals um verslunarrekstur
í flugstöðinni. Um er að ræða brottfarasvæði bæði í eldri og nýrri byggingu
stöðvarinnar sem og á móttökusvæði farþega utan fríverslunarsvæðisins.
Allir sem telja sig vera með góða hugmynd um rekstur sem á erindi inn á þetta eftirsótta
verslunarsvæði eru hvattir til að kynna sér málið og taka þátt í forvalinu.
Kynningarfundur
Kynning á forvalinu og þeim breytingum sem framundan eru í Flugstöð Leifs Eiríkssonar
verður á Grand Hótel fimmtudaginn 16. september n.k. og hefst klukkan 13.30.
KYNNINGARFUNDUR
á Grand Hótel
16. september
kl. 13.30
Rekur þú verslun?
Á kynningarfundinum verður hægt að kaupa forvalsgögn og kosta þau 5.000 krónur. Einnig verður
hægt að nálgast gögn um forvalið eftir fundinn á rafrænu formi á heimasíðu Flugstöðvar Leifs
Eiríkssonar, www.airport.is. Í forvalsgögnunum er meðal annars að finna leiðbeiningar um forvalið
og hvernig skila beri umsóknum.
M
Á
T
T
U
R
IN
N
&
D
Ý
R
Ð
IN
13MÁNUDAGUR 13. september 2004
VALDARÁNS MINNST
Mótmælendur minntust þess á laugardaginn
að þrjátíu ár voru liðin frá valdaráni Augustos
Pinochet. Bandaríski fáninn var brenndur en
Bandaríkin studdu valdaránið sem var í kjöl-
far sigurs Salvadors Allende í kosningum.
SJÁVARÚTVEGUR „Nú er fiskveiði-
stefnan komin í eitt kerfi, stærstu
deilumálin hafa verið afgreidd og
nú er tími til að horfa til framtíðar,“
segir Árni M. Mathiesen, sjávarút-
vegsráðherra. Hann hélt tölu um
sjávarútveginn á Íslandi á opnum
stjórnmálafundi í Hornafirði í
vikunni og sagðist þar ekki vita um
neina aðra þjóð í heiminum þar sem
útgerð væri rekin með þeim mynd-
arskap sem væri hérlendis og á því
ætti að byggja næstu áratugi.
„Staða sjávarútvegs á Íslandi
breytist afar hratt og við megum
ekki eyða kröftum okkar lengur í
deilur og sundurlyndi. Nú þarf að
standa saman að því að vinna út á
við og jafnframt bæta innviði sjáv-
arútvegsins. Það er búið að leysa
helstu deilur og við þurfum allra
síst á því að halda að búin séu til ný
deilumál.“
Árni bendir á að innan sjávar-
útvegsráðuneytisins sé þegar farið
að vinna að nýjum verkefnum sem
tengjast breyttu umhverfi út-
vegsins í framtíðinni. „Setja þarf
skýrar siðareglur í sjávarútvegi
sem tengjast til dæmis umhverfis-
málum og Íslendingar hafa einmitt
verið leiðandi í þeirri umræðu og nú
þarf að klára það. Við erum framar-
lega eins og sakir standa og nú þarf
að sækja enn harðar fram og vinna
saman að því en ekki sundur eins og
hefur stundum verið raunin.“ ■
ÁRNI M. MATHIESEN
Sjávarútvegsráðherra vill meiri samvinnu meðal
útvegsmanna í framtíðinni:
Helstu deilumál
verið afgreidd
FR
ÉT
TA
B
LA
Ð
IÐ
/H
AR
I
Brasilía:
Átak gegn
byssueign
ERLENT, AP Átak brasilískra yfir-
valda gegn almennri bysseign
landa sinna hefur gengið mun
betur en vonir stóðu til en tilefnið
er sú háa tíðni morða í landinu á
ári hverju. Yfir 40 þúsund manns
eru drepnir á ári og er Brasilía
með hættulegustu þjóðum í heimi
hvað þetta varðar. Nú gefst fólki
kostur á að skila inn byssum sínum
gegn vægu gjaldi og var takmarkið
að safna 80 þúsund vopnum á átta
mánuðum. Átakið hefur gengið það
vel að það mun nást á sex mánuð-
um eins og staðan er nú. ■
LULA FORSETI
Með fækkun vopna er vonast til að færri
morð verði framin í Brasilíu.
Forseti Íraks:
Lofar Ítölum
allri hjálp
ÍRAK, AP Forseti Íraks, Ghazi Yawar,
hefur lofað ítölskum stjórnvöldum
fullum stuðningi við að fá lausar úr
haldi mannræningja tvær stúlkur
sem störfuðu við hjálparstörf í
landinu þegar þeim var rænt.
Forsetinn er á ferð á Ítalíu þar sem
hann hittir háttsetta stjórnarerind-
reka auk Silvios Berlusconi, for-
sætisráðherra. Stúlkunum var
rænt á þriðjudaginn var þegar
vopnaðir menn réðust inn á skrif-
stofu ítalskra hjálparsamtaka í
Bagdad. Ekki er langt síðan ítölsk-
um blaðamanni var rænt og hann
myrtur og er ítalska þjóðin í upp-
námi vegna þessa. ■
FRÁ ÍRAK
Forseti landsins sýnir samstarfsvilja við að
fá hjálparstarfsmenn lausa úr haldi.
Réttir víða:
Ökumenn
taki tillit
RÉTTIR Lögreglan í Borgarnesi lokaði
veginum við Skorholt á Vesturlands-
vegi á laugardag vegna fjársafns úr
Skarðsheiðinni, en féð sem kom norð-
an að var á leið í rétt sem er sunnan-
megin við veginn. Um var að ræða
hátt í þúsund fjár. Umferðartafir
vegna þessa voru þó ekki nema um 20
mínútur. Að sögn lögreglunnar verð-
ur eitthvað um álíka lokanir í næstu
viku og hraða umferðarinnar á Holta-
vörðuheiði verður haldið niðri meðan
féð rennur þar yfir á leið í réttina
Leitir og réttir standa nú yfir um
land allt og vert að beina því til öku-
manna að vera meðvitaðir um féð og
aka varlega. ■
12-13 12.9.2004 20:55 Page 3