Fréttablaðið - 20.01.2006, Side 14

20. janúar 2006 FÖSTUDAGUR14
Veggljós / Gólflampar / Næturljós / Kastarar / Útiljós / Loftljós
Opið lau.: 11:00 - 16:00
Allt að 70afsláttur%
Verð nú: 17.950-
Verð áður: 26.789-
OSLÓ, AP Nefnd sérfræðinga rann-
sakar nú verk norska læknisins
Jons Sudbø sem sagður er hafa
falsað niðurstöður krabbameins-
rannsóknar sem birtar voru í
virtu læknatímariti, Lancet, í okt-
óber síðastliðnum.
Málið hefur vakið gífurlega
athygli bæði í Noregi sem og ann-
ars staðar, en Sudbø, sem vinnur
hjá Ríkissjúkrahúsinu í Ósló, er
vel þekktur munnkrabbameins-
sérfræðingur og tannlæknir. Tals-
maður sjúkrahússins tilkynnti um
hneykslið um helgina, en fölsuðu
niðurstöðurnar sýndu að algeng
bólgueyðandi lyf minnkuðu líkur
á munnkrabbameini hjá reykinga-
mönnum en ykju hættuna á hjarta-
sjúkdómum. Sudbø er sagður hafa
fundið upp fleiri en 1.000 sjúk-
linga fyrir „rannsókn“ sína.
Nefndin, sem stýrt er af Svían-
um Anders Ekbom, kannar bæði
þessa og eldri rannsóknir Sud-
bøs, sem og hvort sjúklingar hafi
borið skaða af skrifum hans, en
samkvæmt norskum lögum geta
heilbrigðisyfirvöld hegnt læknum
og afturkallað læknisleyfi þeirra,
geri þeir eitthvað sem skaði sjúk-
linga. Búist er við niðurstöðum
nefndarinnar í apríl.
Sudbø, sem er í veikindaleyfi,
hefur ekki tjáð sig opinberlega um
málið. - smk
NIÐURSTÖÐUR RANNSAKAÐAR
Anders Ekbom, yfirmaður óháðrar sérfræð-
inganefndar, á blaðamannafundi um mál
Sudbøs á Ríkissjúkrahúsinu í Ósló.
FRÉTTABLAÐIÐ/AP
Rannsókn hafin á verkum norsks krabbameinssérfræðings:
Sagður falsa niðurstöður
ÖLLU ÓHÆTT Starfsmenn indónesískrar
sjónvarpsstöðvar slafra í sig hefðbundna
kjötbollusúpu í gær í því skyni að sýna
áhorfendum að það sé óhætt. Stöðin hafði
áður sent út þátt þar sem sýnt var að sumir
götusalar notuðu rottukjöt í kjötbollurnar.
FRÉTTABLAÐIÐ/AP
SVÍÞJÓÐ Réttarhöld hefjast á næst-
unni yfir 29 ára sænskri mann-
ætu sem myrti tvær fóstursystur
sínar, drakk blóð þeirra og borð-
aði kjöt af annarri þeirra. Maður-
inn hefur játað. Hann verður að
öllum líkindum dæmdur til vistar
á geðsjúkrahúsi.
Á fréttavef Aftonbladet sagði
í gær að hann hefði starfað í eld-
húsi á vegum sveitarfélagsins,
að hann elskaði bangsana sína
og hataði sjálfan sig. Hann hafði
mikinn áhuga á kántrítónlist og
dreymdi um að fara til Nashville
í Bandaríkjunum.
Hann bjó í litlu húsi á búgarði
foreldra sinna og umgekkst fáa.
Er hann sagður hafa orðið fyrir
miklu einelti í æsku.
Þetta er þriðja mannætan
sem vitað er um í Svíþjóð en árið
1968 var verkamaður í Karlstad
dæmdur fyrir að myrða þungaða
kærustu sína með exi og borða kjöt
af henni, meðal annars sem álegg
á brauð. Árið 1979 viðurkenndi
háskólastúdent í Malmö að hann
hefði drekkt 28 ára kærustu sinni
og gert sér nokkrar máltíðir úr
kjötinu. Hann var fyrst tekinn til
fanga af lögreglunni fyrir að stela
sjónvarpstæki móður sinnar. - ghs
DRAKK BLÓÐIÐ Ungur Svíi kemur brátt
fyrir rétt ákærður fyrir að hafa myrt systur
sínar, drukkið blóð þeirra og borðað kjötið.
