Fréttablaðið - 10.11.2005, Side 72

52 10. nóvember 2005 FIMMTUDAGUR
maturogvin@frettabladid.is
...upp á rjúkandi heitt ekta súkkulaði í morgun-
sárið. Gott dökkt súkkulaði er nefnilega sneisafullt
af steinefnum og gott veganesti í vetrarkuldann.
> Bjóddu fjölskyldunni...
Áslaug Snorradóttir ljósmyndari
hefur ávallt haft óendanlega gaman
af mat og er ævintýramanneskja
bæði í ferðalögum og matargerð.
„Ég hef gengið í gegnum ýmiskon-
ar matargerðarsveiflur sem eru
oft vegna áhrifa frá þeim löndum
sem ég hef nýlega heimsótt. Þann-
ig hef ég gengið í gegnum bylgjur
eins og finnsku, marókkósku og
úkraínsku bylgjurnar,“ segir hún
og hlær. „ En svo getur þetta stýrst
af heilsufari og skapi.“
Undanfarið ár hefur Áslaug
farið í nálarstungumeðferðir og
í gegnum þær farið að uppgötva
austurlensk fræði eins og Ayur-
veda. Búðin Maður lifandi í Borg-
artúni er í miklu uppáhaldi þar sem
hún sækir bæði heilsumeðferðir
og heilnæmt fæði. „Ég er alger
skyndibitamanneskja, en það er
mjög einfalt að framreiða snögga
og bráðholla skyndibitarétti. Til
dæmis er ég mjög hrifin af að
borða klettasalat með furuhnetum,
ólífuolíu og sítrónusafa, og er enga
stund að skella því saman. Reyndar
myndi ég segja að í augnablikinu
hrífist ég mest af sem einfaldastri
matargerð. Þetta er matarbylgja
sem er að sækja á í Skandinavíu og
í Bandaríkjunum, að blanda ekki
of miklum bragðtegundum, held-
ur hafa matinn sem einfaldastan
til að hráefnin njóti sín. Ég nota
mikið af ferskum kryddjurtum en
aldrei salt og krydd lengur. Reynd-
ar sagði einmitt nálarstunguþera-
pistinn minn að ég mætti helst
ekki borða nein krydd nema ferska
engiferrót. Ég vil bara svona hrein
brögð núna eins til dæmis bara
krækling og spagettí, eða bara
fisk og grænmeti. Engar flóknar
sósur og krydd. Ég gufusýð mikið
af grænmeti, sérstaklega brokkólíi
og kaupi grænmeti í Yggdrasil og
Manni lifandi. Ég spyr Áslaugu
hvort hún sé kannski byrjuð að
hugleiða líka fyrst hún er dottin í
heilsubylgjuna. „Jú, og ég er líka
að byrja í jóga,“ segir hún. „En ég
er alls enginn fanatíker á mat. Mér
einfaldlega býður bara við djúp-
steiktum mat eins og hamborg-
ara og frönskum. En ég er ekkert
á móti fitu – þvert á móti nóta ég
mikið smjör og rjóma og elska
majónes – en það verður þá að vera
heimalagað.“
En hvað með sætuna? Dett-
ur hún ekki í súkkulaðisukk og
rjómakökur? „Nei, alls ekki. Ég fæ
alla sætuna sem ég þarf úr ávöxt-
um eins og papaya og mangó sem
ég elska, hvort sem það er í for-
rétt eða eftirrétt. Eru einhverjir
uppáhaldsveitingastaðir í bænum,
fyrir utan heilsustaðina? „Nýjasta
uppgötvunin mín er bröns á Hótel
Nordica. Það er alveg dásamlegt
að fara með fjölskylduna í bröns
á sunnudögum og fá sér eitthvað
af því dýrðlega hlaðborði, enda
eru þeir með spennandi klassíska
brönsrétti eins og egg benedict
– á frábæru þunnu brauði, með
hráskinku og hollandaise-sósu.
Algert lostæti. En svo er Nordica-
barinn einmitt með alveg frábært
skyndibitafæði. Þá er ég að tala
um snilldarlegan pinnamat eins
og foie gras (gæsalifur) í bitum
með örlítilli sultu. Þetta er frábær
staður til að fá sér léttan kvöld-
verð og hvítvínsglas á hvaða degi
vikunnar sem er.“
Klausturbleikja með
avokadó og alfalfa
Þetta er svona dæmi um hollan
skyndibitamat sem ég er að upp-
götva. Þetta er hráfæði og manni
líður ótrúlega vel af svona hádeg-
isverði, fyrir utan það hvað þetta
er fallegt á diski. Þetta er svona
sashimi- inspirerað hjá mér.
Skerðu fallega Klausturbleikju
í strimla og settu fyrir miðju á
diskinn. Öðrum megin setur þú
rönd af alfalfaspírum, og hinum
megin setur þú þroskað avókadó,
skorið langsum. Settu svo súrsað
engifer til hliðar ásamt lítilli skál
af tamarisósu, sem þú kreistir ögn
af lime-safa út í.
Skyndibitafæði fyrir sálina
Klausturbleikja með alfalfa og avókadói.
LJÓSMYND/ÁSLAUG SNORRADÓTTIR
Nú stendur yfir lokaundirbúning-
ur fyrir eina stærstu og glæsi-
legustu vínsýningu sem haldin
hefur verið hér á landi. Sýningin
Vín 2005 verður haldin í Vetrar-
garðinum í Smáralind helgina 19.
til 20. nóvember en Vínþjónasam-
tök Íslands í samstarfi við ÁTVR
standa fyrir sýningunni. Þar
verða kynnt helstu hátíðar-
vínin sem verða á boðstólum
Vínbúðanna fyrir jólin. Að auki
kynna innflytjendur fleiri vín
og aðilar í matvælageiranum
munu einnig kynna mat sem
smellpassar við vínin.
