Fréttablaðið - 10.11.2005, Blaðsíða 18

18 10. nóvember 2005 FIMMTUDAGUR
FRAMKVÆMDIR „Okkur er nóg
boðið og ég heiti á allt réttsýnt
háskólafólk að leggja okkur lið
við að stöðva þau mistök sem
hér er stefnt að,“ segir Gunnar
Karlsson, prófessor við hugvís-
indadeild Háskóla Íslands vegna
fyrirhugaðs Háskólatorgs II.
Hann segir fólk í Hugvísinda-
deild hafa alvarlegar athugasemd-
ir við hönnun torgsins. „Teikning-
in á Háskólatorgi II er kannski
umfram allt táknrænn gerningur,
gróf yfirlýsing um að við í hugvís-
indadeild séum og eigum að vera
utangarðsfólk í háskólasamfélag-
inu; þetta er höfnun,“ segir hann.
Umrætt torg á að rísa á reitnum
sem er milli húsanna Nýjagarðs
og Árnagarðs en þar fer starfsemi
hugvísindadeilar að mestu fram.
Torgið mun tengja Odda, hús
félagsvísinda-, hagfræði- og við-
skiptadeildar, og Lögberg þar sem
lögfræðideild hefur aðsetur sitt.
„Við fögnuðum því að torgið yrði
byggt á þessum stað enda töldum
við að það myndi tengja húsin þar
sem starfsemi okkar fer fram en
þess í stað á byggingin að rísa eins
og múr á milli húsa deildarinnar
þvert á helstu samgönguleið hug-
vísindadeildarfólks og ekki einu
sinni dyr á byggingunni eiga að
snúa að húsum okkar deildar,“
útskýrir Gunnar. Hann leggur
til að samið verði við hönnuði og
verktaka um að teikna Háskóla-
torg II upp á nýtt og þá með teng-
ingu við Árnagarð og Nýjagarð.
Til að mæta aukakostnaði sem
af því hlýst vil hann að göng sem
tengja eiga Háskólatorg I og II
verði tekin út enda séu þau út í
hött. „Með svolitlum ýkjum má
segja að þetta séu göng fyrir hag-
fræðinga á barinn,“ segir Gunnar í
bréfi sínu en Ingjaldur Hannibals-
son, formaður bygginganefndar,
er einmitt hagfræðingur.
Ingjaldur segir að samkvæmt
teikningunum snúi dyr að Árna-
garði og Nýjagarði og svo verði
gönguleiðir milli bygginganna
tveggja mun greiðari en áður.
Hann segir að athugasemdirnar
verði sendar hönnuðum og þeim
gert að koma með tillögur hvernig
verða megi við þeim. Endanlegar
teikningar eiga svo að liggja fyrir
snemma á næsta ári. Honum þykja
núverandi teikningar ekki vega að
hugvísindadeild. Hann vill engu
svara ummælum Gunnars um að
göng milli torga séu göng fyrir hag-
fræðinga á barinn. jse@frettabladid.is
A
u
g
lý
si
n
g
as
to
fa
G
u
ð
rú
n
ar
Ö
n
n
u
Þín skoðun skiptir máli
Nánari upplýsingar á: www.reykjavik.is
Borgarstjórinn í Reykjavík
Hverfafundir eru kjörið tækifæri til að koma
þínum skoðunum á framfæri við borgarstjóra.
Þeir eru nauðsynlegur vettvangur samskipta
milli borgarstjóra og íbúa. Hverfafundir eru
árviss málþing um hagsmunamál íbúa og ég
vona að þú sjáir þér fært að koma og ræða
málin á fundi í þínu hverfi.
Komdu á hverfafund og segðu hvað þér finnst.
Ágæti íbúi
Vesturbær
Safnaðarheimili Neskirkju í kvöld kl. 20
Næsti hverfafundur: Miðborg
Mánudagur 14. nóvember kl. 20 í Ráðhúsi Reykjavíkur
Borgarstjóri hlustar
H V E R F A F U N D I R B O R G A R S T J Ó R A 2 0 0 5
Með bestu kveðju
Telja sig utangarðs á
nýju Háskólatorgi
Gunnar Karlsson prófessor segir hönnun Háskólatorgs vera höfnun fyrir fólk í
hugvísindadeild. Hann hvetur samstarfsmenn til aðgerða og segir fyrirhuguð
göng milli háskólatorga vera göng fyrir hagfræðinga á barinn.
