Fréttablaðið - 18.02.2006, Blaðsíða 44

Eurovision-keppnin var sett á lagg-
irnar árið 1955 og fór hún fram í
bænum Lugano á Ítalíu. Var fyrir-
myndin enda sótt í San Remo-
söngvakeppnina þar í landi. Við
Íslendingar vorum ekki lengi að
þefa þessa keppni uppi og árið
1961 leitaði FÍD, Félag íslenskra
dægurlagahöfunda, eftir stuðningi
hjá dönskum starfsfélögum sínum.
Hvort fyrrum herraþjóð okkar hafi
verið treg til og óttast að þetta sker
í norðri myndi stela senunni skal
ósagt látið en skýringarinnar er
þó fyrst og fremst að finna í þeirri
staðreynd að íslenskt sjónvarp var
einfaldlega ekki orðið til. Þjóðin
gat því ekki glatt evrópska sam-
borgara sína með dægurlagatónlist
úr norðri.
Þegar RÚV fór í loftið árið 1966
mætti FÍD aftur og vildi fá að taka
þátt. Því miður hömluðu tæknileg-
ir örðugleikar því að Evrópa fengi
að heyra brotabrot af þeim snilld-
arverkum sem hljómuðu á öldum
ljósvakans á þessum tíma. Kannski
svolítið hrokafullt en svona hugsaði
þjóðin.
Jónatan Garðarsson, talsmaður
keppninnar, viðurkennir að íslenska
þjóðin hafi fyrr á tímum verið mjög
hrokafull og haft mjög háleitar hug-
myndir um eigið ágæti. „Þegar lagið
Don‘t Try to Fool Me með Jóhanni
G. Jóhannssyni kom út vorum við
sannfærð um að lagið hefði rústað
Eurovision á sínum tíma,“ segir
Jónatan og hlær. Þess má til gam-
ans geta að það ár vann Waterloo
með Abba. Svona var hugarfar
þjóðarinnar langt fram eftir áttunda
áratugnum, tókum ekki þátt enda
töldum við næsta víst að við hefð-
um sigrað ef svo hefði verið. Þjóðin
fékk svo tækifæri þegar jarðstöðin
Skyggnir var sett upp en þá komst
á gervihnattasamband við útlönd.
FTT, Félag tónskálda og textasmiða,
vildi fá að taka þátt í Eurovision og
það varð úr. Skellt var upp glæsi-
legri sýningu og lag Magnúsar
Eiríkssonar, Gleðibankinn, valið
sem framlag okkar.
Þjóðin fór á flug. Það var forms-
atriði að mæta til Noregs því sig-
urinn var nánast í höfn. „Svona án
gríns,“ segir Jónatan. „Fólk var farið
að skipuleggja hvar keppnin gæti
farið fram hér á landi.“ Vonbrigðin
voru því mikil þegar úrslitin voru
ljós. Sömu sögu var að segja þegar
Halla Margrét söng Hægt og hljótt.
„Þá varð okkur ljóst að Evrópa skil-
ur ekki þessa íslensku tónlist,“ segir
Jónatan.
Það var oft æði skrautlegt gengi
sem fylgdi Eurovision-hópnum
og árið 1988 mætti Jón Páll Sig-
marsson ásamt Hrafni Gunnlaugs-
syni með hópnum þar sem íslenskt
brennivín og kraftlyftingar voru
meðal skemmtiatriða. „Annars gilti
200 mílna reglan í þessum ferð-
um,“ segir Jónatan og er þögull
sem gröfin. Lætur í veðri vaka að
Eurovision-sagan sé stuði stráð en
gefur síðan ekkert frekar upp.
Árið 1989 tónaði þjóðin vænt-
ingarnar niður, ungur strákur að
nafni Daníel Ágúst keppti með lag-
inu Það sem enginn sér eftir Valgeir
Guðjónsson. Við yrðum aldrei neðar
en í 16. sæti. Lagið fékk ekkert stig
og Valgeir var kallaður á teppið hjá
þjóðinni. 1990 varð heldur betur
viðsnúningur á gengi þjóðarinnar.
Sigga Beinteins og Grétar Örvars-
son slógu í gegn með öruggri sviðs-
framkomu og hressu lagi. Eitt lag
enn hafnaði í fjórða sæti.
