Fréttablaðið - 10.11.2005, Blaðsíða 26
10. nóvember 2005 FIMMTUDAGUR26
Sigurbjörg Jóna Trausta-
dóttir og Anna Bjarnadóttir
fara út fyrir líkamann,
upp til almættisins og gefa
þar skipun um lækningu á
sjúkdómum með breytingu
á genum. „Aðalmálið er að
trúa og treysta,“ segja þær.
DNA-heilun, eða theta-heilun,
byggist á því að nota hugarorku til
að fara út fyrir tíðnisviðið og gefa
þar skipun um lækningu eða end-
urröðun á genum. Allt er hægt að
lækna, hvort sem það eru viðhorf
eða ættgengir sjúkdómar. Heilarar
segja að vel heppnuð DNA-heilun
skili sér til afkomendanna, hvort
sem þeir eru þegar fæddir eða
ekki.
Heilunin byggist á því að með-
ferðaraðilinn róar hugann og fer
markvisst í theta-ástand sem er
ástandið sem allir fara í mitt á
milli svefns og vöku. Heilarinn
tekur alla orku frá iljum og leiðir
hana upp í gegnum líkamann og
hvirfilinn út fyrir líkamann upp í
efsta ljós alheimsins eða eins langt
og hann kemst með vitundina. Þar
tengir hann sig við almættið og
setur fram skipanir um það hvern
og hvað eigi að lækna.
Vel þjálfaður heilari segist
geta komist í theta-ástand á mjög
skömmum tíma. Hann notar
snertingu til að tengja sjálfan sig
og sjúklinginn og komast í þetta
ástand. Með snertingu gengur
þetta ferli hraðar og betur, lík-
aminn og hugurinn róast betur
og viðkomandi slakar betur á.
Snerting er samt ekki nauðsynleg.
Einnig er hægt að komast í theta-
ástand án snertingar.
Sigurbjörg Jóna Traustadóttir
og Anna Bjarnadóttir reka saman
heilunarstöðina Hugveisluna að
Stórhöfða 33 í Reykjavík. Þær hafa
lagt stund á DNA-heilun með reiki
og annarri heilun frá því í vor og
báðar stefna þær að því að öðlast
kennararéttindi næsta vor. Þær
vinna ýmist hvor í sínu lagi eða
saman og verður meðferðin þá
mun kröftugri. Anna tekur einnig á
móti fólki heima hjá sér og þar eru
þær líka með reglulega fundi.
Sigurbjörg og Anna segja að
til að geta tekið við heiluninni og
náð bata þurfi þiggjandinn sjálf-
ur að trúa og treysta á heilunina.
Heilarinn fer í theta-ástandið upp
í uppsprettu alls sem er. Þar fram-
kvæmir heilarinn skipun um heil-
un, upphátt eða í hljóði, og horfir
síðan á eftir orkunni inn í vitund
og líkama viðkomandi og fylgist
með því að heilun eigi stað.
„Aðalmálið er að fá viðkomandi
til að trúa því sem er að gerast,
ekki ósvipað dáleiðslu. DNA-heil-
unin byggist alfarið á því að þiggj-
andinn trúi og treysti því að hann
geti orðið heill. Heimurinn er
orðinn þannig að allt sem maður
biður um fær maður,“ segja þær.
Misjafnt er hversu mörg skipti
þarf til að verða heill. Stundum
þarf þiggjandinn bara að koma
einu sinni. Stundum þarf hann að
koma aftur eftir nokkra mánuði
þannig að leita megi að orsökinni
og vinna bug á henni. Ef þiggjand-
inn verður veikur fyrir síðar í líf-
inu, til dæmis andlega eða tilfinn-
ingalega, þá getur sjúkdómurinn
blossað upp aftur.
Í öllum tilvikum gildir samt
sú regla að þiggjandinn verður
að vilja bata og verður að trúa og
treysta til að öðlast hann. „Fólk
þarf sjálft að vilja þetta. Við
getum tekið burt verkina en fólk
þarf sjálft að vilja laga rót vand-
ans,“ segja Sigurbjörg og Anna.
Lækna genin með heilun
FARA Í THETA-ÁSTAND TIL AÐ BREYTA GENUM Sigurbjörg Jóna Traustadóttir og Anna Bjarnadóttir leggja stund á DNA-heilun. Þær segja að
með heiluninni sé hægt að breyta viðhorfum og lækna arfgenga sjúkdóma, jafnt hjá þiggjandanum sem afkomendum hans. Hér eru þær
í theta-ástandi með þiggjanda á bekknum. Þiggjandinn þarf að trúa og treysta á heilunina til að hann verði heill á ný. FRÉTTABLAÐIÐ/GVA
Talið er að um 70-80 Íslendingar hafi
lært DNA-heilun en aðeins um fimmtíu
stunda DNA-heilun sem atvinnu hér á
landi. Hinir nota kunnáttuna fyrir sjálfa
sig að talið er.
Engin föst gjaldskrá er til en búast má
við að tíminn kosti um 4.000 krónur. Ef
heilararnir eru tveir tvöfaldast gjaldið og
á virknin þá að verða mun meiri. Miðað
við að heilari taki á móti fimm þiggj-
endum á dag getur hann haft um 400
þúsund krónur í tekjur á mánuði.
