Fréttablaðið - 22.12.2005, Blaðsíða 66

Komdu í spennandi heim
afþreyingar og upplýsinga
Smelltu þér á www.ogvodafone.is, farðu í næstu verslun Og Vodafone
eða hringdu í 1414 fyrir nánari upplýsingar.
24.900 kr.
MOTOROLA V3 RAZR
SÍMI
Kl. 21.00
Síðustu kertaljósatónleikar
kammerhópsins Camerarctica í ár
verða í Fríkirkjunni í Reykjavík.
Gestur á tónleikunum er Stefán Jón
Bernharðsson klarinettuleikari.
Hallveig Rúnarsdóttir sópran-
söngkona og Steingrímur
Þórhallsson orgelleikari halda
kyrrðar- og íhugunartónleika í
Neskirkju. Áhersla verður lögð á
íslenska tónlist, bæði aðventulög
og maríukvæði, en einnig flytja þau
verk eftir Bach, Händel og Mozart.
„Það verður kannski svolítið
alvarlegra yfirbragð yfir þessum
tónleikum heldur en mörgum
jólatónleikum,“ segir Hallveig. „Þetta
verður allt á fallegum og trúarlegum
nótum, engar gloríutrillur. Það
verður ekki klappað og aðeins
kertaljós í kirkjunni. Hingað geta
allir komið til að finna hinn sanna
jólaanda í hjartanu.“
Tónleikarnir eru hugsaðir sem
mótvægi við hinn mikla hraða sem
einkennir jólahald á okkar dögum
og er þetta tilvalið tækifæri
fyrir fólk að koma í miðjum
jólaundirbúningi, setjast niður í
kirkjunni sem verður aðeins lýst
með kertaljósum, hlusta á fagra
tónlist og komast í snertingu við
hinn sanna anda jólahátíðarinnar
og kristninnar.
Hallveig Rúnarsdóttir og
Steingrímur Þórhallsson eru
listamenn af yngri kynslóðinni
sem hafa vakið mikla athygli
undanfarin ár fyrir tónlistarflutning
sinn. Þau hafa starfað saman við
Neskirkju síðastliðin tvö ár, þar
sem þau stofnuðu ásamt fleirum
tónlistarhópinn Rinascente.
Tónleikarnir í Neskirkju hefjast
klukkan 21.
Kyrrð og ró fyrir jólin
Í tilefni þess að kvikmynd hefur
verið gerð eftir fyrstu bókinni í
Narníu-bókaflokknum vinsæla,
eftir breska rithöfundinn C.S.
Lewis, hefur Fjölvi samið við
Harper Collins-útgáfuna í London
um að gefa út bækurnar sem
eru sjö talsins. Fyrstu tvær
bækurnar í flokknum, Ljónið,
nornin og skápurinn og Frændi
töframannsins eru nú fáanlegar
og Fjölvi stefnir að því að gefa út
hinar fimm bækurnar á komandi
ári. Kristín Thorlacius þýddi þær
yfir á íslensku og þær innihalda
upprunalegu myndskreytingarnar
úr fyrstu bresku útgáfu bókanna
sem eru eftir listakonuna Pauline
Baynes. Höfundur bókanna, C.S.
Lewis fæddist árið 1898 í Belfast
á Írlandi og lærði og kenndi við
Oxford háskólann í Bretlandi þar
sem hann kynntist rithöfundinum
J.R.R. Tolkien. Þeir höfðu báðir
brennandi áhuga á norrænni
goðafræði og miðaldabókmenntum
sem báðir notuðu sem innblástur
fyrir verk sín. Lewis gerðist
mjög trúaður og hægt er að finna
margar samlíkingar með Narníu-
bókunum og píslarsögu Krists.
Ljónið, nornin og skápurinn er
ein vinsælasta barnabók heims
og hefur komið út á yfir fimmtíu
tungumálum. ■
Narníu-bækurnar
komnar aftur
Sólrún Bragadóttir
syngur nokkrar fallegar
maríubænir á tónleikum í
Fríkirkjunni í Reykjavík
síðdegis í dag. Hún ætlar
þó að sleppa þeim allra
frægustu.
„Mér hefur alltaf þótt gaman að
syngja kirkjulega tónlist. Maður
nær oft svo sterkt til áheyrendanna
í gegnum hana,“ segir Sólrún
Bragadóttir sópransöngkona, sem
í dag heldur tónleika í Fríkirkjunni
í Reykjavík ásamt Kára Þormar
organista.
Þau ætla að flytja þar
tónlistarbænir helgaðar Maríu mey,
Ave Maríur svokallaðar því flestar
byrja þær á orðunum Ave María.
„Við höfum verið að tína saman
fallegar maríubænir,“ segir Sólrún
og bætir því við að sá draumur hafi
lengi verið að bærast með henni að
flytja saman tónverk helgað Maríu
mey.
„Að vísu er þetta frekar kaþólsk
hefð en lútersk, en við horfum bara
fram hjá því. Einhvern veginn
finnst mér að tónlistarflutningur
sé hafinn yfir öll trúarbrögð og
pólitík. Aðalatriðið er að ná inn í
hjörtu fólks.“
Á tónleikunum ætlar hún að
syngja verk eftir Camille Saint
Saens, Hans Nyberg, Cesar
Franck, Giuseppi Verdi, Atla
Heimi Sveinsson og fleiri góða
höfunda. Auk þess leikur Kári tvö
orgelforspil að sálminum Það aldin
út er sprungið.
