Fréttablaðið - 12.05.2005, Side 17
FIMMTUDAGUR 12. maí 2005 17
JESÚS KRISTUR Maðurinn breytti nafni
sínu frelsaranum til heiðurs.
Þrautagöngu Jesú lokið:
Fær loksins
ökuskírteini
Jesús Kristur fékk loksins öku-
skírteini eftir mikla baráttu við
báknið. Fyrir fimmtán árum
ákvað hinn bandaríski Peter
Robert Phillips að breyta um nafn
og tók upp nafnið Jesús Kristur,
hetju sinni og fyrirmynd til dýrð-
ar. Þegar hann flutti til Vestur-
Virginíu fyrir nokkrum árum
þurfti hann að endurnýja öll per-
sónuskilríki. Honum reyndist
þrautin þyngri að fá nýja nafnið
skráð í ökuskírteinið því yfirvöld í
Washington vildu ekki færa nafn-
breytinguna til bókar. Kristur fór
í mál fyrir við yfirvöld í Wash-
ington fyrir tveimur árum síðan,
en dómstólar höfnuðu beiðni hans
á þeirri forsendu að sumum kynni
að þykja nafnið of ögrandi.
Jesús áfrýjaði úrskurðinum,
sem hann sagði vera hreina bá-
bilju. Hann hefði borið nafnið í
hálfan annan áratug án nokkurra
vandkvæða. Áfrýjunardómstóll
tók röksemdir hans til greina og
féllst á nafnbreytinguna.
Jesús Kristur vill ekki tjá sig
við fjölmiðla um málið. ■
SVEINBJÖRN EYJÓLFSSON Vantaði og
fékk aðstoð við sæðistöku.
Vefsíða kúabænda:
Sæ›istakan
setti met
Auglýsing á heimasíðu Landssam-
bands kúabænda á dögunum vakti
óskipta athygli. „Aðstoð vantar
við sæðistöku“ var fyrirsögn aug-
lýsingarinnar og tengdist fréttin
lausu starfi við Nautastöð BÍ á
Hvanneyri. Samkvæmt vefmæl-
ingum Modernus skoðuðu 4.100
manns auglýsinguna sem er met
hjá LK. Þess má geta að meðal-
fjöldi innlita á síðu LK er um 300
til 400 á dag.
Sveinbjörn Eyjólfsson, for-
stöðumaður Nautastöðvarinnar,
hafði auglýst starfið í Bændablað-
inu. Snorri Sigurðsson, sem sér
um vef LK og er ágætur félagi
Sveinbjörns, sá auglýsinguna,
fannst hún víst fremur daufleg og
ákvað að krydda hana upp á vefn-
um með þessum ágæta árangri.
„Það er alltaf gott fyrir okkur í
landbúnaði að fá umræðu og
Snorri sér um að búa hana til,“
segir Sveinbjörn og hlær hjartan-
lega.
Sveinbjörn segir að viðbrögðin
hafi ekki látið á sér standa og hafi
töluvert af fólki leitað eftir upp-
lýsingum. Hins vegar hafi aðeins
ein umsókn borist og hafi viðkom-
andi verið ráðinn í stöðuna. ■