Fréttablaðið - 27.11.2005, Qupperneq 86

27. nóvember 2005 SUNNUDAGUR54
Hvað er að frétta? Ég er bara varla lent frá Emmy-verðlaunaafhend-
ingunni. Ég er í skýjunum ennþá. Það var auðvitað frábært að fá að
upplifa sig sem alvöru stjörnu í smá tíma. Þetta var bara eitt stórt
ævintýri frá upphafi til enda. Þetta er nokkuð sem maður á eftir að
muna það sem eftir er.
Augnlitur: Dökkblár.
Starf: Leikkona.
Fjölskylduhagir: Einstæð með tvö börn.
Hvaðan ertu? Frá Vestmannaeyjum.
Ertu hjátrúarfull(ur)? Já, stundum.
Uppáhaldssjónvarpsþáttur: Fréttir.
Uppáhaldsútvarpsþáttur: Ég hef voða gaman af því að hlusta á
Hemma Gunn á sunnudögum.
Uppáhaldsmatur: Humar.
Fallegasti staður: Vestmannaeyjar.
iPod eða geislaspilari: iPod.
Hvað er skemmtilegast? Að lifa.
Hvað er leiðinlegast? Ég stend á gati.
Helsti veikleiki: Að koma mér aldrei í rúmið á skikkanlegum
tíma.
Helsti kostur: Lífsgleði.
Helsta afrek: Börnin mín.
Mestu vonbrigði: Þegar það kom rosalega mikill snjór í
Vestmannaeyjum og ég var svo lítil að ég mátti ekki fara
með systkinum mínum út að leika, snjórinn var of hár og
ég hefði bara týnst.
Hver er draumurinn? Hann bara er.
Hver er fyndnastur/fyndnust? Mér finnst Katla Mar-
grét leikkona alveg ógeðslega fyndin.
Á hvað trúirðu? Ég trúi á kærleika og vináttu.
Hvað fer mest í taugarnar á þér? Óheiðarleiki.
Uppáhaldskvikmynd: Underground.
Uppáhaldsbók: Sjálfstætt fólk.
Hvað er mikilvægast? Að setja sér markmið og lifa
í núinu.
HIN HLIÐIN ELVA ÓSK ÓLAFSDÓTTIR LEIKKONA
Mátti ekki leika í snjónum
HRÓSIÐ...
... fær Sigurjón Sighvatsson fyrir
að gefa lítið fyrir Svíagrýluna.
Sextán daga átak gegn kynbundnu
ofbeldi hófst í gær en þá var
Alþjóðlegur baráttudagur gegn
kynbundnu ofbeldi. Markmið
átaksins er að knýja á um enda-
lok alls kynbundins ofbeldis og
benda á þann ótrúlega skaða sem
það hefur á heilsu kvenna. Átakið
stendur til 10. desember sem er
einmitt hinn alþjóðlegi mannrétt-
indadagur og nær átakið einnig
yfir Alþjóðlega alnæmisdagurinn
sem er 1. desember.
„Þessir dagar eru mjög tákn-
rænir og ekki að ástæðulausu
sem þeir eru valdir fyrir slíkt
átak,“ segir Birna Þórarinsdóttir,
framkvæmdastjóri Unifem, sem
meðal annarra stendur að átak-
inu. „Alþjóðleg yfirskrift átaks-
ins í ár er „Heilsa kvenna, heilsa
mannkyns: Stöðvum ofbeldið.“
Við fórum af stað með slíkt átak í
fyrsta sinn í fyrra og tóku þá sex-
tán samtök og stofnanir þátt en í
ár eru þau 26 talsins. Við notum
þessa daga til að vekja almenning
til umhugsunar, auka vitund um
kynbundið ofbeldi í okkar sam-
félagi, ræða þessi mál og þrýsta
á stjórnvöld að efla úrræði fyrir
þolendur sem og gerendur,“ segir
Birna ákveðin.
„Í kjölfar átaksins í fyrra var
stofnaður aðgerðahópur sem
kynnti drög að aðgerðaáætlun
fyrir stjórnvöldum og nú þegar
hafa jákvæðar breytingar
orðið í kjölfarið. Til dæmis
eru hegningarlög hvað varðar
heimilisofbeldi í skoðun og einnig
hefur verklag lögreglu verið
endurskoðað, segir hún.“
Fyrir frekari upplýsingar um
átakið er rétt að benda á heima-
síðuna www.unifem.is. ■
Stöðvum ofbeldið!
BIRNA ÞÓRARINSDÓTTIR
Framkvæmdastjóri UNIFEM.
Fyrsta desember hefst nýtt jóla-
dagatal hjá Ríkissjónvarpinu sem
heitir Töfrakúlan. Verður það á
dagskrá alla daga fram að jólum og
sýnt rétt fyrir kvöldfréttir. Töfra-
kúlan fjallar um jólabörnin Dolla
dreka og Rabba rottu sem búa í
turnherbergi í höll. Þegar þeir eru
að skreyta fyrir jólin rekast þeir á
fallega kúlu sem er ekki jólakúla.
Eftir það fer atburðarásin á flug og
þeir kynnast mörgum skrautlegum
persónum, eignast vini, kynnast
mannkynssögunni og upplifa ýmsa
atburði og ævintýri.
Það eru þau Jóhann G. Jóhanns-
son og Þóra Sigurðardóttir sem ljá
þeim félögum raddir sínar en þau
eru þjóðinni að góðu kunn sem
Bárður og Birta í Stundinni okkar.
„Við vorum búin að kaupa þessar
brúður og ætluðum að nota þær ann-
ars staðar,“ útskýrir Þóra. „Það var
búið að smíða leikmyndina og það
var allt klárt,“ bætir hún við. Síðan
hafi umræður um endursýningar
Sjónvarpsins á jóladagatölum farið
í gang á kaffistofunni sem öllum
fannst vera orðin frekar þreytt. „Þá
kom upp sú hugmynd að slá tvær
flugur í einu höggi, nýta þá félaga
og snjóboltinn fór að rúlla.“
Þóra segir að þeir félagar séu
stórkostlegir persónuleikar sem eru
alltaf að bauka eitthvað í kastalan-
um. „Þeir eru frekar utangarðs sem
gaf okkur töluvert svigrúm með að
þróa þá,“ segir hún en Töfrakúlan
sé í raun persónuleg þroskasaga
þeirra beggja. „Dolli dreki og Rabbi
rotta eru miklir vinir og það kastast
aldrei í kekki með þeim,“ segir hún.
Andi jólanna er aldrei langt undan
en sagan miðast að því að þeir bja-
rgi jólunum. „Þessi töfrakúla var
hönnuð af illum töframanni sem
var öfundsjúkur út í Jesú og rugl-
ar allan tíma en Dolli og Rabbi eru
þeir einu sem taka eftir því,“ segir
hún.
Samfara nýju dagatali í sjón-
varpinu verður gefið út jóladagatal
sem er hannað af Kalman le Sage de
Fontenay og verður til sölu í öllum
verslunum. Í hverjum glugga er
síðan að finna vísbendingu um hvað
gerist næst. Þá verður jólaleikur-
inn vinsæli aftan á því og geta börn
sent inn svörin við spurningunum
þremur fyrir 12. desember.
freyrgigja@frettabladid.is
DOLLI OG RABBI: NÝJAR HETJUR JÓLANNA
Bjarga jólunum frá
öfundsjúkum töfrakarli
DOLLI OG RABBI Þegar þeir félagar komast yfir Töfrakúlu fer tíminn í algjört rugl og
jólahaldið lendir í mikilli hættu. Dolli og Rabbi verða því að gera sitt besta til að bjarga
jólunum.
FRÉTTIR AF FÓLKI
Raunveruleikasjónvarpsæði greip íslensku þjóðina nú á haustmán-
uðum. Auk Idolsins hjá Stöð 2 bættust
í hópinn Bachelor og Ástarfleyið auk
Allt í drasli. Leitin að næstu söngstjörnu
á sér enn dyggan aðdáendahóp því
tæpur þriðjungur þjóðarinnar sest fyrir
framan skjáinn á föstudagskvöldum og
horfir á ungmenni þjóðarinnnar þenja
raddböndin fyrir dómnefndina illskeyttu.
Bachelor-þátturinn gefur lítið
fyrir þá Gullkind sem hann
fékk á fimmtudaginn
því rúmlega fimmtungur
hefur fylgst með ástarleit
smiðsins að austan. Ástar-
fley Valdimars Flygenring
og Sirkus siglir hins
vegar upp í fjöru því
þátturinn kemst ekki
upp fyrir tíu prósent.
Það hlýtur að vera nokkuð áhyggju-efni að enginn af íslenskum þáttum
Sirkus gerir það neitt sérlega gott í
fjölmiðlakönnun Gallup. Meira að segja
Vala Matt getur ekki státað af meira en
rúmlega fimm prósenta áhorfi á þáttinn
sinn Veggfóður. Það hlýtur
því að hlakka í samkeppn-
isaðilanum á Skjá einum
því Innlit/Útlit mælist með
tíu prósentum meira
áhorf en Veggfóður.
Það verður að teljast
nokkuð gott hjá Þór-
unni Högnadóttur og
félögum að hafa sigur
á lærimeistara sínum
frá því í fyrra.
Séð & Heyrt heldur áfram að vera flaggskip tímaritaútgáfunnar Fróða
en lestur þess dalar þó nokkuð. Hér &
Nú virðist veita blaðinu mikla sam-
keppni um fréttir af fína og fræga
fólkinu. Málsókn Bubba Morthens
hefur ekki mikil áhrif á lestur þess og
virðist þjóðin sækja í slúður og glamúr.
Karlarnir virðast einnig fá nóg af berum
kroppum stúlknanna sem fækka fötum
á öftustu síðum þessara tveggja blaða
því erótíska tímaritið
b&b mælist ekki.
Annað hvort hafa
feministarnir haft
sigur eða karlþjóðin
er þreytt á hálf-
klæddum stúlkum
sem má hvort eð
er finna í öðrum
blöðum með
betra orðspor.
24.08.64
FRÉTTIR AF FÓLKI
Tónlistarmaðurinn og trúbadorinn Þórir, sem núna kallar sig reynd-
ar núna hinu mun þjálla nafni „My
Summer as a Salvation soldier“ var að fá
bókun á South By Southwest tónlistar-
hátíðina í Austin í Texas sem fer fram í
mars á næsta ári. Hátíðin er mikils virt
vestra og þar treður upp heilmikill listi
af heimsfrægum erlendum böndum.
Meðal íslenskra hljómsveita sem fram
hafa komið þar eru Ensími og Singapore
Sling. Þetta er því mjög fínt hjá Þóri,
sem er að gera sína aðra plötu aðeins
tuttugu ára gamall. Það er annars nóg
að gera hjá stráknum, sem trommar í
hljómsveitinni Fighting Shit og er líka í
fleiri böndum. Nýja platan fer alveg að
koma út og tónlistaráhugamenn eru því
spenntir fyrir því að hlusta á afrakstur-
inn.
�����������
�� �����������������
�������� ���
���