Fréttablaðið - 23.08.2006, Qupperneq 74

23. ágúst 2006 MIÐVIKUDAGUR38
FÓTBOLTI Baldur Sigurðsson, leik-
maður Landsbankadeildarliðs
Keflavíkur, er nánast sjálfvalinn
leikmaður 14. umferðar deildar-
innar en hann skoraði bæði mörkin
í 2-1 sigri Keflavíkur á
Íslandsmeisturum FH á
sunnudag. Þetta var
aðeins annað tap FH í
sumar en Keflavík náði
með sigrinum að saxa á
forskot meistaranna niður
í átta stig en FH-ingar verða
engu að síður að teljast líklegir
sigurvegarar á mótinu í sumar
þegar fjórar umferðir eru eftir.
„Það var auðvitað mjög gaman
að því að vinna FH og ekki síður að
skora þessi mörk,“ sagði Baldur
við Fréttablaðið. Hann segir sum-
arið hafa verið gott, sérstaklega
eftir að liðið hafði náð að hrista af
sér slenið eftir fyrstu umferðirn-
ar. „Eftir að við komumst á skrið
hefur gengið mjög vel hjá okkur.
Það var einnig ævintýri að taka
þátt í Evrópukeppninni og erum
við núna að berjast fyrir því að
tryggja okkur þátttökurétt í henni
aftur. Það er skemmtileg viðbót
við sumarið og gaman að fara út og
reyna sig gegn sterkari
liðum.“
Keflavík hefur ekki
tapað í deildinni síðan
það mætti Fylki þann
12. júní síðastliðinn og
er því ósigrað í sjö leikj-
um í röð. „Það hefur eitthvað
smollið hjá okkur,“ segir Baldur
aðspurður um hið góða gengi liðs-
ins. „Vörnin hefur verið sterk og
miðjan góð. Svo hefur mikil sam-
keppni ríkt á milli framherjanna
um stöður í byrjunarliðinu og
keppast þeir við að nota sitt tæki-
færi vel og skora. Það er hið besta
mál og á meðan samkeppni er um
stöður í liðinu er gengið gott.“
Tapið gegn Fylki var þriðja tap
liðsins í röð á þeim tíma og segir
Baldur að þjálfari liðsins, Kristján
Guðmundsson, hafi aldrei misst
trúna á sínum mönn-
um þrátt fyrir að á
móti blési. „Hann
vissi alltaf hvað í
okkur bjó og það
var bara spurn-
ing um hvenær
þetta myndi
hrökkva í gang
hjá okkur.
Það hlaut að
koma að
því,“ sagði
Baldur.
Hann
hefur ekki farið varhluta af þeirri
miklu útrás íslenskra knattspyrnu-
manna og verið orðaður við
atvinnumennskuna. Hann segist
þó minnst vita um það sjálfur. „Ég
veit að hinir og þessir hafa verið
að fylgjast með leikjunum en ég
hef ekki heyrt nein nöfn. Þetta
kemur þá bara í ljós ef eitthvað
gerist.“
Baldur segir að Keflvíkingar
hafi farið í leikinn gegn FH fullir
sjálfstraust. „Við ætluðum allan
tímann að vinna þennan leik. Við
vissum að þeir voru í vandræðum í
bakvarðastöðunum og ákváðum að
keyra því stíft upp báða kantana.
Það tók þó sinn tíma að skora og
þegar það gerðist svöruðu þeir
strax fyrir sig. En við náðum að
skora svo annað mark undir lok
leiksins og var það afar ljúft.“
Keflavík er enn með í bikar-
keppninni og mætir Víkingum í
næstu umferð. En skyldi Baldur
hafa einhverja trú á því að FH gefi
það mikið eftir á lokasprettinum
að Keflavík eigi möguleika á að
hrifsa af þeim titilinn?
