Fréttablaðið - 28.04.2006, Page 16

28. apríl 2006 FÖSTUDAGUR16
nær og fjær
„ORÐRÉTT“
„Allt er gott að frétta,“ segir Baldvin Esra Einars-
son, formaður Félags stúdenta við Háskólann
á Akureyri. Baldvin, sem nemur viðskiptafræði
við skólann, tók við embætti formanns 31. mars
síðastliðinn. „Við erum að breyta félaginu úr
partífélagi í hagsmunafélag.“ Félagið hefur tekið
upp samstarf við Stúdentaráð Háskóla Íslands
og hafa að sögn Baldvins miklar viðræður átt
sér stað þar á milli að undanförnu og fleiri
fundir í vændum. „Skólarnir eru nánast eins
uppbyggðir enda báðir opinberir ríkisháskólar
sem eru ekki með skólagjöld og við viljum
halda því þannig.“
Helstu verkefnin sem liggja fyrir hjá félag-
inu um þessar mundir segir Baldvin vera að
endurskoða reiknilíkan Lánasjóðs íslenskra
námsmanna, húsnæðismál og þau almennu
hagsmunamál sem koma upp á hverjum degi
á borð við útkomu úr prófum og slíkt. En
hagsmunagæsla Baldvins einskorðast ekki við
stúdenta Háskólann á Akureyri og situr hann
í fimmta sæti á framboðslista Vinstri grænna
í sveitarstjórnarkosningunum sem fara fram
27. maí. „Ég datt eiginlega óvart inn í það. Ég
er formaður Ungra vinstri grænna á Akureyri
og var beðinn um að taka þátt í prófkjörinu,
sem endaði með því að ég lenti í fimmta
sæti.“ Baldvin mun einbeita sér að því að ná
inn atkvæðum ungra Akureyringa og stendur
ýmislegt til. Á föstudaginn verður ungliðadagur
Vinstri grænna á Akureyri þar sem verður grillað
í göngugötunni.
„Sveitastjórnarmál og hagsmunamál eru
mikið rædd á göngum skólans enda mikið
af ungu fólki sem hefur áhuga á stjórnmál-
um. Stúdentapólitíkin er mikið rædd í kjölfar
stefnubreytingar félagsins.“ Baldvin segir mikinn
hug í nemendum varðandi hagsmunamál sín.
Próf eru fram undan hjá Baldvin,
sem hefur fengið leyfi
frá kosningastjóra til
að fá að vera utan
þjónustusvæðis
meðan á þeim
stendur. Baldvin, sem
er í stúdentapólitík,
sveitarstjórnarmálum,
námi og vinnu, segist
ekki skilja í þeim sem
kvarti yfir því að ekkert
sé að gera á Akur-
eyri. „Maður
heldur sér
uppteknum.“
HVAÐ ER AÐ FRÉTTA? BALDVIN ESRA EINARSSON FORMAÐUR FÉLAGS STÚDENTA VIÐ HÁSKÓLANN Á AKUREYRI
Maður heldur sér uppteknum
Fimm konur voru nýverið sæmdar
heiðursorðu Siglinganefndar Skóla-
félags Kennaraskóla Íslands við
hátíðlega athöfn að Leirubakka í
Landi. Orðuna hlutu þær fyrir
störf sín í þágu nefndarinnar og
þeirra hugsjóna sem starf hennar
er grundvallað á. Er þetta í fyrsta
sinn sem konur hljóta orðuna.
Siglinganefnd SKÍ leggur höfuð-
áherslu á siglingar, frið, jafnrétti
og bræðralag en kjörorðin eru
„Navigare Necesse Est“. Eru þau
höfð eftir Pompeiusi mikla í Róm
hinni fornu en hann gerði sér
snemma grein fyrir nauðsyn sigl-
inga til að tryggja undirstöður
hins forna heimsveldis.
Helstu forvígismenn Siglinga-
nefndarinnar gegnum tíðina hafa
verið Helgi Viborg, Jón Ársæll
Þórðarson, Sveinn Guðjónsson,
Viðar Marel Jóhannsson, Anders
Hansen, Guðmundur Þórhallsson,
Jóhann Kristjánsson, Ólafur Þ.
Harðarson, Rúnar Björgvinsson
og Magnús Jón Árnason, sem nú
er látinn.
