Fréttablaðið - 13.09.2004, Blaðsíða 52
24 13. september 2004 MÁNUDAGUR
0–1 Unnar Örn Valgeirsson 26.
0–2 Helgi Pétur Magnússon 31.
0–3 Helgi Pétur Magnússon 52.
1–3 Grétar Sigfinnur Sigurðsson 74.
1–4 Helgi Pétur Magnússon 90.
DÓMARINN
Kristinn Jakobsson Í meðallagi
BESTUR Á VELLINUM
Helgi Pétur Magnússon ÍA
TÖLFRÆÐIN
Skot (á mark) 13–18 (6–10)
Horn 1–6
Aukaspyrnur fengnar 22–14
Rangstöður 2–4
MJÖG GÓÐIR
Helgi Pétur Magnússon ÍA
Hjálmur Dór Hjálmsson ÍA
GÓÐIR
Bjarni Lárus Hall Víkingi
Martin Tranicík Víkingi
Borko Marinkovic Víkingi
Grétar Sigfinnur Sigurðsson Víkingi
Þórður Þórðarson ÍA
Unnar Valgeirsson ÍA
Stefán Þór Þórðarson ÍA
Gunnlaugur Jónsson ÍA
Guðjón Heiðar Sveinsson ÍA
1-4
VÍKINGUR ÍA
Öruggur sigur Skagans
Víkingar töpuðu fjórða heimaleiknum í röð nú
1–4 fyrir Skagamönnum sem fóru upp í 3. sæti
FÓTBOLTI Skagamenn sóttu þrjú stig
auðveldlega í greipar Víkings á
Víkingsvellinum í gær. Víkingar
virkuðu smeykir og var ekki að
sjá á leik þeirra að þeir væru að
róa lífróður í deildinni.
Unnar Örn Valgeirsson kom
Skagamönnum á bragðið á 26.
mínútu með öruggu skoti frá
markteig eftir fyrirgjöf Stefáns
Þórs Þórðarsonar frá vinstri kant-
inum. Helgi Pétur Magnússon
skoraði svo annað mark Skaga-
manna á 31. mínútu eftir fyrirgjöf
frá Hjálmi Dór Hjálmssyni. Eftir
mörkin tvö sóttu Víkingar stíft en
Skagamenn voru vandanum
vaxnir og vörðust af kappi.
Helgi bætti svo þriðja markinu
við í byrjun síðari hálfleiks með
góðum skalla úr markteig eftir að
Martin Trancik hafði varið vel
skot utan úr teig. Á 74. mínútu
skoruðu víkingar eina mark sitt.
Markið skoraði varnarmaðurinn
Grétar Sigfinnur Sigurðsson með
skalla eftir að Þórður Þórðarson
fór í skógarferð í vítateig sínum.
Skagamenn tryggðu sér svo sigur-
inn á 70. mínútu með þriðja marki
Helga Péturs úr markteig eftir
fyrirgjöf Arnars Más Guðjóns-
sonar sem kom inn á sem vara-
maður.
„Þetta var ágætisleikur hjá
okkur í dag. Fjögur góð mörk og
mikil barátta í liðinu. Við náðum
að hefna okkur fyrir ófarirnar á
Skaganum í fyrri umferðinni þar
sem við töpuðum. Liðið var að
fúnkera mjög vel sem heild það
var kannski enginn einn sem stóð
upp úr hjá okkur. Við slökuðum
aðeins á eftir annað markið og
fórum að búa til óþarfa pressu á
okkur sjálfa. Við byrjuðum svo
síðari hálfleik á ágætismarki og
eftir það var þetta aldrei spurn-
ing,“ sagði Ólafur Þórðarson
þjálfari Skagamanna kampakátur
eftir leikinn. Ólafur þurfti að
fylgjast með leiknum úr stúkunni
þar sem hann var í leikbanni
vegna fjögurra gulra spjalda.
„Þetta er búið að vera erfitt upp á
síðkastið, við erum búnir að missa
menn út um hvippinn og hvapp-
inn. Við erum ekki nógu einbeittir
í að koma boltanum í burtu. Við
erum að gera herfileg mistök í
varnarleiknum og því fór sem
fór,“ sagði Sigurður Jónsson þjálf-
ari Víkinga eftir leikinn.
RAP@frettabladid.is
MARKASKORUNUM FAGNAÐ Kári Steinn Reynisson faðmar hér Unnar Valgeirsson sem
skoraði fyrsta mark Skagamanna og með þeim er hetja liðsins, Helgi Pétur Magnússon,
sem skoraði þrennu og hefur skorað 4 mörk í síðustu tveimur leikjum.
Helgi Pétur Magnússon:
Nýtti tæki-
færið og setti
þrennu
FÓTBOLTI „Ég er alveg í skýjunum.
Ég var heppinn í dag, mörkin voru
eiginlega ekkert mér að þakka, ég
var bara á réttum stað og af-
greiddi boltann í netið þrisvar
sinnum,“ sagði Skagamaðurinn
Helgi Pétur Magnússon sem var
maður leiksins á Víkingsvellinum
í gær. Hann gerði sér lítið fyrir og
skoraði þrennu í leiknum.
Helgi er rétt tvítugur og hefur
verið að þokast nær sæti í byrjun-
arliðinu Skagamanna á seinni
hluta tímabilsins. Færeyski lands-
liðsmaðurinn Julian Johnsson
meiddist í landsleik á móti Frökk-
um og Ólafur ákvað að gefa Helga
tækifæri í byrjunarliðinu. Hann
sér líklega ekki eftir því.
„Elli [Ellert Jón Björnsson] og
Júlli [Julian] eru báðir meiddir og
ég kom inn fyrir Julian á miðjuna í
síðustu umferð. Ég náði að nýta
mér tækifærið sem þjálfarinn gaf
mér þá og setja mark þá. Núna
skoraði ég þrennu þannig að það er
vonandi að ég fái áframhaldandi
tækifæri í byrjunarliðinu. Við viss-
um að Víkingarnir voru að berjast
fyrir veru sinni í deildinni en við
ætluðum okkur að vinna þá, það
kom aldrei neitt annað til greina.“
Helgi er, eftir þrennuna, orðinn
markahæstur í liði Skagamanna
ásamt Haraldi Ingólfssyni. ■
HVAÐ? HVENÆR? HVAR?
10 11 12 13 14 15 16
Mánudagur
SEPTEMBER
■ ■ SJÓNVARP
15.40 Helgarsportið á RÚV.
21.55 Fótboltakvöld á RÚV.
16.10 Ensku mörkin á RÚV. Sýnd
verða öll mörkin úr síðustu
umferð ensku úrvalsdeildarinnar.
17.50 Ameríski fótboltinn á Sýn.
Sýnt frá leik San Francisco 49ers
og Atlanta Falcons.
18.00 Þrumuskot á Skjá Einum.
Farið er yfir leiki helgarinnar í
enska boltanum.
20.00 Mótorsport 2004 á Sýn.
20.30 Boltinn með Guðna Bergs á
Sýn.
22.30 Enski boltinn á Skjá Einum.
Leikur Charlton og Southampton
verður sýndur.
22.00 Olíssport á Sýn.
23.15 Ensku mörkin á RÚV. Sýnd
verða öll mörkin úr síðustu
umferð ensku úrvalsdeildarinnar í
fótbolta.
Fr
ét
ta
bl
að
ið
/E
.Ó
l.
52-53 (24-25) Íþróttir 12.9.2004 19:59 Page 2