Fréttablaðið - 19.08.2006, Blaðsíða 36

[ ]Að hringsóla um miðbæinn í mikilli umferð getur auðveldlega eyðilagt góða menningarskapið. Það borgar sig að nota þann stóra gula eða taka sér hressandi göngutúr í miðbæinn.
Reynsluakstur Saab 93 1,8t.
Það má segja að Saab sé næstum
því jafnþekkt fyrir herþotur sínar
og fyrir vinalega fólksbíla. Áhrifa
frá flugvélaframleiðslunni gætir
alla jafna í hönnun bílanna og Saab
93 (lesist „níu þrír“) er engin und-
antekning þar á.
Um leið og sest er inn í bílinn
blasir við mælaborð sem minnir á
stjórnklefa í flugvél. Ávalar línur,
skraut og prjál eru ekki á döfinni,
heldur stórt flatt borð með skýr-
um álestrarskjám og fjölda rofa
sem allir eru baklýstir í grænum
lit. Flott, einfalt, töff og pínu Top
Gun.
Fyrir mig skiptast flugferðir í
tvennt. Annars vegar er skemmti-
legt augnablik áður en vélin fer í
loftið, þegar allar vélar eru settar
í botn og maður þrýstist í sætið.
Hins vegar er restin af fluginu,
leiðinleg bið eftir að eitthvað ger-
ist. Það síðarnefnda á sem betur
fer ekki við um Saab 93 en augna-
blikið þegar 1,8 lítra túrbóvélin
tekur kipp úr kyrrstöðu er hins
vegar jafn skemmtilegt og í flug-
inu.
Mótorinn skilar 150 hestöflum
og togar 240 Nm, hvort tveggja
nóg til að gæða bílinn mjög sport-
legum eiginleikum. Við bætist að
eyðslan í reynsluakstrinum var 6-
10 lítrar á hundraði, sem er ósköp
viðunandi í sprækum bíl með 5
þrepa sjálfskiptingu. Beinskipt-
ing, stærri vél og dísilvél eru einn-
ig í boði.
Af bílum í sínum flokki er Saab
93 einna öruggastur og þrátt fyrir
sex árekstrarpúða, virka höfuð-
púða og úthugsaða yfirbyggingu
er það stöðugleikabúnaðurinn sem
stendur upp úr. Hann samanstend-
ur af ABS hemlalæsivörn, ESP og
nokkrum skammstöfunum í við-
bót sem sameinast við að aðstoða
ökumanninn við að aka bílnum
fumlaust og örugglega við hvaða
aðstæður sem er.
Ein af sérstöðum bílsins eru
ReAxs afturhjólin. Til að koma í
veg fyrir undirstýringu (þegar
bíllinn beygir minna en hann ætti
að gera) eru afturhjólin látin
beygja örlítið með framhjólunum.
Afraksturinn er hins vegar til-
hneiging til yfirstýringar (beygir
meira en hann ætti), sem er tölu-
vert erfiðari fyrir hversdagsöku-
menn en undirstýring. Við sér-
stakar aðstæður, eins og þegar
ekið er yfir ójöfnu í beygju, missir
maður tilfinningu fyrir veginum
eitt augnablik ef maður er óvanur
bílnum.
Fjöðrunin kom mjög skemmti-
lega út á malarvegi en tryggir
mjúkt og þægilegt ferðalag á mal-
biki. Stýrið er létt og þægilegt inn-
anbæjar, en sportlegri vélinni
hefði passað þyngra stýri á vegum
úti.
Fyrir bíl í millistærð er Saab 93
laglegur, skemmtilegur og á frek-
ar sanngjörnu verði, sérstaklega
ef horft er til hversu öruggur hann
er. einareli@frettabladid.is
Þægileg og örugg
herþota til hversdagsnota
Í stýrinu eru stjórntæki fyrir útvarp og
einnig síma sem hægt er að kaupa með
bílnum.
Litli upplýsingaskjárinn við framrúðuna
gegnir margvíslegu hlutverki og er skýr og
þægilegur aflestrar.
Glasahaldarar fyrir aftursætisfarþega falla
inn í sætið þegar ekki er verið að nota þá.
Innréttingin er óvenjuleg en ágætlega
lukkuð. Hanskahólfið er með því stærra
sem gerist.
Bíllinn er laglegur á að líta, nútímalegur og sportlegur, en þó svo yndislega mikill Saab. FRÉTTABLAÐIÐ/GVA
SAAB 93
Vél: 1,8 l m/forþjöppu
150 hestöfl / 240 Nm
Eyðsla, bl. akstur: 7,7 l/100 km
0-100 km/klst: 9,5 sek.
Þyngd: 1.440-1.570 kg
Farangursrými: 425 lítrar
PlÚS
Þægilegur í notkun
Mjög gott stöðugleikakerfi
Öruggur
Bílstjórasæti stillanlegt í hæð
MÍNUS
Stýri heldur of létt
Hættir til yfirstýringar
Sæti mættu umlykja betur
Verð frá: 2.590.000 kr.
Verð prufubíls: 2.990.000 kr
REYNSLUAKSTUR
Bifreiðastillingin ehf. • Smiðjuvegi 40d • Sími 557 6400
Vissir þú að 90% af sjálfskiptingum
bila vegna hitavandamála?
Láttu skipta um olíu og síu á sjálfskiptingunni.
Sjálfskiptingar, stillingar og alhliða viðgerðir.
P
R
E
N
T
S
N
IÐ
HEILDARLAUSNIR
Í DRIFSKÖFTUM
Landsins mesta úrval
af hjöruliðum og
drifskaftsvörum
Jafnvægisstillingar
Vagnhöfða 7
110 Reykjavík
Sími: 517 5000