Fréttablaðið - 16.05.2006, Blaðsíða 16

16. maí 2006 ÞRIÐJUDAGUR16
fréttir og fróðleikur
Stjórnarliðar settust niður
fyrir helgi og leituðu sátta
um frumvarp iðnaðarráð-
herra um Nýsköpunarmið-
stöð Íslands. Samkomulag
er ekki í augsýn. Andstæð-
ingar frumvarpsins vilja
taka byggðamálin út og
fresta afgreiðslu þeirra
til haustþings en sameina
Rannsóknastofnun bygging-
ariðnaðarins og Iðntækni-
stofnun.
„Í stað þess að láta Byggðastofnun
deyja drottni sínum eins og hún á
að gera skuli hún vera spyrt saman
við sæmilega heilbrigðar stofnanir
þannig að úr verði einn allsherjar-
bræðrabani... Byggðastofnun ()
skekkir samkeppnisstöðu fyrir-
tækja úti á landsbyggðinni með því
að styrkja sum fyrirtæki en önnur
ekki. Það er alltaf slæmt því menn
hafa tilhneigingu til að styrkja þau
fyrirtæki sem illa ganga, sem eru
illa rekin, og þau lenda þá í sam-
keppni við vel reknu fyrirtækin
sem verða undir. Það er ekki gott.“
Þannig mælti Pétur H. Blöndal,
þingmaður Sjálfstæðisflokksins,
við fyrstu umræðu á Alþingi um
frumvarp Valgerðar Sverrisdóttur
iðnaðarráðherra um stuðning við
tæknirannsóknir, nýsköpun og
atvinnuþróun.
Frumvarpið, sem felur í sér
sameiningu Iðntæknistofnunar,
Rannsóknastofnunar byggingar-
iðnaðarins og Byggðastofnunar
undir hatti Nýsköpunarmiðstöðvar
Íslands, hefur mætt mikilli and-
stöðu, ekki síst af hálfu allmargra
þingmanna Sjálfstæðisflokksins.
Pétur kallaði frumvarpið óskapnað
og líkti því við miðstýringarsjónar-
mið sem þóttu fín í Sovétríkjunum
1930 til 1950.
Eftir að Sigurður Kári Kristj-
ánsson og Einar Oddur Kristjáns-
son höfðu einnig lýst andstöðu sinni
lá kannski beint við að Helgi Hjörv-
ar þingmaður Samfylkingarinnar
spyrði: „Er Sjálfstæðisflokkurinn
ekki sá sem stendur að flutningi
þessa frumvarps og
styður hann að meiri hluta til þetta
sovétskipulag sem þingmaðurinn
kallar svo?“
Byggðahlutinn út?
Eftir því sem næst verður komist
hafa stjórnarliðar í meirihluta iðn-
aðarnefndar hist að minnsta kosti
einu sinni á óformlegum fundi fyrir
helgi til þess að reyna að sætta
sjónarmið. Ekkert er gefið upp um
hugsanlegar breytingar á frum-
varpinu. Ljóst má þó vera að lítil
sátt verður um frumvarp Valgerð-
ar óbreytt og því líklegt að allir
þurfi að gefa eftir, einnig Valgerð-
ur. Enn mætast stálin stinn og heim-
ildir eru fyrir því að staðið verði
fast við kröfu um að taka byggða-
stuðninginn út úr frumvarpinu og
fresta þeim þætti málsins til næsta
þings.
„Ég hef ekki útilokað lagfæring-
ar á frumvarpinu,“ segir Valgerð-
ur, sem er þess fullviss að það verði
afgreitt sem lög í næsta mánuði.
Alls hafa um sjötíu stofnanir,
félagasamtök, fyrirtæki og aðrir
aðilar gefið iðnaðarnefnd Alþingis
umsögn um frumvarpið. Andstað-
an er sögð yfirgnæfandi. Bænda-
samtökin hafa efasemdir. Það hafa
Samök atvinnulífsins og Samtök
iðnaðarins einnig og gagnrýna
mörg atriði frumvarpsins í félagi
við Alþýðusamband Íslands svo
sem Fréttablaðið hefur greint frá.
Andsnúnar umsagnir
Félög verkfræðinga og tæknifræð-
inga lýsa andstöðu við óbreytt
frumvarpið og svo mætti áfram
telja. „Við áttum okkur ekki á því
hvers vegna blanda á saman
byggðamálum og tæknirannsókn-
um,“ segir Steinar Friðgeirs-
son, formaður Verkfræð-
ingafélags Íslands. „Við
erum fylgjandi því að
sameina Rannsókna-
stofnun byggingariðn-
aðarins og Iðntækni-
stofnun, staðsetja þær í
Vatnsmýrinni og tengja
starfsemina við rann-
sóknastarfsemi háskól-
anna. Við sjáum ekki
hvernig efla á tæknirann-
sóknir og byggðamál
undir sama hattinum,“
segir Steinar og
bætir við að
tæknirannsóknir geri engan grein-
armun á landsbyggð og höfuðborg-
arsvæði.
Verkfræðingafélagið leggur
reyndar til að svæða- og byggða-
rannsóknir tengist háskólanum á
Akureyri og jafnvel háskólanum á
Bifröst. „Við leggjum til að lagt
verði fram nýtt frumvarp sem hafi
það skýra markmið að efla tækni-
rannsóknir á Íslandi,“ segir Steinar
Friðgeirsson.
Valgerður föst fyrir
Valgerður Sverrisdóttir iðnaðar-
ráðherra er þessum sjónarmiðum
ósammála. „Ég vil ekki taka neina
kollsteypu með þetta frumvarp. Í
því felst ákveðin heildarhugsun.
