Fréttablaðið - 07.05.2006, Blaðsíða 91

SUNNUDAGUR 7. maí 2006 35
SUNNUDAGSVIÐTALIÐ: ÓLAFUR STEFÁNSSON
ætlaði að spila þessa skemmtilegu
vörn sem við spilum í dag og ég er
svo hrifinn af. Hann sagði mér frá
fleiri hlutum og ég hugsaði um leið
að þessu vildi ég ekki missa af. Ég
sé ekki eftir þeirri ákvörðun í dag.
Svo fannst mér ég ekki hafa sýnt
almennilega hvað í mér býr hérna.
Ég vildi sýna Talant og fólkinu hér
hvað ég gæti og hver ég væri í
raun og veru.“
Háðari handboltanum en ég hélt
Ólafur er mjög jákvæður út í lífið
og handboltann og maður skynjar
að honum líður vel. Hann hefur
öðlast nýtt líf í þessu stórkostlega
liði Talants Dujshebaev og margir
handboltaspekingar eru á því að
hann hafi aldrei verið betri en í
dag.
„Síðustu átta mánuði hafa marg-
ir hlutir snúist 180 gráður í hugsun
minni gagnvart handbolta. Þó að
ég sé orðinn 32 ára þá er ég að læra
fullt af nýjum hlutum. Það kemur
reyndar ákveðinn söknuður að
hafa ekki lært margt af þessu fyrr.
Þetta er búið að vera flott tímabil
og ég hef notið mín virkilega vel í
allan vetur og líður betur en oft
áður. Það sem meira er þá finnst
mér ég eiga meira inni og að ég
geti vel spilað á toppnum næstu
árin. Ég hélt ég væri ekki eins
háður handboltanum og ég er í
raun og veru. Það hef ég uppgötv-
að eftir að ég losnaði við Roman,
ég lærði þó það af kallinum,“ sagði
Ólafur sem ætlar að enda atvinnu-
mannaferilinn á Spáni. Hann gerir
því ekki ráð fyrir að enda ferilinn
með Val og hann telur mjög ólík-
legt að hann fari út í þjálfun að
loknum ferlinum.
„Það eru 90 prósent líkur á að
ég klári ferilinn hér. Ég tel ekki
líklegt að ég komi heim og spili
mína síðustu leiki með Val. Ég geri
frekar ráð fyrir að sökkva mér í
eitthvað nám af krafti þegar ég
hætti að spila. Vonandi samræmist
það plönum konunnar sem er í
námi í Madríd en hún á sína
drauma líka og ég vil endilega að
hún geti látið þá rætast,“ sagði
Ólafur en telur hann sig vera betri
handboltamann í dag en fyrir þrem
til fjórum árum þegar margir
töldu hann vera búinn að ná sínu
besta?
„Já, ég held það og tel mig
aldrei hafa verið betri. Þolið hefur
sjaldan verið betra, skynjunin
hefur aukist og ég því betri en
áður. Stefnan er að taka þrjú ár á
fullu og ekki hugsa um aldur eða
eitthvað álíka heldur einbeita mér
að því að keppa við þá bestu.“
Finnur viðhorf sín í skrifum Guð-
bergs
Það verður ekki skilið við Ólaf
öðruvísi en að ræða örlítið við
hann um fjölskyldulífið. Það sést
vel þegar maður heimsækir Ólaf
að hann er mikill fjölskyldumaður
sem unir sér vel heima með sínum
nánustu. Ólafur og konan hans,
Kristín Soffía, voru byrjuð að slá
sér upp áður en hann fór í atvinnu-
mennsku og hún hefur því fylgt
honum allan hans atvinnumanna-
feril.
„Við erum búin að vera saman í
einhver fjórtán ár. Við erum búin
að vera passlega mikið saman og
sundur til að endast saman í fjór-
tán ár. Ég var að taka þetta saman
um daginn og mér telst til að við
séum ekki búin að vera saman
nema í einhver átta ár,” sagði Ólaf-
ur og hló létt en hann telur nauð-
synlegt að fá stundum tíma fyrir
sjálfan sig þó að hann vissulega
njóti sín vel á „heimavelli“. Því
tekur hann stundum upp á því að
bregða sér frá einn síns liðs.
