Fréttablaðið - 26.01.2005, Side 28

4


{ VINNUVÉLAR 2005 }
Ingjaldur Ragnarsson kann að lýsa eiginleikum margra véla og tækja, til
dæmis Bobcat smávéla, Hyster lyftara, John Deere dráttarvéla og Case trakt-
orsgrafna, enda er hann er sölumaður vinnuvéla hjá fyrirtækinu Vélaborg. Við
ákveðum samt að láta greinina snúast um Case traktorsgröfuna sem er vel
þekkt hér á landi en er nú komin með nýtt stjórnkerfi.
Gömlu stangirnar upp úr gólfi vélarhússins sem stöðugt
þurfti að hreyfa, til að fá samsvörun á moksturstækjun-
um, eru horfnar úr nýjustu módelunum en í staðinn
komin handföng, líkust pinnum á leikjatölvu. Það þýðir
að stjórnandinn hvílir handleggina á stólörmum og
hreyfir bara úlnliðina. Þetta kalla vélamennirnir vökva-
servó enda nær glussavökvinn alveg upp í stýripinnana,
að sögn Ingjalds. Grafan er sjálfskipt en stjórnandinn
hefur þann valmöguleika að grípa til handskiptingar.
Vélin er 110 hestöfl með túrbínu og millikæli.
Nýja grafan, Case 695 Super R, er líka fjórhjólastýrð,
svo hjólin beygja öll fjögur í stað bara framhjólanna áður.
Þannig hefur snúningsradíus hennar orðið minni en eldri vélanna og hún er
því mun liprari. Einnig er tregðulæsing bæði á fram- og afturhásingu svo að
ef eitt hjól byrjar að spóla þá grípa hin inn í. Skóflan að framan er mikið not-
uð í snjómokstri og þar er líka hægt að setja plóg en aftan á er mokstursbún-
aður sem nýtist við alla jarðvinnu. Fjögur vinnuljós eru að framan og fjögur
að aftan og tvö blikkandi aðvörunarljós á þaki. Þá er ógetið ýmissa kosta eins
og sérstaks kaldræsibúnaðar sem hentar sérlega vel fyrir íslenskar aðstæður.
Sölutölur sýna að Case er mest selda traktorsgrafan hér á landi á síðasta
ári. Ingjaldur segir nýja stýribúnaðinn eflaust eiga sinn þátt í því, því hann
taki öðrum fram. „Case hefur nefnilega tekist að þróa kerfi sem er eins ná-
lægt því að vera bilanafrítt og hægt er að hugsa sér,“ segir hann að lokum.
Volkswagen var söluhæsti vinnubíll ársins 2004. Á árinu seldi Hekla alls 349
Volkswagen Caddy og Transporter-bifreiðar og var með 22,81% markaðshlut-
deild á vinnubílamarkaði og jókst sala á Volkswagen vinnubílum um 140%
frá árinu á undan. „Við bindum miklar vonir við nýjan Caddy sem við vorum
að fá í sölu sem er með svokallaðri gíraffalúgu. Lúgan opnar afturrými bíls-
ins út frá þaki sem auðveldar mjög flutning á vörum og verkfærum, eins og
stiga eða rörum,“ segir Margeir K. Eiríksson, sölustjóri vinnubíla hjá Heklu, en
hann og Róbert Rúnarsson sölumaður vænta mikils af þessum nýja Caddy.
Burðargeta Caddy er 750 kg og rúmmál 3,2 fermetrar sem gerir hann afar
rúmgóðan og þægilegan. Staðalbúnaður Caddy er rennihurðir á báðum hlið-
um, tvöföld hurð að aftan auk mikils annars búnaðar. Þar má nefna ABS, af-
tengjanlega spólvörn, rafstýrða og hitaða útispegla, geislaspilara, velti- og að-
dráttarstýri, dagljósabúnað og fleira. Gúmmídúkur í farmrýminu gerir það að
verkum að gólfið er stammt sem tryggir öruggari meðhöndlun varnings.
Caddy er einnig fáanlegur með 2.0 SDI dísilvél.
Margeir K. Eiríksson er sölustjóri vinnubíla hjá Heklu og Róbert Rúnarsson er sölumaður.
„Við erum afar þakklát fyrir viðtökurnar á árinu og horfum með tilhlökkun til ársins 2005.
Ingjaldur segir notkunarmöguleika Case traktorsgröfunnar mikla, enda sé vélin einkar lipur.
VOLKSWAGEN SÖLUHÆSTI
VINNUBÍLL ÁRSINS 2004
Miklar vonir bundnar við nýjan Caddy með
gíraffalúgu.
STJÓRNTÆKIN LÍKUST
PINNUM Á LEIKJATÖLVU
Case traktorsgröfurnar eru mörgum kostum
búnar. Þær áttu sölumet á Íslandi á síðasta ári.
MASCOT FRÁ RENAULT TRUCKS
Bíllinn er með 160 hestafla 3,0
lítra samrásar vél sem kemur í
stað 130 hestafla vélarinnar
sem var áður í Mascot. Vélin
þykir hagkvæm í rekstri eins og
aðrar dísilvélar frá Renault. Gír-
kassinn er einnig nýr. Bíllinn er
með nýja gerð af ABS afhemlun
með EBD bremsujöfnun sem
skilar Mascot enn styttri
bremsuvegalengd. Spólvörn er
staðalbúnaður. Gírstöngin er
komin í mælaborðið en sú stað-
setning hefur mælst vel fyrir í
Trafic og Master. Hirslur eru á
réttum stöðum fyrir pappíra og
þess háttar og allur stjórnbún-
aður er innan seilingar. Fram-
ljósin eru samansett af lang-
drægari tveggja linsu ljósum.
Umboð: B&L.
Flokkur: 3,5 til 65 tonna
vörubílar. Flokkast annað
hvort sem stór sendibíll
eða smærri vörubíll.
Flutningsgeta: 4 tonn.
Gælunafn: Litli trukkurinn.
Nýju gröfurnar eru
með stýripinna við
stólarmana.