„Ég hef reyndar sleppt þessum
allra frægustu, þær eru svo mikið
sungnar.“
Sólrún hefur búið í Danmörku
í sex ár, en áður en hún flutti
þangað bjó hún í Þýskalandi og
þar áður í Bandaríkjunum. Býsna
langt er því síðan hún bjó hér á
landi, en hún hefur engu að síður
reglulega komið hingað heim til
þess að syngja á tónleikum eða í
óperusýningum.
„Núna upp á síðkastið hef ég
verið eins og jójó, farið fram og til
baka,“ segir Sólrún, sem síðast kom
fram hér á landi með söngsveitinni
Fílharmoníu á aðventutónleikum
í Langholtskirkju 12. desember
síðastliðinn.
Hún verður á landinu fram yfir
áramót, en kemur næst til þess
að syngja í Salnum í Kópavogi á
Tíbrártónleikum í lok janúar.
„Í sumar tók ég þátt í mjög
skemmtilegu verki um H.C.
Andersen undir berum himni í
Danmörku,“ segir Sólrún, sem
fór þar með hlutverk sænsku
sópransöngkonunnar Jenny Lind,
þeirrar sem ævintýraskáldið
elskaði svo heitt.
„Í Salnum verður fókusinn bara
á henni, ég syng lög sem hún söng
og gerði fræg á sínum tíma.“
Undanfarið hefur Sólrún einnig
staðið í undirbúningi dagskrár
fyrir Listahátíð í vor ásamt Sigurði
Flosasyni saxófónleikara. „Það er
allt saman íslensk tónlist, alveg
æðislega gaman.“
Í dag eru það hins vegar
maríubænirnar sem eiga hug
hennar allan.
„Okkur fannst tilvalið að hafa
svona tónleika skömmu fyrir jól
þegar fólk hefur þörf fyrir að
kúpla út í öllum önnunum. Þá er svo
gott að geta komið inn í kirkjuna,
lagt frá sér pjönkur og pinkla og
slappað af.“
Tónleikarnir í Fríkirkjunni
hefjast klukkan 18 og standa í um
það bil eina klukkustund.
Syngur um Maríu mey
FYRIR UTAN FRÍKIRKJUNA Þau Sólrún Bragadóttir og Kári Þormar efna til tónleika í Fríkirkjunni þar sem fólk getur dregið sig í hlé frá erli
jólaundirbúningsins um stund. FRÉTTABLAÐIÐ/VILHELM
Árleg jólavaka Samkórs Selfoss
er haldin í Selfosskirkju í kvöld
og hefst hún klukkan tíu. Gestir
jólavökunnar eru að þessu sinni
Elísabet Waage hörpuleikari
og Magnús Baldvinsson bassi.
Stjórnandi Samkórsins er Keith
Reed. Aðgangseyrir er 1500
krónur og boðið verður upp á
heitt súkkulaði og smákökur.
Það verður því sannkölluð
jólastemning í Selfosskirkju í
kvöld og Samkórsfélagar lofa
góðri og fjölbreyttri tónlist.
Jólavaka í Selfosskirkju
Dean Ferrell, kontrabassaleikari
í Sinfóníuhljómsveit Íslands, og
Steinunn Arnbjörg Stefánsdóttir,
sellóleikari í Kammersveitinni
Ísafold, bjóða til ævintýralegrar
kvöldskemmtunar í Populus
Tremula í kvöld kl. 21.30. Þau
sameina klassíska músik og
nútímamúsik í eigin útsetningum,
þylja ljóð eftir sjálf sig, Ginsberg
o.fl. og fara með raunatölur
Tómasar Hume á meðan þau
leika píanókonsert á kontrabassa
og undarlegustu útsetningar
ýmissa verka á bassann,
línubala, þvottabretti, selló, gítar,
kontrabassa og trompet. Populus
Tremula býður alla unnendur gríns
og tónlistar velkomna. Aðgangur
að tónleikunum er ókeypis. ■
Strengjadúett á Populus
Tremula í kvöld
> Ekki missa af ...
... sýningunni Hellvar - ekki Helvar
í sýningarrýminu Suðsuðvestur í
Reykjanesbæ, þar sem hljómsveitin
Hellvar hefur komið sér fyrir með
tæki sín og tól og semur efni á nýjan
geisladisk meðan sýningin stendur yfir.
... Túskildingsóperunni eftir Bertolt
Brecht og Kurt Weill, sem frumsýnd
verður í Þjóðleikhúsinu á annan í jólum.
... tenórunum þremur sem syngja á
svölum Kaffi Sólon á Þorláksmessu.
Þeir eru að þessu sinni Gunnar
Guðbjörnsson, Jóhann Friðgeir
Valdimarsson og Þorgeir
Kjartansson, en píanóleikur
er í höndum Steinunnar Birnu
Ragnarsdóttur.
22. desember 2005 FIMMTUDAGUR46
menning@frettabladid.is
!