Fréttablaðið - 10.11.2005, Qupperneq 4

4 10. nóvember 2005 FIMMTUDAGUR
STÓRIÐJA Steingrímur J. Sigfússon,
formaður vinstri grænna, gerði
fregnir af hugsanlegum álvers-
framkvæmdum á þremur stöðum
á landinu að umtalsefni í upphafi
þingfundar í gær. „Í undirbúningi
eru að minnsta kosti þrjú álver hér
á landi með þátttöku stjórnvalda.“
Hann vísaði til fregna um að
Umhverfisstofnun hefði úthlutað
Alcan í Straumsvík starfsleyfi
fyrir 260 þúsund tonna fram-
leiðsluaukningu á ári. Í öðru
lagi hefðu landeigendur og
Landsvirkjun undirritað samn-
inga um undirbúning virkjana
á Norðausturlandi fyrir allt að
200 þúsund tonna álframleiðslu á
ári. Í þriðja lagi væri um að ræða
fregnir af samningi milli Norður-
áls, Fjárfestingastofunnar og
Reykjanesbæjar um allt að 250
þúsund tonna álver í Helguvík.
„Þetta eru þrjú verkefni sem öll
eru í gangi samhliða og gætu öll
farið af stað innan eins til þriggja
ára.“
Halldór Ásgrímsson forsætis-
ráðherra sagði að öll þessi mál
væru á umræðu- og undirbún-
ingsstigi og ekkert nýtt af þeim
að frétta. Hann bað vinstri græna
um að útiloka ekki fyrirfram eina
framleiðslugrein. „Það er alveg
eins og þeir vilji bara banna ákveð-
in trúarbrögð hér á landi. Menn
verði bara að hafa eina trú og
enginn megi segja neitt annað.“ - jh
Kristín Gísladóttir sjúkraþjálfari aðstoðar við val
á réttri dýnu alla fimmtudaga á milli kl. 16 og 18.
Opið virka daga: 10-18
Reykjavík: Mörkin 4, s: 533 3500
ALCAN ÁLVERIÐ Í STRAUMSVÍK Vinstri
grænir telja stjórnvöld haldin álæði.
Vinstri grænir á Alþingi bregðast hart við fréttum af frekari undirbúningi áliðju:
Ríkisstjórnin haldin álæði
STEINGRÍMUR J. SIGFÚSSON
FRAKKLAND, AP Óöldina í innflytj-
endahverfum franskra borga tók
að dvína í gær. En þó voru yfir
600 bílar brenndir í fyrrinótt og
skemmdarvargar létu útgöngu-
bann ekki aftra sér frá því að
rústa verslanir, dagblaðadreifing-
armiðstöð og jarðlestarstöð.
Neyðarástandið sem ríkis-
stjórnin lýsti yfir til að unnt væri
að setja á útgöngubann í þeim
sveitarfélögum þar sem óeirða-
seggir hafa haft sig mest í frammi,
tók gildi á miðnætti í fyrrakvöld.
Neyðarástandið verður í gildi í
tólf daga en þingið getur ákveðið
að framlengja það.
Um miðjan dag í gær höfðu þó
aðeins fáein sveitarfélög og héraðs-
stjórnir ákveðið að beita þessari
heimild, þar á meðal Amiens
í Norður-Frakklandi, Orleans
og Savigny-sur-Orge í miðhluta
landsins, sem og Essonne-hérað
suður af París. Bannið gilti þó
aðeins um ungmenni 16 ára og
yngri, sem ekki mega vera á ferli
utandyra eftir myrkur nema í
fylgd með fullorðnum.
Nærri því þrír af hverjum fjór-
um svarenda í viðhorfskönnun
sem gerð var á vegum dagblaðs-
ins Le Parisien sögðust styðja
setningu útgöngubanns.
Að sögn lögreglu voru 617
bílar brenndir í fyrrinótt, sem
er nærri helmingi færri en nótt-
ina þar áður. Óeirðaseggir létu
að sér kveða í alls 116 bæjum,
en nóttina áður var tilkynnt um
slíkt í 226 bæjum. 280 manns
voru handteknir, en þar með var
fjöldi handtekinna kominn í 1.830
alls frá því að óeirðaaldan hófst
fyrir tveim vikum í kjölfar slysa-
dauða tveggja unglinga af norður-
afrískum uppruna.
„Handtökurnar eru greinilega
að sýna árangur,“ sagði Franck
Louvrier, talsmaður innanríkis-
ráðuneytisins. Betur mætti þó ef
duga skyldi.