„Maður hefur nú alltaf trú á því
þó svo að líkurnar séu mjög litlar,“
segir hann í léttum dúr. „En þetta
er bara spurning um að við vinn-
um og þeir tapi. Við verðum bara
að hugsa um okkur og vona að þeir
hugsi um eitthvað annað en sjálfa
sig.“
eirikur.asgeirsson@frettabladid.is
BALDUR SIGURÐSSON Keflvíkingar fögnuðu sigrinum á FH vel og innilega. Hér er hann fyrir
miðri mynd. VÍKURFRÉTTIR/ÞORGILS
Vona að FH misstígi sig enn frekar
Baldur Sigurðsson er leikmaður 14. umferðar Landsbankadeildar karla að mati Fréttablaðsins. Hann skor-
aði bæði mörk Keflavíkur í 2-1 sigri á Íslandsmeisturum FH og hefur verið öflugur með liðinu í allt sumar.
LEIKMAÐUR
UMFERÐARINN
AR
LIÐ UMFERÐARINNAR
Sævar Þór Gíslason (2)
Daði Lárusson (2)
Haukur Ingi Guðnason
4-4-3
Hólmar Örn Rúnarsson (2)
Ingi Rafn Ingibergsson
Milos Glogovac (3) Bjarni Guðjónsson (5)
Sigurbjörn Hreiðarsson Baldur Sigurðsson (3)
Björgólfur Takefusa (3)
Bjarni Hólm Aðalsteinsson
VISA-bikar kvenna:
VALUR-STJARNAN 2-1
0-1 Björk Gunnarsdóttir (40.), 1-1 Katrín Jónsdóttir
(65.), 2-1 Rakel Logadóttir (80.).
BREIÐABLIK-FJÖLNIR 2-0
1-0 Erna Björk Sigurðardóttir (25.), 2-0 Edda Garð-
arsdóttir, víti (87.).
Meistaradeild Evrópu:
MACCABI HAIFA-LIVERPOOL 1-1
0-1 Peter Crouch (54.), 1-1 Colautti (63.)
Liverpool fer áfram, 3-2, samanlagt.
OSASUNA-HSV 1-1
1-0 Cuellar (6.), 1-1 DeJong (74.).
HSV fer áfram, 1-1, samanlagt.
RAUÐA STJARNAN-AC MILAN 1-2
0-1 Filippo Inzaghi (29.), 0-2 Clarence Seedorf
(79.), 1-2 Dokic (80.)
AC Milan fór áfram, 1-3, samanlagt.
BENFICA-AUSTRIA VÍN 3-0
1-0 Costa 821.), 2-0 Gomes (45.), 3-0 Petit (57.)
Benfica fór áfram, 4-1, samanlagt.
Enska úrvalsdeildin:
WATFORD-WEST HAM 1-1
1-0 Marlon King (63.), 1-1 Bobby Zamora (64.).
TOTTENHAM-SHEFFIELD UNITED 2-0
1-0 Dimitar Berbatov (7.), 2-0 J. Jenas (17.).
ÚRSLIT GÆRDAGSINS
HANDBOLTI Í gær var dregið í Evr-
ópukeppni bikarhafa og félags-
liða. Bikarmeistarar Stjörnunnar
drógust gegn króatíska liðinu
Agram Medvescak frá Zagreb.
Haukar, sem keppa í Evrópu-
keppni félagsliða, drógust á sama
tíma gegn tapliðinu í viðureign
HCM Constanta frá Rúmeníu og
ítalska liðsins Conversano en þau
mætast í forkeppni Meistaradeild-
arinnar.
Bæði íslensku liðin eiga útileik-
inn fyrst en hann verður spilaður
30. september eða 1. október og
heimaleikurinn er viku síðar. - hbg
Evrópukeppnin í handbolta:
Stjarnan fer
til Króatíu
FÓTBOLTI Breiðablik komst í gær í
úrslit VISA-bikarkeppni kvenna
þegar liðið sigraði Fjölni, 2-0. Fyr-
irfram var búist við nokkuð auð-
veldum sigri Blika en annað kom á
daginn. Erna B. Sigurðardóttir
kom Breiðablik yfir með marki
eftir hornspyrnu á 25. mínútu en
síðara markið kom ekki fyrr en á
87. mínútu þegar Edda Garðars-
dóttir skoraði úr vítaspyrnu. Loka-
tölur 2-0 en Fjölnisstúlkur geta
borið höfuðið hátt eftir frammi-
stöðu liðsins í gær.
