Atuagagdliutit - 14.01.1987, Blaðsíða 14

14
ATUAGAGDLIUTIT/GRØNLANDSPOSTEN
NR. 3 1987
artitsinermi ikiortit ilinniartitsissu-
tit suugaluartulluunniit ingerlatta-
riaqarpaat. Tamakkualu suliassat
oqitsuinnaanngitsumut piareersar-
niarlugit qanoq iliuuseqarfigine-
qarsimappat? Oqartariaqarpoq an-
nerusutigut imminiiginnarneqarsi-
masut — sulisut taakku massua-
suunatillu nipituuliortuunngimma-
ta imminiiginnarlugit sulisinneqar-
put. Atuartitaane“mut pisortaqar-
fik (KUD) pisussaatinneqarsi-
manngilaq atuartitsinermi ikiorti-
nik ilinniartitsisarnissamut — kom-
munit ataasiakkaat kisimik akisus-
saatinneqarput. Taamaattumik ta-
makkua tungaasigut suliniutaasut
qanoq iliuutsillu qitiusumiit aqun-
neqarsinnaasimanngillat. Tamatu-
malu kinguneraa atuartitsinermi i-
kiortit annikitsuinnarmik immaqa-
lu nalaatsornerinnaasumik ilinniar-
tinneqartarnerat, immaqaluunniit
ilinniartinneqanngitsuuvissarne-
rat, suliaminni artornartumi meeq-
qallu atuartitaanerannut pingaaru-
teqaqisumi iluaqutigisinnaasamin-
nik.
Ilinniartitsinermi atortussat qa-
noq ittut ilinniartitsinermi ikiortit
(allallumi) pissarsiarisinnaavaat?
Ilinniartitsissutissat pingaarnerit
marluk matematik aamma kalaalli-
soortitsineq eqqarsaatigigaanni o-
qartariaqarpoq matematik-imik i-
linniutit qallunaatuut kalaallisut
nutserneqalersimasut. Aningaasal-
li imaluunniit nutseriumassuseq,
immaqaluunniit taakku marluk ta-
marmik, 5. klassit pisassaannut kil-
lillutillu nungussimapput — imaap-
poq matematikimik ilinniartitsineq
pimoorullugu aallartinneqartus-
sanngortorlu. Taamalu kalaaliaq-
qat matematikimik ilinniarluarut-
tulerlutillu qallunaatuumut nuut-
tassapput ukiualuinnannguani ka-
laallisut ilinniartinneqarsimariar-
lutik! — Taamaattumik tupin-
nanngilaq kalaaliaqqat ikittuinnaat
meeqqat atuarfiat qimattarmassuk
matematikip tungaatigut angusa-
qarluarsimallutik. Ajoraluartumil-
lu aamma puigorneqarsimavoq
»qangatut« kisitsisitseriaaseq ma-
tematikertitseriaaserlu nutaaliaa-
soq assigiinngilluinnartunik tun-
ngaveqarluni ingerlanneqartus-
saammata. Angajoqqaat (pingaar-
tumik Danmarkimi) maalaarutigi-
uartarpaat qitornamik matematiki-
gaassaat paasisinnaannginnamik-
kit. Taamaattumillu atuartitsiner-
mi ikiortit imaaliinnarlutik mate-
matikertitsisunngorsinnaanngillat
sivisoorsuarmik pikkorissareersi-
manngikkunik. Tamatumalu ki-
nguneraa arlalippassuarni — qanit-
toq tikillugu — kisitsinermik ilin-
niartitsisoqartarmat naak qangali
matematik kitsinermut taarsiullugu
ilinniartitsissutaasussanngoreera-
luartoq — maannali atuartitsiner-
mi ikiortit allatut ajornartumik ki-
sitsinermik ilinniutit matematiki-
mik ilinniutinik taarsersorsimaler-
paat — ilaatigulli allatut ajornartu-
mik »qangatut« kisitsinermik ilin-
niartitsineq ingerlattariaqartar-
lugu.
Kalaallisoortitsineq
appasippallaarpoq
Kalaallisut atuartitsineq eqqaassa-
gaanni pissutsit suli ajorneruppul-
luunniit. Ilinniuteerarpassuit ilaati-
gut namminersuutigalugit suliat as-
sigiinngitsorpassuarni atorneqar-
put. Qanorli sunalu pissutigalugu
atorneqarnissaannut ilitsersuutinik
iluameersunik peqanngilaq, taa-
maattumillu aallarteriikkat ingerla-
teqqillugit atorneqarnissaannut
tunngavissaqaraj uttanngilaq. Taa-
matullu aamma inunnguutsiminni
oqaatsiminnik ilinniarnissaannut
tunngavissanik pitsaasunik pissar-
sivissaagajuttaratik. Apeqqutaa-
sarporlu ilinniartitsissutissat taa-
maattut klassini qulliunerusuni a-
tussallugit qanoq naleqqutsigisar-
nersut.
