Fréttablaðið - 28.10.2004, Page 41

25FIMMTUDAGUR 28. október 2004
Það er bæði lögbrot
og siðleysi að reka
leiguíbúðir sveitarfélags
eftir viðskiptalögmálum.
Hundrað prósent lán til hundrað ára
Nýr forsætisráðherra Framsókn-
ar sagði í stefnuræðu á þingi að
hér væri það hefð að hvert heim-
ili ætti sína íbúð og þeirri hefð
ætti að viðhalda, hvað sem það
kostar. Því skal hækka opinber
íbúðalán hvað sem hver segir.
Það er sérkennileg stefna að við-
halda hefð sem byggist á rang-
læti, og hvaðan kemur þessi
hefð? Hún er komin frá sauð-
heimsku Bjarts í Sumarhúsum,
en Bjartur þessi hefur lengi ver-
ið helsti boðberi íslensku hús-
næðisstefnunnar og Framsóknar-
menn troðið stefnu hans með op-
inberu valdboði upp á alla lands-
menn, þar á meðal reykvíska al-
þýðu. Hvað varð um Bjart í
Sumarhúsum eftir að hann
byggði húsið á koti sínu? Hann
var borinn út, því hann gat ekki
borgað og neyddur til að flytja
enn innar á heiðina á enn aumara
kot. Þetta er stefnan enn í dag. R-
listinn í Reykjavík framfylgir
henni af dyggð hefðarinnar og
lætur bera út úr íbúðum í eigu
borgarinnar fátækt fólk og lang-
veikt eftir krabbamein og heila-
blóðfall. Það er bæði lögbrot og
siðleysi að reka leiguíbúðir sveit-
arfélags eftir viðskiptalögmál-
um. Þarna svífur einstaklings-
hyggjan yfir í stað félagslegrar
samábyrgðar og fulltrúi Vinstri
grænna tekur að sér fram-
kvæmdina. Nú hafa bankarnir
loks opnað fyrir húsnæðislán og
þar gefst þeim tækifæri til að
breyta því sem opinberir félags-
hyggjumenn hafa svikist um að
breyta.
Hér starfa ágæt bygginga-
fyrirtæki vön því að byggja góð-
ar íbúðir. Í stað þess að lána ein-
staklingum hluta kaupverðs,
ættu bankarnir að semja við fyr-
irtækin um byggingu ca. þúsund
íbúða með 100% láni til ca. 100
ára með normal vöxtum og lánin
myndu fylgja húsunum, sem
væru að veði. Fólkið sem flytur
inn byrjar þá strax að borga af
byggingaláninu mánaðarlega og
flytji það út tekur næsti við. Eng-
in útborgun, engin skuldasöfnun
og engin endurfjármögnun. Aðil-
ar geta stofnað fyrirtæki um
reksturinn ef vill. Fólkið gæti
valið milli þess að gera kaup-
samning eða leigusamning en
reglurnar væru þær sömu. Hús-
næðisstofnun taldi á sínum tíma
að hver íbúð hér sé að meðaltali
endurfjármögnuð á tíu ára bili.
Þarna liggur því steindautt gífur-
legt fjármagn sem nota mætti til
kjarabóta á öðrum sviðum. Sam-
kvæmt Seðlabanka voru skuldir
heimilanna í júní sl. um 812 millj-
arðar kr. Afnám skulda og endur-
fjármögnunar væru ólíkt betri
kjarabót en kaupkröfuhækkanir
og valda ekki kostnaðarhækkun á
öðrum sviðum. ■
JÓN FRÁ PÁLMHOLTI
GJALDKERI LEIGJENDASAMTAKANNA
UMRÆÐAN
HÚSNÆÐISMÁL
,,
AF NETINU
SENDIÐ OKKUR LÍNU
Við hvetjum lesendur til að senda okkur línu
og leggja orð í belg um málefni líðandi
stundar. Greinar og bréf skulu vera stutt og
gagnorð. Eingöngu er tekið á móti efni sem
sent er frá Skoðanasíðunni á visir.is. Þar eru
nánari leiðbeiningar. Ritstjórn ákveður hvort
efni birtist í Fréttablaðinu eða Vísi eða í báð-
um miðlunum að hluta eða í heild. Áskilinn
er réttur til leiðréttinga og til að stytta efni.
