Fréttablaðið - 19.08.2006, Blaðsíða 80

19. ágúst 2006 LAUGARDAGUR52
Í Verinu undir Loftkastal-
anum æfir unglingahljóm-
sveit í tilvistarvanda. Þar
eru gítar, bassi, trommur
og hljóðnemi en hvað gerist
þegar stelpa mætir á æfing-
una?
Leikritið Purpuri fjallar um ungl-
ingsárin og músíkina en kannski
mest um vandann við að tjá sig.
Verkið er eftir norska leikskáldið
Jon Fosse en þýðandi þess, Álfrún
Helga Örnólfsdóttir leikkona,
heillaðist af skrifum hans þegar
hún sá verk eftir hann sett upp á
leiklistarhátíð á meginlandinu.
Álfrún útskýrir að áhugasamir
ungir leikarar hafi leitað til Frið-
riks Friðrikssonar leikstjóra í leit
að verðugu verkefni og þá hafi
hún bent þeim á Purpura. „Ég
stakk upp á þessu verki og þau
samþykktu það eftir að hafa lesið
það á ensku. Þá sótti ég mér
frumhandritið á norsku og sett-
ist við að þýða. Þetta verk
tekur aðeins 40 mínútur í
flutningi og þýðingin gekk mjög
vel.“
Purpuri er nýlegt verk og skrif-
að fyrir unga leikara. „Verkið
hentar þessum leikhóp mjög vel
því það fjallar um unglingahljóm-
sveit. Viðfangsefnið er eitthvað
sem allir kannast við, unglingsár-
in og öll þessi vandamál við að tjá
sig ¿ finna ekki réttu orðin og allt
það. Okkur fannst spennandi að
takast á við þetta saman.“ Álfrún
útskýrir að leikarahópurinn eigi
það sameiginlegt að hafa kynnst í
gegnum leikfélagið Herranótt í
MR. „Þau hafa verið mjög virk í
því starfi en Friðrik kynnist þeim
þegar hann leikstýrði Herranótt í
fyrra. Þetta eru fimm leikarar og
alveg ótrúlega hæfileikarík-
ir krakkar með þvílíkan
eldmóð, kraft og hug-
rekki, þetta er alveg
rjóminn af Herra-
næturliðinu.“
Verkið hefur
einnig fengið við-
eigandi rými því
Verið undir Loft-
kastalanum er
kjörið æfinga-
húsnæði. „Þetta
er risastór
skemma sem
var eitt sinn verksmiðja en hefur
verið notuð sem kvikmyndaver og
fyrir alls konar stórar uppákomur.
Þetta er frekar hrár staður en
verkið á líka að gerast í köldu og
dimmu rými,“ útskýrir Álfrún.
Tónlistin skipar mikilvægan
sess í verkinu og Álfrún útskýrir
að leikararnir séu nokkuð liðtækir
tónlistarmenn. „Ég held þau séu
öll glamrandi inni í bílskúr heima
hjá sér, ýmist ein eða með vinum
sínum. Maður þarf stundum að
biðja um hljóð á æfingum því það
eru allir sestir niður og byrjaðir
að spila. Hver veit nema það verði
hljómsveit úr hópnum eftir að
sýningum lýkur.“
Sýningartímabilið er fremur
knappt enda hefur hópurinn í nógu
að snúast. Sýningar eru kl. 21 öll
kvöld til 23. ágúst en tvær sýning-
ar verða á Menningarnótt í kvöld
kl. 20 og 21.30 og þá er líka frítt
inn, en annars má panta miða í
síma 867-2476.
Álfrún segist vel geta hugsað
sér að þýða meira í framtíðinni en
hún á ekki langt að sækja áhugann
því faðir hennar er þýðandi. „Ég
er leikkona eins og mamma og svo
er ég líka að reyna að vera þýð-
andi eins og pabbi svo ég sé ekki
að taka eitt fram yfir annað.“ - khh
ÁLFRÚN HELGA ÖRNÓLFSDÓTT-
IR LEIKKONA Á ekki langt að
sækja áhugann á þýðingum.
