Fréttablaðið - 07.01.2005, Blaðsíða 18

MK One í Hagkaup
Í Times er haft eftir Jóni Ásgeiri Jóhannessyni, for-
stjóra Baugs, að til standi að hefja útrás bresku
tískukeðjunnar MK One til Evrópu sem Baugur
keypti ásamt fjárfestum á síðasta ári.
MK One sérhæfir sig í tískufatnaði í ódýrari kantin-
um og sjá nýir eigendur möguleika í því að koma
vörum fyrirtækisins í stórmarkaði í Evrópu. Hann
segist sjá tækifæri í útflutningi tískufatnaðar í stór-
markaði og að allir stórmarkaðir þurfi að geta boð-
ið upp á tískufatnað. Baugur hefur reynslu af slíkri
sölu, en Hagkaup hafa um árabil selt tískufatnað í
búðum sínum og því ekki ólíklegt að föt frá MK
One verði komin á herðatrén í Skeifunni innan
skamms.
Straumlínurnar í lag
Þeir eru margir sem nota fyrstu daganna á nýju ári
til að setja sér markmið um heilsusamlegra líferni.
Líkamsræktarstöðvar nýta sér góðan vilja landans á
hverju ári og bjóða þeim góð tilboð á árskortum í
líkamsrækt. Margir þeirra sem taka slíkum tilboð-
um, fullir metnaðar í byrjun janúar, endast ekki
lengi. Þeir sem hafa lagt leið sína í Laugarnar und-
anfarna daga hafa hins vegar komið auga á hóp
sem virðist líklegur til árangurs. Í þessum þriggja
manna hópi eru Þórður Már Jóhannesson, forstjóri
Straums, og Borgar Þór Einarsson lögfræðingur.
Það sem vekur með mönnum trú á framtíð hóps-
ins er þó ekki að þessir tveir beri sig sérstaklega
vel í salnum – þeir þykja reyndar eiga langt í land
– heldur sú staðreynd að
þriðji maðurinn í hópnum
er Guðjón Þórðarson, fyrr-
um landsliðsþjálfari, sem
er náfrændi æfingafélag-
anna. Menn eru almennt á
því að Guðjón sé betri
en enginn þegar
kemur að því
halda góð-
um aga .
MESTA HÆKKUN
ICEX-15 3.379
KAUPHÖLL ÍSLANDS [ HLUTABRÉF ]
Fjöldi viðskipta: 193
Velta: 1.391 milljónir
+0,06%
MESTA LÆKKUN
MARKAÐSFRÉTTIR...
Hluthafafundir í HB Granda hf.,
Tanga hf., Bjarnarey ehf. og
Svans RE-45 ehf. hafa samþykkt
samruna félaganna. Sameiningin
er á grundvelli samrunaáætlunar
sem undirrituð var í lok nóvember.
HB Grandi var fyrir sameiningu
stærsta útgerðarfélag landsins.
Bakkavör hefur ráðið tvo starfs-
menn á fjármálasvið félagsins
með aðsetur í Reykjavík. Rafnar
Lárusson hefur verið ráðinn fjár-
reiðustjóri samstæðunnar og Jó-
hann Gunnar Jóhannsson hefur
verið ráðinn sérfræðingur á fjár-
málasviði.
Fjárfestingarfélagið Atorka hef-
ur tilkynnt London Stock Exchange
um að eignarhlutur Atorku í NWF
Group plc. sé nú 10,01 prósent.
Atorka hefur því aukið eign sína
um eitt prósent.
18 7. janúar 2005 FÖSTUDAGUR
vidskipti@frettabladid.is
Peningaskápurinn…
Actavis 3850 +0,52% ... Atorka 5,75
+0,86% ... Bakkavör 24,00 - ... Burðarás 11,90 +0,42% ... Flugleiðir 9,90
+0,51% ... Íslandsbanki 11,00 - ... KB banki 457,00 - ... Kögun 46,30 -
0,86% ... Landsbankinn 12,00 - ... Marel 48,80 - ... Medcare 6,05 - ... Og
fjarskipti 3,23 +0,31% ... Samherji 10,90 -0,91% ... Straumur 9,40
+1,08% ... Össur 75,50 -1,31%
Íbúðavextir gætu farið
undir fjögur prósent
Ekkert lát virðist vera á
kjarabót íbúðakaupenda og
spáir Íslandsbanki að vextir
Íbúðalánasjóðs fari undir
fjögur prósent um mitt árið.
