Fréttablaðið - 22.11.2005, Side 12

22. nóvember 2005 ÞRIÐJUDAGUR12
nær og fjær
„ORÐRÉTT“
„Ég hef það alveg ágætt, heilsan er svona
þolanleg,“ segir Anna Marta Guðmundsdóttir,
bóndi á Hesteyri í Mjóafirði. „Ég er þó það léleg í
fótunum að ég get lítið farið um svo ég er frekar
mikið inni við. Ég horfi svolítið á sjónvarpið og
svo á ég nokkuð af vídeóspólum sem mér hefur
verið gefið. En það er gaman frá því að segja að
það er hérna maður hjá mér í heimsókn þessa
dagana og hann hjálpar mikið til hérna og er
hinn skemmtilegasti félagsskapur.“
Hver sem spjallar við Önnu Mörtu verður
þess fljótlega var að þar fer mikil ljóðakona og
oft bregður hún fyrir sér heilu ljóðaerindunum til
andsvara. „Já, ég les nokkuð mikið af ljóðum og
man þau jafnvel utanbókar enda var ég alin upp
við mikinn ljóðalesur. Það vill nú svo vel til að
þessi gestur minn er engu verr að sér í ljóðum
en ég svo við getum hálfpartinn kveðist á. Svo
hefur hann gaman af því að ég lesi fyrir sig og
svo les hann jafnvel fyrir mig við önnur tækifæri.
Svo er náttúrlega góður félagsskapur af
dýrunum mínum, ég hef verið með nokkrar
tamdar mýs í búri en ég á orðið erfitt með að
sinna fuglunum mínum vegna heilsunnar sem er
svona og svona.“
Þegar Anna Marta er spurð að því hvort hún
hafi fugla í búri svarar hún því neitandi, því hún
þoli illa að vita af fuglum fangelsuðum í búri
og því til nánari útskýringar þylur hún ljóð eftir
Hannes Hafstein. „Ó, vesalings, vesalings fangar/
ég veit hversu sárt ykkur langar...“
Eftir að ljóðið er þulið minnist hún nokkurra
réttindamála sem hvíla þungt á hjarta henn-
ar. „Mér finnst að fangar eigi að fá hreint vatn
þegar þeir eru látnir dúsa í fangageymslum, það
á að vera krani í hverjum klefa og svo er tími
til kominn að eyða launamisrétti kynjanna, og
hana nú!“
HVAÐ ER AÐ FRÉTTA? ANNA MARTA GUÐMUNDSDÓTTIR
Kveðist á í Mjóafirði
Þar fór það
„Kynlíf er aðaláhættuþátt-
urinn hjá mörgum þeirra
kvenna sem fá blöðrubólgu
aftur og aftur.“
Baldvin Kristjánsson, læknir í
Morgunblaðinu, um tengsl kynlífs og
blöðrubólgu.
Vonbrigði
„Því miður fundust engar
beinagrindur.“
Árni Johnsen í Fréttablaðinu um
framkvæmdir í Herjólfsdal í Vest-
mannaeyjum.
„Mér líst mjög vel á þetta, ekki síst þar
sem ég bý í Hlíðunum,“ segir Margrét
Sigfúsdóttir, skólastjóri Hússtjórnar-
skólans í Reykjavík og umsjónarmaður
þáttarins Allt í drasli á Skjá einum, um
hugmyndir sem uppi eru um lagningu
Miklubrautar frá Grensásvegi að nýju
Hringbrautinni í stokk.
Margrét vill raunar ganga lengra og
láta stokkinn ná yfir nýju Hringbraut-
ina að Umferðarmiðstöðinni. „Það
myndast algjör tappi undir nýju brúnni
klukkan fjögur á daginn og það tekur
mig korter að komast þaðan og heim
til mín,“ segir Margrét.
Aðalverktakar hafa stungið þeirri
hugmynd að borgaryfirvöldum að
fyrirtækið annist framkvæmdir og
fái í staðinn að reisa hús á því landi
sem verður til í kringum og ofan á
stokknum.
SJÓNARHÓLL
MIKLABRAUT Í STOKK
MARGRÉT SIGFÚSDÓTTIR SKÓLASTJÓRI
OG SJÓNVARPSKONA
Börn í grunnskólum Reykja-
víkur, með raddir sínar og
borðbúnað að vopni, geta
búið til jafn mikinn hávaða
og rokkhljómsveit gerir
með rafmagnshljóðfærum
og öflugu hljóðkerfi. Það
sýnir athugun Umhverfis-
sviðs borgarinnar.
Athugunin náði til mötuneyta fimm
grunnskóla Reykjavíkurborgar og
þar sem niðurstöðurnar þykja ógn-
vekjandi verður ástandið kannað
í öllum 42 grunnskólum borgar-
innar. „Hávaðinn er slíkur að við
ætlum að skoða þetta alls staðar
og ráðast í einhverjar úrbæt-
ur í framhaldinu,“ segir Katrín
Jakobsdóttir, formaður Umhverf-
isráðs Reykjavíkur, en athuganir
Umhverfissviðs voru kynntar á
fundi ráðsins í gærmorgun.
