Fréttablaðið - 12.07.2006, Page 14

12. júlí 2006 MIÐVIKUDAGUR14
nær og fjær
„ORÐRÉTT“
Glerfínar gluggafilmur
– aukin vellíðan á vinnustað
R
V
62
09
Opn
una
rtím
i
í ve
rslu
n RV
:
Mán
udag
a til
föstu
daga

frá k
l. 8:0
0 til
18:0
0
Laug
arda
ga f
rá
kl. 1
0:00
til 1
4:00
Byrja fyrr
„Stuðið byrjar svo seint hér
í Reykjavík og því er þetta
kjörnn vettvangur fyrir
þá sem vilja byrja kvöldið
aðeins fyrr og kynnast nýju
fólki.“
ZENO KEILHACHER OG JOSE ROD-
RIGUEZ BJÓÐA UPP Á SKIPULAGT
PÖBBARÖLT UM HELGAR Í REYKJA-
VÍK. FRÉTTABLAÐIÐ, 11. JÚLÍ.
Mikil ábyrgð
„Vandamálið er náttúrulega
sú staðreynd að samfélaginu
í heild sinni virðist þykja
í lagi að fimmtán, sextán
ára krakkar fari með leyfi
foreldra hingað og þangað
um landið og drekki áfengi í
tvo til þrjá sólarhringa.“
TÓMAS GUÐMUNDSSON,
MARKAÐS- OG ATVINNUFULLTRÚI
AKRANESKAUPSTAÐAR, SEGIR
FORELDRA BERA MIKLA ÁBYRGÐ
VARÐANDI UNGLINGADRYKKJU.
MORGUNBLAÐIÐ, 11. JÚLÍ.
„Ég var bara að koma úr fríi og komin á fullt í vinnunni
aftur,“ segir Hólmfríður Anna Baldursdóttir, upplýsingafulltrúi
UNICEF á Íslandi. Hún er búin að vera erlendis í sex vikur og
segist nú þurfa að vinna það sem eftir er, enda búin að taka
út allt fríið fyrir þetta árið.
„Ég var í Taílandi, Kambódíu og Víetnam en þar á undan
heimsótti ég verkefni UNICEF í Gíneu-Bissá,“ segir Hólm-
fríður Anna. Henni þótti mjög gaman að skoða verkefnið í
Gíenu-Bissá sem landsnefnd UNICEF hér á landi hefur unnið
mikið að. Þótt verkefni UNICEF snúi helst að börnum segir
Hólmfríður Anna að það sé merkileg upplifun að fylgjast
með því hvað til dæmis bygging skóla hefur mikil áhrif á allt
þorpið. „Það er hægt að gera svo mikið fyrir litla peninga í
landi eins og Gíneu-Bissá þar sem veruleikinn er einhvern
veginn allt annar en við þekkjum hér á landi. Okkur var
líka vel tekið og allir svo glaðir og ánægðir. Þetta var alveg
ótrúleg upplifun og bara svo mikils virði að sjá brosið á litlu
barni,“ segir Hólmfríður Anna.
Ferðalagið um Taíland, Kambódíu og Víetnam
fór Hólmfríður Anna á eigin vegum og þótti
henni athyglisvert að sjá hvað UNICEF er
með víðtækt og áberandi starf í þeim
heimshluta. „Sérstaklega í Kambódíu sá ég
mikið af UNICEF-verkefnum. Það er mjög
fátækt land þar sem eru mörg börn.“
Forvitnileg verkefni eru einnig fram-
undan hjá UNICEF á Íslandi. „Barnahjálp
Sameinuðu þjóðanna á Íslandi undirbýr
nú undirritun framtíðarsamnings við
UNICEF og mun framkvæmdastjóri
samtakanna, Ann M. Veneman, heim-
sækja landið af því tilefni. Samningur-
inn verður undirritaður á föstudaginn
og alveg nóg að gera í kring um það,“
segir Hólmfríður Anna Baldursdóttir.
HVAÐ ER AÐ FRÉTTA: HÓLMFRÍÐUR ANNA BALDURSDÓTTIR UPPLÝSINGAFULLTRÚI UNICEF Á ÍSLANDI
Nýkomin heim frá Afríku og Asíu
Um gjörvallt land liggja
ungmenni með nefið ofan
í blómabeðum. Sumarið er
tími vinnuskólans, þar sem
ungt fólk lærir að munda
garðáhöld, sláttuvélar og
fleira í þeim dúr. Útivinnan
er holl og góð þótt hverfult
veðrið geti stundum sett
strik í reikninginn.
Í Fossvoginum sat hópur ung-
menna í beði þegar blaðamann bar
að. Var þar á ferðinni blandaður
hópur nemenda í áttunda og tíunda
bekk sem vann með verkfærum
og fingrunum á þéttum arfabreið-
um. Áttundu bekkingarnir vinna
hálfan daginn í Vinnuskólanum en
eldri krakkarnir vinna fullan sjö
stunda vinnudag, alveg sama
hvernig veðrið er.
„Veðrið var aðeins verra í
morgun. Það er alls ekki svo
slæmt núna,“ segir Bergur Gunn-
arsson, sem hreinsar arfa með
sköfu. „Við reytum arfa og hreins-
um stundum dauð tré,“ segir
Davíð Steinn Sigurðarson,
aðspurður um hvernig vinnudag-
urinn gangi fyrir sig. Þeir Bergur
og Davíð eru í áttunda bekk og
eru því í hóp sem vinnur fyrir
hádegi þetta tímabil. Félagarnir
eru báðir í Fossvogsskóla og segj-
ast vinna í kringum skólann og í
hverfinu en krakkarnir sem vinna
með þeim í hópum eru langflestir
líka úr hverfinu.