„Mér finnst ekkert sjálfsagð-
ara. Fólk á ekki að njörva sig of
mikið saman. Ef þú lest Guðberg
Bergsson þá er nokkuð af mínu
viðhorfum í hans skrifum. Það sem
áður var framandi og eftirsóknar-
vert verður á endanum hversdags-
legt og ömurlegt sem er algjörlega
óháð því hversu yndislegar persón-
urnar í kringum þig eru. Ef fólk er
alltaf að upplifa sama hlutinn, er
sífellt í ofboðslegri nánd, þá hættir
það að geta talað um og gefið eitt-
hvað nýtt af sér. Það sem mér
finnst skipta máli er að fólk sé ekki
að drekka úr sama bikar þó það sé
að drekka sama rauðvínið.” ■
FÓTBOLTI Leikið var við prýðilegar
aðstæður á Darida Stadium í
Minsk. Síðast þegar liðin mættust
hafði Ísland mikla yrirburði en
Hvít-Rússar höfðu bætt leik sinn
mikið og léku mun betur en á
Laugardalsvellinum.
Aðeins eitt mark var skorað í
fyrri hálfleik og það skoraði Katr-
ín Jónsdóttir á 27. mínútu en bolt-
inn hafði reyndar viðkomu í varn-
armanni. Íslenska liðið byrjaði
síðari hálfleikinn af miklum
krafti og Ásthildur Helgadóttir
fyrirliði kom Íslandi í 2-0 fljót-
lega í síðari hálfleik með góðu
marki. Hún keyrði inn í teig Hvít-
Rússanna sem réðu ekkert við
hana og lagði svo boltann laglega
í netið.
Lið Hvít-Rússa vaknaði aðeins
við markið og minnkaði muninn
skömmu síðar en lengra komst
það ekki og íslenska liðið fagnaði
því sigri.
„Ég er mjög sáttur við að taka
hér þrjú stig. Ég hefði kannski
viljað sjá okkur spila aðeins betur
en að sama skapi var þetta lið
mun betra en það lið sem mætti á
Laugardalsvöllinn,“ sagði lands-
liðsþjálfarinn Jörundur Áki
Sveinsson við Fréttablaðið eftir
leikinn. „Ég var ánægðastur með
stemninguna og andann í liðinu
en nokkuð hefur vantað upp á
stemninguna í síðustu leikjum.
Við vorum að berjast á fullu allan
leikinn og það er vel. Við sköpum
nokkuð af færum, skorum tvö
mörk og með smá heppni hefðum
við getað skorað fleiri. Varnar-
leikurinn var nokkuð þéttur fyrir
utan markið. Það sem ég var
ósáttastur við var að við skyldum
ekki halda boltanum betur innan
liðsins. Það fór vissulega um mig
í stöðunni 2-1 enda hefði verið
agalegt að klúðra þessu niður.
Blessunarlega kláruðu stelpurn-
ar þetta með sóma og ég er mjög
ánægður með þær.“ - hbg
Góður sigur á
Hvít-Rússum
Íslenska kvennalandsliðið gerði góða ferð til Hvíta-
Rússlands þar sem það lagði heimamenn, 2-1, en
leikurinn var liður í undankeppni HM 2007.
Í BARÁTTUNNI Landsliðsfyrirliðinn Ásthildur Helgadóttir sést hér í baráttunni í fyrri viður-
eign Íslands og Hvíta-Rússlands á Laugardalsvellinum. Ásthildur lék vel í gær og skoraði
síðara mark íslenska liðsins.
FORMÚLA 1 Spánverjinn Fernando
Alonso verður á ráspól í Evrópu-
kappakstrinum sem fer fram á
Nurburgring í dag. Hann háði
harða keppni við Þjóðverjann
Michael Schumacher í tímatök-
unni í gær og náði að lokum
örlítð betri tíma. Félagi Schuma-
chers, Felipe Massa, náði þriðja
besta tímanum og og fyrrum
Ferrari-maðurinn, Rubens Barri-
chello, náði fjórða besta tíman-
um en hann ekur fyrir Honda.
„Það er alltaf taugastrekkj-
andi að keyra í tímatökum og
erfitt líka því maður má ekki
gera nein mistök. Við gerðum
lítilsháttar breytingar á bílnum
um nóttina og þær breytingar
skiluðu sínu. Það voru engin
vandamál hjá okkur,“ sagði
Alonso. - hbg
Evrópukappaksturinn á Nurburgring:
Alonso aðeins fljót-
ari en Schumacher
FLJÓTASTUR Alonso keyrði vel í gær. FRÉTTABLAÐIÐ/GETTY IMAGES
HANDBOLTI Ólafur Stefánsson
þakkar þjálfara sínum, Talant
Dujshebaev, að mörgu leyti þann
árangur sem hann hefur náð á
þessu ári en Ólafur segir Dujshe-
baev vera besta þjálfara sem
hann hafi haft og er hrifinn af
öllu sem hann leggur upp fyrir
liðið.