Hallur Magnússon hjá
Íbúðalánasjóði segir að ef
skuldabréfaútboð færi fram
nú yrðu vextir líklega 4,05
prósent.
Vextir á húsnæðislánum gætu
farið niður fyrir fjögur prósent á
næstu misserum. Miðað við
ávöxtunarkröfu á markaði nú
gæti Íbúðalánasjóður lækkað
vexti sína úr 4,15 í 4,05 prósent.
Í Morgunkorni Íslandsbanka í
gær kom fram að miðað við nú-
verandi ávöxtunarkröfu á mark-
aði megi gera ráð fyrir að vextir
Íbúðalánasjóðs gætu farið í 4,05
prósent og að mati Ingólfs Bend-
er, forstöðumanns greiningar-
deildar Íslandsbanka, gætu vext-
irnir farið niður fyrir fjögur pró-
sent um mitt þetta ár.
Hallur Magnússon hjá Íbúða-
lánasjóði staðfestir mat Íslands-
banka. „Miðað við ávöxtunar-
kröfuna í dag þá er ljóst að það
myndi skila sér í lækkun vaxta ef
farið væri út í skuldabréfaútboð
nú,“ segir hann. Hallur segir ekki
hafa verið ákveðið hvenær næst
verði farið í útboð skuldabréfa en
endurskoðun vaxta á sér stað í
kjölfar slíkra útboða.
„Þetta er það sem við sjáum
gerast á markaðinum. Langtíma-
vextir eru á leiðinni niður og það
mun ýta sjóðnum út í að lækka
vextina,“ segir Ingólfur Bender.
Hann telur líklegt að þá muni
bankarnir einnig lækka sína
vexti. „Ég geri ráð fyrir að þeir
verði áfram af fullum krafti í
þessari samkeppni,“ segir hann.
Að mati Ingólfs geta lækkandi
vextir haldið áfram að kynda
undir hækkun á fasteignaverði
en aukning kaupmáttar og fleiri
lánamöguleikar hafa einnig sitt
að segja í þeirri þróun.
Skammtímavextir, svo sem
eins og á yfirdráttarlánum, fara
hins vegar hækkandi á þessu ári
samhliða því að Seðlabankinn
hækkar stýrivexti. Ingólfur segir
þróunina í langtímavöxtum ekki
nauðsynlega vera þá sömu og í
skammtímavöxtum. „Hækkun
stýrivaxta getur vel farið saman
við að langtímavextir séu að
lækka. Það merkir ekki að stýri-
vextirnir bíti ekki heldur að þeir
bíti í gegnum aðra þætti svo sem
eins og gengi krónunnar,“ segir
hann.
thkjart@frettabladid.is
Tangi 5,56%
Straumur 1,08%
Actavis 0,52%
Austurbakki -3,90%
SH -1,74%
Össur -1,31%
HLUTABRÉF Í ÚRVALSVÍSITÖLU:
„Gengi krónunnar er allt of hátt“ er
staðhæfing sem oft hefur heyrst að
undanförnu. Þá er líka talað um að
krónan sé allt of sterk. En er ekki
betra að krónan sé of sterk en of
veik? Máltilfinningin segir okkur alla-
vega að það sé betra að vera sterkur
en veikur. En hvað þýðir þetta og eru
þessar staðhæfingar réttar?
Í fyrsta lagi þurfum við að átta okkur
á því að það er ekki til neitt eitt „rétt“
gengi krónunnar. Það sem einum
finnst of hátt finnst öðrum of lágt.
Gengi vísar einungis til hlutfallslegs
munar á tveimur gjaldmiðlum, til
dæmis gengi krónunnar gagnvart
evru eða gengi krónunnar gagnvart
bandaríkjadal.
Ef til er eitthvert „rétt“ gengi, þá er
það gengi sem felur í sér jafnvægi í
einhverjum skilningi þess orðs, til
dæmis jafnvægi í viðskiptum við út-
lönd. Aðrir vilja meina að þar sem
gengið ræðst á markaði, þá sé geng-
ið sem skráð er á hverjum tíma „rétt“
gengi og því ekki til neitt „rangt“
gengi.
En hvort viljum við að krónan verði
sterkari eða veikari? Það fer dálítið
eftir því hvorum megin við stöndum.
Sem neytendur innfluttra vara viljum
við sterka krónu, þar sem við fáum
meira fyrir krónuna og líklegt að inn-
fluttar vörur lækki í verði. Útflytjend-
ur eru hins vegar á öndverðum
meiði, þar sem þeir fá færri krónur
fyrir vöru sína þegar krónan er sterk.
