Fréttablaðið - 13.03.2005, Page 2

2 13. mars 2005 SUNNUDAGUR
Munntóbaksskortur á höfuðborgarsvæðinu:
Dósin hefur þrefaldast í verði
TÓBAK Munntóbaksskortur er á
höfuðborgarsvæðinu. Munntóbak
er ólöglegt samkvæmt lögum en
þrátt fyrir það er mikið verslað
með þessa vöru á svarta markaðn-
um.
Munntóbaksmarkaðurinn er á
ýmsan hátt líkur fíkniefnamark-
aðnum. Heildsalar flytja inn munn-
tóbak í stórum stíl og selja það síð-
an til smásala. Smásali sem Frétta-
blaðið ræddi við sagði að miðað við
það hvernig markaðurinn væri
núna væri alveg ljóst að löggæslu-
yfirvöld hefðu lagt hald á stóra
sendingu af munntóbaki. Venjulega
væri ein dós af munntóbaki seld á
500 til 600 krónur en nú væri verð-
ið komið upp í allt að 1.800 krónur
fyrir dósina. Svo virðist sem munn-
tóbaksskorturinn teygi anga sína út
fyrir höfuðborgarsvæðið því
Fréttablaðið hefur heimildir fyrir
því að dósin sé nú seld á allt að þús-
und krónur á Akureyri.
Lögreglan í
Reykjavík kann-
aðist ekki við
málið. Hún
sagðist þó
nokkuð oft
fá ábending-
ar um munn-
tóbakssala og hafa
handtekið nokkra
slíka. Snorri Olsen,
tollstjóri í Reykjavík, sagðist ekki
vita til þess að embættið hefði lagt
hald á sendingu. Tollgæslan á
Keflavíkurflugvelli vildi ekkert tjá
sig um málið.
Þeir sem eru teknir með munn-
tóbak eru sektaðir um sjö krónur á
hvert gramm eða um 350
krónur fyrir hverja
dós. - th
Fuglalíf á Hornafirði:
Smyrill réðst á páfagauk
DÝRALÍF Smyrill gerði ítrekaðar til-
raunir til að hremma páfagauk á
Hornafirði en páfagaukurinn
hafði verið settur í búr út í garð
þar sem hann átti að njóta veður-
blíðunnar.
Börn voru vitni að árásum
smyrilsins og héldu í fyrstu að um
uglu væri að ræða. Eigandi páfa-
gauksins, Heimir Karlsson, segir
að páfagaukurinn hafi brugðist
skelkaður við í fyrstu en vaxið
sjálfstraust þegar smyrillinn náði
ekki til hans.
„Smyrillinn steypti sér með
látum á búrið og hamaðist á því en
án árangurs. Viðureignin stóð í
þrjá tíma og áður en henni lauk
reyndi páfagaukurinn að slá til
smyrilsins,“ segir Heimir.
Björn G. Arnarson, fugla-
áhugamaður á Höfn, og Heimir
náðu í sameiningu að fanga
smyrilinn í háf og reyndist hann
illa haldinn og að öllum líkindum
veikur. Björn tók fuglinn og
reyndi að hressa hann við en hann
dó eftir rúman sólarhring. - kk
DAMASKUS, AP Yfirvöld í Sýrlandi
hafa lofað að láta Sameinuðu
þjóðunum í té tímaáætlun um
brottflutning sýrlenskra her-
manna frá Líbanon í næstu viku.
Terje Roed-Larsen, sendiboði
Sameinuðu þjóðanna, lýsti þessu
yfir eftir fund með Bashar al-
Assad, forseta Sýrlands, í sýr-
lensku borginni Aleppo í gær.
Roed-Larsen sagði að á fund-
inum hefði Assad sagst ætla að
draga allt herlið og leyniþjón-
ustuna frá Líbanon. Samkvæmt
því ætla sýrlensk yfirvöld að
virða ályktun Sameinuðu þjóð-
anna númer 1559 sem samþykkt
var í september síðastliðnum og
kveður á um brottflutning hers-
ins frá Líbanon. Roed-Larsen
sagði að Assad myndi kynna
tímaáætlunina fyrir Kofi Ann-
an, framkvæmdastjóra Samein-
uðu þjóðanna, á fundi í New
York í næstu viku.
„Fundurinn með Assad var
mjög góður og ég er mjög von-
góður eftir að forsetinn fullviss-
aði mig um að Sýrlendingar
hygðust virða ályktun 1559,“
sagði Roed-Larsen.
Sýrlendingar hafa verið með
herlið í Líbanon síðan árið 1976
þegar borgarastyrjöld geisaði í
landinu. Um fjórtán þúsund sýr-
lenskir hermenn eru í Líbanon
núna og í fyrrakvöld fór hluti af
um sex þúsund manna herliði,
sem er í norðurhluta landsins,
aftur til Sýrlands.
Sýrlendingar hafa orðið fyrir
auknum þrýstingi frá Vestur-
löndum, sem og arabalöndunum,
eftir að Rafik Hariri, fyrrverandi
forsætisráðherra Líbanons, var
myrtur í síðasta mánuði. Stjórn-
arandstaðan í Líbanon sagði Sýr-
lendinga standa á bak við morðið.
Sýrlenskir ráðamenn fund-
uðu með líbönskum ráðamönn-
um 5. mars. Eftir fundinn til-
kynnti Assad að herliðið yrði
flutt á brott í tveimur áföngum.