Þeir vilja ekki kannast við að
það sé leiðinlegt að reyta arfa
allan daginn. „Þegar maður er
með vini sínum er þetta allt í lagi,
sko,“ segir Bergur. Þeir viður-
kenna að stundum sé freistandi að
þykjast vinna til að geta talað
meira saman en hópurinn sem
þeir eru í sé almennt mjög dugleg-
ur. Stundum segjast þeir líka vera
verðlaunaðir fyrir að standa sig
vel. „Þá fáum við að fara fyrr í
kaffi,“ bætir Davíð við.
Sólin hefur ekki látið mikið sjá
sig í sumar og unglingavinnuhóp-
urinn hefur tekið eftir því. Hrund
Jóhannesdóttir hefur ekki svör
við spurningu blaðamanns um
hvað sé gert í vinnuskólanum
þegar sólin skín. „Það er ekki búið
að vera nein sól,“ segir hún en
bætir þó við til útskýringar að hún
hafi verið í Danmörku og misst af
þessum örfáu dögum þegar sólin
lét sjá sig. Bergur og Davíð segja
að þeir mæti bara aðeins létt-
klæddari þegar veðrið er betra og
fullyrða að það sé betra að vinna
þegar veðrið er gott. Hrund segist
helst vilja að veðrið myndi vera
betra í sumar en segir þó að það sé
alveg fínt að vinna í unglingavinn-
unni. Hún segist þó ekki reyta
arfann í garðinum sínum eftir
vinnu heldur lætur aðra sjá um
það.
„Þau eru dugleg í dag, en veðr-
ið er ekkert sérstaklega gott svo
það er aðeins meiri leti í dag en
aðra daga. Dugnaðurinn fer dálít-
ið upp og niður því veðrið má ekki
vera of gott heldur,“ segir Guð-
mundur Hreiðarsson sem leiðbein-
ir hópnum. Að sögn Guðmundar er
leiðbeinandastarfið skemmtileg
og kærkomin tilbreyting að kom-
ast út á sumrin eftir langan vetur
yfir skólabókunum. Arfinn er þó
ekki það eina sem hópurinn tekur
sér fyrir hendur því tvisvar á
hverju sumri eru haldnir svokall-
aðir fræðsludagar þar sem vinnan
er brotin upp með ferðum. „Við
vorum einmitt í gær í Listasafni
Reykjavíkur, allan daginn að fræð-
ast um list,“ segir Guðmundur
Hreiðarsson.
Reyta arfa í skini og skúrum
Á BÓLAKAFI Í BEÐINU Að sögn Guðmundar Hreiðarssonar leiðbeinanda er gert meira í Vinnuskólanum en bara að reyta arfa því vinnan er
brotin upp með fræðsludögum þar sem áhöldin fá að víkja fyrir listfræðslu eða annarri skemmtun. FRÉTTABLAÐIÐ/VILLI
DAVÍÐ STEINN SIGURÐARSON OG BERGUR GUNNARSSON Félagarnir
kannast ekki við að það sé leiðinlegt að reyta arfa og leggja áherslu
á að í góðum félagsskap sé unglingavinnan alls ekki slæm.
HEFUR EKKI SÉÐ TIL SÓLAR Í SUMAR Hrund Jóhannesdóttir segir
að ekki hafi sést til sólar á meðan hún hefur unnið en þó fylgir
sögunni að hún er búin að vera í Danmörku í sumar.
Á morgun býður Borgarbókasafn
Reykjavíkur til kvöldgöngu um
gamla kirkjugarðinn við Suður-
götu. Skáldin og bókaverðirnir
Einar Ólafsson og Jónína Óskars-
dóttir leiða gönguna sem ber yfir-
skriftina ljóðin í garðinum.
Í Hólavallagarði hvíla mörg
skáld og ætla Jónína og Einar að
leiða gesti um garðinn og staldra
við hjá nokkrum þessara skálda.
Af þeim verða sagðar sögur og
lesið úr verkum þeirra. Einnig
verður farið að minningarreit um
franska sjómenn og vökumaður
garðsins heimsóttur svo eitthvað
sé nefnt.
Lagt verður af stað frá Gróf-
inni, á milli aðalsafns Borgarbóka-
safns og Listasafns Reykjavíkur
klukkan 20. Óþarft er að skrá sig í
gönguna og eru allir velkomnir.
Hún er hluti af göngudagskrá
menningarstofnana borgarinnar,
Kvöldgöngur úr Kvosinni, sem
farnar eru á hverjum fimmtudegi.
Boðið er upp á göngurnar annað
árið í röð en auk Borgarbókasafns-
ins eru það Listasafn Reykjavíkur,
Ljósmyndasafn Reykjavíkur og
Minjasafn Reykjavíkur sem
standa að viðburðinum.
Næstu fimmtudaga verður
meðal annars gengið á slóðir Skúla
Magnússonar, útilistaverk borgar-
innar skoðuð og litið á miðbæinn í
myndum. Kvöldgöngum úr Kvos-
inni lýkur svo 17. ágúst þegar öll
söfnin bjóða í óvissuferð.
Gengið um
Hólavallagarð
RÁÐHERRA FÉKK EINTAK Ragnar Bjarnason
tónlistarmaður afhenti í gær Einari K.
Guðfinnssyni sjávarútvegsráðherra eintak
af nýjustu plötunni sinni. Á plötunni,
sem nefnist Vel sjóaður, syngur Ragnar
sjómannalög. FRÉTTABLAÐIÐ/HEIÐA