Misjafnt er hversu marga tíma þarf til
að ráða bug á vandanum. Grunnurinn er
sá að sjúklingurinn vilji bata og trúi og
treysti einlæglega á meðferðina. Stund-
um þarf þiggjandinn að koma allt að tíu
sinnum. Meðferð getur tekið allt upp í
tíu ár.
DNA-heilun stendur enn sem komið
er fyrir utan félagsskap heilara og græð-
ara. Vianna Stibal hefur kennt DNA-
heilunina hér á landi ásamt þeim Birnu
Smith og Eldey Huld Jónsdóttur.
Um 50 heilarar
að störfum
HEILUNARSTEINAR Grunnurinn að bata í
gegnum heilun er að sjúklingurinn vilji bata
og trúi og treysti einlæglega á meðferðina.
Í sumum tilfellum heilunar eru steinar
notaðir. FRÉTTABLAÐIÐ/GVA
Sigurður Guðmundsson landlæknir
segir ekki heila brú í því að hægt sé
að laga viðhorf og lækna sjúkdóma
með DNA-heilun, lýsingin á henni
gangi gegn allri þekkingu, bæði í
almennri líffræði og samsetningu
DNA og RNA, og standist hreinlega
ekki. Það gildi einu hvort um sé að
ræða breytingu á viðhorfum eða
lækningu á líkamlegum kvillum.
„Þeir sem halda fram að með
þessu sé hægt að bæta heilsu og
lækna sjúkdóma, allt frá smærri
kvillum í alvarlega sjúkdóma, eru
að slá ryki í augu fólks og vekja
falskar vonir. Það er alvarlegt mál,
sérstaklega þegar um er að ræða
fólk með alvarlega sjúkdóma,“ segir
Sigurður.
Stór hluti sjúklinga, þar á meðal
um 90 prósent Íslendinga með
krabbamein, leitar í óhefðbundnar
lækningar. Sumar aðferðir óhefð-
bundinnar meðferðar segir Sigurð-
ur að séu gagnlegar, sérstaklega
þær sem lúta að návist og nærvist,
samhygð og snertingu en hann
telur fáránlegt að hægt sé að breyta
genum með heilun.
„Í DNA-heilun er verið að stíga
skrefið miklu lengra en í öðrum
óhefðbundnum lækningum og bein-
línis að halda fram ósannindum. Ef
gjöld eru tekin fyrir þessa meðferð
þá er verið að hafa fólk að féþúfu á
fölskum forsendum og þá er þetta
klassísk skilgreining á skottulækn-
ingum. Ég vara fólk við að setja pen-
ing í þetta. Það er margt annað sem
gagnast betur,“ segir hann og telur
að varla trúi nokkur maður því að
heilarar geti endurraðað erfðaefn-
inu.
Sigurður telur að ekki sé heldur
hægt að lækna neikvætt viðhorf
eða breyta viðhorfum með því að
hafa áhrif á erfðamengið. Hægt sé
að breyta uppbyggingu erfðaefnis-
ins með erfðalækningum og setja
þá inn nýja búta af nýju DNA inn í
erfðamengi þess sem þjáist af sjúk-
dómi en enginn hafi verið læknaður
til langtíma með slíkum aðferðum.
Starfsmenn Landlæknisembætt-
isins hafa ekki skoðað starfsemi
þessarar nýju stéttar DNA-heilara.
Sigurður kveðst hafa rekist á síðu
um DNA-heilun fyrir nokkrum mán-
uðum. Vel komi til greina að skoða
þessa starfsemi nánar ef verið sé að
féfletta fólk. Það verði þá gert með
tilliti til laga um skottulækningar.
Fólk er haft að féþúfu
Sigurður Guðmundsson landlæknir segir DNA-heilun skottulækningar af klass-
ískri gerð. Ekki sé hægt að lækna sjúkdóma með DNA-heilun en með slíkum
loforðum sé verið að vekja falskar vonir.
SIGURÐUR GUÐMUNDSSON LANDLÆKNIR
Sigurður telur að DNA-heilarar séu að slá
ryki í augu fólks með yfirlýsingum um að
geta læknað sjúkdóma. FRÉTTABLAÐIÐ/HARI
Vianna Stibal er upphafsmaður DNA-
heilunar. Hún greindist með beinkrabba-
mein árið 1995 og styttist fótur hennar
um þrjá sentimetra. Allt benti til þess að
hún myndi missa fótinn og að krabba-
meinið myndi smám saman breiðast út
um allan líkamann þegar hún ákvað að
taka ráðin í sínar hendur.
Vianna segir frá því í bók um reynslu
sína og kenningar, Farðu upp og starf-
aðu með Guði, að hún hafi farið út úr
sjálfri sér í gegnum hvirfilstöðina, beðið
til guðs og skipað síðan heilun á sjálfri
sér. Beinkrabbameinið lagaðist nánast
samstundis og fóturinn náði fyrri lengd.
Vianna á þetta skjalfest.
Vianna hefur komið hingað til lands
til að halda námskeið í DNA-heilun. Hún
kennir grunninn og þróar síðan hver
heilari sína eigin aðferð út frá grunninum
sem hún gefur.
Vianna Stibal
Þróaði
DNA-heilun
FRÉTTASKÝRING
GUÐRÚN H. SIGURÐARDÓTTIR
ghs@frettabladid.is