Maðurinn safnaði böngsum og hlustaði á
kántrítónlist. NORDICPHOTO/AFP
Svíi myrti systur sínar, drakk blóð þeirra og át:
Mannæta át aðra
fóstursystur sína LEIKSKÓLAMÁL Samtökin Börnin okkar hvetja borgaryfirvöld til að
finna sem fyrst lausn á þeim vanda
sem leikskólar borgarinnar eru í.
Telja samtökin að sökum mann-
eklu á leikskólunum séu margir
foreldrar í slæmri stöðu. Margir
séu hræddir um að missa vinnu
vegna þess að börn þeirra fá ekki
vistun vegna skorts á starfsfólki á
leikskólunum í Reykjavík. Ástand-
ið er ekki uppbyggjandi að mati
foreldra. -aöe
Samtök foreldrafélaga:
Nauðsynlegt
að finna lausn
Yfirvélstjóri fær laun Yfirvélstjóri
sem slasaðist í september 2004 um
borð í bátnum Mikael I og varð óvinnu-
fær á eftir fær greidd full laun í tvo
mánuði eftir slysið. Vinnuveitandi hans,
Ístak, hafði neitað honum um laun.
Staðfesti Hæstiréttur dóm Héraðsdóms
Reykjavíkur í gær.
DÓMSMÁL
STJÓRNSKIPAN Guðni Ágústsson
landbúnaðarráðherra hefur skip-
að nýja stjórn Hagþjónustu land-
búnaðarins til næstu fjögurra ára.
Stofnunin hefur sömu heimildir og
Hagstofan til að verða sér úti um
upplýsingar.
Í nýju stjórninni eru Hall-
grímur Snorrason hagstofustjóri,
Ríkharður Brynjólfsson prófessor
og Haraldur Benediktsson, for-
maður Bændasamtakanna. - aöe
Hagþjónusta landbúnaðarins:
Þrír skipaðir í
nýja stjórn
DANMÖRK Tvö verk í eigu danska
ríkislistasafnsins hafa verið
úrskurðuð ósvikin Rembrandt
málverk. Er þetta niðurstaða
þriggja ára rannsókna á nokkrum
verkum sem síðustu áratugi hafa
verið eignuð nemendum hollenska
listmálarans.
Þegar verkin fundust í Fred-
ensborgarhöll í upphafi síðustu
aldar var þeim hampað sem
Rembrandtverkum en voru síðar
afskrifuð sem slík.
Eldra verkið, Uppkast af vanga-
svip öldungs, er málað um 1630
en verkið Krossriddarinn þrjátíu
árum síðar. Verkin verða til sýnis
í listasafninu frá 4. febrúar. - ks
Rembrandt-málverk:
Tvö úrskurðuð
ósvikin
DANMÖRK Gestum á danska þjóð-
minjasafnið og ríkislistasafnið
hefur fjölgað um rúman fimmtung
frá áramótum. Þessi aukning
kemur í kjölfar þess að hætt var að
rukka fyrir aðgang að söfnunum.
Samkvæmt frétt Berlingske
Tidende er reiknað með að gestum
á söfnin fjölgi um sextíu til átta-
tíu prósent í ár. Er þá miðað við
reynslu Svía, Breta og Frakka af
gjaldfrjálsum söfnum. - ks
Gjaldfrjáls söfn gefast vel:
Gestum hefur
snarfjölgað
NOREGUR Norska fyrirtækjasam-
steypan Orkla hefur keypt hlut
upp á um 1.800 milljónir íslenskra
króna í vetraríþróttafyrirtækinu
Skistar sem rekur meðal annars
skíðalyftur í Trysilfjell og Hems-
edal í Noregi og Åre, Sälen og
Värmdalen í Svíþjóð. Orkla er þar
með í hóp tíu stærstu hluthafa, að
sögn Veckans Affärer.
Orkla á um 140 milljarða
íslenskra króna í norrænum fyrir-
tækjum, þar á meðal í 17 sænskum
fyrirtækjum. Stærsti hluturinn er
í fatakeðjunni Hennes & Mauritz
og heilbrigðisfyrirtækinu Capio. ■
Norska Orkla-samsteypan:
Kaupir hlut
í Skistar