Hún segir það í raun vera
magnað hversu mikinn hávaða
grunnskólanemar geta framkall-
að. „Á köflum mælist hávaðinn í
mötuneytunum jafn mikill og á
rokktónleikum,“ segir Katrín og
bendir um leið á að slíkt eigi aðeins
við um hæstu hljóðbil sem vara í
nokkra sekúndur í senn. „Sumar
byggingarnar endurvarpa miklum
hávaða og svo eru krakkar þannig
gerðir að þeir brýna bara raustina
eftir því sem hávaðinn er meiri.“
Katrín segir hægt að grípa til
ráðstafana, til dæmis sé hægt að
setja hljóðgildrur á veggi og loft.
„Það er hægt að laga þetta með því
að dempa hávaðann. Við höfum
gert það í leikskólum borgarinnar
og höfum því reynslu af þessu,“
segir Katrín en niðurstöðurnar
komu henni ekki á óvart þar sem
hún þekkir ágætlega til stöðu mála
í mötuneytum grunnskólanna í
Reykjavík.
Umhverfissviðið kannaði líka
hávaða á líkamsræktarstöðv-
um og komst að því að þar eru
hljómtækin stillt hóflega. „Menn
bjuggust við að það kæmi eitthvað
svakalegt út úr þeirri athugun en
svo var ekki. Líkamsræktarstöðv-
arnar komu vel út og meira að
segja var lítill mælanlegur hávaði
í spinningtímum,“ segir Katrín
Jakobsdóttir.
bjorn@frettabladid.is
RÓLEGT OG GOTT Þessir krakkar taka því rólega í hádegisverðinum en víða er hávaði í mötuneytum grunnskóla borgarinnar slíkur að hann
jafnast á við það sem gerist á rokktónleikum. FRÉTTABLAÐIÐ/STEFÁN
Hávaðinn í skólamötuneytum
jafn mikill og á rokktónleikum
Hinn 74 ára Sri Chinmoy lyfti
nýlega 116 kílóa þungum lóðum
með úlnliðsvöðvum vinstri hand-
ar. Sri er hugleiðslumeistari og
hefur tekið upp á ýmsu um ævina
til að vekja athygli á möguleikum
mannskepnunnar. Hann segir að
aðeins þurfi að hafa viljann að
vopni og vill með afrekum sínum
sýna fram á að andinn sé efninu
yfirsterkari.
Sri hefur nokkrum sinnum
komið til Íslands, síðast fyrir
tveimur árum en þá hóf hann tólf
alþingismenn á loft.
Á þriggja daga friðarhátíð sem
Sri hélt í New York á síðasta ári
lyfti hann samtals 130 tonnum.
Sri Chinmoy setur enn eitt metið:
Lyfti 116 kíólum með
úlnliðnum
MARÍNERAÐ HÖFRUNGAKJÖT
800 gr. höfrungakjöt
1 stk. Víking bjór (Pilsner)
1 stk. laukur saxaður
2 stk. gulrætur saxaðar
12 stk. sveppir saxaðir
2 tsk. tómatpúrra
1 tsk. paprikuduft
1 tsk. pressuger
1 tsk. sítrónusafi
Kjötið er látið liggja í bjórnum og gerinu
í ca. 6-8 kls. Laukur, gulrætur og sveppir
léttsteikt á pönnu og geymt. Kjötið tekið
upp og þerrað, steikt á pönnu, salti og
pipar stráð yfir. Soðið í litlu vatni ásamt
tómatpúrru, paprikudufti og smá kjöt-
krafti í ca. 20 mín. Grænmetinu er síðan
bætt út í og þykkt með maisenamjöli og
gott er að bæta smá rjóma út í sósuna.
„Höfrungakjöt er engu líkt, það
er betra en hrefnan og er algjört
hnossgæti,“ segir Halldór Þórðar-
son, lionsmaður á Patreksfirði, en
hann og félagar hans í Lionsklúbbi
Patreksfjarðar selja höfrungakjöt
til fjáröflunar nú í aðdraganda
jólanna.
„Úr sjónum,“ svarar Halldór
sposkur þegar hann er spurður
hvaðan höfrungurinn kemur en
höfrungaveiðar eru stranglega
bannaðar. „Þetta slæðist í veið-
arfæri og við búum til pening úr
þessu frekar en að henda því.“
Halldór lætur svo eina upp-
skrift fylgja.
Lionsmenn á Patreksfirði:
Höfrungakjöt
er hnossgæti
Gott mál
SRI CHINMOY Hefur lóðin á loft.
KATRÍN JAKOBS-
DÓTTIR Formaður
Umhverfisráðs
Reykjavíkur.
FRÉTTABLAÐIÐ/GVA
MARTRÖÐ FEGURÐARDROTTNINGAR
AF SVEFNNAUÐGARA
„STEFÁN KÝLDI MIG
ÞEGAR ÉG SAGÐI NEI“
DV2x15 21.11.2005 20:22 Page 1