Atuagagdliutit - 18.12.1997, Blaðsíða 15

1997
15
(Zu*Æ/f(a£
JULETILLÆG
Kalaallit Dluamii
juullisiortamerit
Najugallilli kalaalimimernik mamartunik
sassaalliiffigineqartanngillat
All. Chr. Schultz-Lorentzen
Hellerup-imi Kalaallit Illuata
ulikkaartuartup saavani
orpik isumaqarnassagaluar-
poq suliffeqarfimmi ileq-
quinnartut napparneqartar-
toq. Kalaallit llluanni paat-
suugassaanngilaq sulisut
ilungersuutigigaat napparsi-
masut 30-t missaanniittut
sapaassuit maluginiaqqullu-
gu meeraanitsinnillu sungiu-
simasatsinnik eqqaaseqqul-
luta.
Sapaassuit eqqaamasa-
qarfiusut ileqqutoqqanillu
eqqaasitsisut - qanorluun-
niit uippajaartigigaluarutta
pinngitsaalisaallutalu tunis-
sutissanik pisiniareersima-
galuarutta - soorlu aatsaat
pingaaruteqassusia paasisa-
ripput ataqqilerlugulu, a-
ngerlarsimaffiup toqqissisi-
manartortaa ileqquuinna-
lersoq qimallugu inuuleraa-
ngatta.
Taamaattumik nalaatsor-
nerinnaanngilluinnarpoq Ka-
laallit llluanni upperisamut
tunngasut, soorlu naalagiar-
neq pingaartinneqarput -
tunissutisinernut, juullisiuti-
nik tussiarnernut orpiliar-
nernullu ilanngullugit. Ataat-
simoornermut nuannaar-
nermullu misiginermik piler-
sitsisut, soorlu inuit nalaat-
sornerinnarmik ataatsi-
moortinneqaraangatta taa-
ma misigisartugut.
Qallunaamemit
Juullisiortulli Tranegårds-
vej-ip nerisarfiani juullimut
pinnersarsimasumut sa-
paassuarsiorlutik issaagaan-
gamik allatut ajornartumik
amigaateqartariaqartarput.
Kalaalimernit eqqunnissaasa
ajornartoorutigineri peqqu-
tigalugit ukiup aappassaani
juullimi nerisassat kalaalimi-
nertaqarnissaat ajornarsi-
mavoq. Sulisut oqarnerat
naapertorlugu napparsima-
sut tamanna maqaasiner-
saasarpaat. Nunatsinner-
sunnitsut napparsimaner-
paat assorsuaq maqaasisar-
paat.
Tamatumunnga taarsiul-
lugu qallunaat juulimi neri-
sannaavi, soorlu qeerlutuut
flæskestege-llu. Angakkuar-
sinnaanngikkaannilu susaar-
nermit ajunnginneruvoq.
Kalaallit llluanni sulisut
juulliaqqami sulinertik nu-
anniitsutut isigisanngilaat.
Inuit ulluinnarni ajornartor-
siutillit taamaalilluni najus-
sagaanni akissarsiarineqar-
tartut apeqqutaasanngillat.
Sammisatoqqat aningaase-
rivimmilu aningaasaatit ta-
matumani apeqqutaasan-
ngillat qaqugu nungussa-
nersut.
- Ukiut pingasukkaarlugit
sulinissagut aalajangersor-
tarparput, paasereertarlugu
kikkut juulliaqqami sulissa-
nersut. Allaat ilaasa apeqqu-
tigisarpaat unnuk taanna
sulisinnaanerlutik. Uanga
nammineq taama periarfis-
sineqarnikuuvunga. Naag-
gaaginnarpungali. Maannali
Kalaallit llluanni juullisior-
nissara aalajangiutereerpa-
ra. Nuannertaqaaq.
Amerlasuujulhmi nuann'
- Inuppassuusarnerput ilua-
qutaavoq. Ikippallaarutta
napparsimasut kiserliornerat
sakkortusisarpoq. taamaak-
kaangat malugisarparput
aliasukkiartuinnartut. Hanne
Davidsen oqarpoq, igaffimmi
ningiuusoq, 1980-imili Ka-
laallit llluanni atorfeqarsima-
soq.
Kalaallit llluat kalaallit an-
nertuumik nappaatillit, i-
laannilu sivisuumik Dan-
markimi katsorsartariallit
najugarisarpaat. Napparsi-
masut ataasiakkaat 1993-
imilli Kalaallit llluanni naju-
gaqarnikuupput, juullillu
qaammataani pingaartumik
ilaquttaminnut ungasinner-
tik misigilersarlugu.
- Napparsimanerusut sa-
pinngisatsinnik Kalaallit Nu-
naannit tikeraartoqarlutik
ineqartitaanissaat isumagi-
niartarparput, Helle Andre-
assen, 1991-imilli inunnik i-
sumaginnittutut Kalaallit ll-
luanni sulisimasoq oqarpoq.
Allatut oqaatigalugu pi-
ngaartinneqartarpoq juulli
misigittaalluni TV-p saava-
nut ingilluni atorneqartan-
nginnissaa.
Ileqqutoqqat
Taamaalilluni Kalaallit lllu-
anni ileqqut atorneqaleraa-
ngata ulapputtoqartarpoq.