Periarfissat assigiinngitsut taa-
rria amerlatigimmata ilinniartitsi-
suusussat pikkorilluinnartuusaria-
qarput suliumatuujulluinnartuusa-
riaqarlutillu — tamatumunngali
tassa ilinniagaqarsimanngitsut ner-
liunneqartarput! Taamaattumik
immaqa tupinnanngilaq atuartor-
passuit kalaallisut ilikkarpiarneq a-
jormata.
Atuartunnguakkuluit ilikkarneq
sapilersut immikkut ittumik ilinni-
artinneqalersarput. Tamannaliuna
immaqa pisariaqalersartoq ilinni-
artitsissutissanik atorluarsinnaasu-
nik peqannginneq pissutigalugu —
immaqa ilinniartitsissutissanik
aaqqissuulluakkanik — ilinniartit-
sisunillu ilinniarluarsimasunik pe-
qannginneq pissutigalugu. Tupin-
nanngilarlu aamma immikkut ilin-
niartitaagaluilluunniit aamma ilua-
mik pissarsiaqanngitsoortarput!
Amerlasuut immaqa oqarumas-
sapput suna tamaat isumalluarnar-
tuerulluinnarlugu uangalu kisima i-
lisimasaqarpalaartutut iliorlunga
allassimasunga. Kisianniliuna asa-
kakka naalakkersuinermik sulia-
qartut aammalu asasakk + nunami
maani meeqqat atuarfiannut aki-
sussaasut — pissutsit taakkarsuk-
kakka ilumoortuupput. Pissutsit
taakkarsukkakka namminersorne-
rulinnginnermiit attatiinnagaap-
put, ullumikkulli inuiaqatigiit su-
liassaasa akimanérsaralugulu pi-
ngaarnersarisariaqarpaat meeqqat
atuarfiat ingerlalluartoq — ullu-
mikkummi taamaanngilaq, pissut-
sit avaanngunartut qanorluunniit i-
sertuunniartigigaluaraanni isigin-
ngitsuusaarniartigigaluaraannilu.
Ajornartorsiutit tusagassiutiti-
gut atuarfinnilu oqallisigeriartigit
tusariartigulu meeqqat atuarfiat
qanoq ittoq innuttaasut kissaatigi-
neraat!
SIMSON SUHL
kal. 16/70 ........... 1550,-
BAIKAL M.58
kal. 12/70 .......... 1350,-
US karabin
22 magnum............ 2595,-
WINCHESTER
model 22 magnum...... 1762,-
WEIRAUCH HW 60
22 magnum............ 2595,-
AGS riffel
22 magnum........... 1883,-
HECKLER Er KOCH
22 magnum.............3170,-
Lyddæmpere til riffel
kræver montering/gevind
fra................... 780,-
AIMPOINT
sigtemiddel.......... 1380,-
BRNO 375H&H
til hval............. 4500,-
GARAND
30-06.................2340,-
MAUSER K98
308 win.............. 1100,-
Ammunition pr. 1000 stk.
30-06.................2400,-
308 Win.............. 1850,-
Armbrøste & buer
fra................... 490,-
KÆMPEKATALOG:
(nr: 11-3) med over 1600 våben, nye,
brugte og antikke. 240 sider med fo-
tos og beskrivelser og priser. Efter-
krav: 82,-
ARMS GALLERY A/S
Nybrogade 26, 1203Kbh.K.
Tlf. 01-11 83 38/ 15 83 38
Telex: 21189 canute dk.
NAMMINERSORNERULLUTIK OQARTUSSATINEQARNERMUT
DIREKTØRISSARSIORPUT
lneqarnermut oqartussaanerup 1. januar 1987 Namminersorne-
rullutik Oqartussanut tiguneqarneranut atatillugu immikkut ine-
qarnermut pisortaqarfiliortoqarpoq Isumaginninnermi Ineqar-
nermullu Naalakkersuisoqarfiup (ISINNAA-p) ataani.
Tamatummunnga atatillugu Namminersornerullutik Oqartussat
piaarnerpaamik sulilersussamik ineqarnermut direktørissarsi-
orput.
