Fréttablaðið - 22.12.2005, Blaðsíða 86
66 22. desember 2005 FIMMTUDAGUR
sport@frettabladid.is
HVAÐ? HVENÆR? HVAR?
DESEMBER
19 20 21 22 23 24 25
Föstudagur
■ ■ SJÓNVARP
16.20 Enski deildarbikarinn á
Sýn. Útsending frá leik Doncaster og
Arsenal frá því gær.
18.00 Íþróttaspjallið á Sýn.
18.12 Sportið á Sýn. Farið yfir
íþróttaviðburði dagsins.
19.00 NFL-tilþrif á Sýn.
20.00 Álfukeppnin á Sýn. Sýndur
verður leikur Brasilíu og Argentínu.
21.40 Ítalski boltinn á Sýn.
Livorno-AC Milan.
23.20 Spænski boltinn á Sýn.
Barcelona-Celta Vigo.
Handknattleiksmaðurinn Guðjón Valur
Sigurðsson hefur heldur betur slegið
í gegn í þýsku úrvalsdeildinni í vetur.
Hann hefur verið markahæsti leikmaður
deildarinnar nánast frá fyrsta leik og að
sögn þeirra sem til þekkja tekið miklum
framförum frá því á síðasta keppnis-
tímabili. Ástæðan fyrir því gæti verið
sú að í sumar var hann í læri hjá Jóni
Arnari Magnússyni, fyrrum tugþruatark-
appa en núverandi einkaþjálfara í Laug-
um, sem gerði fyrir hann æfingaáætlun
sem átti eftir að skila eftirtektarverðum
árangri.
„Það er nokkuð ljóst að þessi æfing-
atörn í sumar skemmdi ekki fyrir,“ sagði
Guðjón Valur við Fréttablaðið í gær, en á
þessum mánuði lét Jón Arnar hann gera
fjölbreyttar æfingar sem flestar gengu
að því að bæta snerpu og sprengi-
kraft. Guðjón Valur segir að upphaf
samstarfs þeirra megi rekja til þess
tíma þegar landsliðshópurinn var að
æfa fyrir ÓL í Aþenu á sínum tíma.
„Hann var alltaf að fíflast eitthvað
í okkur og eitt skiptið spurði
ég hann einfaldlega hvort ég
mætti koma næsta sumar.
Hann var meira en til í það.“
Guðjón Valur segir að
æfingarnar hafi gert sér mjög
gott og meðal annars náði
hann að bæta stökkkraft-
inn hjá sér um 10-15
sentímetra - þó nægur
hafi hann verið fyrir!
„Þetta var nú ekki nákvæm
mæling en það var klárlega
sjáanlegur munur. Þetta gekk út á
að hoppa upp í loft inni í Laugum.
Í fyrstu var það fingurbroddurinn
en undir það síðasta var það lófinn
sem náði upp í loft,“ segir Guðjón
Valur og bætir því við að
fyrir vikið hafi hann komið
mun betur undirbúinn
til leiks hjá Gummers-
bach. „Ég komst
mun auðveldar í
gegnum undir-
búningstímabilið
hjá Gummersbach
og mér virðist ganga
ágætlega hér úti svo
það er nokkuð ljóst að
þessar æfingar skemmdu
ekki fyrir.“
LANDSLIÐSMAÐURINN GUÐJÓN VALUR SIGURÐSSON: VAR Í EINKAÞJÁLFUN SÍÐASTA SUMAR
Bætti stökkkraftinn um 10-15 sentímetra
FÓTBOLTI „Þetta verður allt annað
núna og ég er viss um að ég verð
í miklu betra leikformi í sumar
en ég hef verið undanfarin ár,“
segir sóknarmaðurinn Björgólfur
Takefusa, sem skrifaði loksins
formlega undir samning við KR í
gær til tveggja ára.