TEIKNING AF HÁSKÓLATORGUM I OG II Göngin mynda vegg milli Árnagarðs og Nýjagarðs
en tengja saman Odda og Lögberg. Á myndinni sjást göngin eins og brúngulur bjúgverpill.
550 5000
AUGLÝSINGASÍMI
CHILE Alberto Fujimori, fyrrver-
andi forseti Perú, verður í varð-
haldi í Chile þangað til stjórnvöld
í Perú hafa óskað eftir framsali
hans til landsins.
Þetta var niðurstaða dómstóla
í Chile eftir að lögmaður Fujimori
fór fram á lausn hans úr varðhaldi
en Fujimori var handtekinn við
komuna þangað síðastliðinn mánu-
dag. Fujimori hafði dvalið í fimm
ár í útlegð í Japan en þar sem hann
hefur einnig japanskt ríkisfang
var framsal þaðan óhugsandi.
Forseti Perú, Alejandro Tol-
edo, fagnar handtöku Fujimoris en
ákærur bíða hans vegna langvar-
andi spillingar í tíu ára stjórnartíð
hans sem forseti Perú. Einnig er
talið að hann verði saksóttur fyrir
að hafa staðið að baki morðum á
tugum uppreisnarmanna í landinu.
Fáir skilja hvað Fujimori gekk
til með komu sinni til Chile. Hafði
hann áður lofað að taka þátt í kom-
andi kosningum í Perú í apríl á
næsta ári þrátt fyrir ákærur þær
er bíða hans þar og banni við að
taka við nýju embætti í landinu til
ársins 2011.
Yfirvöld í Perú hafa sextíu daga
til að óska framsals Fujimoris.
Fyrrverandi forseti Perú snýr skyndilega úr fimm mánaða útlegð í Japan:
Fujimori áfram í varðhaldi
ÁFRAM Í HALDI Alberto Fujimori fær
ekki lausn úr fangelsi í Chile þangað til
framsalskrafa hefur borist frá Perú.
Í SLIPP Queen Mary II, stærsta skemmti-
ferðaskip heims, sést hér sigla inn í slipp-
kví þýsku skipasmíðastöðvarinnar Blohm
& Voss í Hamborg í gær. Þar verður unnið
að viðhaldi þess næstu daga.
FRÉTTABLAÐIÐ/AP
KAÍRÓ, AP Fyrsta umferð egypsku
þingkosninganna fór fram í gær og
var kjörsókn með skárra móti. Fáir
virðast gera sér grillur um annað en
að Þjóðarflokkur Mubaraks forseta
verði áfram með alla valdaþræði í
höndum sér.
Egyptar eru ekki þekktir fyrir
að fjölmenna á kjörstað enda telja
flestir kosningarnar aðeins vera
sjónarspil Hosni Mubarak forseta
sem var endurkjörinn í september
með yfirgnæfandi meirihluta − í
enn eitt skiptið. Engu að síður töldu
starfsmenn kjörstjórna að kjörsókn
væri talsvert betri en í september-
kosningunum og þingkosningunum
árið 2000 en í bæði skiptin kusu um
23 prósent atkvæðisbærra manna.
Þá var lögregla vart sýnileg á kjör-
stöðum í gær en það þykir til marks
um að Mubarak vilji láta líta út fyrir
að umbætur hafi átt sér stað.Margir
kjósendur kvörtuðu hins vegar yfir
því að þeim hefði ekki verið heim-
ilað að kjósa og einhverjar fregnir
bárust af því að starfsmenn Þjóðar-
flokksins reyndu að kaupa atkvæði.
Í síðustu kosningum fékk
Þjóðarflokkurinn 88 prósent
atkvæða en nú er vonast til að
stærsta stjórnarandstöðuhreyf-
ingin, Bræðralag múslima, nái
eitthvað að rétta sinn hlut. Næstu
tvær umferðir fara svo fram 20.
nóvember og 1. desember. - shg
KJÓSIÐ BRÆÐRALAGIÐ Hosni Mubarak er sagður þola stjórnarandstöðu, svo fremi sem
hún sé heldur veik. FRÉTTABLAÐIÐ/AP
Fyrsta umferð egypsku þingkosninganna fór fram í gær:
Engin eftirgjöf hjá Mubarak
INGJALDUR HANNIBALSSON GUNNAR KARLSSON