GLAÐBEITTIR ORÐUHAFAR Valgerður Brynjólfsdóttir, Björg H. Bjarnason, Bára Snorradóttir,
Steinunn Þórarinsdóttir og Hildur Sveinsdóttir.
Fimm konur sæmdar heiðursorðu
Tvískipting valds
„Oft er talað um að fjölmiðl-
ar séu þriðja valdið í hinum
lýðræðislegu samfélögum.“
ÍSÓLFUR GYLFI PÁLMASON
VARAÞINGMAÐUR UM FJÖLMIÐLA Í
GREIN Í MORGUNBLAÐINU.
Upp með gengið
„Maður gæti vel hugsað sér
að það yrðu einir til tvennir
tónleikar á ári í mesta lagi í
framtíðinni.“
GUÐBJARTUR FINNBJÖRNSSON
TÓNLEIKAHALDARI UM ÁHRIF
EFNAHAGSMÁLA Á HLJÓMLEIKA-
HALD. FRÉTTABLAÐIÐ.
Í STÆRRA LAGI Trausti Jónsson veiddi þennan væna þorsk við Brimnesið á Kjalarnesi á
dögunum. Vóg hann tuttugu kíló og dugði í mat fyrir marga. FRÉTTABLAÐIÐ/GVA
Endurnar á Reykjavíkur-
tjörn eiga hauk í horni í
Sonju Georgsdóttur, sem
gefur þeim brauð á veturna.
Hún segist aldrei hafa séð
jafn marga máva á sveimi
yfir tjörninni og nú.
Sonja Georgsdóttir, sem er stuðn-
ingsfulltrúi og nemi við Lista-
háskóla Íslands, veit ekkert
skemmtilegra en að gefa öndun-
um á tjörninni. Síðustu tvo vetur
hefur hún fætt endurnar nokkrum
sinnum í viku og fylgst vel með
lífinu í og við tjörnina. „Ég hef
aldrei séð jafn mikið af mávum og
nú. Þeir voru alveg brjálaðir og
það er mjög erfitt að eiga við þá
þegar þeir láta svona.“ Sonja er
jafnan með svo mikið brauð í far-
teskinu að hvorki hún né endurnar
þurfa að óttast að þær síðarnefndu
fái ekki í gogginn. „Ég fæ alltaf
nóg af brauði í Björnsbakaríi á
Seltjarnarnesi þannig að allir fá
sitt,“ segir hún og er þakklát bak-
aranum, sem aldrei rukkar krónu
fyrir andabrauðið eins og sums
staðar tíðkast. „Það þýðir ekkert
að koma með tvö brauð á tjörnina
þegar endurnar eru hungurmorða.
Ég fylli alltaf bílinn.“
Sonja segir einfaldar ástæður
liggja að baki því að hún gefi önd-
unum reglulega. „Ég er dýravinur
og það þarf að gefa öndunum eins
og öðrum dýrum.“ Um leið skilur
hún ekki að Reykjavíkurborg skuli
standa sig jafn illa í umönnun and-
anna og raun ber vitni. „Fyrst
tjörninni er haldið opinni á annað
borð ætti borgin að sjá öndunum
fyrir brauði.“ Einnig þykir henni
sárt að horfa upp á mávana éta
andarungana á vorin og hvetur
borgaryfirvöld til að gæta að
blessuðum ungunum.
„Þetta er það skemmtilegasta
sem ég geri og ég krefst ekki
þakklætis frá öndunum á móti,“
segir Sonja, sem lætur ekki
kuldann yfir vetrarmánuðina
stöðva sig. „Ég bít bara á jaxlinn
þegar kalt er í veðri og bið nær-
stadda um að hjálpa mér svo þetta
taki styttri tíma.“
bjorn@frettabladid.is
MÁVAGER VIÐ TJÖRNINA Sonja Georgsdóttir hefur áhyggjur af öndunum þegar mávarnir eru jafn aðgangsharðir og nú. Hún hvetur borgar-
yfirvöld til að gæta að því að mávarnir éti ekki andarungana í vor. FRÉTTABLAÐIÐ/GVA
Mávarnir eru brjálaðir
�������������������������������������
����������
�����������
����������
���������
������ ������ �� ������� ����
���������
������ �� �������� ������������
������������
������������������� ������ ��
��������������� �� ��������
�
�
