Fréttablaðið - 15.04.2006, Qupperneq 52

15. apríl 2006 LAUGARDAGUR32
LISTILEGAR SKREYTINGAR
Kristnisagan er í íslenskum búningi í
myndskreytingum Baltasars. Þar ægir
saman lopaklæddum sjómönnum,
saltfiski, Móses og frelsaranum.
Í KIRKJUGARÐINUM
Í fallegum kirkjugarðinum sjást þess merki
að byggðin í Flatey má muna sinn fífil fegri.
Kirkjan á gömlu
klausturseynni
Flateyjarkirkja er rétt sunnan við þorpið og umlukt falleg-um kirkjugarði þótt eitt og
annað þar sé nokkuð hrörlegt á að
líta. Þegar gengið er í kirkjuna er
engu líkara en að kirkjugestur sé
kominn mitt inn í listaverk. Loft,
veggir sem og altaristafla eru
myndskreytt af myndlistarmann-
inum Baltasar. Má segja að kristni-
sagan sé þar framreidd í íslensk-
um búningi því þar má líta bæði
lopaklædda sjómenn, saltfisk og
sauðfé innan um Móses og frelsar-
ann.
Kirkjan tilheyrir prestakallinu
á Reykhólum en nokkuð er síðan
guðsþjónusta hefur farið þar fram.
Hún var reist árið 1926 og hefur
nýlega verið endurgerð og er því í
góðu ástandi ef frá er talið þakið
sem þarfnast endurbóta og binda
menn vonir við að úr því verði
bætt í sumar.
Í Flatey var munkaklaustur
Ágústsínusarreglunnar frá því
1172 til siðaskipta. Það var eitt
mikilvægasta menningar- og bóka-
gerðarsetur landsins.
Kirkjan var opin þegar tví-
menningana bar að og gátu þeir
gleymt sér þar inni í kyrrðinni við
lágstemmdan undirleik vindsins
sem hvein á glugga.
REISULEG KIRKJA
Flateyjarkirkja var reist árið
1926. Hún var nýlega endurgerð
og er í allgóðu ásigkomulagi.
FORNT MENNINGARSETUR
Í Flateyjarklaustri var mikilvægt
menningarsetur fyrr á öldum.
Það er fleira merkilegt að sjá í Flatey en fjölskrúð-
ugt fuglalíf. Jón Sigurður Eyjólfsson blaðamaður og
Hörður Sveinsson ljósmyndari stigu á land í eynni
og urðu uppnumdir af þeirri fegurð og kyrrð sem
finna mátti við Flateyjarkirkju einn napran en
bjartan vetrardag.