Fréttablaðið - 07.05.2006, Blaðsíða 4
4 7. maí 2006 SUNNUDAGUR
Tekinn með kókaín Lögreglan
í Hafnarfirði lagði hald á 2 grömm
af kókaíni sem var í eigu ökumanns
sem var stöðvaður á Vífilsstaðavegi á
föstudag. Maðurinn sem er 22 ára játaði
við yfirheyrslur að hafa keypt efnið á
26 þúsund krónur og að hafa ætlað að
nota það sjálfur.
LÖGREGLUFRÉTTIR
EFNAHAGSMÁL Standa verður miklu
betur og skipulegar að upplýsing-
um um íslenskt efnahagslíf erlend-
is en verið hefur. Þetta er sá lær-
dómur sem draga má af þróuninni
í íslensku efnahagslífi síðustu
vikur og mánuði, að mati Vilhjálms
Egilssonar, framkvæmdastjóra
Samtaka atvinnulífsins, SA.
Vilhjálmur segir að halda megi
því fram þegar fall krónunnar sé
metið að gengi hennar hafi risið of
hátt um tíma og það hafi flýtt fyrir
lækkuninni. Lækkunin hafi hins-
vegar komið sem viðbrögð á fjár-
málamarkaði við illa grundaðri
umfjöllun um íslenskt efnahagslíf
erlendis.
Vilhjálmur bendir á að með
evru myndi vinnumarkaðurinn
bregðast við sveiflum í hagkerfinu
með breytingum á atvinnustigi í
stað kaupmáttarbreytinga en
meðan krónan sé við lýði þurfi að
gera allt til að fullur árangur náist
í efnahagsstjórninni.
„Umræður um íslensku krónuna
og stöðu hennar eru afar nauðsyn-
legar. Ekki síst vegna þess að þær
vekja upp spurningar um hvernig
haga þarf hagstjórn til þess að ná
árangri og það skapar aðhald að
ríkisstjórn og Seðlabanka,“ segir
hann í grein á vef SA.
„Framundan er erfitt verkefni
á vinnumarkaðnum sem snýst
kannski ekki síst um það hvernig
hann aðlagast að breyttum aðstæð-
um. Þá skiptir máli að nálgast það
verkefni út frá því hvernig hægt
er að stuðla að sem mestum
árangri til framtíðar.“ - ghs
VILHJÁLMUR EGILSSON Framkvæmdastjóri
SA, segir umræðu um krónuna og stöðu
hennar afar nauðsynlega.
Framkvæmdastjóri Samtaka atvinnulífsins um vinnumarkaðinn:
Erfitt verkefni framundan
GENGIÐ
GENGI GJALDMIÐLA 05.05.2006
Gengisvísitala krónunnar
Bandaríkjadalur 71,70 72,04
Sterlingspund 132,61 133,25
Evra 90,92 91,42
Dönsk króna 12,19 12,262
Norsk króna 11,687 11,755
Sænsk króna 9,744 9,80
Svissneskur franki 58,21 58,53
SDR 106,1 106,74
HEIMILD: Seðlabanki Íslands
KAUP SALA
126,0492
BJÖRGUN Björgunarskipið Hannes
Hafstein frá Sandgerði fór til
aðstoðar togaranum Frá frá Vest-
mannaeyjum í fyrrakvöld en hann
hafði fengið veiðarfæri í skrúf-
una. Togarinn var um 20 sjómílur
út af Sandgerði þegar óhappið
varð.
Kafarar voru með um borð í
björgunarskipinu og freistuðu
þeir þess að skera úr skrúfu skips-
ins á staðnum. Það gekk ekki eftir
og því var ákveðið að draga bátinn
í land og komu skipin til hafnar í
gærmorgun.
Ekki var talin hætta á ferðum
þar sem sjólag og veðurskilyrði
voru mjög hagstæð. - shá
Frár VE dreginn til lands:
Bátur fékk
í skrúfuna
SÚDAN, AP Friðargæsluliðar Sam-
einuðu þjóðanna eru velkomnir
aftur í Darfur-hérað, að sögn tals-
konu súdanskra stjórnvalda, eftir
að friðarsamkomulag var undirrit-
að á föstudag milli yfirvalda í
Súdan og stærsta uppreisnarhóps-
ins.
Súdönsk stjórnvöld höfðu áður
hafnað aðstoð frá friðargæslulið-
um Sameinuðu þjóðanna um að
koma í stað þúsunda friðargæslu-
liða frá Afríkubandalaginu sem eru
nú í Darfur-héraði.
Það kastar skugga á samkomu-
lagið að tveir uppreisnarhópar neit-
uðu að skrifa undir það. Þeir sögðu
öryggi íbúanna í héraðinu ekki
tryggt að fullu og óvíst væri með
bætur fyrir ættingja þeirra sem
hafi fallið í átökum.
Að sögn Bakri Mulah, háttsetts
embættismanns í upplýsingamála-
ráðuneyti Súdans, stendur hópun-
um áfram til boða að skrifa undir
samkomulagið og ef þeim muni
ekki snúast hugur verði þeir með-
höndlaðir eins og aðrir ólöglegir
hópar.
