Fréttablaðið - 22.12.2005, Blaðsíða 18
22. desember 2005 FIMMTUDAGUR18
nær og fjær
„ORÐRÉTT“
Komdu í spennandi heim
afþreyingar og upplýsinga
Smelltu þér á www.ogvodafone.is, farðu í næstu verslun Og Vodafone
eða hringdu í 1414 fyrir nánari upplýsingar.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
O
G
V
3
06
37
12
/2
00
5
16.900 kr.
MOTOROLA V360v
SÍMI
KOMDU Í SPENNANDI HEIM
AFÞREYINGAR OG UPPLÝSINGA
Vesturbæingar vita að jólin
eru skammt undan þegar
Elísabet Jökulsdóttir rit-
höfundur hefur komið sér
fyrir í Melabúðinni og býður
bækurnar sínar til kaups.
„Síðan þessi kona varð
trúuð hefur hún verið til
vandræða í húsinu,“ heitir
nýjasta bók Elísabetar. Þetta
er jafnframt sú bók hennar
sem ber lengstan titilinn.
„Það var afgreiðslumaður í BYKO
sem sagði þessi orð við mig,“ segir
Elísabet um titilinn langa. Og eins og
skáldum er lagið lét hún orðin hvorki
eyðast né gleymast heldur færði þau
í letur. Síðan þessi kona varð trúuð
hefur hún verið til vandræða í húsinu
er ekki bara titill bókarinnar heldur
líka upphafsorð sögunnar. Síðustu
orð hennar eru hins vegar: Hvar er
konan sem er að kalla á mig? Þau fær
Elísabet að láni frá ungri stúlku sem
einn daginn var allt í einu komin inn
í stofu til hennar, sár og illa til reika.
„Hún var í annarlegu ástandi og ég
gaf henni súpu,“ segir Elísabet. „Svo
hvarf hún jafn skyndilega og hún
kom og ég horfði á eftir henni ganga
í áttina að sjónum. Ég kallaði á eftir
henni en hún vissi einhvern veginn
ekki hvaðan orðin komu og sagði
þá þetta: Hvar er konan sem er að
kalla á mig?“ Svona birtist veruleiki
Elísabetar í bókum hennar.
Í sögunni segir af konu í Vest-
urbænum sem er að gera upp húsið
sitt og er því tíður gestur í BYKO.
Elísabet virðist eiga í nánu sam-
bandi við byggingavöruverslunina
góðkunnu. „Ég hef búið við hliðina á
BYKO hér í Vesturbænum í fimmt-
án ár og fylgst með fólki kaupa spýt-
urnar sínar.“ Verslunin er nú orðin
vettvangur atburða í bók en ekki er
vitað til að BYKO í Vesturbænum
hafi áður ratað í skáldsögu.
Ekki ber að taka öllu í sögunni
bókstaflega. „Kannski konan sé
ekki að gera upp hús heldur sjálfa
sig,“ segir Elísabet og gerist
dularfull.
Fáir rithöfundar eru í jafn nánu
og góðu sambandi við lesendur
sína og Elísabet Jökulsdóttir. Hún
hefur kynnst mörgum á þeim löngu
stundum sem hún hefur staðið í and-
dyri Melabúðarinnar eða Nóatúns
við Hringbraut enda vilja margir
spjalla, ýmist um bókmenntir eða
lífsins gagn og nauðsynjar. En þó
hún hafi jafnan afskaplega gaman
af að selja bækurnar sínar með
þessum hætti reynist það stundum
erfitt að drífa sig af stað. Það tekur
stundum á. „Stundum þarf ég lang-
an tíma til að manna mig upp í þetta,
jafnvel nokkra daga,“ segir hún. En
oftast er gaman þegar á hólminn er
komið. „Það verða meira að segja
til söguefni í búðinni. Í gær var ég
spurð hvort bókin mín væri um Jón
Gnarr og svo kom til mín eldri kona
og talaði þannig um ástina að vit
var í.“
Af dularfullri stúlku og
afgreiðslumanni í BYKO
ELÍSABET JÖKULSDÓTTIR Setur skemmtilegan svip á Melabúðina þegar hún býður viðskiptavinum bókina sína til kaups. FRÉTTABLAÐIÐ/PÉTUR
„Mér finnst þetta náttúrlega í fyrsta
lagi í hróplegu ósamræmi við það sem
gerist hjá öðrum,“ segir Arnþrúður
Karlsdóttir, útvarpsstjóri á Útvarpi
Sögu, um launahækkanir þær er kjara-
dómur hefur úrskurðað forseta, ráð-
herrum, embættismönnum, dómurum
og alþingismönnum. Hækkun flestra
nemur rúmum átta prósentum og
eru alþingismenn til dæmis með rétt
tæpar fimm hundruð þúsund krónur
á mánuði, forsætisráðherra með tæpa
milljón og forseti með rúmar sextán
hundruð þúsund krónur á mánuði.
