Atuagagdliutit - 14.01.1987, Blaðsíða 25

NR. 3 1987
ATUAGAGDLIUTIT/GRØNLANDSPOSTEN
25

Løbenummer32 — umimmak tiguneqartoq kingulleq, siutimigut 361-imik
normulerneqarsimasoq — arnaviaavoq. Karsersuarmut ikiltugu »North-
wind«-ip qaavaniitinneqarpoq helikopteri atorlugut MacCormick Fjordi-
mut niujartoriaannaalluni.
utaqqineranni takuniarneqarluar-
tarsimapput. Takunnikkumasut a-
merlasimaqaat. Ilaatigullu naalak-
kersuisut siulittaasuat Jonathan
Motzfeldt Kalaallit Nunaannullu
ministeri Tom Høyem takuniaasi-
mapput, aammali amerikamiut
sakkutoorpassuit — ilaatigut ator-
fikkaat, peqataallutillu ikiuussi-
mapput. Nuutsinerlu ima soqutigi-
neqarsimatigaaq allaat umimmaat
siulliit arfineq-marluk Kap Atholli-
mut pissunneqarmata amerikamiu-
mik tusagassiortunik tikittoqarsi-
malluni.
Umimmaat siulliit Thule Air Ba-
se-mut pissunneqarsimatsiartullu
umiarsuarmut »Northwind«-imut
ikineqarsimapput, unnullu taanna
Kap Atholliliarlutik aallarsimap-
put, apuummatali sila ima ajorsi-
matigaaq, allaat nunnigussinissaq
aqagumut kinguartinneqarsimallu-
ni, aqaguanilu inunnik tigusisussa-
nik nunligussineqareermat aatsaat
umimmaat karsersuarniittut heli-
kopteri atorlugu nunaligunneqarsi-
mapput. Umimmaat arfineq-mar-
luk taakku nunaligunneqarmata
Thulep eqqaa ukiut 100-it sinnerlu-
git umimmaqarsimanngitsoq u-
mimmaqaleqqippoq.
Umimmaat »Northwind«-imiit
nunaligunneqarneranni atorneqar-
poq periaaseq umimmaat pisarine-
qarfimminniit Kangerlussuarmut
assartorneqarneranni periaaserine-
qarsimasoq. Tamatumuunakkulli
umimmaat karsersuarniipput, aat-
saallu anillatsinneqartarput karser-
suit nunamut tutsinneqareeraanga-
ta taamalu nammineerlutik nuna-
mut ingerlasinnaalersarput.
Qaanaamut tikeraartoq
Umimmaat siulliit nunaligunneqa-
reermata »Northwind« Thule Air
Basemut uteqqippoq umimmaat
sinneruttut 20-it aallugit, taakku
MacCormick Fjordimut Inglefield
Landimullu nunaligunneqassam-
mata.
»Northwind« Mac Cormick
Fjordimut ingerlaartilluni Qaanaa-
mut akunnitsiarpoq inatsisartuni i-
laasortap Uusaaqak Qujaakitsup
umimmaat nunaqqatiminut illo-
qarfiullu borgmesterianut takutin-
niassammagit. Sunaaffali borgme-
steri peqanngitsoq. »Northwind«-
ili Qaanaap avataani kisaqqatillugu
tikiupput piniartorpaaluit qimus-
serlutik qilalugarniarsimasut, tassa
julip 18-erigaluaraat suli sikuusor-
suugami. Piniartut »Northwind«-
imut ikillutik nersuterujussuit nu-
naminnut niuneqartussat nuannaa-
rutigigallarujaat.
Ilimagisaminnilli sivisunerusu-
mik Qaanaamiikkallaripput umiar-
suup motoriata aappaa ajoquteqa-
lermat, iluarsaanneqareermallu
aatsaat MacCormick Fjordimut
ingerlaqqipput. Chr. Vibe aalaja-
ngersimagaluarpoq umimmaat
arfineq-marluk Olrik Fjordimut ni-
uneqassasut, Qaanaamili kommu-
nalbestyrelsi aalajangersimammat
tamarmik MacCormick Fjordili-
aanneqassasut taavunngaatiinnar-
neqarput.
Tassanili silarluttorsuuvoq. Aal-
lartikkamilli aatsaat taama silarlus-
siortigilerlutik. Helikopterilluun-
niit atorlugit umimmaat niuneqar-
fissaannut 50 km-inik tiffasinneru-
sumiittumut ingerlanneq sapilera-
luarpaat.
Kingusinnerusukkulli paasine-
qarpoq umimmaat tamanna nam-
minneerlutik qimagarsimagaat. Al-
laat ilaat decemberimi Qaanaap eq-
qaanut pisimallutik, allallu sikuk-
koorlutik Olrik Fjord ikaarsimallu-
gu. — Sumiiffissartimmi nammin-
neerlutik aalajangerumaarpaat, ta-
manna pillugu Chr. Vibe oqarpoq.
Kingulliit niuneqartussaapput
Marshall Bugtenimut Inglefield
Landimiittumut. Kap Alexanderi-
mili sikoqarpallaarmat tassunnar-
niarneq ajornakusoortorujussuu-