Þeir sem brjóta útgöngubannið
þar sem það er í gildi eiga allt að
tveggja mánaða fangelsi yfir höfði
sér og 3.750 evra sekt, andvirði
270.000 króna. audunn@frettabladid.is
FRÁ EVREUX Slökkviliðsmenn standa við búð í bænum Evreux í Mið-Frakklandi sem óeirðaseggir rústuðu og kveiktu í. Útgöngubann tók
gildi í bæjarhlutanum La Madeleine í fyrrakvöld. FRÉTTABLAÐIÐ/AP
Útgöngubanni óvíða
beitt í Frakklandi
Heldur tók að draga úr óöldinni í frönskum borgum í gær, daginn eftir að ríkis-
stjórnin lýsti yfir neyðarástandi svo setja mætti útgöngubann í óeirðabæjum.
Tvær vikur eru frá því óeirðirnar hófust í innflytjendahverfum norður af París.
DÝRALÍF Mýs eru komnar upp á lag
með að naga sig í gegnum plastið
sem bændur nota utan um hey-
rúllur. Þá eru dæmi um að mýsnar
geri sér bú inni í rúllunum.
Hjalti Guðmundsson, mein-
dýraeyðir við Eyjafjörð, greinir
jafnframt frá því í Bændablaðinu
að mýs eigi það til að safna eitri,
sem lagt hefur verið fyrir þær, í
stað þess að éta það. Safna þær
eitrinu í eins konar forðabúr inni í
heyrúllunum, en það getur reynst
öðrum skepnum hættulegt ef þær
éta það. ■
Gáfaðar mýs:
Safna eitri
í heyrúllum
UMFERÐARSLYS Ung kona tvíbrotn-
aði á fæti þegar bifreið hennar
rann í veg fyrir rútubíl á þjóðveg-
inum skammt frá Bjarnarhöfn á
Snæfellsnesi, þannig að bílarnir
skullu harkalega saman.
Konan var fyrst flutt á sjúkra-
húsið í Stykkishólmi en þaðan
með þyrlu Landhelgisgæslunnar
á Landspítalann þar sem gert var
að meiðslum hennar. Einn farþegi
í rútubílnum meiddist lítillega.
Bíll konunnar er ónýtur og rútan
mikið skemmd. ■
Bílslys á Snæfellsnesi:
Þyrla sótti konu
eftir árekstur
PAKISTAN, AP Manntjón af völdum
jarðskjálftans mikla sem varð
fyrir réttum mánuði í norðan-
verðu Pakistan er nú talið vera
mun meira en áður var áætlað.
Samkvæmt mati sem unnið var
á vegum Alþjóðabankans og Þró-
unarbanka Asíu fórust yfir 87.000
manns í hamförunum, en það er
um 13.000 fleiri en opinbert mat
pakistanskra yfirvalda.
Vonir standa þó til að björgunar-
aðgerðir muni hindra frekara
manntjón nú þegar vetur sverfur
að. Áberandi þykir þó hve neyðar-
aðstoð alþjóðasamfélagsins hefur
skilað sér verr eftir þessar ham-
farir en þær sem urðu í kringum
Indlandshaf í fyrra. ■
Jarðskjálftinn í Pakistan:
Meira en
87.000 fórust
HJÁLPARGÖGN BORIN Pakistanar bera
hjálpargögn upp fjallsstíg á hamfara-
svæðinu í Kasmír. FRÉTTABLAÐIÐ/AP
GENGIÐ
GENGI GJALDMIÐLA 09.11.2005
Gengisvísitala krónunnar
61,42 61,72
106,81 107,33
72,22 72,62
9,676 9,732
9,274 9,328
7,549 7,593
0,5226 0,5256
87,66 88,18
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
HEIMILD: Seðlabanki Íslands
KAUP SALA
102,1183
AMMAN, AP Í það minnsta 23 fórust
í þremur sjálfsmorðssprengju-
árásum sem gerðar voru nánast
samtímis í Amman, höfuðborg
Jórdaníu, í gær.
Árásirnar voru gerðar um
kvöldmatarleytið að íslenskum
tíma við þrjú hótel, Grand Hyatt,
Radisson SAS og Days Inn, en
ferðamenn og erindrekar frá
Vesturlöndum eru jafnan í meiri-
hluta gesta hótelanna. 120 manns
slösuðust í tilræðunum.
Enginn hefur lýst ábyrgð á
hendur sér en jórdanska lögregl-
an telur að al-Kaída hafi staðið
fyrir tilræðunum. ■
Þreföld sjálfsmorðsárás:
Á annan tug
beið bana
FRÁ GRAND HYATT Auk þeirra 23 sem
létust slösuðust 120 manns í tilræðunum.
FRÉTTABLAÐIÐ/AP