Gítar, bassi og trommur
Stórsveitin Jagúar fagnar átta
ára afmæli sínu og heldur tón-
leika á skemmtistaðnum Café Oli-
ver í nótt en sveitin var stofnuð á
Menningarnótt árið 1998. Fönkið
hefst á miðnætti og stendur eitt-
hvað út í nóttina en að sögn Sam-
úels Samúelssonar, básúnuleik-
ara Jagúars, er hljómsveitin
nýkomin úr vinnubúðum og með
fullt af nýju efni. „Við erum að
leggja grunn að nýrri plötu og
ætlum að spila það aðeins til. Svo
er líka nýr trommari genginn til
liðs við okkur.“ Sveitina skipa nú
auk Samúels þeir Kjartan Hákon-
arson, Ingi Skúlason, Einar
Scheving og bræðurnir Óskar og
Ómar Guðjónssynir.
„Við munum senda frá okkur
nýtt efni á næstunni, eitt til tvö
lög, en síðan kemur vonandi út
plata með nýja árinu,“ segir
Samúel og bætir því við að gestir
Olivers mega búast við góðu
grúvi eða villtu stuði á hinni eig-
inlegu Menningarnótt. - khh
Afmælisfönk á Café Oliver
HLJÓMSVEITIN JAGÚAR Von á nýju efni og heljarinnar afmælisfönkveislu á Oliver í nótt. Á
myndina vantar Einar Scheving, trommuleikara.
Aðsóknarmesta sýning
síðasta leikárs!
Drepfyndinn
gamanleikur í Reykjavík!
Miðasala er þegar hafin!
Miðasala í síma 551 4700 // opið 13:00-17:00 // www.midi.is //Austurbæjarbíó – Snorrabraut 37
Næstu sýningar:
Föstudaginn 18. ágúst kl. 20:00
Laugardaginn 26. ágúst kl. 19:00
Laugardaginn 26. ágúst kl. 22:00
Á ÞAKINU
24. ágúst - kl.20:00 - Örfá sæti
25. ágúst - kl.20:00 - Uppselt
31. ágúst - kl.20:00 - laust sæti
LEIKHÚSTILBOÐ
Tvíréttaður matur, miði og frítt
í Göngin til baka í boði
Landnámsseturs
Frá kr. 4000 - 4800
MIDAPANTANIR Í SÍMA 437 1600
Sýnt í Landnámssetri
í Borgarnesi
Laugardag 19. ágúst kl. 20 Örfá sæti laus
Sunnudag 20. ágúst kl. 15 Uppselt
Sunnudag 20. ágúst kl. 20 Uppselt
Föstudag 25. ágúst kl. 20 Uppselt
Laugardag 26. ágúst kl. 20 Laus sæti
Laugardag 2. september kl. 20 Uppselt
Sunnudag 3. september kl. 15
Sunnudag 3. september kl. 20
Fimmtudag 7. september kl. 20
Föstudag 8. september kl. 20
Laugardag 9. september kl. 20
Sunnudagur 10. september kl. 16
Föstudagur 15. septemberkl. 20
Laugardagur 16. september kl. 20
Bavaria, hollenskur gæðabjór:
Kom best út
í blindprófun
Bavaria bjórinn kom best út í könnun sem hollenska
dagblaðið De Telegraaf gerði á dögunum.
10 vinsælar tegundir af bjór voru prófaðar með
blindprófi og fékk Bavaria bjórinn hæstu einkunn.
LÉTTÖL
Viltu læra táknmál?
Námskeið í táknmáli hefjast 28. ágúst.
Skráning og nánari upplýsingar
í síma 562-7702 eða anney@shh.is
Samskiptamiðstöð heyrnarlausra og heyrnarskertra
www.shh.is
Í Reykjavík
er alltaf
eitthvað
sem er
nýjasta nýtt!
RJÓMINN AF LEIKARALIÐI HERRANÆTUR Leikhópurinn Jelena setur upp Purpura eftir Jon Fosse í Verinu. FRÉTTABLAÐIÐ/ANTON