Þeir vilja því veikari gjaldmiðil, því þá
fá þeir meira fyrir sinn snúð.
Ferðaþjónustan hér á landi vill því
einnig veikari krónu, því þá verður
hlutfallslega ódýrara fyrir útlendinga
að lifa hér á landi og þeir því viljugri
til að koma hingað. Við Íslendingar
viljum aftur sterkari krónu þegar við
ferðumst til útlanda, því þá verða
vörur í útlöndum hlutfallslega ódýr-
ari.
Einhvers staðar þarna á milli þarf að
finna jafnvægi og oft er miðað við
jafnvægi í viðskiptum við útlönd,
þótt taka þurfi fleira með í reikning-
inn. Nú er mikill halli á viðskiptum
við útlönd sem bendir til þess að
krónan sé of sterk. Ef hún veikist, þá
eyðum við minni upphæðum er-
lendis og útlendingar eyða meiru
hérlendis og þannig lagast viðskipta-
jöfnuðurinn frá báðum hliðum. Auð-
vitað eru ýmsar flækjur á þessum
málum, eins og til dæmis virkjana-
framkvæmdirnar fyrir austan sem
auka viðskiptahallann nú meðan á
framkvæmdum stendur en bæta
hann síðan þegar starfsemi hefst í
álverinu. ■
ÞJÓÐARBÚSKAPURINN
KATRÍN ÓLAFSDÓTTIR
Of hátt gengi krónunnar
nánar á visir.is
Lífeyrisréttindi ígildi
starfslokasamnings
Nýir stjórnendur
hjá Íslandsbanka
Ef til er eitthvert „rétt“ gengi, þá er það
gengi sem felur í sér jafnvægi í einhverj-
um skilningi þess orðs, til dæmis jafn-
vægi í viðskiptum við útlönd. Aðrir vilja
meina að þar sem gengið ræðst á mark-
aði, þá sé gengið sem skráð er á hverj-
um tíma „rétt“ gengi og því ekki til neitt
„rangt“ gengi.
Mismunur á lífeyrisréttindum ein-
staklings með 250 þúsund króna
mánaðarlaun hjá ríkinu og á al-
mennum markaði má jafna við að
ríkisstarfsmaðurinn fái tíu millj-
óna króna starfslokasamning.
Samtök atvinnulífsins benda á
þetta í nýju fréttabréfi sínu. Sam-
tök atvinnulífsins segja að ríkis-
starfsmönnum séu tryggð 93,5
prósent af launum sínum saman-
borið við að sjóðfélagi í Lífeyris-
sjóði verslunarmanna fái 69,3 pró-
sent. Þá benda samtökin á að ríkið
tryggi sínum lífeyrisþegum rétt-
indi og greiði það sem á vanti,
meðan lífeyrissjóðir standi
frammi fyrir því að skerða rétt-
indi sinna félaga vegna hækkandi
lífaldurs og aukinnar örorku. ■
Íslandsbanki hefur gert breyt-
ingar á skipulagi í yfirstjórn
bankans. Haukur Oddsson verð-
ur framkvæmdastjóri samein-
aðs viðskiptabanka- og rekstrar-
sviðs. Haukur er verkfræðingur
að mennt og hefur starfað hjá
bankanum síðastliðin tuttugu ár.
Jón Þórisson, aðstoðarforstjóri
bankans, sem hvarf frá störfum
í bankanum, var yfirmaður við-
skiptabankasviðs.
Þá hefur Jón Diðrik Jónsson,
fyrrverandi forstjóri Ölgerðar-
innar, verið ráðinn fram-
kvæmdastjóri fjárfestinga- og
alþjóðasviðs bankans.
Þá hefur verið komið á fót
skrifstofu forstjóra. Þar verður
Rósant M. Torfason verkefnis-
stjóri í viðskiptaþróun og Pétur
Blöndal forstöðumaður kynning-
armála og fjárfestatengsla. ■
JÓN DIÐRIK
JÓNSSON
HAUKUR
ODDSSON
VEXTIRNIR GÆTU LÆKKAÐ ENN Miðað við ávöxtunarkröfu á markaði nú gæti Íbúðalánasjóður lækkað vexti úr 4,15 í 4,05 prósent.
FRÉTTAB
LAÐ
IÐ
/PJETU
R