voq. »Northwind«-ilu maskinakil-
lisimasoq sikunut kiitippoq inger-
laqqeriarsinnaajunnaarlunilu. Ju-
lilli 21-ianni silagisseriarmat aala-
jangiunneqarpoq umimmaat nun-
ngutaavi 14-it Renselaer Bugteni-
mut niuneqassasut, helikopterilu a-
torlugu »Northwind«-imiit 55-60
km-inik ungasissusilimmut nunali-
gunneqarput.
Itsarnitsat siunissamullu
pilersaarutit
Nunaligissisut Renselaer Bugteni-
miitillutik umimmaat niaqukuinik
ukiunik 100-it sinnerlugit pisoqaas-
susilinnik nassaarallaripput, taa-
matullu aamma tuttut, ukallit, teri-
annissat aqissillu saanikuinik nas-
saartorlutik. Taamalu paasivaat ta-
manna uumasoqarluarsimagaluar-
toq taamaakkamilu uumasunik
nuutsivissaqqissuusoq.
Umimmaat karsersuarniittut
Chr. Vibep piukkunnerusaanut
ingerlanneqartarput. Tamarmillu
ataatsimoortinneqannginnerannut
pissutaavoq ukiorlooratarsinnaa-
nera amaroqaratarsinnaaneralu
annilaanngatigalugit immikkoorti-
terumammagit.
Umimmaat Avanersuarmut
nuunneqartut ukiuni 12-iugallartu-
ni eqqissisimatinneqartussaapput.
Tamatuma kingorna Qaanaami
kommunalbestyrelsip aalajanger-
tassavaa qassikkuutaarlugit piniar-
neqartassanersut. Maannali pis-
sanngatigineqarpoq ukioq anigor-
sinnaassaneraat. Anigussagunikku
marlunnik jangertassavaa qassik-
kuutaarlugit piniarneqartassaner-
sut. Maannali pissanngatigineqar-
poq ukioq anigorsinnaassaneraat.
Anigussagunikku marlunnik ukio-
qalissapput taamalu imminnut na-
patilluarsinnaalissapput.
Oqaatiginereersutut Kitaani alla-
nuttaaq umimmannik nuutsisoqas-
samaarsimavoq. Nuutsiartortullu
Kangerlussuarmiitillutilli oqaluu-
serilerpaat aasaru Nuussuarmut
kingornalu Qeqertarsuarmut nuut-
siniarlutik. Taamaattumilli juulli-
lernerani Chr. Vibe aperaarput: —
Taamaaliorumaarpisi. Aasaru
nuutsiartoqqissavisi?
— Isumaqarpunga tamanna pile-
rigineqartoq, Chr. Vibe oqarpoq.
Taamaaliortoqassappat Steen
Malmquist pisortaajumaarpoq.
Misilittagaqareerami ilisimasaqar-
luareerpoq. Umimmaammi Kitaani
uumasinnaalluarput, nuutsiniar-
tarnerlu akisugaluaqisoq eqqarsaa-
tigisariaqarpoq umimmaat nuun-
neqarfimminni iluaqutallualersin-
naasut.
Aasaq umimmalerisimanermin-
nut tunngatillugu Chr. Vibep ilan-
ngullugu oqaluttuaraa Kangerlus-
suup nunataani sumi tamani umim-
maat meqqukorpassuaqartoq, paa-
sineqarsimasorlu tamakkua kater-
sorlugit kalaallit arnartaasa iluaqu-
tigilluarsinnaagaat. Umimmaat
meqqui qissiuminartorujussuusi-
mapput, taamalu niuersagassalia-
reriarlugit atorneqarsinnaalluarlu-
tik. Taamaattumillu neriuutigine-
qarpoq nuersagassaliortarneq Ka-
laallit Nunaanni aallartisarneqa-
reersoq ingerlallualeriarpat tamak-
kuattaaq suli annerusumik iluaqu-
tigineqalerumaartut.
Karsersuit assartuissutit 14-it Inglefield Landimut niuneqarsimapput, nu-
naligissisullu saamerlermiit tassaapput Jeppe Mohl, Chr. Vibe, Torben
Christiansen, Uusaqqak Qujaakitsoq aamma Christian Lacoppidan, taku-
neqarsinnaavoq angutivissat sisamat arnavissallu qulit Thulep eqqaani nu-
nagiligassaannut niusimagaat.

Inuusuttut utoqqaanerusunut unammisut. Ukiut tamaasa Qaqortumi ukiutoqqami isikkamik arsartartut
inuusuttortaat utoqqaanerusunut ukioq naggataarlugu unammisarput. 31. december 1986 arsartarfik qu-
aasalaartukasik unammimmata inuusuttut ajugaapput 11-nik isertitaqaramik utoqqasaat marluinnarnik i-
sertitaqartut.
De unge mod de ældre. Hvert eneste år den 31. decemberspilles der fodbold i Qaqortoq mellem de unge fod-
boldspillere mod de ældre. Fodboldkampen i den sidste dag af 1986 blev vundet af de unge, som scorede
med 11 mål mod 2 mål.