Fréttablaðið - 19.08.2006, Blaðsíða 90

19. ágúst 2006 LAUGARDAGUR62
FÓTBOLTI Fyrir um níu mánuðu, í
lokaleik Fredrikstad á tímabilinu í
norsku úrvalsdeildinni síðastliðið
haust, varð fyrirliðinn Dagfinn
Enerly fyrir óhugnanlegu slysi
þegar liðsfélagi hans lenti ofan á
honum eftir mikið krafs í vítateig
liðsins með þeim afleiðingum að
Dagfinn hálsbrotnaði og lamaðist
fyrir neðan háls. Sló þetta mikinn
óhug á norsku þjóðina og rigndi
heillaóskaskeytum í kjölfarið.
„Ég heyrði brak og hugsaði
með mér að eitthvað mikið væri
að,“ sagði Enerly í nýlegu sjón-
varpsviðtali en það er í fyrsta
skipti sem hann hefur tjáð sig
opinberlega um slysið. „Ég gat
ekki hreyft mig á nokkurn hátt.
Það var eins og allur líkaminn
væri dauður.“
Næstu fimm vikurnar þurfti
hann að vera tengdur við öndunar-
vél á sjúkrahúsi. „Þér finnst þú
vera dauður. Þú þarft að fá hjálp
til þess eins að lifa við slíkar
aðstæður,“ sagði Enerly. „Mér
tókst að koma út úr mér hljóðum
sem Mona kona mín skildi. Dag-
ana sem ég fékk heimsóknir var
hún túlkurinn minn en hún var hjá
mér alla daga. Ég var hræddur við
að vera einn. Hræddur við að eitt-
hvað myndi gerast.“
Hann sagði að þúsund hugsanir
hefðu leitað á sig. „Af hverju ég?
Ég hef aldrei gert flugu mein, ekki
satt? Og að þetta skuli hafa gerst á
knattspyrnuvelli. Knattspyrnan
er aðeins leikur og skemmtun.“
Enerly getur nú hreyft aðra
höndina og nú dreymir hann um
að geta klórað sér í hnakkanum.
„Þetta tekur sinn tíma. Það er ekk-
ert víst að þessir hlutir gangi til
baka. En maður á tvo möguleika í
stöðunni og annan þeirra notar
maður aldrei.“
Hver skyldi sá möguleiki vera?
„Að gefast upp. Þá ertu orðinn að
grænmeti.“
Enerly segir að hann sé jákvæð-
ur maður þó svo að þetta hafi
kúvent lífi hans. „Lífið er þess
virði að lifa því. Vonandi verð ég
gamall maður með sjö börn og
tjaldvagn.“ - esá
BORINN AF VELLI Dagfinn Enerly eftir leikinn örlagaríka í haust. NORDIC PHOTOS/AFP
Norðmaðurinn Dagfinn Enerly er lamaður fyrir neðan háls eftir slys í leik:
Óttaðist að vakna ekki aftur
FÓTBOLTI Carlos Dunga hefur valið
brasilíska landsliðshópinn sem
mætir liði Argentínu og Wales
dagana 3. og 5. september næst-
komandi. Báðir leikirnir verða í
London, sá fyrri gegn Argentínu á
heimavelli Arsenal, Emirates
Stadium, og sá síðari á White Hart
Lane, heimavelli Tottenham.
Allar helstu stjörnur liðsins
voru fjarverandi er liðið gerði 1-1
jafntefli við Noreg í Ósló í vik-
unni. Nú voru þeir Ronaldinhno og
Kaka aftur valdir í liðið en hvorki
Ronaldo né Adriano hlutu náð
fyrir augum landsliðsþjálfarans
nýja. Í staðinn valdi hann ungstirn-
ið Rafael Sobis sem í vikunni varð
suður-amerískur meistari með liði
sínu Porto Alegre. - esá
Brasilíska landsliðið:
Ronaldinho og
Kaka með á ný
RONALDINHO Sýnir listir sínar með brasil-
íska landsliðinu í næstu viku.
NORDIC PHOTOS/GETTY
FÓTBOLTI Enska úrvalsdeildin hefst
í dag og á Íslendingaliðið Reading
heimaleik gegn Middlesbrough.
Reading er nýtt í deildinni en tveir
íslenskir leikmenn eru í herbúð-
um þess, Ívar Ingimarsson og
Brynjar Björn Gunnarsson. Sá síð-
arnefndi gat ekki leikið með
íslenska landsliðinu gegn Spáni í
vikunni vegna meiðsla en hann er
þó klár í slaginn og er í leikmanna-
hópnum í dag.
Hermann Hreiðarsson er að
sjálfsögðu í leikmannahópi
Charlton sem heimsækir West
Ham. Heiðar Helguson og félagar
hans í Fulham eiga erfitt verkefni
fyrir höndum á morgun þegar þeir
mæta Manchester United. - egm
Brynjar Björn Gunnarsson:
Er tilbúinn í
slaginn í dag
BRYNJAR BJÖRN Er hér í æfingaleik gegn
Millwall í síðasta mánuði. NORDICPHOTOS/GETTY