Fréttablaðið - 22.12.2005, Blaðsíða 74

bio@frettabladid.is
PRAVDA
DJAMMIÐ UM HELGINA:
MEIRA UM DJAMMIÐ Á
GRAND ROKK
JAZZBANDIÐ MALUS
á fimmtudags og föstudagskvöld
Áki Pain tryllir lýðinn á eftir
ROCCO
& SJÁLFUR KIEFER SUTHERLAND
leika af fingrum fram ásamt
einvalaliði á föstudagskvöldið
JÓLA PUB-QUIZIÐ
á sínum stað kl. 17.30
The weather out there
today is hot and shitty with
continued hot and shitty in
the afternoon. Tomorrow a
chance of continued crappy
with a pissy weather front
coming down from the
north. Basically, it‘s hotter
than a snake‘s ass in a
wagon rut.
Robin Williams fer hamförum sem hinn kolgeggjaði Adrian Cronauer í Good Morn-
ing Vietnam þegar hann hermir eftir fréttaþulnum Walter Cronkite.
Bandaríski leikarinn Forest Whitaker hefur verið á
barmi heimsfrægðar ansi lengi en einhvern veginn
ekki kært sig um að fara alla leið. Nafnið þekkja ef
til vill flestir en tengja það ekki
við andlitið eða er það öfugt?
Forest Whitaker er einn þeirra
leikara sem eiga sér dyggan
aðdáendahóp sem flykkist á
næstum allt sem hann gerir.
Whitaker hefur fjölda „vel met-
inna“ mynda á bakinu. Nægir
þar að nefna Good Morning
Vietnam þar sem hann lék
hundtryggan aðstoðarmann
Robin Williams. Ekki var hann
síðri sem Charlie Parker í
leikstjórn Clints Eastwood.
Þar að auki hefur hann leikið
í myndum á borð við Smoke eftir Wayne Wang og
Ghost Dog í leikstjórn Jim Jarmusch en sú mynd
naut í raun fáránlegra vinsælda hér á landi ef miðað
er við fyrri myndir Jarmusch.
Whitaker hefur ekki verið lengi að. Eitt af fyrstu
hlutverkunum hans var í kvikmyndinni Fast Times
at Ridgemont High á fyrri hluta
níunda áratugarins. Síðan hefur
leiðin legið hægt og bítandi
upp án þess að ná einhverjum
verulegum hæðum. Það hefur
löngum verið lenska hjá leikar-
anum að stela senunni af sér
frægari einstaklingum og nægir
þar að nefna smáhlutverk hans
í The Color of Money þar sem
hann var einkar minnistæður á
móti Paul Newman og ekki var
hann síðri í Consenting Adults
eða The Crying Game.
Forest Whitaker er huldumaður í
Hollywood sem hikar ekki við að leika í kvikmyndum
í óháða geiranum en hefur hlutverk í stórri Holly-
wood-mynd upp í erminni ef allt um þrýtur.
Huldumaðurinn í Hollywood
> Ekki missa af...
King Kong eftir Peter Jackson. Þessi
kvikmynd nýtur sín langbest í stórum sal
með góðu hljóðkerfi, stórum popp og
meðalstórri kók. Það eru einhverjir sem
eiga eftir að fá vægt samviskubit yfir að
missa af þessari mögnuðu jólamynd frá
manninum sem færði okkur Hringa-
dróttinssögu. Magnaðar tæknibrellur,
stórkostlegt umhverfi, skemmtilegur
leikhópur og síðast en ekki síst er King
Kong ótrúlega flottur. Svona eiga kvik-
myndir að vera.
„Eigum við ekki bara að vera
vinir,“ eru síðustu orðin sem
strákur vill heyra þegar hann
hefur loksins safnað kjarki til að
tjá hug sinn í garð stúlku. Í þessu
lendir Chris Bender þegar hann
viðurkennir fyrir vinkonu sinni
hvað honum býr í brjósti. Til að
bæta gráu ofan á svart fylgist
allur árgangurinn með þessum
ógöngum Chris.
Hann flýr í ofvæni úr bænum
og reynir eftir fremsta megni
að gleyma þessu vandræðalega
atviki. Árin líða og Chris kemst
smám saman yfir þetta áfall og
nær frama sem tónlistarframleið-
andi. Á leið sinni til Parísar verð-
ur Chris þó fyrir undarlegu óhappi
sem neyðir hann til að snúa aftur
heim. Þar hittir framleiðandinn
fyrir þá stúlku sem hann hafði
lengi reynt að gleyma.
Það er ólátabelgurinn Ryan
Reynolds sem leikur Chris Bend-
er en hann ætti að vera einhverj-
um kunnur sem Berg úr Two
Guys, a Girl and a Pizza Place
en þættirnir voru sýndir á Skjá
einum fyrir ekki margt löngu. Þá
fer Chris Klein einnig með stórt
hlutverk en hann skaust fyrst upp
á stjörnuhimininn sem Oz í Amer-
ican Pie-myndunum.
Martröð sérhvers manns
CHRIS BENDER Verður fyrir sárum vonbrigðum þegar draumastúlkan hans hafnar honum
fyrir framan allan árganginn.
Það tók C.S. Lewis einungis þrjá
mánuði að skrifa ævintýrið Ljón-
ið, nornin og skápurinn. Góður
vinur hans, J.R.R. Tolkien, sagði
verkið vera algjört drasl. Á það
hefur hins vegar verið bent að
Tolkien gekk ekkert að klára sitt
verk, Hringadróttinssögu, á þess-
um tíma. Tolkien hafði enda rangt
fyrir sér. Þetta ævintýri hefur
selst í 65 milljónum eintaka og
það er ómögulegt að spá fyrir um
hvaða áhrif þessi Disney-mynd á
eftir að hafa á sölu bókanna.
