Fréttablaðið - 09.05.2006, Side 36

9. maí 2006 ÞRIÐJUDAGUR16
...að víkingaöldin er almennt talin
byrja árið 793 og enda árið 1066?
...að rétt fyrir aldamótin 800 fór að
bera á víkingum víðs vegar í Evrópu?
...að samskipti þeirra við aðrar þjóðir
voru ekki einungis fjandsamleg?
...að þeir voru miklir verslunarmenn?
...að eins og við Íslendingar vitum
voru þeir miklir landkönnuðir?
...að víkingar námu land ekki bara
á Grænlandi, Íslandi, Færeyjum og
Norður-Ameríku heldur einnig á
Orkneyjum og Hjaltlandseyjum?
...að enn fremur settust þeir að víðs
vegar að í Evrópu meðfram ám og
ströndum?
...að þeir voru síðasti hlekkurinn í
þjóðflutningunum miklu 300-900?
...að verslunarveldi og áhrifasvæði
þeirra náði frá Nýfundnalandi í vestri
að Kænugarði í austri og frá Íslandi í
norðri að Norður-Afríku og Konstan-
tínópel í suðri?
...að norskir víkingar leituðu í vestur
og norður, Danir til Bretlands og
sænskir víkingar til austurs?
...að á þeim tíma batt samnorrænt
tungumál þessar þjóðir saman?
...að gullöld víkinganna lauk með
bardaganum við Stamford Bridge árið
1066?
...að þá sigraði Harold Englandskon-
ungur Harald Noregskonung?
...að sagan segir að eftir að Haraldur
hafði sigrað heri bæði Edwin af Mer-
kíu og Morcar af Norður-Umbríu náði
Harold að koma honum á óvart?
...að menn Haralds voru ekki tilbúnir í
bardaga og voru ekki brynjaðir?
...að úti í hinum víða heimi er ímynd
víkingsins skítugur maður með
hyrndan hjálm drekkandi blóð úr
höfuðkúpu?
...að aðeins örfáir viðhafnarhjálmar
með hornum hafa fundist?
...að þeir eru flestir frá bronsöld og
því líkast til ekki í notkun á víkinga-
tímanum?
...að hyrndi hjálmurinn er uppfinning
Götiska Förbundet sem var klúbbur
skálda og rithöfunda í Svíþjóð árið
1811? Markmið klúbbsins var að
stuðla að hærra siðgæði með vísun í
forna glæsta tíma.
...að víkingar voru mjög snyrtilegir?
...að þeir voru Evrópuþjóða fyrstir að
nota sápu?
...að einn algengasti forngripur vík-
ingaaldarinnar er greiða eða kambur?
...að misskilningurinn um höfuðkúpu-
drykkju er fenginn úr latínskri þýðingu
á Krákumáli frá 1636? Textinn segir að
drukkið sé: ór bjúgviðum hausa. Bjúg-
viðir hausa eru horn en í þýðingunni
er það einfaldlega hauskúpa.
VISSIR ÞÚ...
Skemmtilegast?
...að horfa á fótboltaleik sem Leeds er að vinna með konunni minni
og sonum, þar sem X-ið 977 er í botni í bakgrunni.
Leiðinlegast?
...að þurfa að svara svona spurninga dálkum um nákvæmlega ekki
neitt. Bara til þess að fá mynd af sér í blöðunum og kannski
smá plögg fyrir útvarpsstöðina sem maður er að vinna á, þvlík
leiðindi. Af hverju getur fólk ekki bara notað í sér heilann og
hlustað á X-ið 977?
Leiðindi að koma fram í
tilgangslausum dálkum
ÞORKELL MÁNI PÉTURSSON,
ÚTVARPSMAÐUR Á X-INU 977.
SKEMMTILEGAST & LEIÐINLEGAST