Mikil fagnaðarlæti brutust út
þegar friðarsamkomulagið var
undirritað en Afríkubandalagið
hafði milligöngu um friðarviðræð-
urnar sem fóru fram í Nígeríu. Afr-
íkubandalagið, Bandaríkin, Bret-
land, Evrópusambandið og
Arababandalagið styðja þetta frið-
arsamkomulag.
Samkvæmt samkomulaginu á
vopnahlé að taka gildi sjö dögum
frá undirritun. Á næstu mánuðum
eiga súdönsk stjórnvöld að koma á
fót sjóði sem notaður verður til að
greiða fórnarlömbum blóðbaðsins
bætur. Í sumar verður haldin
alþjóðleg fjáröflunarráðstefna til
uppbyggingar í Darfur. Þar að auki
munu fimm þúsund uppreisnar-
menn sameinast her og lögreglu í
Súdan og leiðtogar uppreisnar-
manna ganga til liðs við stjórnvöld.
John Bolton, sendiherra Banda-
ríkjanna hjá Sameinuðu þjóðunum,
sagði friðargæslu Sameinuðu þjóð-
anna á svæðinu lykilatriði til að
samkomulagið muni halda.
George W. Bush, forseti Banda-
ríkjanna, blandaði sér í erfiðar frið-
arviðræðurnar með því að senda
bréf til stærsta uppreisnarhópsins.
Í bréfinu hét hann stuðningi Banda-
ríkjanna við framkvæmd friðar-
samkomulagsins.
Átökin í Darfur-héraði hafa stað-
ið í þrjú ár. Talið er að um 200.000
manns hafi misst lífið og um tvær
milljónir hafi þurft að yfirgefa
heimili sín.
sdg@frettabladid.is
MEÐLIMIR STÆRSTA UPPREISNARHÓPSINS Í DARFUR Mæta til friðarviðræðnanna á föstudag. FRÉTTABLAÐIÐ/AP
Friðarsamkomulag
undirritað í Darfur
Vopnahlé tekur gildi í Darfur-héraði í næstu viku samkvæmt friðarsamkomu-
lagi sem var undirritað á föstudag. Vonast er til að samkomulagið bindi enda á
þriggja ára blóðug átök í héraðinu.
MENNING Jakob Frímann Magnús-
son var á föstudag kosinn stjórn-
arformaður Félags tónskálda og
textahöfunda. Magnús Kjartans-
son sem gegnt
hafði stöðunni í
fjórtán ár bauð
sig einnig fram.
Hann mun starfa
áfram sem fram-
kvæmdastjóri
félagsins.
„Það lá í loftinu
að gerðar yrðu
einhverjar breyt-
ingar og það náðist almenn sátt um
það,“ segir Jakob Frímann. „Það
er verið að styrkja liðsheildina og
Magnús fær þarna við hlið sér
starfandi stjórnarformann.“ - jse
Stjórnarkjör hjá FTT:
Sátt náðist um
nýjan formann
JAKOB FRÍMANN
MAGNÚSSON
MIÐBORGIN Zimsenhúsið svokall-
aða var flutt úr Hafnarstræti í
gær en þar hefur það staðið í
hundrað tuttugu og tvö ár. Húsið
var flutt í heilu lagi þrátt fyrir að
það sé bæði stórt og þungt. Húsið
er um 24 metrar á lengd og 8 metr-
ar á breidd og talið nálægt hundr-
að tonn að þyngd.
Húsið var flutt út á Granda þar
sem það mun standa þar til búið er
að ákveða hver framtíðarstaðsetn-
ing þess verður. Hugmyndir hafa
komið fram um að húsið verði val-
inn staður í Viðey. - shá
Ásýnd Reykjavíkur breytist:
Sögufrægt hús
hefur kvatt
HÚSINU LYFT Zimsen húsið hefur staðið í
Hafnarstræti síðan 1884 og hýst margvís-
lega verslunar- og þjónustustarfssemi.
FRÉTTABLAÐIÐ/ARNÓR
KOSNINGAR Bæjarráð Akureyrar
hefur samþykkt að styrkja stjórn-
málaöflin í bænum, sem bjóða
fram í komandi sveitarstjórnar-
kosningum, um samtals eina og
hálfa milljón króna.
Upphæðin skiptist jafnt á milli
framboðanna en að líkindum verða
þau sex talsins. Hver listi fær því
250 þúsund krónur frá Akureyrar-
bæ en á móti kemur að bærinn og
bæjarstofnanir greiða ekki fyrir
auglýsingar frá bænum sem kunna
að birtast í blöðum á vegum fram-
boðslistanna. - kk
Framboðslistar á Akureyri:
Bærinn gefur
kvartmilljón
SPÁNN, AP Í smábæ á Spáni var
haldið risastórt blint hópstefnu-
mót um helgina til að hjálpa hinum
fjölmörgu piparsveinum bæjarins
að ganga út.
Borgarstjórinn, sem hefur
miklar áhyggjur af íbúafækkun,
studdi við framtakið með því að
kosta auglýsingaherferð til að
bjóða konum til bæjarins á hóp-
stefnumótið.
Um 100 konur mættu til leiks
og héldu til kvöldverðar ásamt 60
piparsveinum bæjarins. - sdg
Of margir piparsveinar:
160 á blindu
hópstefnumóti