Fréttablaðið - 28.10.2004, Qupperneq 57

41FIMMTUDAGUR 28. október 2004
Barónsstíg 11a • 101 Reykjavík • Sími 551 9555 • www.argentina.is
ar
gu
s
-
04
-0
59
4
Í tilefni 15 ára afmælis Argentínu steikhúss bjóðum við
gestum okkar upp á fjögurra rétta afmælismatseðil með
okkar vinsælustu réttum.
Snöggsteikt risahörpuskel á fennel-risotto með epla- og vermútfroðu.
Nauta-Carpaccio með ólífuolíu, sítrónu og parmesan.
Grilluð nautalund 200 g með bakaðri kartöflu og litríku salati.
Heit Valrhona-súkkulaðiterta með blautum kjarna, borin fram með ís.
Matseðill 5.900 kr. • Sérvalin vín 2.900 kr.
Þetta kostaboð gildir frá 22. október til 1. nóvember.
Hittumst í afmælisskapi!
Bor›apantanir í síma 551 9555 eftir kl. 14:00.
AFMÆLISMATSE‹ILL
Guðrún Jóhanna Ólafsdóttir
messósópran syngur með Sinfón-
íuhljómsveit Íslands á sannkölluð-
um óperutónleikum, sem verða
bæði í kvöld og annað kvöld.
Hún syngur fjórar aríur eftir
Mozart, Rossini og Pablo Luna, en
á milli þess sem hún syngur flytur
hljómsveitin verk eftir Mozart,
Rossini og Franz Liszt.
„Ég byrja á að syngja aríuna La
Clemenzia di Tito, eða Miskunn
Títós, eftir Mozart. Þetta verk er
nokkurs konar dúett raddarinnar
við klarinettuna. Svo syng ég
konsertaríu eftir Mozart, Ch'io mi
scordi di te, sem hann skrifaði
reyndar handa sjálfum sér og
einni af uppáhaldssöngkonum
sínum, Nancy Storace. Hann
stjórnaði sjálfur hljómsveitinni og
spilaði á píanó, en nú stígur Gerrit
Schuil í spor Mozarts og spilar á
píanóið ásamt því að stjórna.“
Eftir Rossini syngur Guðrún
Jóhanna aríu úr Rakaranum frá
Sevilla, sem heitir Una voce poco
fa, og loks syngur hún aríu eftir
Pablo Luna úr spænskri óperettu.
„Þetta er aría með sterkum
arabískum áhrifum og márískum
skreytingum,“ segir Guðrún
Jóhanna.
Þessi spænsku áhrif á tónleik-
unum, sem einnig gætir í Rakaran-
um því sú ópera gerist einmitt á
Spáni, má ef til vill rekja til þess að
sjálf er Guðrún Jóhanna nýflutt til
Spánar ásamt eiginmanni sínu-
um, spænska gítarleikaranum
Francisco Javier Jáuregui.
„Ég er svona að þreifa fyrir
mér á Spáni og verð í lausum
verkefnum. Næst syng ég á Spáni
með sinfóníuhljómsveitinni í La
Mancha, þaðan sem Don Kíkóti er.“
Guðrún Jóhanna er í stuttri
heimsókn hér á landi, en situr svo
sannarlega ekki aðgerðalaus á
meðan. Fyrir utan tvenna tónleika
með Sinfóníuhljómsveitinni syng-
ur hún á kirkjuvígslutónleikum í
Dómkirkjunni á laugardaginn, og á
sunnudaginn syngur hún verk
eftir breska tónskáldið John
Tavener á tónleikum í Landakots-
kirkju. ■
Gróður og grjót nefnist sýning á
málverkum Sigrúnar Sigurðar-
dóttur í kaffistofunni Lóuhreiðri
við Laugaveginn. Sigrún er 75
ára sjúkraliði, sem byrjaði að
mála fyrir sex árum. „Á þessari
sýningu sýni ég bara steina,
gróðurlífsmyndir og sandfok,“
segir Sigrún, sem enn mætir í
vinnu sína á Grund eitt kvöld í
viku. „Ég hef samt varla neinn
tíma til að vinna lengur, ég er
alltaf að mála.“ ■
GUÐRÚN JÓHANNA ÓLAFSDÓTTIR Syngur aríur með Sinfóníunni í kvöld og annað kvöld. Stjórnandi er Gerrit Schuil.
Önnum kafin söngkona
■ TÓNLEIKAR
■ MÁLVERKASÝNING
Gróður og grjót
SIGRÚN SIGURÐARDÓTTIR
Hún hefur opnað sýningu í kaffistofunni
Lóuhreiðri við Laugaveg. Sýnir steina og
sandfok.
56-57 (40-41) Slangan 27.10.2004 19:17 Page 3