Fréttablaðið - 07.05.2006, Blaðsíða 83

GUÐMUNDUR ODDUR
> SKRIFAR UM SJÓNMENNTIR
SUNNUDAGUR 7. maí 2006
Leikfélag Hólmavíkur sýnir
Fiskar á
þurru landi
eftir Árna Ibsen í leikstjórn
Kolbrúnar Ernu Pétursdóttur
í Bæjarleikhúsinu í Mosfellsbæ
sunnudaginn 7. maí kl. 19.00.
Miðapantanir og upplýsingar
eftir kl. 16.00 sunnudaginn
7. maí í síma 865-3838 .
„Prestastefna 2006 skorar á stjórn KSÍ (Knattspyrnusambands Íslands) að
mótmæla á sínum vettvangi tengslum vændis og HM 2006 (Heimsmeist-
aramótsins í knattspyrnu 2006 í Þýskalandi). Einnig vill Prestastefna hvetja
KSÍ ennfrekar til dáða í sínu mikilvæga uppeldis- og forvarnarstarfi á meðal
barna og unglinga í landinu. Þjóðkirkjan vill gjarnan liðsinna íþróttahreyf-
ingunni í því góða uppeldisstarfi sem unnið er innan hreyfingarinnar.“ Já
einmitt það. Á síðustu tveim áratugum eða svo hefur orðið mikil hningnun
á ímynd íþróttahreyfingarinnar. Leikmenn, félagsbúningar, tæki og umhverfi
íþróttamannvirkja hafa verið gerð að söluvöru á svo afgerandi hátt að það
er til háborinnar skammar. Svo illilega hefur tekist til að erfitt er að halda
fókus á leiknum sjálfum vegna sjónræns áreitis merkjavöru sem koma
leiknum ekkert við. Sýna í raun ekkert annað en hroka sponsorsins. Ekki er
lengur keppt í fyrstu deild heldur er nafn deildarinnar til sölu. Eimskipafé-
lagsdeildin eða Always-Ultradeildin. Ég sé ekki mikinn mun á sjálfsvirðingu
vændiskvennanna sem hópast á heimsmeistarakeppnina og marga þeirra
sem hafa skipað sér í forystu íþróttahreyfingarinnar og bera ábyrgð á þess-
um subbuskap. Ég á erfitt með að sjá muninn á þeim sem selja sál sína eða
selja líkama sinn. Ég sé ekki betur en að fyrirmyndin, forystusveitin, hafi selt
sál sína. Fylgifiskarnir eru slæm sjálfsvirðing, lyfjamisnotkun, bjórþambarar,
fótboltabullur og vændiskonur. Dýrslegar hvatir ganga lausar og fótbolta-
leikir orðnir að hátíð aulanna. Fyrsta skrefið er að komast úr afneituninni og
horfa á þetta eins og það er svo hægt sé að liðsinna hreyfingunni í því góða
uppeldisstarfi sem þar þarf að fara fram.
Göfug hönnun
Jú, ég veit að þetta er ekki bara bundið við fótbolta eða íþróttir. Þar er þetta
vissulega áberandi. Við hönnuðir þurfa að glíma við sálarsöluna á hverjum
degi í starfi okkar. Það erum við sem höfum atvinnu að því að búa til þessa
sjónmengun. En það er til gott fólk þar eins og í íþróttahreyfingunni. Ímynd
fótboltans hefur oft verið vel hugsuð af góðum og göfugum hönnuðum
á ýmsum tímum. Verðlaunagripurinn til dæmis, bikarinn sem allstaðar er
keppt um, átti að minna manninn á það innsta og dýpsta í mannsálinni
sem einnig var það innsta og dýpsta í tilverunni í heild? Bikarinn táknaði
einstaklingseðlið sem víni hins guðdómlega anda er hellt í. (Nei, það er ekki
það sama og detta í það eftir góðan leik og sleppa dýrinu lausu og kaupa
sér mellu.) Þetta er líkingamál. Bikarinn er tákn líkama okkar og ytri fegurð-
ar og vínið táknar innri andlega uppljómun þar sem dyggðirnar taka við af
brestunum. Keppnisboltinn sjálfur þ.e.a.s. sá sem FIFA (Alþjóðaknattspyrnu-
sambandið) samþykkir er grundvallaður á sömu platonísku rúmmyndum
sem Buckmister Fuller hagnýtti sér, sá sem gerði kúluhúsin – eins og Ólafur
Elíasson myndlistarmaður hagnýtir sér útfærslur Einars Þorsteins Ásgeirs-
sonar á sömu rúmmyndum á nákvæmlega sama hátt. Það gilda hámarks
og lágmarkslengdir um stærð vallar en oftast er hann 105mx65m sem er
hlutfallið 1:1.516 sem er hið heilaga gullinsnið. Markstærðin 7.32mX2.44
er líka byggð á guðdómlegri hlutfallafræði. Þetta eru ferhyrningar byggðir
á fjórum þríhyrningum í hlutföllunum 3-4-5. Guðdómleg snilld. Lesiði bara
Da Vinci lykilinn.
Hreinsum til
Það þarf að hreinsa til og endurvekja ungmennafélagsandann. Ég sá ein-
hverstaðar niðurstöðu könnunar þar sem kom í ljós að almennt þekkir fólk
meira en 1000 lógó en innan við 10 trjátegundir. Þetta er ekki eðlilegt.
Það eru ekki allir fjármagnseigendur siðlausir grasasnar og það er ekki allt
markaðsfólk aular. Ég skora á hugsandi fólk í þessum stöðum – fólk sem
ráðstafar fjármagni, að íhuga málið. Ég ætla meira segja að lauma að ykkur
viðskiptaleyndarmáli. Því minna lógó – því betra umtal og blómlegri bis-
nís. Ef þið sleppið lógóinu alveg fáið þið himmneskt umtal beint frá hjarta
þeirra sem njóta stuðningsins. Því stærra lógó því meir hvíslar almenningur;
hrokagikkir, hórmangarar – ég get lofað ykkur því. Tökum höndum saman
og hreinsum upp þetta hrokafulla logo-drasl. Gefum íþróttum og menningu
kost á því að ná upp sjálfsvirðingu. Niður með hrokann! Styrkið íþróttir og
menningu nafnlaust og ykkar er himnaríki.
Mens sana in corpore sano!
Að selja sál sína og líkama
ALLT SEM fiIG VANTAR ER Á VISIR.IS/ALLT
n‡ vöru- & fljónustu-
skrá á visir.is