Björgólfur kom til landsins
í fyrradag, nýútskrifaður frá
háskóla í Bandaríkjunum, og mun
hann hefja æfingar með KR á fullu
strax eftir áramót. Það verður í
fyrsta sinn í fimm ár sem hann
tekur þátt í undirbúningstíma-
bili á Íslandi, en áður hefur hann
alltaf komið til landsins strax að
loknum prófum í maí.
„Það er mjög erfitt að koma
beint í slaginn á sumrin án þess
að hafa spilað neitt yfir vorið. Ég
hlakka mikið til að fá loksins að
æfa almennilega yfir veturinn,“
segir hann.
Nokkrar vikur eru liðnar frá
því að ljóst var að Björgólfur væri
á förum frá Fylki en þar hefur
hann leikið síðustu tvö sumur eftir
að hafa stigið sín fyrstu skref í
meistaraflokki með Þrótti.
Spurður um ástæður þeirrar
ákvörðunar hans að yfirgefa
Árbæinn segir Björgólfur að
margt hafi spilað inn í.
„Ég bjó við Frostaskjólið í
mörg ár og fyrsta skipti sem ég
fór á fótboltaleik var þegar ég fór
á KR-völlinn í gamla daga. Ég hef
alltaf borið taugar til KR,“ segir
Björgólfur, sem lék með KR um
tíma í yngri flokkunum og staldr-
aði einnig stutt við hjá liðinu í 2.
flokki. Hann viðurkenndi þó að
fjölskyldutengslin hefðu spilað
eitthvað inn í þótt þau hefðu alls
ekki vegið þyngst, en alþekkt er
að Björgólfur er afabarn nafna
síns Guðmundssonar, stjórn-
arformanns Landsbankans og
gallharðs KR-ings.
Eins og sönnum markaskor-
ara sæmir hefur Björgólfi verið
úthlutuð treyja númer 10 hjá
KR. Sjálfur segist hann þó ekki
enn vera búinn að setja sér nein
ákveðin markmið fyrir næstu
leiktíð. „Ég ætla að byrja á því
að skora eitt mark í einu. Það eru
góðir framherjar fyrir í liðinu og
það verður hörð samkeppni. Plan-
ið núna er að nýta þau tækifæri
sem ég fæ og vonandi verður það
til þess að ég nái að halda stöðu
minni í liðinu,“ segir Björgólfur
að lokum.
vignir@frettablaid.is
Ætla að skora eitt mark í einu
Framherjinn Björgólfur Takefusa skrifaði formlega undir samning við KR í gær. Hann er alkominn heim eftir
nám í Bandaríkjunum og nær nú að taka fullan þátt í undirbúningstímabili á Íslandi í fyrsta sinn í fimm ár.
Björgólfur mun spila í treyju númer 10 hjá Vesturbæjarstórveldinu.
SÁ BESTI „Við teljum að með Björgólfi höfum við náð að klófesta einhvern albesta fram-
herja á landinu,“ sagði Jónas Kristinsson, formaður KR-sports, þegar hann kynnti Björgólf
Takefusa til leiks í Frostaskjólinu í gær. Hér sjást þeir félagar stilla sér upp saman fyrir
ljósmyndara Fréttablaðsins.FRÉTTABLAÐIÐ/E.ÓL.
FÓTBOLTI Michael Essien, hinn
umdeildi miðjumaður Chelsea,
lét loksins í sér heyra í gær í
fyrsta skipti frá hrikalegri tæk-
lingu hans á Dietmar Hamann hjá
Liverpool í leik liðanna í Meistara-
deildinni fyrir skemmstu. Essien
hefur legið undir mikilli gagnrýni
fyrir brot sitt, sem sannarlega
verðskuldaði beint rautt spjald
en því miður missti dómarinn af
atvikinu.
Essien, sem var í kjölfarið
dæmdur í tveggja leikja bann eftir
að aganefnd UEFA hafði skoðað
atvikið á myndbandi, kveðst ekki
ánægður með þá ímynd sem hann
hafi fengið í Englandi undan-
farna daga og segist alls ekki vera
grófur leikmaður.