„Ég sakna þess að heyra ekki frá
háttsettum aðilum að stöðugleika og
verðbólgumarkmiðum sé ógnað með
þessum launahækkunum eins og
þeir gera svo oft þegar eitthvað annar
hækkar eða hreyfist,“ segir Arnþrúður.
Sem kunnugt er afsalaði Steinunn
Valdís Óskarsdóttir borgarstjóri sér
launahækkun en hefð er fyrir því að
laun borgarstjóra haldist í hendur við
laun forsætisráðherra. Arnþrúður er
hrifin af þeirri ákvörðun Steinunnar.
„Þetta var gott hjá henni og hún er
samkvæm sjálfri sér. Fleiri mættu taka
sér Steinunni til fyrirmyndar og ég skil
bara ekkert í stjórnarandstöðunni eins
og hún leggur sig að afsala sér þessu
ekki líka.“
SJÓNARHÓLL
LAUNAHÆKKANIR
EMBÆTTISMANNA
ARNÞRÚÐUR KARLSDÓTTIR
ÚTVARPSMAÐUR
Of mikið
Alltaf veist þú allt
best
„Þorsteinn tekur þarna rétta
ákvörðun og hefði átt að
taka hana fyrr.“
MÖRÐUR ÁRNASON ALÞINGIS-
MAÐUR Í FRÉTTABLAÐINU UM
ÁKVÖRÐUN ÞORSTEINS PÁLSSON-
AR UM AÐ HÆTTA VIÐ AÐ SKRIFA
SÖGU ÞINGRÆÐIS.
Er nú ekki ofmælt að
kalla Árvakur fjöl-
miðlasamsteypu?
„Á síðustu mánuðum hefur
orðið ljóst að misbeiting
fjölmiðlasamsteypu í þágu
valdamikilla eigenda er ekki
bara fjarlægur möguleiki,
heldur raunveruleikinn í
íslenzku samfélagi.“
LEIÐARI MORGUNBLAÐSINS.
„Afturlending eftir Viktor Arnar
selst mest og er uppseld hjá mér,“
segir Dagbjört Höskuldsdóttir,
kaupmaður í Sjávarborg í Stykk-
ishólmi. Án þess að lítið sé gert
úr ágæti bókar Viktors hefur það
sjálfsagt sitt að segja um vin-
sældir hans í Hólminum að hann
er ættaður frá Flatey, sem er jú
í næsta nágrenni Stykkishólms.
Spennubók-
in Krosstré
eftir Jón Hall
S t e f á n s s o n
hefur líka
selst vel hjá
D a g b j ö r t u .
Má því segja
að Hólmarar
séu spennu-
fíklar.
Af öðrum
bókum sem
eru á metsölu-
lista Dagbjartar í
Sjávarborg má nefna sögu
Guðmundar Magnússonar um
Thorsarana, Sólskinshest eftir
Steinunni Sigurðardóttur, Harry
Potter og Eragon.
Dagbjört hefur selt bækur í
ellefu ár og segir ágætt að gera.
