Fréttablaðið - 07.05.2006, Blaðsíða 8
8 7. maí 2006 SUNNUDAGUR
Navision Small Business er öflugur viðskiptahugbúnaður
sem heldur utan um allar viðskipta- og fjárhagsupplýs-
ingar fyrirtækisins og gefur þér skjótan aðgang að öllu
sem þú þarft að vita til þess að hámarka framlegð og ná
fram hagræðingu í rekstri.
• Fjárhagsgrunnur
• Fjárhagsbókhald
• Viðskiptamenn
• Sölureikningar
• Lánardrottnar
• Birgðir
Maritech er eitt stærsta hugbúnaðarfyrirtæki landsins með skrifstofur í Kópavogi
og á Akureyri. Hjá okkur starfar stór hópur vel menntaðra sérfræðinga sem notar
upplýsingatæknina til þess að hjálpa þér að ná betri árangri. Maritech hefur þróað
fjölda viðbóta við Navision viðskiptahugbúnaðinn sem eru lagaðar að þörfum
íslenskra fyrirtækja.
Einfalt og þægilegt viðmót
Einföld uppsetning
Íslenskar handbækur
Staðlaðir bókhaldslyklar
Miklir stækkunarmöguleikar
Tenging við aðrar lausnir
Fjöldi viðbótarlausna
Microsoft samhæft
Aðgangur að þjónustuborði
Fjöldi námskeiða í boði
Hringdu núna í síma 545-3200
Fjárfesting til framtíðar
Þú þarft að
þekkja eigin rekstur
til að geta keppt við aðra
Verð frá kr. 130.900*
Öll verð eru án vsk. *Verð miðast við einn notanda
550 5000
AUGLÝSINGASÍMI
SKÓLAMÁL Nýr menntaskóli,
Menntaskóli Borgarfjarðar, hefur
verið stofnaður. Menntaskólinn,
sem verður einkaskóli, verður
reistur á gamla íþróttavellinum í
Borgarnesi, þar sem tjaldsvæði
hefur verið síðustu árin. Fram-
kvæmdir hefjast í sumar og
kennsla hefst haustið 2007.
Gert er ráð fyrir að skólabygg-
ingin muni kosta 250-300 milljónir
króna og að húsið geti nýst líka
sem menningarhús. Menntaskól-
inn verður hlutafélag og er stefnt
að því að safna 100 milljónum
króna í hlutafé. Þegar hafa safnast
tæpar 76 milljónir króna í hluta-
fjárloforðum.
Stærsti eigandi Menntaskóla
Borgarfjarðar verður Sparisjóður
Mýrasýslu, sem mun eiga hlutafé
fyrir fjörutíu milljónir króna.
Sveitarfélagið Borgarbyggð hefur
lofað hlutafjárkaupum fyrir þrjá-
tíu milljónir króna auk þess sem
fyrirtæki í Borgarfirði hafa tekið
hugmyndinni vel.
„Þetta þýðir að skólanum verður
hrint úr vör með öfluga eiginfjár-
stöðu og það verður hægt að byrja
framkvæmdir án þess að rekstur-
inn verði að sligast í framtíðinni,“
segir Runólfur Ágústsson, rektor
Viðskiptaháskólans á Bifröst.
Stefnt er að því að hvert ein-
asta heimili í Borgarfirði eigi hlut
í skólanum. Á stofnfundi sem hald-
inn var í Íþróttamiðstöðinni í
Borgarnesi í gær var hægt að skrá
sig fyrir hlutafé að lágmarki eitt
þúsund krónur og söfnuðust sam-
tals um 5,7 milljónir króna.
Nemendur skólans verða 150
talsins og er stefnt að því að þeir
ljúki námi á þremur árum. Námið
verður einstaklingsmiðað en skól-
inn verður fyrsti framhaldsskól-
inn í landinu til að vinna eftir nýrri
námskrá og hefur hann verið skil-
greindur sem tilraunaskóli.
Skólinn mun vera í nánu sam-
starfi við Landbúnaðarháskólann
á Hvanneyri og Viðskiptaháskól-
ann á Bifröst. Einnig mun hann
sinna þeim sem ekki hafa náð til-
skyldum árangri í grunnskóla.
„Góð menntunartækifæri hafa
orðið sífellt veigameiri þáttur í
búsetuvali og því að fólk uni vel
hag sínum. Menntunin styrkir inn-
viðina og treystir byggðina,“ sagði
Þorgerður Katrín Gunnarsdóttir
menntamálaráðherra á stofnfundi
skólans. ghs@frettabladid.is
Skóli rís á
tjaldstæðinu
MENNTASKÓLI BORGARFJARÐAR Skólinn verður reistur á gamla íþróttavellinum í hjarta
Borgarness, þar sem tjaldsvæði hefur verið. FRÉTTABLAÐIÐ/KURT OG PÍ
BANDARÍKIN, AP Frá því í október
árið 2004 hefur undarlegur klett-
ur, sem minnir helst á ugga, verið
að vaxa út úr gíg eldfjallsins St.