Ineqarnermut pisortaqarfimmut atapput siusinnerusukkut ISIN-
NAA-p ineqarnermut immikkoortortaqarfia, Naalagaaffiup sin-
niisoqarfiata ineqarnermut immikkoortortarisimasaa kiisalu Bo-
ligstøtteudvalgip allattoqarfigisimasaa.
Ineqarnermut pisortaqarfiup makku suliassarai:
Pisortaqarfiup Namminersornerullutik Oqartussat sinnerlugit
Kalaallit Nunaanni inissaqartitsineq akisussaaffigaa, sanatitsi-
suuneq ilanngullugu, Namminersornerullutillu Oqartussat inis-
siaataat attartortakkat qullersaaffigalugu ingerlallugu inissiali-
orniartullu tapiiffigineqartarnerat aqqutissiuuttarlugu.
Pisortaqarfik ineqarnermut tunngasunut Isumaginninnermi-
Inissaqarnermullu Naalakkersuisumut allattoqarfiuvoq, soor-
lulu inatsisartut ineqarnermut ataatsimiititaliaanut, ineqarne-
rup ineriartortitaaneranik malinnaniartussaallunilu ineqarner-
mut tunngasunik inatsisartunut siunnersuisartussamut, allatto-
qarfiulluni.
Pisortaqarfiuttaaq inatsisartut inatsisissaattut siunnersuutit,
nalunaarutit, kaajallaasitat ineqarnermut tunngassuteqartut
piareersartarpai.
Pisortaqarfik immikkoortortaqarfinnut agguataagaavoq, tamar-
mik immikkut isumagisassaqarfiusut, ineqarnerup ineriartortin-
neqarneranik, inissialiortiternermik, inissialiornermi ikiorsiissute-
qartarnermik inissianillu ingerlatsinermik suliaqarfiusunik.
Atorfimmut atatillugu Kalaallit Nunaanni avataanullu angalaner-
paaluit pisarput.
Atorfik pisortaqarfinni ingerlatsinermik misilittagaqarluartumik,
inatsisitigut maleruagassiorsinnaasumik inuttalerumaneqarpoq,
ineqarnermullu tunngasunik, ingammik kalaallit inissiaataannik,
ilisimasaqarluarnissaq iluaqutassalluni. Siusinnerusukkut pisor-
taallunilu isumaqatiginninniartarnermik misilittagaqarneq allak-
katigullu oqaasiinnarmillu saqqummiisinnaassuseq atorfiniler-
nermi piumasaqaataallutittaaq.
Aningaasarsiat pillugit Inatsisartut inatsisaat nr. 9 ulloqartoq 25.
oktober 1979 Namminersornerullutik Oqartussat atorfilinnut ani-
ngaasarsiarititaasunut soraarnerussutisiaqarnermullu tunngasoq
innersuussutigineqarpoq.
Atorfik tjenestemanditut atorfittut pilersitavoq. Misiliutaasumik
atorfinittitsineqassappat nalunaarut nr. 60 ulloqartoq 6. februar
1974 Kalaallit Nunaanni sulitilluni misiliutaasumik atorfilittut
naalagaaffimmi atorfinittitaasarnermut tunngasoq innersuussuti-
gineqarpoq.
Atorfik Kalaallit Nunaanni atorfilinnut inatsit malillugu akissarsi-
aqaataassaaq lønramme 37 immikkullu tapeqartinneqarluni.
Inissamik innersuusisoqarsinnaavoq malittarisassat atuutut malil-
lugit ineqarnermut akilertagassamik.
Kalaallit Nunaanni nunaqavissumik atorfinititsinneqassappat
nuunnermi killeqartumik akiliussisoqarsinnaavoq.
Kalaallit Nunaanni najugaqavissuunngitsumik atorfinittoqas-
sappat atorfinilernermi soraarnermilu malittarisassat atuuttut
naapertorlugit akiliussineqassaaq, qaammatillu 12 sulereernerit
tamaasa sulinngiffeqarluni angalanermi akiliunneqartassalluni.
Atorfimmut annertunerusumik paasiasaqarusukkaarmi
saaffigisassaavoq: kst. direktør Martha Labansen, Social-
direktoratet, imaluunniit kst. direktør Dorthe Johannsen,
Boligdirektoratet, tlf. (009299)23000.
Qinnuteqaatit ISINNAA-meeriissapput kingusinnerpaamik
1. marts 1987 allagartalersimassallutillu »Boligdirektør«
uungalu nassiunneqassallutik:
ISINNAA
Grønlands Hjemmestyre
ISINNAA, Boligdirektoratet
Postbox 1070.3900 Nuuk