Það veldur ruglingi að margir
halda að Byggðastofnun hafi eitt-
hvað annað hlutverk en hún hefur.
Hún fæst við atvinnuþróun á
landsbyggðinni og allt þetta geng-
ur út á að í landinu verði heildstæð
atvinnuþróunarstefna. Í þessu
efni á ekki að gilda eitt fyrir lands-
byggðina og annað fyrir þéttbýlið.
Þá skiljum við landsbyggðina eftir
og bilið mun breikka. Þeir sem
lengst fara gegn þessu vilja ekki
nein opinber afskipti af atvinnu-
þróun og það er eitthvað sem ég
get ekki samþykkt. Mér sýnist
heldur ekki að umsagnir til iðnað-
arnefndar séu allar á sama veg,“
segir iðnaðarráðherra.
FRÉTTASKÝRING
JÓHANN HAUKSSON
jóhannh@frettabladid.is
������������������������������������������������������
�� ��������������������������������������������������������������
������ ������������������������������������������������������
������������������������������������������������������������
��������������������������������������������������������������
������������������������������������������������������������
�������������������������������
��������������������������������������������
������������������������������������������������������������������
��������������������������������������������������������
�������������������������������������������������������������������
1.890.000,- Beinskipt - 1.6 lítra
Nýr, fallegri og miklu
betri Opel.
Það má segja ýmislegt
um Þjóðverja...
Mánaðargreiðsla 23.061,-*
���������������� ������������������������� �����������������
...en þeir hafa klárlega
vit á bílum.
HOFSÓS Stuðning við tækniþróun þarf ekki nauðsynlega að tengja við byggðaþróun, að
mati margra sem skilað hafa iðnaðarnefnd Alþingis umsögn um frumvarpið.
PÉTUR BLÖNDAL
SJÁLFSTÆÐIS-
FLOKKI
„Byggðastofn-
un skekkir
samkeppnis-
stöðu fyrir-
tækja úti á
landsbyggð-
inni með
því að styrkja
sum fyrirtæki
en önnur ekki.“
VALGERÐUR SVERRISDÓTTIR
IÐNAÐARRÁÐHERRA
Atvinnulíf á landsbyggðinni
dregst að mati Valgerðar
aftur úr ef byggðamálin
verða ekki tengd háskól-
unum og rannsókna-
stofnunum.
Togast á um nýsköpun
Réttarhöld yfir fimm búlgörskum kvenkyns
hjúkrunarfræðingum og einum karlkyns lækni
frá Palestínu hófust í Líbíu á ný á fimmtudag.
Fólkið er sakað um að hafa viljandi sýkt yfir 400
líbísk börn af HIV-veirunni á líbísku sjúkrahúsi
í Benghazi-héraði í misheppnaðri tilraun til að
finna lækningu við eyðni. Talsmenn fólksins
segja það saklaust og að rekja megi raun-
verulega orsök smitsins til ónógs hreinlætis
á sjúkrahúsinu. Fólkið var handtekið í febrúar
1999 og dæmt til dauða árið 2004, en Hæsti-
réttur Líbíu ákvað að taka bæri málið upp á ný.
Hver er staða sakborninganna?
Sumt af fólkinu viðurkenndi sekt sína meðan
á yfirheyrslum stóð, en öll hafa dregið játingar
sínar til baka og segja þær hafa verið knúnar
fram með pyntingum. Fyrir ári var réttað í máli
lögreglumannanna sem komu að yfirheyrslun-
um og þeir allir sýknaðir. Erlendir vísindamenn
hafa kannað málið og bent á að smitin hafi
líklega byrjað áður en sexmenningarnir hófu
störf á sjúkrahúsinu
Innanríkismál?
Minnst 426 börn smituðust af HIV-veirunni og
hafa 51 þeirra látist úr eyðni síðan þá, og hafa
fórnarlömbin og fjölskyldur þeirra kallað eftir
hefnd. Forseta Líbíu, Muammar Gadhafi, hefur
átt í erfiðleikum með stjórn í Benghazi-héraði.
Því telja sumir að erlenda hjúkrunarfólkið sé
blórabögglar sem líbísk stjórnvöld ætli sér að
nota til að ná frekari völdum í héraðinu.
Framhald málsins?
Líbísk stjórnvöld gáfu í skyn árið 2004 að ef
Búlgaría færði sjúklingunum og fjölskyldum
þeirra skaðabætur, þá myndu yfirvöld milda
dóminn. Búlgörsk yfirvöld neituðu að verða við
þeirri bón því slíkt myndi sýna að þau teldu
hjúkrunarfræðingana seka. Þó hafa búlgörsk
yfirvöld unnið staðfastlega að málinu á bak viö
tjöldin í samvinnu við Sameinuðu þjóðirnar,
Evrópusambandið og Bandaríkin, og hefur
alþjóðlegur sjóður verið settur á stofn til að
greiða sjúklingunum og fjölskyldum þeirra
skaðabætur, án þess að nokkurt ríki gefi sekt
hjúkrunarfólksins í skyn.
FBL GREINING: RÉTTAÐ YFIR HEILBRIGÐISSTARFSMÖNNUM Í LÍBÍU
Sögð hafa smitað börn af HIV-veirunni
Svona erum við
> Fjöldi fólks í Ásatrúarfélaginu 1996 til 2005
Heimild: Hagstofa Íslands
1996 2002 2005
77
7
95
3
Fj
öl
di
1999
26
3
30
1