Helens í austanverðum Banda-
ríkjunum. Kletturinn er nú orð-
inn rúmlega 90 metra hár og
hækkar um rúman metra á hverj-
um einasta degi.
Árið 1980 hófst gos í fjallinu
með mikilli sprengingu sem varð
57 manns að bana. Í sprenging-
unni sundraðist fjallstoppurinn,
sem var keilulaga.
Röð lítilla jarðskjálfta hófst að
nýju í fjallinu í september árið
2004 og allar götur síðan hefur
mátt greina hæga eldvirkni í
fjallinu. Kvikan hefur verið á
hægri hreyfingu og er þar komin
skýringin á ugganum, sem vex út
úr einni hlið gígsins.
Jarðfræðingar telja að á end-
anum verði fjallið aftur keilu-
laga, eins og það var fyrir
sprengigosið árið 1980. Margir
óttast reyndar að annað gos geti
komið úr fjallinu með skelfileg-
um afleiðingum.
„Eins og hlutirnir eru að þró-
ast núna þá er ekkert sem bendir
til þess að hamfaragos sé í vænd-
um,“ sagði Tom Pierson, banda-
rískur jarðfræðingur. „En hlut-
irnir geta breyst hvenær sem er,“
bætti hann við. - gb
UGGINN MIKLI Þessi klettur er orðinn nærri
hundrað metra hár og hækkar um meira
en metra á hverjum einasta degi.
FRÉTTABLAÐIÐ/AP
Eldfjallið St. Helens í Bandaríkjunum veldur miklum heilabrotum:
Uggi vex um metra daglega
VEISTU SVARIÐ?
1 Forstjóri bandarísku leyniþjónust-unnar, CIA, sagði af sér í fyrradag.
Hvað heitir hann?
2 Kona hefur í fyrsta sinn sest í stól utanríkisráðherra Breta. Hvað heitir
hún?
3 Íslenskir fjárfestar hafa selt hlut sinn í enska fótboltaliðinu Stoke City.
Hver keypti félagið?
SVÖR Á BLS. 38
DÓMSMÁL Héraðsdómur hefur
sýknað Eimskip af skaðabótakröfu
laxeldisfyrirtækisins, Nordlaks
Produkter. Fyrirtækið tapaði
rúmum 6,6 milljónum króna í sept-
ember 2003, þar sem kaupandinn
neitaði að taka við farminum.
Skipafélagið hafði flutt 20
bretti af frystum laxaflökum til
Bandaríkjanna. Við komuna varð
ljóst að hitastig í kæli skipsins
hafði á einum degi sveiflast um
fjörutíu gráður. Gerlamagn í fis-
knum var þó ekki yfir viðmiðunar-
mörkum og varan seld hæstbjóð-
anda.
Dómurinn taldi að þar sem óháð
skoðun fór ekki fram á ástandi
laxins áður en hann fór í skipið og
ástand hans var ekki metið strax
við löndun ætti norska fyrirtækið
ekki bótarétt. - gag
Eimskip sýknað af skaðabótakröfu laxeldisfyrirtækis:
Óháð eftirlit skorti
á ástandi farmsins
EIMSKIP Tuttugu bretti af laxi til Banda-
ríkjanna skiluðu sér ekki í því ástandi sem
kaupandinn var tilbúinn að samþykkja.
Ekki sannaðist hvar hann hafði skemmst.
DÓMSMÁL Héraðsdómur Norður-
lands eystra sektaði fyrir helgina
vörubílstjóra um 40 þúsund krónur.
Maðurinn var dæmdur fyrir að
brjóta lög um þungatakmarkanir
en þyngd vöruflutningabíls sem
hann ók reyndist yfir leyfilegum
mörkum.
Forsaga málsins er sú að vörubíl-
stjórinn var á ferð á þjóðveginum í
Reykjadal í desember síðastliðnum.
Umferðareftirlitsmenn mældu bíl-
inn á vettvangi og kom í ljós að
þungi framáss var 1100 kílóum yfir
leyfilegum mörkum. Þrátt fyrir
þetta var manninum leyft að halda
áfram för sinni en hann hefur nú
verið sektaður sem fyrr segir. - aöe
Héraðsdómur Norðurlands:
Braut lög um
öxulþunga