Við Íslendingar höfum upplifað
bæði skin og skúrir. Verst hefur þó
verið þegar okkur hefur verið spáð
velgengni en þær spár hafa ekki
gengið eftir. „Gengi Angel var til að
mynda mikil vonbrigði og það að
Selma skyldi ekki komast áfram í
fyrra var mörgum mikið áfall,“ segir
Jónatan og bætir því við að hann
hafi aldrei séð svona marga full-
orðna karlmenn gráta á einum
stað þegar það varð ljóst.
Það getur kostað mikla
peninga að vinna Eurovision.
Grikkir voru staðráðnir í að fá
keppnina til sín í fyrra og eyddu
hátt á annað hundruð milljón-
um í hvers konar kynningarstarf á
laginu. Gríska ferðamálaráðið lagði
peninga í verkið en Jónatan leyfir
sér að efast um sigurinn skili jafn
miklu í ferðamannastrauminn og
lönd vonast eftir. „Keppnin sem slík
kemur landinu á kortið en menn
þurfa síðan að vinna enn frekar í
þessu.“
Jónatan segir að íslenska þjóð-
in sé orðin raunsærri hvað árangur
varðar og hefur eina gullna reglu
að leiðarljósi áður en lagt er af
stað: „Þegar við erum farin að velta
því fyrir okkur hvar eigi að halda
keppnina hér á landi er það ávísun
á slæmt gengi.“
8
Ef þú sækir
fylgir 2l. Pepsi
og Góu Hraun
með tilboðinu
TILBOÐ 1 TILBOÐ 2
Matsaman
Thailenskur kjötréttur með kjúklingakjöti og
grænmeti. Steikt í matsman karrý og
salt-hnetusósu.
Kínverksar núðlur að hætti Mekong
Eggjanúðlur með kjúklingi og grænmeti.
Paneng
Thailenskur kjötréttur með nautakjöti og grænmeti.
Steikt í panengkarrý og kókomassa.
Djúpsteiktar rækjur
með súrsætri sósu.
Verð á mann kr. 1.245.-
Fyrir tvo kr 2.490.-
Hæfilegur skammtur af hrísgrjónum og
Góu Hraun fylgir.
Geng Sheo Van
Thailenskur kjötréttur með grísakjöti. Steikt í
grænu karrý ( sterkt)
Kao Pad Ped
Sterk chilli krydduð hrísgrjón með svínakjöti eða
kjukling og grænmeti.
Tom Ka
Thailenskur kjúklingaréttur með grænmeti og
kókos. (sterkt)
Pas Siú
Hrísnúðlur með grænmeti.
Verð á mann kr. 1.245.-
Fyrir tvo 2.490.-
Hæfilegur skammtur af hrísgrjónum og
Góu Hraun fylgir.
Sóltún 3 • Bæjarlind 14-16 Sími: 564 6111 • www.mekong.is
FRÍ HEIMSENDING EF PANTAÐ
ER FYRIR MEIRA EN KR. 2000,-
Hamborgari með frönskum, sósu og gosi. Verð kr. 550.-
FYRIR BÖRNIN
Tilboð eru eingöngu afgreidd fyrir tvo eða fleiri.
„Hef aldrei séð jafn marga fullorðna karlmenn gráta og þegar Selma féll úr keppni,“ sagði
Jónatan um stemninguna sem var meðal gesta þegar ljóst varð að Ísland kæmist ekki
áfram í aðalkeppnina.
Jónatan Garðarsson hefur farið nokkrum
sinnum á Eurovision-keppnina og segir
hana vera ótrúlega. Í gildi sé 200 mílna
reglan um það sem fer þar fram.
Stuði stráð saga
Þrjátíu árum eftir að Eurovision var fyrst haldin fékk
Ísland inngöngu. Þjóðin ætlaði að taka keppnina með
trompi enda var það nánast formsatriði að mæta á
svæðið.
Abba, hvað er það? Árið 1974 sigraði
ABBA-flokkurinn með laginu Waterloo. Á
Íslandi var talið að lagið Don‘t Try to Fool
Me hefði rústað þá keppni. FRÉTTABLAÐIÐ/GETTY
■■■■ { eurovision } ■■■■■■■■■■■■■■■■■■■■■■■■■■■■■■■■■■■■■■■■■■■■■■■■