Fréttablaðið - 22.12.2005, Blaðsíða 90

22. desember 2005 FIMMTUDAGUR70
FÓTBOLTI Hinn óheppni enski knatt-
spyrnumaður Jonathan Wood-
gate veðjaði fyrir tvær milljónir
punda, eða 227 milljónir króna,
á þeim tveim árum sem hann lá
meiddur heima hjá sér, að því er
breska slúðurblaðið The Sun held-
ur fram.
Blaðið heldur því fram að Wood-
gate hafi aðallega veðjað að hesta-
veðhlaup og knattspyrnuleiki.
Hann á að hafa eytt að minnsta
kosti 1,8 milljónum punda, eða
204 milljónum króna, en unnið
til baka 1,65 milljónir punda, eða
187 milljónir króna. Hann tapaði
því samtals 17 milljónum króna,
sem verður að teljast ágætlega
sloppið.
Woodgate lagði að minnsta
kosti hundrað þúsund krónur
undir og allt upp í sex hundruð
þúsund. Stærsti vinningurinn
hans var tæplega þrjár og hálf
milljón króna.
„Hann var mjög illa haldinn
á tímabili og hringdi hvað eftir
annað í veðbankann,“ sagði félagi
Woodgates. „Hann er góður í þessu
og er aðeins búinn að tapa sem
nemur tveggja vikna launum.“
Woodgate á að hafa látið af
þessari iðju eftir að hann komst á
ról með Real Madrid. - hbg
Jonathan Woodgate drap tímann í veðbönkum:
Veðjaði fyrir rúmlega
220 milljónir króna
JONATHAN WOODGATE Einn fjölmargra
knattspyrnumanna sem hafa gaman af
veðmálum. FRÉTTABLAÐIÐ/GETTY IMAGES
KÖRFUBOLTI Tveim dögum eftir
tap sem erfitt var að kyngja tók
Kobe Bryant reiði sína út á Dall-
as Mavericks. Hann átti hreint
ótrúlegan leik og skoraði 62 stig í
öllum regnbogans litum þrátt fyrir
að leika aðeins þrjá leikhluta og
fylgjast með af bekknum í fjórða
leikhluta. Lakers vann leikinn,
112-90.
Þetta var persónulegt met hjá
Kobe en hann hitti úr 18 af 31
skoti sínu í leiknum, þar af 4 af
10 þriggja stiga skotum. Hann
hitti svo úr 22 af 25 vítaskotum.
Þegar hann settist á bekkinn var
hann búinn að skora meira en allt
Dallas-liðið, 62-61.
„Ég var svo fúll eftir tapið gegn
Houston að ég var til í að gera hvað
sem er til að forðast tap í þessum
leik. Ég var virkilega reiður og
þess vegna vildi ég senda út skila-
boð í þessum leik,“ sagði Kobe,
sem skoraði þrjátíu stig í þriðja
leikhluta en þess má geta að hann
gaf enga stoðsendingu í leiknum.
Þrjátíu stigin í þriðja leikhluta
eru félagsmet hjá Lakers en NBA-
metið yfir flest stig í einum leik-
hluta á George Gervin, sem skor-
aði 33 stig fyrir San Antonio Spurs
árið 1978.
Áhorfendur kölluðu á Kobe
allan fjórða leikhlutann en Phil
Jackson, þjálfari Lakers, neitaði
að senda hann af bekknum enda
var Lakers búið að vinna leikinn
og nauðsynlegt að hvíla stjörn-
unar þegar það er hægt.
- hbg
Skoraði 62 stig en spilaði
ekki í fjórða leikhluta
Kobe Bryant sló fjölda meta gegn Dallas þegarhann skoraði 62 stig. Fólk spyr
sig hvað hann hefði skorað mikið ef hann hefði leikið í fjórða leikhluta.
KOBE BRYANT Var sjóðheitur og skoraði þrjátíu stig í einum leikhluta gegn Dallas. Ekki
skrítið að hann hafi þurft að blása á puttana sína. FRÉTTABLAÐIÐ/GETTY IMAGES
FÓTBOLTI Sandkassaleikur þeirra
Jose Mourinho, stjóra Chelsea,
og Arsene Wenger, stjóra Arsen-
al, er farinn að fara í taugarnar á
ansi mörgum en það nýjasta er að
Mourinho fór í fýlu þar sem Weng-
er vildi ekki viðurkenna jólakort
sem hann sendi Frakkanum.
Íþróttamálaráðherra Breta,
Richard Caborn, hefur nú blandað
sér í slaginn og sagt stjórunum
að þroskast. „Það sem gerist á
knattspyrnuvellinum á laugar-
dögum gerist á leikvellinum á
mánudögum,“ sagði Caborn en
honum var heitt í hamsi. „Ég bið
þessa menn um að þroskast. Fólk
í fótboltaheiminum er fyrirmynd-
ir og verður að taka ábyrgð sína
alvarlega.“ ■
Íþróttamálaráðherra Breta stekkur ofan í sandkassann:
Skammar Arsene Wenger
og Jose Mourinho
ÓÞROSKAÐIR? Íþróttamálaráðherra Breta, Richard Caborn, segir að Wenger og Mourinho
séu óþroskaðir og eigi að haga sér eftir aldri. FRÉTTABLAÐIÐ/GETTY IMAGES
FÓTBOLTI Miðjumaður Tottenham,
Jermaine Jenas, hefur mikla trú
á Wayne Rooney og telur að hann
geti farið alla leið með England á
HM næsta sumar.
“Wayne er rosalega mikilvæg-
ur liðinu. Ég hef verið að fylgjast
ítarlega með honum upp á síðkast-
ið og hann er stórbrotinn leikmað-
ur. Ef hann spilar eins vel á HM
á England góðan möguleika á að
vinna keppnina,” sagði Jenas, sem
líklega verður í enska landsliðs-
hópnum á mótinu. - hbg
Jermaine Jenas:
Rooney getur
unnið HM
WAYNE ROONEY Í miklum metum hjá
Jermaine Jenas. FRÉTTABLAÐIÐ/GETTY IMAGES