Hún fékk keppinaut fyrir tveim-
ur árum þegar Bónus opnaði í
bænum en þar fást metsölubæk-
urnar fyrir jól. „Ég fann fyrir
samdrætti í fyrra en mér finnst
að heimamenn vilji hafa bækur
allt árið og held að fólk horfi
ekki í mismuninn á verðinu sem
stundum er afar lítill,“ segir
Dagbjört kaupmaður.
Bókasalan í Sjávarborg:
Spennufíklar í
Stykkishólmi
Lífið er með rólegra móti á Raufar-
höfn þessa dagana, íbúar almennt
yfirvegaðir og vel haldnir til munns
og maga, samkvæmt heimildum
Fréttablaðsins.
Sjá má á heimasíðu Raufarhafnar-
hrepps að tregt hefur verið í netin,
eins og það er orðað en sú mun
raunar jafnan vera reyndin á þess-
um tíma árs. Betur hefur fiskast á
línu og hafa skipverjar á fleyjun-
um Bryndísi og Karólínu fengið í
kringum fjögur tonn í róðri.
Þá kemur fram í fréttum frá hafn-
arverði á Raufarhöfn að ekki sé
vitað um neinar skipakomur fram
að áramótum. RAUFARHÖFN Myndin er tekin á fögrum sumardegi.
Rólegheit á Raufarhöfn:
Engar skipakomur
„Mikið að gera, ég er orðinn alveg ruglaður
eiginlega. 50 prósenta söluaukning frá því í
fyrra, DVD-ið er rifið úr hillunum hjá okkur,“
segir Gísli Einarsson, eigandi Nexus. „Við
auglýstum grimmt fyrir jólin og það virðist vera
að borga sig. Við dreifðum bæklingi BT-stæl og
fólk kemur hingað með puttana í honum auk
þess sem allskonar tilboð og afslættir eru að
vekja lukku. Við erum með sjónvarpsþætti og
japanskar teiknimyndir sem finnast ekki víða
annars staðar og þar hefur salan aukist mikið
og kaupendahópurinn hefur stækkað nokkuð.
Nexus-dót verður því í ófáum jólapökkum
þessi jól. Við erum enn með allt fyrir safnar-
ana en við það bætist allt frá leikföngum til
skáldsagna.“
Nexus varð fyrst þekkt sem myndasögubúð
og Gísli segir þær séu ennþá stóran þátt versl-
unarinnar. „Myndasögur eru alltaf gríðarlega
vinsælar hjá okkur. Núna erum við með svona
pusher-tilboð á japönskum teiknimyndasög-
um, fyrsti skammtur á hálfvirði til að koma
mönnum á bragðið.“ Nexus hefur löngum verið
eftirlæti ungra manna en Gísli segir mörg ár
liðin síðan verslunin hætti að vera stráka-búð.
„Það er aðallega Japönunum að þakka sem
búa gagngert til teiknimyndir og myndasögur
fyrir stelpur. Eina strákavígið sem eftir lifir hjá
okkur eru eiginlega spilin og hlutverkaleikirnir,
warhammer og svoleiðis.“ Í versluninni eru
einnig seld borðspil en Gísli getur ekki beint
mælt með þeim til að spila með börnunum á
jóladag. „Við einbeitum okkur að herkænsku-
spilum sem eru í flóknari kantinum, meira fyrir
áhugamennina en heilar fjölskyldur.“
Gísli hefur oft skipulagt sérstakar Nexus-for-
sýningar um jól á kvikmyndum sem falla undir
áherslur búðarinnar sem séu ævintýra- og vís-
indaskáldskapur en ekkert slíkt er á teikniborð-
inu þetta árið. „Við höfum bara átt fullt í fangi
með búðina eina þessi jól, auk þess sem engin
aðkallandi mynd var á dagskrá. Við sýndum
Hringadróttinssögu þrjú jól í röð enda annað
ekki hægt, en annars spilum við þetta bíó bara
eftir hendinni.“
HVAÐ ER AÐ FRÉTTA? GÍSLI EINARSSON EIGANDI NEXUS
Ég er eiginlega orðinn alveg ruglaður