Ýmsar nýjungar verða á þessari
sýningu. Ein sú mest spennandi
er Eðalhornið en þar munu mennt-
aðir vínþjónar leiða fólk í gegnum
smakkanir á gæðavínum og miðlað
verður fróðleik um vínin og upp-
runa þeirra. Ekki
hefur verið birt
fullmótuð dag-
skrá Eðalhorns-
ins en frést
hefur að meðal
annars verði
fjallað verði um
kampavín með
hátíðarmatnum og
um nýju vínræktarsvæðin á Spáni
sem hafa verið að slá í gegn. Miða-
verð á sýninguna verður 1.000
kr. en gestir munu greiða auka-
lega fyrir aðgang inn í Eðalhorn-
ið, en það er gert til að takmarka
fjölda. Til að tryggja enn frekar
gæði þjónustunnar í Eðalhorninu
mun aðgangur inn á svæðið vera
háður skráningu, þ.e. gestir verða
að skrá sig fyrirfram til að hafa
aðgang á fyrirlestrana. Þannig er
einnig hægt að afmarka opnunar-
tíma Eðalhornsins, sem áætlað er
að verði opið í takmarkaðan tíma
í senn.
Eðalhorn á vínsýningunni í Smáralind
Hvaða matar gætir þu síst verið
án: Tómata og vatns. ‚Eg get með
sanni sagt að það fari nokkrir tóm-
atar ofan í mig dag hvern.
Fyrsta minning um mat: Ein-
hverra hluta vegna man ég alltaf
eftir fyrstu eggjasalatssamlokunni
sem Amma Jessicu frænku minn-
ar smurði fyrir okkur eitt sumarið
í Fíladelfíu.
Finnst þér einhver matur vond-
ur?: ‚Eg hef nú alltaf verið alger
alæta á mat en ef ég ætti að nefna
eitthvað þá finnst mér áferðin á
banana svolítið skrítin. Hún er
enn undarlegri þegar í munninn er
komið.
Besta máltíð: Þær hafa nú verið
margar mjög góðar, veltur heldur
mikið á stemningu líka. Verð að
nefna hrefnusteikina sem ég borð-
aði sumarið sem ég vann á Hótel
Búðum. Pabbi minn hafði keyrt alla
leið á Hótel Búðir til að ná í mig
og ég bauð honum upp á hrefnu-
steik áður en við lögðum af stað í
bæinn. Þetta var yndislegt kvöld,
skemmtileg minning um heimferð
með Rod Stewart í botni.
Leyndarmál úr eldhússkápnum:
Olían úr fetaostkrukkunni. Geymi
alltaf krukkurnar þó að osturinn
sé búinn. Ég nota hana yfir salat,
kjúkling og allt sem mér dettur í
hug. Ótrúlega bragðbætandi.
Hvað borðarðu til að líða betur?
Þá skelli ég mér út að borða í
góðum félagsskap. Það er alltaf
hressandi.
Ef þú værir föst á eyðieyju, hvaða
mat tækirðu með þér? Pistasíur.
Þær eru uppfullar prótíni og fiturík-
ar. Eins myndi það örugglega drepa
tímann að pilla þær úr skelinni.
Hvað áttu alltaf til í ísskápnum?
Tómata!
Skrítnasti matur sem þú hefur
borðað? Kolkrabbasalatið sem ég
borðaði í Portúgal forðum daga.
Rétt rúmlega tvítug og fannst skrít-
ið að fá að velja mér kolkrabbann
til að setja í salatið mitt og horfði
svo þegar hann var allur skorinn í
bita og hent ofan í salatið. Skrítið
en ótrúlega gott.
Uppskrift sem klikkar aldrei:
Kjúklingur í grænu pesto með
bráðnum mozzarella, með ofn-
bökuðum kartöflum, zucchini og
fersku rósmarín.
MATGÆÐINGURINN: HELGA GUÐNÝ ÁSGEIRSDÓTTIR, GRAFÍSKUR HÖNNUÐUR
Hrefnusteik og Rod Stewart með pabba
Áslaug Snorra-
dóttir ljósmynd-
ari í góðum
félagsskap á
Hótel Búðum.
Planeta er ein kunnasta víngerð Sikil-
eyjar og þau vín eyjarinnar sem bestri
fótfestu hafa náð á Íslandi en vín frá
Sikiley hafa verið í mikilli sókn und-
anfarin ár. Í fyrstu vöktu hin smjör-
kenndu og miklu hvítvín athygli en
síðar fylgdu í kjölfarið einkar áhuga-
verð rauðvín. Alessio, Francesca og
Santi Planeta stofnuðu fyrirtækið
rétt liðlega þrítug og frumkvöðla-
eldmóður þeirra bylti sikileyskri
víngerð. Vínekrurnar eru á fjórum
stöðum á suðurhluta eyjarinnar,
á heitustu og þurrustu stöðunum
sem liggja samt mjög nálægt sjó.
Þessi sérstöku skilyrði skila sér í
mjög karaktermiklum vínum.
Planeta La Segreta Bianco er
blanda af grecanico, chard-
onnay, viognier og sauvignon
blanc. Ilmríkt, bragðmikið og
mjúkt með hnetu og ferskju-
keim.
Verð í Vínbúðum 1.290 kr.
PLANETA: Smjörkennt
frá Sikiley