Adventip sapaataani siul-
lermi sulisut orpiit marluk
pinnersartarpaat. Aappaa
silami, qulliit unnuami kusa-
naqutaasarlutik. Aappaa ne-
risarfimmi aappaluttunik
qaajasortali allaaserinnittup
naammattuugaa.
Sapaammi tassani nap-
parsimasut tamarmik oqa-
iuffimmut Københavnip
qeqqaniittumut Helligånds
Kirke-mut ingerlanneqar-
nissamut periarfissinneqar-
tarput. ualikkut kalaallisut
naalagiartoqartarluni. Nap-
parsimasut Kalaallit llluar-
miuinnaanngitsut, aammali
Rigshospitalimiittut kalaal-
lillu allat inissaaleqisitsineq
peqqutaalluni akunnittarfin-
niittut aamma Skodsborg
Sanatoriumimiittut. Nalaa-
giareernermi ileqqutut Ka-
laallit llluanni Løvstræde-
miittumi kaffillerfigineqar-
tarput, ikinngutit ilisarisi-
masallu akornanni takorni-
uunneqartarluni.
Qaammatip qiteqqunne-
rani Kalaallit llluanni ukiu-
moortumik juullimut basa-
rertoqartarpoq. Napparsi-
masut assassukkatik assi-
giinngitsut tuniniartarpaat.
Nissiaqqat kusanarsaakkat,
pinnersaatit igamullu tigut-
sisit. Takuniaasut tassaak-
kajupput najugallit ilaqutaat
imaluunniit sulisut ikinngu-
taat, akeqanngitsumik gløgg-
illerfigineqartarput kaagiller-
figineqarlutillu. Naatsorsui-
soqaraangami suliaqartitsi-
nissamut aningaasat amer-
lisimatsiassapput.
Juulliaraq aqagukkaanga
aqagumut nalliuttorsiornis-
sarsuaq piareersarneqartar-
poq. Napparsimasut sulisul-
lu orpik isersimaartarfim-
miittoq pinnersartarpaat.
Pilutat nissiaqqallu ilisivin-
nut igalaallu saavannut ik-
kussuunneqartarput. Juulli-
sunnialaalertarpoq.
Juulliaraq
Najugallit juulliaqqami ma-
kikkaangamik nerisarfimmi
nerriviit qaqortumik qale-
qartarput naneruusersorsi-
mallutillu. Ullup-qeqqanut
napparsimasut sulisullu ne-
reqatigiittarput. Qaaqqusa-
nut ilaasarput kalaallit Rigs-
hospitalimi uninngasut a-
kunnittarfinniluunniit naju-
gaqartut, peqataasinnaasut.
Kalaallit llluat biiliussisar-
poq. Ullup-qeqqasioreer-
nermi Helligånds Kirken-imi
kalaallisut naalagiartoqar-
tarpoq.
Ataatsimooqatigiit Kalaal-
lit llluannut uteraangata
the, kaffi, kaagit mamartu-
kujuillu sassaalliutigineqar-
tarput nerersuaqatigiin-
nginnermi. Ukioq manna
qallunaat qeerlutuuat aam-
ma flæskesteg nerineqas-
sapput. Ris a la mande
kinguleqqiutigineqartarpoq.
Taannali nalinginnaanngi-
laq. Qaqqortarissat imaat
arfineq pingasuusarput,
akissarsiassallu arfineq pi-
ngasuusarlutik. Sooq ta-
manna ileqquliunneqarsima-
nersoq eqqaamaneerussi-
mavoq.
Nereqatigiittoqareeraa-
ngat isersimaartarfimmut
katersuuttoqartarpoq, or-
piup naneruutai ikiterneqar-
tarlutik. Inussassuusarmata
silaleriiaallutik kaavittarput.
Kalaallisut juullisiutinik tus-
siartoqartarpoq, iluatsissap-
pallu - taamaakkajupporlu-
mi - Kalaallit llluanni juullip
nuannersua takkuttarpoq.
Tamarmik tunitittarput
Soorunami aamma tunitit-
toqartarpoq. Sulisut nap-
parsimasumut ataatsimut
50 kronit nalingannuttunis-
sutisiniareertarput. Assi-
giinnik tunitittoqartanngi-
laq. Sulisut inunnut ataasi-
akkaanut tulluuttunik ujar-
Orpik kaavissagaanni assakaasulimmi issianeq akornutaanngilaq.
Det er ingen hindring at være i kørestol, når der skal danses om juletræet
lertarput, juullilerneranilu naasarpoq. Juullili suli qaa- Kirkenimut kalaallisut naa-
pisiniarneq poortuinerlu u- ngiutinngilaq. lagiariartortinneqartarput.
lapputigineqartaqaat. Tuni- Juullerujummi ullup qeq- Kalaallit llluanni juulli nuan-
sittoqareersorlu qasulerneq qanut nerersuartoqaree- nersuutinniarlugu ilunger-
takkuttarpoq. Juulliaraq raangat kalaallit Helligånds suutigineqartarpoq.
Ilinniartut niueqatigisartakkagullu
tamaasa juullimi ukiortassamilu
pilluaqqungaarpagut.
Vi ønsker alle vore elever og
forretningsforbindelser en rigtig
glædelig jul og et godt nytår.
<£? A A
Niuernermik Ilinniarfik
Handelsskolen
Gt

ASS7PRIVAT-FOTO