Eru hermenn
Mín niðurstaða [er] sú að á [íslensku] frið-
argæsluliðana 15 [í Afganistan] sé ekki
óeðlilegt að líta sem hermenn í skilningi
alþjóðalaga. Samkvæmt því má vel halda
því fram að nú hafi verið stofnaður ís-
lenskur her – ekki stór að vísu en her
engu að síður
Þórður Sveinsson á mir.is
Óþarft embætti?
Embætti Ríkissáttasemjara fær 54 milljón-
ir króna í ár og áformað er að það fái ríf-
lega þá upphæð á næsta ári ef marka má
frumvarp til fjárlaga næsta árs. Þetta eru
talsverðar fjárhæðir og ef litið er til yfir-
standandi verkfalls hljóta menn að spyrja
sig hvort að fjármununum er vel varið eða
hvort að ef til vill mætti spara þessi útgjöld
og láta deilendur um það sjálfa að boða til
funda og ræða saman. Aðstoð sérstaks
samningamanns ríkisins við kjarasamn-
ingagerð er undarleg ráðstöfun, ekki síst
þegar í hlut eiga deilendur sem koma rík-
inu lítið eða ekkert við, svo sem sveitarfé-
lög, kennarar, Samtök atvinnulífsins, Al-
þýðusamband Íslands eða aðrir álíka.
Vefþjóðviljinn á andriki.is
Forysta Samfylkingarinnar
Samfylkingin hefur nú á síðustu misser-
um tekið forystu í pólitískri umræðu um
heilbrigðismál. Málaflokkurinn hafði lengi
legið afskiptur eins og hver annar ómagi á
kerfinu sem best var að henda í einhverj-
um ruðum en skipta sér ekki af að öðru
leyti. Stjórnmálamönnum, með einstök-
um undantekningum, hefur skort pólitískt
þrek til að ræða heilbrigðismál af ein-
hverri alvöru.
Anna Sigrún Baldursdóttir á sellan.is
Sleppa við hátekjuskatt
Þeir sem sannarlegu ættu að borga há-
tekjuskattinn, þeir sem hæst hafa launin,
sleppa margir hverjir við hann. Þessir ein-
staklingar stofna einkahlutafélög þar sem
tekjuskattsprósenta er 18% og borga svo
sjálfum sér arðgreiðslur frá félaginu sem
eru einungis skattlagðar með 10% fjár-
magnstekjuskatti. Eins og venjulega, þeir
sem hafa það best fjárhagslega, sleppa
því hlutfallslega mest við að borga til sam-
neyslu þjóðarinnar.
Þórólfur Rúnar Þórólfsson á politik.is
Einkaskólar sanna sig
Það hefur sýnt sig á öllum stigum
menntakerfisins að einkareknir skólar
geta vel spjarað sig. Hvort sem um er að
ræða einkavæðingu eða einkarekstur. Í
Garðabæ fá foreldrar að velja hvert þeir
senda börnin sín í skóla því að bæjarfé-
lagið greiðir fasta upphæð með hverju
barni, svokallað ávísanakerfi. Þar hefur
myndast samkeppnismarkaður milli skóla
þar sem neytandinn fær að velja hvar
hann vill mennta barnið sitt. Sú leið hefur
myndað samkeppni á milli skóla þar sem
skólarnir keppast um hæfustu kennarana.
Samkeppnin eykur skilvirkni í rekstri öll-
um til góða.
Birgir Örn Brynjólfsson á frelsi.is
24-41 (24-25) Umræðan 27.10.2004 19:09 Page 3