Fréttablaðið - 15.12.2004, Qupperneq 64

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Hauskúpa
Velviljaðir alþingismenn semtelja að þjóðin sé á góðri leið
með að éta sig í gröfina vilja forða
átvöglum frá ótímabærum dauða
með því að setja hættumerki á
eiturlyfin þrjú: fitu, sykur og salt,
til dæmis hauskúpu og leggi eða
þrjá svarta krossa. Þetta er fallega
meint, en allur slettirekuskapur
stjórnvalda stríðir þó gegn frels-
istísku í samfélaginu og skerðir
grundvallarmannréttindi okkar til
að hegða okkur heimskulega.
HÉR Í EINA TÍÐ var almenning-
ur varaður við því að aka án þess að
spenna öryggisbeltin í bílum sínum.
Engin refsing lá þó við því að aka
óspenntur út í umferðina. Þessi
kurteislegu tilmæli hins opinbera
leiddu til þess að þeir örfáu ráð-
þægnu einstaklingar sem spenntu
bílbeltin voru aðhlátursefni alls al-
mennings sem sló sér á lær og fliss-
aði yfir sauðshætti þeirra sem lögðu
sjálfviljugir á sig fjötra til að þókn-
ast yfirvöldum.
AF ÞESSU MÁ þann lærdóm
draga að kurteislegar viðvaranir frá
stjórnvöldum séu líklegar til að
hafa engin áhrif eða í versta falli
þveröfug. Það var ekki fyrr en það
var gert að refsiverðu athæfi að
spenna ekki öryggisbelti sem hinn
almenni borgari lét sér segjast og
tók að bíða spenntur eftir slysunum.
Á sama hátt verður að gera ráð
fyrir því að fólk haldi áfram að
belgja sig út af salti, sykri og fitu
þar til menn kalla yfir sig refsingu
fyrir að hlaða á sig ólöglegum hold-
um.
NÝJA LEYNIÞJÓNUSTAN okkar
gæti haft af því tekjur að fylgjast
með holdafari landsmanna. Sveit
vaskra lögreglumanna gæti gert
innrás á heimili landsmanna og
vigtað fólk sem situr að snæðingi.
Upplagt væri að sekta fólk fyrir
yfirvigt upp að 5 kílóum og fjar-
lægja spikið með einfaldri skurðað-
gerð. En síðan væri hæfilegt að
dæma mannskapinn í fangelsi, til
dæmis mánuð fyrir hvert kíló um-
fram þessi fimm – og tvöfalda refs-
inguna ef um endurtekið brot væri
að ræða eða sérdeilis einbeittan
brotavilja. Við þessar húsrannsókn-
ir mætti slá fleiri flugur í einu
höggi og fylgjast með því hvort liðið
er að lesa hollar eða óhollar bók-
menntir, því að ekki skiptir minna
máli að þjóðin sé á góðu róli and-
lega heldur en líkamlega. ■
BAKÞANKAR
ÞRÁINS BERTELSSONAR
SJÓNVARPSDAGSKRÁ
VIKUNNAR »