Ljónið, nornin og skápurinn er
ekkert venjulegt ævintýri. Lewis
fékk aukinn áhuga á kristinni trú í
gegnum Tolkien en sá síðarnefndi
var sannfærður um að hinar
heiðnu goðsagnir væru leið Drott-
ins til að undirbúa mannfólkið
fyrir fagnaðarerindið.
Lewis vildi með ævintýrunum
ekki útskýra kristni fyrir börn-
unum heldur gerði sér vonir um
að þau fengju tilfinningu fyrir
trúnni í gegnum ævintýrið. Fáar
persónur í barnabókum hafa verið
drepnar á jafn hrikalegan hátt og
Aslan en ljónið er líflátið þegar
eitt barnanna svíkur hann. Með
þessu vildi Lewis vekja börnin
til umhugsunar um þá fórn sem
frelsari kristinna manna færði
samkvæmt Biblíunni. Hinar
heiðnu goðsögur og persónur
sem koma fyrir í ævintýrum C.S.
Lewis eru heldur engin tilviljun
heldur eiga að tákna leiðina í átt
að kristnu hugrekki.
Þótt bókmenntafræðingar og
aðrir fræðimenn þreytist seint á
að greina ævintýrið er söguþráð-
urinn ekkert síðri, burt séð frá
öllum táknmyndum. Ljónið, norn-
in og skápurinn segir sögu Lucy,
Edmunds, Peters og Susan sem
flutt eru út í sveit á meðan seinni
heimsstyrjöldin stendur yfir. Þar
komast þau í kynni við skáp sem
virðist vera ósköp venjulegur við
fyrstu sýn en reynist síðan vera
dyr yfir í töfraveröld Narníu. Þar
hefur hin illa hvíta norn lagt vetr-
arálög á landið þannig að það er
alltaf frost en aldrei jól. Börnin
fjögur neyðast því til að safna liði
með íbúum Narníu til að landið
losni undan þessum hrikalegu
örlögum.
Það eru margir kunnir leikarar
sem ljá hinum mörgu goðsagna-
kenndu persónum myndarinnar
rödd sína en þeirra frægastur
er sennilega Liam Neeson sem
talar fyrir ljónið Aslan en Tilda
Swinton leikur illu hvítu nornina.
Leikstjóri myndarinnar er Andr-
ew Adamson en þetta er fyrsta
leikna myndin sem hann stýrir.
Hið ótrúlega ævintýri Lewis
PEVENSIE-SYSTKININ Þau lenda í ótrúlegu ævintýri þegar þau stíga í gegnum fataskápinn
og þau neyðast til að berjast gegn álögum hvítu nornarinnar.
Það er mikil spenna í kringum kvik-
myndin A Little Trip To Heaven.
Það er enda ekki á hverjum degi
sem íslenskum leikstjóra gefst kost-
ur á að starfa með leikurum á borð
við Forest Whitaker, Juliu Stiles og
Peter Coyote.
Loksins er komið að stóru stund-
inni en myndin verður frumsýnd á
annan í jólum. Baltasar Kormákur
er allt í öllu, en hann leikstýrir,
skrifar og er annar framleiðandi
myndarinnar. Miklar vonir eru
bundnar við Baltasar úti í hinum
stóra heimi kvikmyndanna en
fyrstu myndirnar hans tvær, 101
Reykjavík og Hafið, vöktu mikla
athygli á honum. Sigurjón Sighvats-
son er hinn framleiðandi myndar-
innar en það þarf ekkert að fjölyrða
um hversu glæsilegur ferill hans er
í kvikmyndaborginni Hollywood.
Myndin var sýnd á hátíðinni í
Toronto en síðan hefur farið lítið
fyrir henni. Hún var aðeins fín-
pússuð eftir sýningarnar í Kanada
og nýlega var tilkynnt að hún yrði
sýnd í hinum virta premier-flokki
á Sundance. A Little Trip verður
frumsýnd í yfir hundrað kvik-
myndahúsum á Spáni og hefur
þegar verið seld til fjörutíu landa.
Kvikmyndin segir frá trygging-
arannsóknarmanninum Holt sem
sendur til hins afskekkta bæjar
Hastings. Þar er honum falið að
rannsaka dularfullt andlát manns
sem skilur eftir sig eina milljón í líf-
tryggingu en hún á að falla í skaut
Isoldar ef allt er sem sýnist. Fortíð
stúlkunnar og mannsins hennar,
Freds, gefur til þó til kynna að ekki
sé allt með felldu. Holt lendir milli
tveggja elda þar sem hann þarf að
gera upp við sig hvort svik trygg-
ingafélaganna séu mikið skárri
en smáglæpir þeirra svikara sem
hann fæst við.
Það er Mugison sem sér um tón-
listina en hún er nú þegar komin
út á geisladisk og Karl Júlíusson
gerði leikmyndina. Fjöldi þekktra
aðila úr kvikmyndaborginni komu
að gerð myndarinnar og má þar
nefna klipparana Virginiu Katz og
Richard Pearson sem þykja mjög
framarlega á sínu sviði.
Hve langt er til himna?
HOLT OG ISOLD Tryggingarannsóknarmaðurinn Holt er sendur til smábæjarins Hastings til
að rannsaka dularfullt andlát.
JARED LETO OG WHITAKER Forest Whitaker
styður yfirleitt mjög dyggilega við bakið á
óháðri kvikmyndagerð.