Fréttablaðið - 07.05.2006, Blaðsíða 87

Við byggjum
barnaþorp
í Afríku
Vertu með
Vertu SPES
www.spes.is
[ TÖLVULEIKIR ]
UMFJÖLLUN
Fimmti SingStar leikurinn er kom-
inn á markað og er, eins og for-
evrum sínum, ætlað að hrista upp í
bæði vönum karókíkeppendum og
þeim sem hafa skotið sér undan
karókísöng með því að fela sig á
bak við lagaúrvalið.
Það fær enginn lengur að sitja á
sófanum í teiti þar sem SingStar
fer í græjurnar. Stattu upp, smelltu
á þig gaddaól og upp á stofuborð.
Hér stendur valið milli þrjátíu laga
þar sem allt að átta manns geta
keppt, þó aðeins tveir í einu. Leik-
urinn sjálfur hefur ekkert þróast
frá fyrri útgáfum og allt gengur
sinn vanagang. Einu nýju tónarnir
sem kveða við eru vitaskuld lögin
sjálf og þar liggur megingallinn.
Þarna leynast vissulega smellir
sem gætu rifið hvaða partí sem er
upp (Song 2 með Blur, Self-Esteem
með Offspring). Þarna eru svo
einnig aftur á móti lög sem eru
vissulega jafn miklir smellir en
eru á skjön við allt sem kallast
rokk (What You Waiting For með
Gwen Stefani, Everybody‘s Chang-
ing með Keane, Wind of Change
með Scorpions). Annars staðar
hefði svo mátt velja hressari lög
frá annars vel rokkandi böndum
(The Bucket með Kings of Leon,
Run með Snow Patrol).
Þetta breytir því ekki að á
SingStar Rocks! Hefur verið
steypt saman flestum geirum
útvarpsvæns pop-, indie- og sígilds
rokks sem ætti að höfða til flestra.
Nú er bara að komast yfir hræðsl-
una við hljóðnemann, hringja í vin-
ina sem hafa verið of svalir hingað
til og þenja raddböndin. Rokkið
lifi. Gestur Hilmarsson
Rokkgrautur
sem engan svíkur
SINGSTAR ROCKS!
VÉLBÚNAÐUR: PLAYSTATION2
Niðurstaða: Leikurinn sver sig í ætt við forvera
sína þannig að þeir sem þekkja SingStar vita
að hverju þeir ganga og þrátt fyrir undarlegt
lagaval á köflum má vel rífa upp gleðskapinn
með SingStar Rocks!
FRÉTTIR AF FÓLKI
Írski leikarinn Colin Farrell missti af aðalhlutverki í mynd sem gerð
verður um ævi Bobs Dylan, í hendurn-
ar á Brokeback Mountain stjörnunni
Heath Ledger. Myndin verður tekin
upp í sumar. Leikstjóri hennar, Todd
Haynes sem gerði myndina Velvet
Goldmine, er sagður hafa skipt
um skoðun á síðustu
stundu. Ledger er einn af
sex leikurum sem túlka
söngvaskáldið fræga og
með honum í hóp eru
meðal annars gamla
kempan Richard
Gere og leikarinn úr
American Pshyco,
Christian Bale. Farrel,
sem lék aðalhlutverkið
í stórmyndinni Alex-
ander, er þekkt partíljón
og nýkomin úr
meðferð.
Simon Cowell, hugmyndasmiður og
dómari American Idol keppninnar,
er á grænni grein. Í nýútkominni
bók sjónvarpsgagnrýnandans Bills
Carter er upplýst að Cowell sé með
400.000 pund á tímann og fær því
19,5 milljónir punda fyrir árið sem
samsvarar rúmum tveimur millj-
örðum íslenskra króna. Þetta er
ekki lítill peningur en American
Idol þátturinn er vinsælasta sjón-
varpsefni í Bandaríkjunum með
áhorf upp á 25 milljónir manna.
Cowell situr í dómarasætinu með
þeim Paulu Abdul og Randy Jack-
son og er frægur fyrir að vera með
eindæmum dómharður.
Simon á
grænni grein
SIMON COWELL Þarf ekki að kvíða fyrir
framtíðinni enda einn hæstlaunaði sjón-
varpsmaður Bandaríkjanna.
Hljómsveitin Korn gefur út
tónleikaplötuna Live & Rare á
mánudag. Platan inniheldur sjö lög
frá tónleikum sveitarinnar á staðn-
um CBGB´s árið 2003 ásamt hennar
útgáfu af laginu Another Brick in
the Wall með Pink Floyd og One
með Metallica. Einnig fylgja með
upptökur frá tónleikum Korn á
Woodstock-hátíðinni 1999.
Platan kemur út á vegum Epic
Records sem gaf út fyrstu sjö plöt-
ur Korn áður en sveitin söðlaði um
og fór til EMI. Gaf hún út plötuna
See You on the Other Side á síðasta
ári.
Korn fer í tónleikaferð um Evr-
ópu í lok þessa mánaðar og mun hún
standa út sumarið. Mörgum Íslend-
ingum er vafalítið í fersku minni
tvennir tónleikar hennar í Laugar-
dalshöllinni fyrir tveimur árum.
Korn á tónleikum
KORN Rokksveitin Korn gefur út tónleika-
plötuna Live & Rare á mánudag.