„Á mínum ferli hef ég aldrei
reynt að meiða andstæðing vís-
vitandi. Ég hef aldrei brotið af
mér viljandi og ég er ekki gróf-
ur,“ segir Essien. „Ég gerði mis-
tök gegn Liverpool og mun gjalda
fyrir þau með tveggja leikja
banni. Það er næg refsing fyrir
leikmann eins og mig sem vill
bara spila fótbolta,“ segir Essien
og bætir við að hann og Hamman
séu orðnir sáttir.
„Ég hringdi í Hamann og bað
hann afsökunar. Hann tók afsök-
unarbeiðninni og hvað mig varð-
ar er málið úr sögunni,“ segir
Essien, sem síðan þá hefur orðið
skotspónn andstæðinga Chelsea
sem reyna ítrekað að fiska á hann
brot.
„Það var hlægilegt að sjá leik-
menn Arsenal gera allt til að pirra
Essien í leiknum um helgina,“
segir Frank Lampard, samherji
Essien. „Hann fékk gult spjald
fyrir að slá til Lauren, sem var
fáránlegur dómur. Hann kom
aldrei við Lauren og var ekki einu
sinni að horfa í sömu átt og hann.
Essien er orðinn að fórnarlambi
og dómarinn beit á agnið,“ segir
Lampard. - vig
Michael Essien tjáir sig um brotið á Hamann:
Hef aldrei reynt að meiða
andstæðing vísvitandi
MICHAEL ESSIEN Ljótt brot hans á Dietmar
Hamann er svo sannarlega að draga dilk
á eftir sér.
FÓTBOLTI Stuðningsmenn Arsenal
svitna hressilega þessa dagana
enda óttast þeir mjög að missa
Thierry Henry frá félaginu þar
sem Barcelona hefur opinberað
áhuga sinn á kappanum.
Henry er samt enn í samninga-
viðræðum við Arsenal en hann á
átján mánuði eftir af samningi
sínum við félagið. Semji hann
ekki fyrir næsta sumar má telja
líklegt að Arsenal selji hann fyrir
væna upphæð í stað þess að missa
hann án þess að fá krónu fyrir ári
síðar.
Annars er það að frétta af
Henry að hann er að bíða eftir nið-
urstöðum röntgenmyndatöku en
hann gæti verið ökklabrotinn. - hbg
Thierry Henry:
Ræður framtíð
sinni sjálfur
THIERRY HENRY Fer hann frá Arsenal eins
og Vieira? FRÉTTABLAÐIÐ/GETTY IMAGES
FÓTBOLTI Alan Curbishley, knatt-
spyrnustjóri Charlton, segir að
sumir af sínum leikmönnum hafi
líklega ofmetnast eftir góða byrj-
un liðsins á tímabilinu en upp á
síðkastið hefur allt gengið á aftur-
fótunum hjá Charlton.
„Það er kominn tími til að
leikmenn vakni og fari að hugsa
um hvernig þeir komust á þann
stall sem þeir eru. Þeir eru ekki
að spila eins og úrvalsdeildar-
leikmenn eiga að gera.“ - vig
Alan Curbishley:
Mjög ósáttur
> Páll og Hermann í Fylki
Fylkir gekk í gær frá samningum við
fyrrum fyrirliða Þróttar, Pál Einarsson,
og Húsvíkinginn Hermann Aðalgeirsson.
Páll skrifaði undir tveggja ára samning
en Hermann samdi til þriggja ára. Báðir
leikmenn eru miðjumenn en Hermann
getur einnig leikið sem sóknar-
mað- ur en hann hefur verið einn
besti leikmaður Völsungs síðustu
ár.Heiður fyrir Sigmund
Körfuboltadómarinn Sigmundur
Herbertsson mun dæma leik Evrópu-
meistara Dynamo St. Petersburg og
CAZ Nymburk í FIBA Eurocup þann
24. janúar nk. Þetta er mikill heiður og
viðurkenning fyrir Sigmund.