„Fjölnir er með mjög gott lið og
þær áttu alveg skilið að fara í
úrslitaleikinn eins og við í dag,“
sagði markvörður Breiðabliks,
Þóra B. Helgadóttir.
„Þetta var bara mjög erfiður
leikur gegn góðu liði. Þetta Fjöln-
islið sýndi mikla baráttu og fínt
spil á köflum í dag,“ sagði Guð-
mundur Magnússon, þjálfari
Breiðabliks.
Aðspurður um úrslitaleikinn
gegn Val sagðist Guðmundur eiga
von á frábærum knattspyrnuleik
og hvatti alla áhugamenn um
knattspyrnu að mæta á leikinn.
„Við sjálf ætluðum okkur meiri
hluti á Íslandsmótinu í sumar en
bikarinn er eftir og hann ætlum
við að taka,“ bætti Guðmundur
við. Eitt er þó ljóst að Breiðabliks-
stúlkur þurfa að spila mun betur í
úrslitaleiknum ef þær ætla sér að
vinna hann. - dsd
Blikar í vanda með Fjölni:
Baráttuglaðar
Fjölnisstelpur
BARÁTTA Þær Greta Mjöll Samúelsdóttir
Bliki og Guðný Jónsdóttir Fjölniskona berj-
ast hér um knöttinn.FRÉTTABLAÐIÐ/STEFÁN
FÓTBOLTI Landsliðsframherjinn
Marel Jóhann Baldvinsson flaug
til Noregs í gær um leið og Breiða-
blik og Molde komust að sam-
komulagi um kaupverð á fram-
herjanum. Marel mun gangast
undir læknisskoðun í dag og gangi
hún að óskum mun hann skrifa
undir tveggja og hálfs árs samn-
ing við norska úrvalsdeildarfélag-
ið.
„Þetta verður spennandi. Þeim
er kunnugt um að ég geng ekki
fullkomlega heill til skógar og get
aðeins æft einu sinni á dag. Þeir
vilja skoða hnéð á mér betur og ég
veit í raun ekki hvernig þetta mun
fara og hvað þeir sætta sig við.
Það kemur allt í ljós eftir skoðun-
ina en ég er með báða fætur á jörð-
inni þangað til,“ sagði Marel við
Fréttablaðið í gær. - hbg
Blikar og Molde semja:
Marel kominn
til Noregs
MAREL JÓHANN Er markahæstur í Lands-
bankadeildinni en gæti hafa leikið sínn
síðasta leik fyrir félagið.FRÉTTABLAÐIÐ/ANTON
FÓTBOLTI Það verða Valur og
Breiðablik sem mætast í úrslitum
VISA-bikars kvenna í ár. Valur
lagði Stjörnuna, 2-1, á Valbjarnar-
velli og á sama tíma vann Breiða-
blik sigur á Fjölni, 2-0.
Aðstæður á Valbjarnarvelli í
gær voru vægast bágbornar –
hellirigning og nokkur vindur.
Ekki beint áhorfendavænt veður
og því mátti telja áhorfendur
leiksins á fingrum annarrar hand-
ar þegar flautað var til leiks.
Stjörnustúlkur fóru sér í engu
óðslega í upphafi leiks, lágu til
baka, leyfðu Val að sækja og ein-
beittu sér að því að verjast vel. Sú
ráðagerð gekk ágætlega því Vals-
stúlkur voru í nokkrum vandræð-
um með að opna vel skipulagða
vörn Stjörnunnar. Á sama tíma
náði Stjarnan nokkrum ágætum
skyndisóknum sem þær hefðu
getað nýtt betur. Lítið var um opin
færi en þau fáu sem komu voru
Valsstúlkna en Sandra Sigurðar-
dóttir varði ávallt vel í Stjörnu-
markinu.