Roed-Larsen sagði að í fyrri
áfanganum yrðu her- og leyni-
þjónustumenn fluttir í Bekaa-
dalinn í Líbanon fyrir lok þessa
mánaðar. Í seinni áfanganum
yrði allt herliðið flutt á brott,
starfsmenn hersins og leyni-
þjónustunnar og allt sem þeim
fylgir. ■
Ofsaakstur á Selfossi:
Ók á 150 km
hraða
OFSAAKSTUR Lögreglan á Selfossi
þurfti aðfaranótt laugardags að
hafa afskipti af ökumanni sem
ók á 137 kílómetra hraða við
brúna vestast í bænum. Þar er
hámarkshraði 50 kílómetrar.
Þegar lögreglan hugðist
stöðva ökumanninn gaf hann
enn betur í og var stöðvaður á
150 kílómetra hraða nokkru síð-
ar. Ökumaðurinn reyndist 18 ára
gamall utanbæjarmaður en ekki
var um ölvunarakstur að ræða.
Drengurinn verður sviptur öku-
leyfi. - ej
Þyrla Landhelgisgæslunnar:
Sótti slasaðan
vélsleðamann
VÉLSLEÐASLYS Þyrla landhelgisgæsl-
unnar sótti í gærdag slasaðan
vélsleðamann í Strútslaug, en sleði
mannsins hafði fallið niður bratta.
Samkvæmt upplýsingum vakthaf-
andi læknis á Landspítala – há-
skólasjúkrahúsi er maðurinn ekki í
lífshættu en brotinn á útlimum.
Björgunarsveitarmenn úr
Björgunarsveit Hafnarfjarðar
komu á slysstað um klukkan þrjú
og óskuðu eftir aðstoð þyrlu Land-
helgisgæslunnar. Þyrlan fór frá
Reykjavík klukkan 15.26 og björg-
unarsveitir úr Rangárvallasýslu
voru í viðbragðsstöðu. Björgunar-
sveitarmenn fluttu slasaða mann-
inn í snjóbíl sveitarinnar og hlúðu
að honum þar meðan beðið var
komu þyrlunnar. Hún fór af slys-
stað rúmlega fjögur áleiðis með
sjúklinginn til Reykjavíkur. - ej
ÁFRAM KERGJA
Vonir standa til að fundað verði með út-
varpsstjóra á mánudagsmorgun.
Félag fréttamanna:
Fundur með
Markúsi
RÍKISÚTVARPIÐ „Það er sama patt-
staða í málinu og verið hefur að
öðru leyti en því að við munum
eiga fund með Markúsi Erni á
mánudagsmorgun,“ segir Jón
Gunnar Grjetarsson, formaður
Félags fréttamanna á Ríkisút-
varpinu.
Enn er kergja í starfsfólki þar
vegna ráðningar Auðuns Georgs
Ólafssonar í stöðu fréttastjóra
Ríkisútvarpsins. Markús Örn Ant-
onsson útvarpsstjóri hefur ekki
fundað með fólki eins og ráðgert
var en Jón Gunnar segist fullviss
að það geri hann á mánudaginn.
„Honum er ekki stætt á öðru en
að svara okkur og því fyrr því betra
en á meðan stöndum við föst fyrir í
okkar afstöðu og teljum að endur-
skoða þurfi ráðningu Auðuns.“ -aöe
STÖKK AF SVÖLUM Ung kona
stökk ofan af svölum á þriðju
hæð á Ísafirði aðfaranótt laugar-
dags. Konan hafnaði á svölum
fyrir neðan og slasaðist ekki illa.
SPURNING DAGSINS
Ingvi Hrafn. er þinn tími
þá liðinn?
Minn tími er nýkominn og rétt að byrja.
Ingvi Hrafn Jónsson sagði í samtali við Fréttablað-
ið á laugardag að tími stóru fréttaþulanna væri að
líða undir lok og nefndi þar til erlenda kollega
sína eins og Rather, Jennings og Brokaw.
SÆNSKT TÓBAK
Mest er flutt inn af
munntóbaki frá
Svíþjóð. Hið sænska
General munn-
tóbak er algengast.
Á LEIÐINNI HEIM
Sýrlenskir hermenn sem hafa verið kallaðir heim til Sýrlands frá Líbanon halda á mynd af
Assad, forseta Sýrlands.
■ LÖGREGLUFRÉTTIR
BRÁÐIN LOKUÐ Í BÚRI
Smyrillinn var horaður og illa haldinn en leit ekki við hráum
hamborgurum sem honum voru boðnir.
Assad lofar að
draga herinn burt
Bashar al-Assad, forseti Sýrlands, fer á fund Kofi Annan, framkvæmdastjóra
Sameinuðu þjóðanna, í næstu viku. Hann ætlar að láta Annan fá tímaáætlun
um brottflutning her- og leyniþjónustumanna frá Líbanon.
■ LOTTÓ
GEKK EKKI ÚT Enginn var með all-
ar fimm tölur réttar í Lottóinu í
gærkvöld og bætast því rúmar ell-
efu milljónir króna við fyrsta
vinning í næstu viku. Tölurnar að
þessu sinni voru 5, 19, 20, 34, 35
og bónustalan var 2.
Atlanta:
Morðinginn
handtekinn
BANDARÍKIN, AP Lögreglu í Atlanta í
Bandaríkjunum tókst seinni partinn
í gær að hafa
hendur í hári
mannsins sem
skaut þrjá til
bana í réttarsal í
fyrradag.
Verið var að
rétta yfir við-
komandi þegar
hann greip byssu
réttarvarðar og
drap dómarann,
dómsritara og
einn til áður en hann flýði á brott.
Eftir einhverja mestu leit sem gerð
hefur verið í fylkinu náðist maður-
inn í úthverfi borgarinnar og hafði
hann tekið konu sem gísl. Tókst þó
að handtaka manninn án þess að
henni væri mein gert. ■
Í HALDI
LÖGREGLU
Lögreglan náði
manninum við íbúð-
arhús í Atlanta.