Dujshebaev er einn besti
handknattleiksmaður allra tíma.
Hann er nýbyrjaður að þjálfa en
hann lék með Ólafi í Ciudad-lið-
inu á síðustu leiktíð. Talant hefur
einnig mikið álit á Ólafi og hann
brosti breitt þegar blaða-
maður spurði hann að
því hvernig persóna
Ólafur væri.
„Hann minnir mig
á Spike úr Notting
Hill og ég kalla
hann stundum
Spikey,“ sagði
Talant og hló
hrossahlátri.
„Hann kemur frá öðrum heimi
og er ákaflega sérstakur. Hann á
engan sinn líkan,“ sagði Talant
en hversu mikilvægur er Ólafur
þessu besta liði Evrópu í dag?
„Ég vil ekki tala um að ein-
hver einstaklingur sé mikilvæg-
ari en annar í liðinu. Ég er með
sextán leikmenn og allir eru
mikilvægir fyrir liðið. Óli er
samt einn af bestu leikmönnum
heims í sinni stöðu og það segir
sig í raun sjálft að hann gegnir
lykilstöðu hjá okkur sem og hjá
íslenska landsliðinu. Óli er mik-
ill atvinnumaður og það er
ánægjulegt að vinna með manni
eins og honum. Hann æfir mjög
stíft og leggur mikið á sig. Óli er
alhliða leikmaður sem getur gert
nánast allt í handbolta og er enn
að bæta sig sem leikmaður.
Vonandi verður hann hjá
okkur næstu árin,“
sagði Dujshebaev.
- hbg
Dusjhebaev, þjálfari Ciudad, er hrifinn af Ólafi:
Ólafur minnir mig á
Spike úr Notting Hill
HANDBOLTI Það er áberandi hversu
miklu sterkari skoðanir Ólafur
hefur á handboltanum í dag en
áður og hann er þar að auki far-
inn að láta meira til sín taka bæði
á æfingum og í leikjum. Hann
sagði félögum sínum til að mynda
ekki mikið minna til en Dujshe-
baev þjálfari á æfingum sem og í
leiknum gegn Portland.
Hann hefur einnig sterkar
skoðanir á því hvernig hann vill
sjá hlutina með landsliðinu og
hann er ekki alveg sammála öllu
því sem Alfreð var til að mynda
að gera með liðið í Magdeburg á
dögunum.
„Ég hefði viljað sjá einhverja
ákveðna línu sem væri æfð af
krafti þessa viku og þá sérstak-
lega hvað varðar varnarleikinn.
Þess í stað vorum við að prófa
marga hluti og fyrir mig kom
lítið út úr því og þá kannski aðal-
lega af því að það vantaði Fúsa og
því erfitt að sjá raunverulegan
styrk hverrar varnar. Það er líka
að hluta til kannski mér að kenna
eins og Alfreð því ég er kannski
farinn að hafa meiri áhrif en áður
og ég hefði getað reynt að hafa
áhrif á Alfreð. Við verðum að
negla eitthvað sem við trúum á
mjög fljótlega. Sverrir Björns-
son var prófaður og manni finnst
það pínu hættulegt þar sem
maður hefur ekkert séð hann. Til
að fá tilfinningu og traust fyrir
leikmanni þá þarf maður að sjá
hann spila í langan tíma og vita
styrk hans. Hann er rosalegt
spurningarmerki og maður vill
hafa sem fæst spurningarmerki í
leik eins og gegn Svíunum með
fullri virðingu fyrir Sverri sem
manni skilst að hafi spilað vel
heima. Ég myndi vilja sjá okkur
spila 5+1 vörnina sem við spiluð-
um í Sviss með Guðjón uppi á
toppnum. Ég hef trú á henni. Við
þurfum trausta varnarvinnu til
að fá hraðaupphlaupin okkar sem
eru svo mikilvæg,“ sagði Ólafur.
- hbg
Ólafur hefur sterkar skoðanir á landsliðsmálunum:
Vil sjá Alfreð velja
eina ákveðna línu
GÓÐUR LEIÐBEINANDI Ólafur sést hér éta upp hvert orð sem þjálfarinn Talant Dujsheba-
ev segir en Ólafur segir hann vera algjöran snilling. FRÉTTABLAÐIÐ/VILHELM
FÚSI ER LYKILMAÐUR Ólafur segir að fyrrum félagi hans hjá Magdeburg, Sigfús Sigurðs-
son, sé algjör lykilmaður í íslensku vörninni og að hann verði að spila gegn Svíum í
sumar. FRÉTTABLAÐIÐ/VILHELM