Markalaust var í leikhléi en
Stjörnustúlkur byrjuðu síðari
hálfleikinn með látum og Björk
Gunnarsdóttir kom gestunum yfir
með laglegu marki eftir stungu-
sendingu.
Valsstúlkur spýttu í lófana eftir
markið og uppskáru jöfnunar-
mark á 65. mínútu þegar fyrirlið-
inn, Katrín Jónsdóttir, lyfti boltan-
um laglega yfir Söndru og í
markið. Valsstúlkur héldu áfram
að pressa að marki Stjörnunnar og
þær náðu loksins að komast yfir
tíu mínútum fyrir leikslok þegar
Rakel Logadóttir lyfti boltanum
laglega yfir Söndru á ný en Sandra,
sem átti stórleik, gat lítið gert við
mörkunum.
Yfir þetta áfall komust dauð-
þreyttar Stjörnustúlkur ekki og
eftirleikurinn því nokkuð auðveld-
ur fyrir Valsstúlkur sem fögnuðu
sanngjörnum sigri sem þær þurftu
þó að hafa mikið fyrir.
- hbg
Valur kominn í úrslit VISA-bikars kvenna eftir erfiðan sigur á Stjörnunni, 2-1:
Stjarnan veitti Val verðuga keppni
ÖLL SUND LOKUÐ Valsstúlkan Pála Marie Einarsdóttir leitar hér fyrir sér án árangurs en
Valur var lengi í vandræðum með að brjóta niður sterka Stjörnuvörn. FRÉTTABLAÐIÐ/STEFÁN
FÓTBOLTI Ensku bikarmeistararnir
í Liverpool komust í gær í riðla-
keppni Meistaradeildar Evrópu
þegar liðið gerði 1-1 jafntefli við
ísraelska liðið Maccabi Haifa í
seinni leik liðanna sem fram fór í
Kænugarði í gær. Fyrri leikur lið-
anna endaði með 2-1 sigri Liver-
pool og samanlögð úrslit úr leikj-
unum tveimur því 3-2.
Þrátt fyrir að Liverpool hefði
ráðið ferðinni í fyrri hálfleik var
staðan jöfn í hálfleik, 0-0.
Liverpool náði forystunni á 54.
mínútu þegar Peter Crouch skall-
aði boltann í netið eftir góðan und-
irbúning frá Jermaine Pennant.
Adam var þó ekki lengi í paradís
því 9. mínútum síðar jafnaði
Roberto Colautti metin fyrir
Maccabi Haifa þegar hann fylgdi
vel eftir skoti frá Xavier Ander-
son sem Jose Reina, markvörður
Liverpool, náði ekki að halda.
Reina kom hins vegar Liverpool
til bjargar stuttu síðar þegar hann
varði glæsilega skot frá Roberto
Colautti sem stefndi beint í netið.
„Þetta var erfiður leikur, þeir
sýndu og sönnuðu að þeir eru með
gott lið. Þetta var kannski ekki fal-
legur sigur en við erum komnir
áfram,“ sagði markaskorari Liver-
pool í leiknum, Peter Crouch.
Crouch mun fá samkeppni frá
Dirk Kuyt um sætið í liðinu í vetur
en hann segist njóta þess að spila
með Mark Gonzalez og Jermaine
Pennant á köntunum. „Það er gott
fyrir leikmann eins og mig að hafa
tvo góða vængmenn, ég þarf bara
að koma mér inn í vítateiginn. Það
er alltaf samkeppni hjá stórum
liðum og vonandi þrífst ég bara á
því,“ var haft eftir Peter Crouch.
- dsd
Liverpool slapp með skrekkinn gegn Maccabi Haifa í forkeppni Meistaradeildar Evrópu:
Liverpool komst naumlega áfram í riðlakeppnina
PETER CROUCH Fagnar markinu mikilvæga. FRÉTTABLAÐIÐ/GETTY IMAGES